Posts Tagged ‘Aloo’

ఆలూ మసాలా ఫ్రై ఎలా తయారుచేయాలో చూద్దాం…

download (22)

కావల్సిన పదార్థాలు:

ఆలూ(బంగాళదుంపలు): 6

పచ్చిమిర్చి : 8-10

పసుపు: సరిపడా

జీలకర్ర: 2tbsp

ఆవనూనె: సరిపడా

కరివేపాకు రెబ్బలు: 2

ఎండుమిర్చి 3

ధనియాలపొడి: 2tsp

గరం మసాలా: 1tbsp

కొత్తిమీర: కొద్దిగా

ఉప్పు: రుచికి తగినంత

వెల్లుల్లి రెబ్బలు: 3

తయారుచేయు విధానం:

1. ముందుగా ఆలూని శుభ్రంగా కడిగి తొక్క తీసి సన్నగా…పొడవుగా కట్ చేసి నీళ్లలో వేసుకోవాలి.

2. తర్వాత పచ్చిమిర్చిని పొడుగ్గా తరిగి పెట్టుకోవాలి.

3. ఇప్పుడు పాన్ లో నూనె వేసి వేడి అయ్యాక అందులో జీలకర్ర, ఆవాలూ, కరివేపాకు వేసి వేయించుకోవాలి.

4. తర్వాత అందులోనే ఎండుమిర్చి, వెల్లుల్లి రెబ్బలు వేయాలి.

5. ఒక నిముషం తర్వాత తరిగిన ఆలూ వేసి మూత పెట్టేయాలి. ఆలూ కొద్దిగా వేగిన తర్వాత అందులోనే పచ్చిమిర్చి, పసుపు, రుచికి సరిపడా ఉప్పు, ధనియాలపొడి వేయాలి.

6. కొద్దిసేపటికి ఆలూ ఉడికిన తర్వాత గరం మసాలా కూడా వేసి బాగా మిక్స్ చేసి కొత్తిమీరను చల్లాలి. అంతే ఆలూ మసాలా రెడీ. దీన్ని వైట్ రైస్ మరియు రొట్టెల్లోకి వడ్డిస్తే చాలా టేస్ట్ గా ఉంటుంది.

ఆలూ ఖీర్ రిసిపి ఎలా తయారుచేయాలో చూద్దాం… స్వీట్ డిష్…

images (11)

కావల్సిన పదార్థాలు:

బంగాళదుంపలు: 2

నెయ్యి: 4 tsp

ఎండుద్రాక్ష- 25 gms

డ్రై ఫ్రూట్స్ – 25 gms

పాలు – 3 cups

పంచదార – 3/4 cup

యాలకలపొడి – ½ tsp

కుంకుమపువ్వు – కొద్దిగా

తయారుచేయు విధానం:

1. ముందుగా బంగాళదుంపల యొక్క తొక్క తొలగించి, వాటిని తురుముకోవాలి.

2. తర్వాత బంగాళదుంప తురుమును నీళ్ళలో వేసి స్టార్చ్‌ను తొలగించాలి.

3. కొద్దిసేపు బంగాళదుంప తురుమును నీటిలో నాననివ్వాలి.

4. పాన్‌లో నెయ్యి వేసి వేడి చేయాలి. వేడి అయిన తర్వాత అందులో ద్రాక్ష, జీడిపప్పు వేసి బ్రౌన్ కలర్ వచ్చే వరకూ ఫ్రై చేసుకోవాలి.  తర్వాత వీటిని పక్కకు తీసి పెట్టుకోవాలి.

5. ఇప్పుడు నీటిలో నుండి బంగాళదుంప తురుమును తీసి నీరు మొత్తం పిండివేయాలి. ఈ తురుమును పాన్‌లో వేసి రోస్ట్ చేసుకోవాలి. లైట్ బ్రౌన్ కలర్ వచ్చే వరకూ మీడియం మంట మీద ఫ్రై చేసుకోవాలి.

6. పాన్‌కు అంటుకోకుండా ఫ్రై చేసుకోవాలి. దీన్ని 5నిముషాలు ఉడికించుకోవాలి. తర్వాత అందులోనే పాలు పోసి ఉడికించుకోవాలి.

7. తర్వాత అందులో పంచదార, యాలకలు, ద్రాక్ష, మరియు డ్రై ఫ్రూట్స్‌ను పాన్‌లో వేసి మిక్స్ చేయాలి.

8. ఆ తర్వాత కుంకుమ పువ్వుతో గార్నిష్ చేసుకోవాలి. అంతే రుచికరమైన పొటాటో ఖీర్ రెడీ.

