Archive for the ‘యోగా చిట్కాలు’ Category

ఊర్ధ్వ సేతుబంధాసనం చేయు విధానం మరియు ఉపయోగాలు…

images (59)

ఊర్ధ్వ సేతుబంధాసనం:

సేతుబంధాసనం (2) లాగా చేయాలి.

శ్వాస నిండుగా తీసుకుంటూ కాళ్ళు పైకి తీసుకురావాలి.

నెమ్మదిగా కాళ్ళను క్రిందికి తెస్తూ పూర్వపుస్ధితికి రావాలి.

ఉపయోగం:

1. సేతుబంధాసనం ఉపయోగాలు దీనికి కలవు.

తిర్యక్ తాడాసనం చేయు విధానం మరియు ఉపయోగాలు…

images (77)

తిర్యక్ తాడాసనం:

పాదములు తగినంత దూరం ఉంచుము.

చెతులు పైకి తీసుకువెళ్ళి చేతివేళ్ళను కలిపి ఉంచాలి.

శ్వాసను వదలివేస్తూ ఒకవైపుకు రావాలి.

శ్వాస తీసుకుంటూ పైకి రావాలి.(పూర్వపుస్ధితికి రావాలి)

తర్వాత మరొకవైపు శ్వాస తీసుకుంటూ చేయాలి(5 సార్లు).

ఉపయోగం:

1. నడుము, మేరుదండముకు లాభదాయకం.

2. ఉదరసంబంధ వ్యాధులు, సయాటికా నయమగును, ఎత్తు పెరుగుదలకు ఉపయోగపడును.

3. చేతులు, చేతివేళ్ళకు బలం చేకూరును.

ఉష్టాసనం చేయు విధానం మరియు ఉపయోగాలు…

download (46)

ఉష్టాసనం:

వజ్రాసనంలో కూర్చోవాలి.

మోకాళ్ళ మీద నిలబడాలి.

చేతులను వెనుకకు తీసుకువెళ్ళి పాదములను పట్టుకొనవలయును.

సుధీర్ఘ శ్వాస తీసుకుంటూ శరీరాన్ని తలను వెనుకకు తీసుకుని వెళ్ళాలి.

ఉండగలిగిన మేర ఉండి పూర్వపుస్ధితికి రావాలి.(3 సార్లు)

ఉపయోగం:

1. గుండె, మేరుదండం, నడుము, చాతి, గర్భాశయం పటిష్టమవుతాయి.

2. థైరాయిడ్ సమస్య, సర్వాయికల్ సమస్య తొలగును.

3. ఋతుక్రమం సక్రమమగును. స్త్రీ ప్రసవం తర్వాత సాగిన అవయవములు త్వరగా పూర్వపుస్ధితికి వచ్చును.

4. ముఖం కాంతివంతమగును.

5. వయస్సు పెరుగుదల తగ్గినట్లుండును.

6. కాళ్ళు, తొడలు, చేతులు, భుజాలు బలోపేతమగును.

7. గొంతు సమస్యలు,శ్వాస సంబంధమైన ఆస్త్మా, అలర్జీ, సైనస్ వంటి సమస్యలు తొలగును.

నటరాజాసనము చేయు విధానం మరియు ఉపయోగాలు…

download (39)

నటరాజాసనము:

1. నిలబడి కుడికాలు వెనుకకు తీసుకుని చేతితో పాదం పట్టుకుని లాగాలి.

2. సుధీర్ఘ శ్వాస తీసుకుంటూ ఎడమచేయి ముందుకు చాపాలి.

3. తరువాత కాళ్ళను మార్చి చేయాలి.(3 సార్లు)

ఉపయోగం:

చేతులకు, కాళ్ళకు బలం చేకూరును.

వెన్నుముక సమస్యలు తొలగును. మూలశంక వ్యాధి నయమగును.

తులాసనం చేయు విధానం మరియు ఉపయోగాలు…

download (45)

తులాసనం:

పద్మాసనంలో కూర్చోవాలి.

అరచేతులు నేలకు త్రాకించి శరీరమును పైకి తీసుకురావాలి.

