వంటింటి చిట్కాలు

స్పినాచ్ పకోడ ఎలా తయారుచేయాలో చూద్దాం...

2018-08-16 19:27:39 suprajakiran

spinach_potato_pakora

కావల్సిన పదార్థాలు:

ఆకుకూర: 1కట్ట(సన్నగా తరిగిపెట్టుకోవాలి)

ఉల్లిపాయ: 1సన్నగా తరిగినవి

శెనగపిండి: 1cup

ఉప్పు: రుచికి సరిపడా

పచ్చిమిర్చి: 4-5సన్నగా తరిగిపెట్టుకోవాలి

కారం: 1/4tsp

కసూరి మేతి: 1tbsp

గరం మసాల: 1/2tsp

నూనె: 2 cups

తయారుచేయు విధానం:

1. ముందుగా పెద్ద మిక్సింగ్ బౌల్ తీసుకొని అందులో కట్ చేసుకొన్న ఆకు కూర, పచ్చిమిర్చి, ఉల్లిపాయ తరుగు వేయాలి.

2. ఇప్పుడు అందులోనే శెనగపిండి కూడా వేయాలి. తర్వాత ఉప్పు, కారం, కసూరి మేతి మరియు గరం మసాలా వేసి మొత్తాన్ని బాగా కలగలుపుకోవాలి.

3. ఇప్పుడు అందులో సరిపడా నీళ్ళు పోసి మెత్తగా కలుపుకోవాలి.

4. తర్వాత చేత్తో కొద్దికొద్దిగా తీసుకొని అరచేతిలో పెట్టుకొని మరో చేత్తో కట్ లెట్ లా ఒత్తుకోవాలి. లేదా అలాగే ఉండలుగా కూడా కాగే నూనె లో వేసి వేగించుకోవచ్చు.

5. తర్వాత డీప్ బాటమ్ పాన్ లో సరిపడా నూనె పోసి వేడయ్యాక అందులో ఈ బాల్స్ ను వేయాలి.

6. ఒక 5 నిముషాలు మీడియం మంట మీద డీప్ ఫ్రై చేసుకోవాలి.

7. తర్వాత ఫ్రై చేసి పకోడలను టిష్యు పేపర్ మీద వేసుకోవాలి. ఇలా చేస్తే అదనపు నూనెను గ్రహిస్తుంది. అంతే స్పినాచ్ పకోడ రెడీ. వీటిని పుదీనా చట్నీ లేదా మీకు నచ్చిన సాస్ తో సర్వ్ చేస్తే చాలా రుచికరంగా ఉంటాయి.

Posted in: వంటకాల చిట్కాలుTagged in: cooking tipsgaram masalagreen chilioilonionsaltspinachspinach pakoravegetarian recipe Read more... 0 comments

క్రిస్పీ సూజి(రవ్వ) వడ ఎలా తయారుచేయాలో చూద్దాం...

2018-08-16 17:59:07 suprajakiran

d5ee1df966a6f570d0a63ae1f4f98ed3

కావల్సిన పదార్థాలు:

సన్నరవ్వ: 1cup

బియ్యంపిండి: 1/2cup

కొత్తిమీర: 1/2cup(సన్నగా తరగాలి)

కరివేపాకు: 1/2cup

ఉల్లిపాయ: 2(సన్నగా తరిగిపెట్టుకోవాలి)

ఉప్పు: రుచికి సరిపడా

నూనె : ఫ్రై చేయడానికి సరిపడా

తయారుచేయు విధానం:

1. ముందుగా సన్నరవ్వను బియ్యం పిండిలో వేసి బాగా మిక్స్ చేయాలి. రెండూ బాగా కలగలిసే వరకూ మిక్స్ చేయాలి.

2. తర్వాత అందులో ఉప్పు వేసి తిరిగి మిక్స్ చేయాలి.

3. ఇప్పుడు అందులోనే ఒక టేబుల్ స్పూన్ నూనె లేదా నెయ్యిని వేడి చేసి పిండిలో వేసి కలగలుపుకోవాలి.

4. తర్వాత ఈ పిండిలోనే సన్నగా తరిగిపెట్టుకొన్న పచ్చిమిర్చి, ఉల్లిపాయ, కరివేపాకు, కొత్తిమిర తరుగు వేసి, మొత్తం మిశ్రమాన్ని బాగా కలగలుపుకోవాలి. కలిపేటప్పుడే కొద్దిగా నీళ్ళు కూడా జోడిస్తూ నిధానంగా మృదువుగా కలుపుకోవాలి.