ఆలూ పచ్చిబఠానీ కర్రీ ఎలా తయారుచేయాలో చూద్దాం…

aloo-mutter-loose-big-fostercitynewblog-wordpress-com

కావాల్సిన పదార్ధాలు:

నూనె-2 టేబుల్ స్పూన్లు

జీలకర్ర-1/2 టీ స్పూను

ఉల్లిపాయలు-సన్నగా తరిగినవి 3/4కప్పు

వెల్లుల్లి-సన్నగా తరిగినది ఒక టీస్పూను

అల్లం- సన్నగా తరిగినది ఒక టీస్పూను

పచ్చి కిర్చి పేస్టు-ఒక టీ స్పూను

టమాటాలు-సన్నగా తరిగినవి 1 కప్పు

పచ్చి బఠాణీ-ఉడికించినవి 1 కప్పు

ఆలుగడ్దలు–ఉడికించినవి 1 1/2 కప్పు

ఉప్పు-తగినంత

కారం-1 1/2 టీ స్పూను

గరం మసాల-1/2 టీ స్పూను

పసుపు-చిటికెడు

కొత్తిమీర-సన్నగా తరిగినది 1 టీ స్పూను

తయారీ విధానం:

1.ముందుగా ఒక నాన్ స్టిక్ ప్యాన్ తీసుకుని దానిలో నూనె వేసి వేడి చెయ్యాలి.

2.నూనె వేడెక్కాకా దానిలో జీల కర్ర వేసి చిటపటలాడూతుంటే తరిగిన ఉల్లిపాయలు వేసి కలపాలి.

3.ఉల్లిపాయలు లేత గోధుమ రంగులోకి వచ్చే వరకూ కలుపుతుండాలి.

4.ఇప్పుడు ఉల్లిపాయలకి వెల్లుల్లి, అల్లం,టమాటాలు, పచ్చి మిర్చి పేస్టు వేసి ఒక స్పూను నీళ్ళు కలిపితే టమాటాలు బాగా ఉడుకుతాయి.

5.ఇప్పుడు ఉడికిన టమాటాలని బాగా మెత్తగా అయ్యే వరకూ గరిటెతో మెదిపి, మసాలాలన్నీ బాగా ఉడికాకా దానిలో పచ్చి బఠాణీ మరియూ ఆలుగడ్డ కలపాలి.

6.ఉప్పు, కారం, పసుపు, గరం మసాలా వేసి బాగా కలపాలి.

7.ఇప్పుడు ఒక కప్పు నీళ్ళు పోసి కూరని బాగా ఉడకనివ్వాలి.

8.ఉడికేటప్పుడు ఆలు గడ్డలని మెదిపితే కూర చిక్కబడుతుంది.

9. అంతే మీ ఆలూ మటర్ కూర తయారు. స్టవ్ ఆపి ఈ కూరని ఒక బౌల్లోకి తీసుకోవాలి. పైన కొత్తిమీరతో గార్నిష్ చేసి వడ్డించడమే.

క్రిస్పీ ఆలూ అండ్ పనీర్ ఫ్రైడ్ స్టిక్స్ ఎలా తయారుచేయాలో చూద్దాం…

images

కావల్సిన పదార్థాలు:

బంగాళదుంప – 3

పన్నీర్ – 200 g

ఉల్లిపయాలు – 1/2 cup

పచ్చిమిర్చి పేస్ట్ – 1/4th teaspoon

రెడ్ చిల్లీ పౌడర్ – 1/2 teaspoon

కార్న్ ఫ్లోర్ – 1 cup

మైదా – 1/4th teaspoon

మైదా – 1/2 cup

నూనె:సరిపడా

ఉప్పు: రుచికి సరిపడా

తయారుచేయు విధానం:

1. బంగాళదుంపను మరియు పనీర్‌ను స్లైస్‌గా కట్ చేసుకోవాలి.

2. తర్వాత దీన్ని ఒక బౌల్లోకి మార్చుకొని అందులో పచ్చిమిర్చి పేస్ట్, కారం, మైదా, గరం మసాలా మరియు ఉప్పు వేయాలి. తర్వాత కొద్దిగా నీరు వేసి మొత్తం మిశ్రమాన్ని బాగా మిక్స్ చేసుకోవాలి.

3. ఇప్పుడు అందులో కార్న్ ఫ్లోర్ కూడా వేసి మొత్తం మిశ్రమాన్ని బాగా మిక్స్ చేయాలి. దీనికి వాటర్ జోడించాల్సిన పనిలేదు.

4. కార్న్ ఫ్లోర్‌ను ఆలూ మరియు పనీర్‌కు బాగా పట్టేలా మిక్స్ చేయాలి. అంతలోపు స్టౌ మీద పాన్ పెట్టి నూనె వేసి వేడి చేయాలి.