శ్వాసను నిండుగా తీసుకోవాలి.

ఉపయోగం:

1. చేతి కండరాలు, మేరుదండం బలోపేతమగును.

2. వెన్ను నొప్పి, కాళ్ళ నొప్పులు తొలగును.

3. శరీరం తేలిక అగును.

వాతాయనాసనం చేయు విధానం మరియు ఉపయోగాలు…

download (51)

వాతాయనాసనం:

1. మునివ్రేళ్ళు, మోకాళ్ళ మీద కూర్చొని ఉండాలి.

2. కుడి పాదము, ఎడమ కటిప్రదేశం దగ్గర ఉంచి కుడి మోకాలును నేలపై ఉంచాలి.

3. ఎడమ పాదము నిలబెడుతూ చేతుల సహాయంతో చేయాలి.

4. సుధీర్ఘ శ్వాస తీసుకుంటూ చేతులు పైకి తీసుకువెళ్ళవలయును.

5. కాళ్ళను మార్చి చేయుము(1 లేదా 3 సార్లు).

ఉపయోగం:

నడుము, వెన్నుముకకు లాభదాయకం.

కాళ్ళు, హేర్నియా సమస్యలు, మోకాళ్ళ సమస్యలు  తొలగును. పాదముల తిమ్మిర్లు తొలగును.

పర్వతాసనం చేయు విధానం మరియు ఉపయోగాలు…

download (36)

పర్వతాసనం:

1. పద్మాసనంలో కూర్చొని చేతులను పైకి తీసుకుని వెళ్ళి నమస్కారముద్రలో ఉంచాలి.

2. పిరుదులు పైకి లేపుతూ మోకాళ్ళ మీదకు రావాలి.

ఉపయోగం:

– ఏకాగ్రత, జ్ఞాపకశక్తి పెరుగుతుంది.

– పద్మాసన ఉపయోగాలు కూడా కలవు. మోకాళ్ళ నొప్పులు తొలగును.

గరుడాసనం చేయు విధానం మరియు ఉపయోగాలు…

download (40)

గరుడాసనం:

1. నిలబడి ఒక కాలిని సాధ్యమైనంతమేర వెనుకకు తీసుకురావాలి.

2. చేతులను పైకి తీసుకువెళ్ళి ఒకదానితో ఒకటి పెనవేస్తూ సుధీర్ఘ శ్వాస తీసుకుంటూ చేయాలి.

3. కాలిని, చేతులను మార్చి చేయాలి.(3 సార్లు)

ఉపయోగం:

సర్వాయికల్, థైరాయిడ్ తొలగును.

చేతులకు కాళ్ళకు లాభదాయకం.

నడుము, వెన్నుముక బలోపేతమగును.

పద్మాసనం చేయు విధానం మరియు ఉపయోగాలు…

images

పద్మాసనం:

కాలిమడమలు కటిప్రదేశానికి(తొడపై భాగం) త్రాకించి కూర్చోవాలి.

చేతులను ఒడిలో ఉంచాలి.

ఉపయోగం:

1. యోగసాధనకు, ధ్యానప్రక్రియకు అనువైన ఆసనం.

2. వెన్నుముక సమస్యలు తొలగి నిటారుగా తయారవుతుంది.

3. మేరుదండం బలోపేతమవుతుంది.

హస్తపాదాంగుష్టాసనం చేయు విధానం మరియు ఉపయోగాలు…

images (63)

హస్తపాదాంగుష్టాసనం:

1. నిలబడి ఎడమ చేతిని నడుముపై ఉంచాలి.

2. కుడికాలిని పైకి తీసుకుంటూ చేతితో బొటనవేలుపట్టుకొనవలెను.

3. కాలిని నిటారుగా లాగి పట్టుకుని నిలబడాలి.

4. కాలిని మార్చి చేయాలి (3 నుండి 5 సార్లు).

ఉపయోగం:

సయాటికా,వెన్నుముక సమస్యలు తొలగును.

కాళ్ళు, చేతులు, నడుముకు బలం చేకూరును.