5. ఇప్పుడు ఈ పిండి నుండి కొద్దికొద్దిగా చేతిలోకి తీసుకొని అరచేతిలో పెట్టుకొని, వడలాగ వత్తుకోవాలి.

6. ఇలా అన్ని వత్తిపెట్టుకొనే లోపు, స్టౌ మీద పాన్ పెట్టి, నూనె పోసి వేడయ్యాక అందులో వడలను వేసి బ్రౌన్ కలర్ వచ్చే వరకూ రెండువైపులా కాలే వరకూ వేగించుకోవాలి. అంతే క్రిస్పీ సూజి (రవ్వ)వడ రెడీ.

Posted in: వంటకాల చిట్కాలుTagged in: cooking tipscoriander leavesCrispy Sooji Vada Recipecurry leavesgreen chilioilonionrava vadarice floursaltsooji Read more... 0 comments

శెనగల సలాడ్ ఎలా తయారుచేయాలో చూద్దాం...

2018-08-16 11:01:10 suprajakiran

download

కావలసిన పదార్థాలు:

శనగలు (ఉడికించినవి) : 3cups
బంగాళదుంప: 1 (ఉడికించి, ముక్కలు చేయాలి),
పసుపు: చిటికెడు
పచ్చిమిర్చి: 1(సన్నగా తరగాలి)
ఉల్లితరుగు: 2tbsp
టొమాటో: ఒకటి(సన్నగా తరగాలి)
పంచదార: 1/2tsp
ఉప్పు: రుచికి తగినంత
మిరియాల పొడి: చిటికెడు
కొత్తిమీర తరుగు: tbsp

తయారుచేయు విధానం:
1. ముందుగా ఒక గిన్నెలో పచ్చిమిర్చి, బంగాళదుంప, ఉల్లిపాయ, టొమాటో తరుగులో నిమ్మరసం, ఆలివ్ ఆయిల్, పంచదార, ఉప్పు, మిరియాల పొడి వేసి మొత్తాన్ని బాగా కలగలుపుకోవాలి.
2. తర్వాత ఉడికించిన శెనగలను పై మిశ్రమంలో వేసి కలిపి, కొత్తిమీరతో గార్నిష్ చేసి సర్వ్ చేయాలి. అంతే శెనగల సలాడ్ రెడీ. వీటిని దేవుడికి నైవేద్యంగా కూడా పెట్టవచ్చు.
3. నోట్: మొలకెత్తిన శనగలకు కొద్దిగా నీరు కలిపి, 2 నిమిషాలు ఉడికించి సలాడ్‌కి వాడుకుంటే బాగుంటాయి.

Posted in: వంటకాల చిట్కాలుTagged in: channachanna saladcooking tipsgreen chilionionpepperpotatosaladsugartomatovegetarian recipe Read more... 0 comments

తెలగపిండి సెనగపప్పు కూర ఎలా తయారుచేయాలో చూద్దాం...

2018-08-14 19:26:51 suprajakiran

images (15)

కావల్సిన పదార్ధాలు:

పచ్చి సెనగ పప్పు : పావుకేజీ

ఉల్లిపాయలు : రెండు

పచ్చిమిర్చి : నాలుగు

కారం : టీ స్పూన్

ఉప్పు : సరిపడా

కరివేపాకు : రెండు రెమ్మలు

జీలకర్ర : అర టీ స్పూన్

ఆవాలు : అర టీ స్పూన్

వెల్లుల్లి : నాలుగు రెబ్బలు

నూనె : రెండు టేబుల్ స్పూన్లు

పసుపు : అర టీ స్పూన్

తెలగపిండి : వంద గ్రాములు

తయారుచేయు విధానం:

1. సెనగపప్పు కడిగి పావుగంట నానబెట్టాలి.

2. ఉల్లి, పచ్చిమిర్చి ముక్కలుగా కోసి పక్కన ఉంచాలి.

3. ఇప్పుడు స్టవ్ వెలిగించి కళాయిపెట్టి నూనె వేడిచేసి ఆవాలు, జీలకర్ర, వెల్లుల్లి, కరివేపాకు వేసి వేగాక, ఉల్లిముక్కలు, మిర్చి ముక్కలు వేసి
వేపాలి.

4. తరువాత అల్లం వెల్లుల్లి పేస్ట్ వేసి వేగాక, పసుపు, కారం వేసి కలిపి సెనగపప్పు వేసి బాగా కలిపి, సరిపడా నీళ్ళుపోసి మూతపెట్టి
ఉడకనివ్వాలి.