5. నూనె వేడి అయిన తర్వాత అందులో ఆలూ మరియు పన్నీర్ స్టిక్స్ వేసి డీఫ్ ఫ్రై చేసుకోవాలి.

6. తర్వాత ఇవి బ్రౌన్ కలర్లో వేగే వరకూ వేగించి సర్వింగ్ ప్లేట్ లోకి తీసుకోవాలి. తర్వాత టేస్టీ అండ్ ట్యాంగీ సాస్‌తో సర్వ్ చేయాలి. అంతే డీ ఫ్రైడ్ స్నాక్ రిసిపి రెడీ.

పనీర్ ఆలూ గ్రేవీ ఎలా తయారుచేయాలో చూద్దాం…

download (8)

పనీర్: 250gms (మీడియం సైజ్ ముక్కలుగా కట్ చేసుకోవాలి)

ఆలూ : 3లేదా 4(మీడియం సైజ్ ముక్కలుగా కట్ చేసుకోవాలి)

ఉల్లిపాయ: 2

టమోటా: 2

పసుపు: 1tsp

కారం: 1tsp

గరం మసాలా: ½tsp

పచ్చిమిరపకాయలు: 4

టమోటా సాస్: 1tsp

బిర్యానీ ఆకు: 1

జీలకర్ర: ½tsp

ఉప్పు: రుచికి సరిపడా

నూనె: 2tbsp

తయారుచేయు విధానం:

1. ముందుగా ఫ్రైయింగ్ పాన్‌లో నూనె వేసి, వేడయ్యాక అందులో పన్నీర్ ముక్కలు వేసి మంట మీడియంగా పెట్టి 5-10నిముషాలు వేగించుకోవాలి. అవి బ్రౌన్ కలర్ వచ్చే వరకూ వేగించుకోవాలి. తర్వాత వీటిని ఒక ప్లేట్‌లోనికి తీసి పక్కన పెట్టుకోవాలి.

2. అంతలోపు బంగాళదుంప ముక్కలను కూడా కావల్సిన సైజ్‌లో కట్ చేసుకొని, కుక్కర్‌లో వేసి ఒక విజిల్ వచ్చే వరకూ ఉడికించి పక్కన పెట్టుకోవాలి.

3. తర్వాత మిక్సీలో ఉల్లిపాయ మరియు పచ్చిమిర్చి వేసి మెత్తని పేస్ట్‌లా తయారు చేసుకోవాలి.

4. తర్వాత ఫ్రైయింగ్ పాన్‌లో కొద్దిగా నూనె వేసి, బిర్యానీ ఆకు, జీలకర్ర వేసి వేగించుకోవాలి.

5. ఇప్పుడు అందులోనే ఉల్లిపాయ, పచ్చిమిర్చి పేస్ట్ వేసి రెండు నిముషాలు వేగించుకోవాలి.

6. అంతలోపు టమోటోను గుజ్జుగా తయారు చేసుకోవాలి(మిక్సీలో పేస్ట్ చేసుకోవాలి)

7. తర్వాత వేగుతున్న మిశ్రమంలో కొద్దిగా ఉప్పు, పసుపు వేయడం వల్ల టమోటో త్వరగా ఉడుకుతుంది.

8. ఒకసారిగా ఉల్లిపాయ పేస్ట్ బ్రౌన్ కలర్‌కు మారగానే, టమోటో గుజ్జును అందులో వేయాలి. అలాగే కారం, టమోటో సాస్ మరియు గరం మసాలా వేసి, బాగా మిక్స్ చేస్తూ వేగించుకోవాలి.

9. ఎక్కువ మంట పెట్టి 2-3నిముషాలు ఉడకనివ్వాలి. తర్వాత మంటను మీడియంగా పెట్టి, అందులో పన్నీర్ క్యూబ్స్, ఉడికించి పెట్టుకొన్న బంగాళదుంపలు వేసి మరో ఐదు నిముషాలు ఉడికించుకోవాలి. అంతే పన్నీర్ ఆలూ గ్రేవీ రెడీ. చివరగా కొత్తిమీరతో గార్నిష్ చేసి, వేడి వేడిగా సర్వ్ చేయాలి. రోటీ, రైస్, చపాతీలకు మంచి కాంబినేష్.