5. పది నిముషాలు ఉడికిన తరువాత ఉప్పు, రాళ్ళు లేకుండా శుభ్రం చేసిన తెలగపిండి వేసి సింలో అయిదు నిముషాలు ఉడకనివ్వాలి.

6. ఇప్పుడు కూర పొడిపొడిగా అయ్యి తినటానికి రెడీగా వుంటుంది. (కావాలంటే నిమ్మకాయ పిండు కోవచ్చు) అంతే తెలగపిండి సెనగపప్పు కూర రెడి.

Posted in: వంటకాల చిట్కాలుTagged in: cooking tipscurry leavesgarlicgreen chillijeeraoilonionred chilli powdersaltsenagapappu telagapindi kuratelaga pinditurmericvegetarian recipe Read more... 0 comments

రుచికరమై పొటాటో బజ్జీలను ఎలా తయారుచేయాలో చూద్దాం...

2018-08-14 17:35:34 suprajakiran

download-2

కావల్సిన పదార్థాలు:

పొటాటో – 3 (సన్నగా స్లైస్ గా కట్ చేసుకోవాలి)

శనగ పిండి పిండి – 1 ½cup

నీరు – 1cup

కారం – 1tsp

గరం మసాలా పొడి – 1/2tsp

బేకింగ్ సోడా – చిటికెడు

ఉప్పు : రుచికి సరిపడా

నూనె: వేయించడానికి తగినంత

ఇంగువ: చిటికెడు

తయారుచేయు విధానం:

1. ముందుగా బంగాళదుంపలకు పీలర్ తో పొట్టు తీసేయాలి. తర్వాత బంగాళదుంపలను నీటిలో వేసి శుభ్రంగా వాష్ చేయాలి. తర్వాత వాటని సాల్ట్ వాటర్ లో వేసి 15నిముషాలు నానబెట్టుకోవాలి.

2. ఇప్పుడు ఆ నీటిని వంపేసి, బంగాళదుంపలను సన్నని స్లైస్ గా కట్ చేసుకోవాలి.

3. తర్వాత ఒక ఒక మిక్సింగ్ బౌల్ తీసుకొని అందులో శెనగపిండి, కారం, గరం మసాలా, బేకింగ్ సోడా, ఇంగువ మరియు ఉప్పు వేసి బాగా మిక్స్ చేయాలి. అన్ని కలిసిపోయే వరకూ మిక్స్ చేసుకోవాలి.

4. ఇప్పుడు అందులోనే నీళ్ళు పోసి చిక్కగా మరియు జారుడుగా పిండిని కలుపుకోవాలి. ఉండలు లేకుండా చేత్తో కలుపుకోవాలి.

5. పిండి రెడీ చేసుకొన్న తర్వాత, అందులో ముందుగా కట్ చేసి పెట్టుకొన్న బంగాళదుంప ముక్కలు కూడా వేసి మొత్తం బాగా మిక్స్ చేయాలి. బంగాళదుంప స్లైస్ కు పూర్తిగా శెనగిపిండి మిశ్రమం పట్టేలా చూసుకోవాలి.

6. ఇప్పుడు డీప్ ఫ్రైయింగ్ పాన్ తీసుకొని అందులో ఒక స్పూన్ నూనె వేసి వేడయ్యాక అందులో మీడియం మంటకు తగ్గించాలి.

7. నూనె వేడిగా కాగుతున్నప్పుడు అందులో శెనగపిండి మిశ్రమంలో కలిపి పెట్టుకొన్న బంగాళదుంప స్లైస్ ను కాగే నూనెలో వేయాలి.

8. బంగాళదుంపలను అన్ని వైపులా బ్రౌన్ కలర్ వచ్చే వరకూ డీఫ్ ఫ్రై చేసుకోవాలి.

9. బాగా ఫ్రై అయిన తర్వాత పొటాటో బజ్జీలను ఒక ప్లేట్ మీద బ్లోటింగ్ పేపర్ పరిచి, దానిమీద పొటాటో బజ్జీలను వేయాలి. ఇది అదనపు ఆయిల్ ను పీల్చుకుంటుంది. అంతే పొటాటో బజ్జీ రెడీ వీటిని టమోటో సాస్ లేదా చిల్లీ సాస్ తో తినవచ్చు.

Posted in: వంటకాల చిట్కాలుTagged in: baking sodabesan flourchilli powdercooking tipsoilpotatoPotato Bajjisnackswater Read more... 0 comments

Be the first to comment

Leave a Reply