ఆలూ మటర్ పనీర్ కర్రీ ఎలా తయారుచేయాలో చూద్దాం…

images (81)

కావల్సిన పదార్థాలు:

ఫ్రెష్ పచ్చిబఠానీలు: 1/2cup

పనీర్ క్యూబ్స్: 1/3cup

బంగాళదుంప: 1(ముక్కలుగా కట్ చేసి, ఉడికించినవి)

ఉల్లిపాయ : 1 సన్నగా తరిగినవి

అల్లం, వెల్లుల్లి,

పచ్చిమిర్చి పేస్ట్ : 1tbsp

టమోటో: 2(సన్నగా కట్ చేసుకోవాలి)

జీడిపప్పు: 1tbsp(సన్నగా కట్ చేసుకోవాలి)

మేంతి ఆకు : 2tsp(డ్రై అయినది)

గరం మసాలా పౌడర్: 1/2tsp

ధనియలా పౌడర్: 1/2tsp

కారం: 1/2tsp

పసుపు: 1/4tsp

నూనె: సరిపడా

ఉప్పు : రుచికి తగినంత

తయారుచేయు విధానం:

1. ముందుగా టమోటోలు మరియు జీడిపప్పును మిక్సీలో వేసి మెత్తగా గ్రైండ్ చేసుకోవాలి.

2. తర్వాత స్టౌ మీద పాన్ పెట్టి, నూనె వేసి వేడయ్యాక అందులో బంగాళదుంపముక్కలు వేసి, మీడియం మంట మీద రెండు మూడు నిముషాలు షాలో ఫ్రై చేసి ఒక ప్లేట్‌లోనికి తీసుకోవాలి.

3. అదే పాన్‌లో పన్నీర్ ముక్కలు కూడా వేసి షాలో ఫ్రై చేసి, గోల్డ్ బ్రౌన్ కలర్ వచ్చే వరకూ ఫ్రై చేసి పక్కన తీసి పెట్టుకోవాలి.

4. ఇప్పుడు అదే పాన్‌లో మరికొద్దిగా నూనె వేసి ఉల్లిపాయ ముక్కలు వేసి మెత్తబడే వరకూ వేగించుకోవాలి.

5. తర్వాత అందులోనే అల్లం, వెల్లుల్లి, పచ్చిమిర్చి పేస్ట్ వేసి ఫ్రై చేసుకోవాలి.

6. అల్లం వెల్లుల్లి పేస్ట్ పచ్చివాసన పోయే వరకూ వేగించి తర్వాత అందులో టమోటో పేస్ట్ వేసి ఫ్రై చేయాలి.

7. మొత్తం మిశ్రమాన్ని 5నిముషాలు పాటు ఉడికించాలి. ఉప్పు, మెంతి ఆకు(చేత్తో నలిపి వేయాలి), గరం మసాల, కారం, ధనియాల పొడి, మరియు జీలకర్ర పొడి వేసి బాగా మిక్స్ చేయాలి.

8. మొత్తం మసాలా మిశ్రమం వేగిన తర్వాత అందులో ముందుగా షాలో ఫ్రై చేసి పెట్టుకొన్న పనీర్, బంగాళదుంప ముక్కలు వేయాలి. అలాగే పచ్చిబఠానీలను కూడా వేసి 1 నిముషం బాగా మిక్స్ చేయాలి .

9. ఇప్పుడు అందులో 1/2కప్పు నీళ్ళుపోసి మీడియం మంట మీద ఉడకించుకోవాలి. గ్రేవీ ఉడుకుతున్నప్పుడ మంటను తగ్గించి గ్రేవీ చిక్కబడేవరకూ ఉడికించుకోవాలి.

10. తర్వాత స్టౌ ఆఫ్ చేసి ఈ గ్రేవీ ఒక 15నిముషాలు అలాగే ఉంచాలి. అంతే ఆలూ మటర్ పనీర్ కర్రీ రెడీ. దీన్ని సర్వింగ్ బౌల్లోకి సర్వ్ చేసి వడ్డించాలి అంతే.

టేస్టీ అండ్ ఈజీ ఆలూ గోభీ మసాలా ఎలా తయారుచేయాలో చూద్దాం…

download (7)

కావల్సిన పదార్థాలు:

కాలీఫ్లవర్: 1(మీడియం సైజ్, ఉడికించి ముక్కలుగా కట్ చేసుకోవాలి)

బంగాళదుంపలు: 4 (ఉడికించి ముక్కలుగా చేసి పెట్టుకోవాలి)

పచ్చిబఠానీ: 1/2cup(ఉడికించినవి)

ఆయిల్ : 2 tbsp

జీలకర్ర : 2 tsp

ఇంగువ పొడి : 1 1/2 tsp

ఉల్లిపాయ : 3 (సన్నగా తరిగినవి)

అల్లం: 1 చిన్న ముక్క (సన్నగా తరిగిపెట్టుకోవాలి)

వెల్లుల్లి రెబ్బలు: 6-7(సన్నగా తరిగిపెట్టుకోవాలి)

టమోటోలు : 3 (సన్నగా తరిగిపెట్టుకోవాలి)

పసుపు పొడి : 1/2 tsp

ఉప్పు: రుచికి సరిపడా

కారం : 1tsp

ధనియా పౌడర్ : 1 1/2 tsp

జీలకర్ర పొడి: 1 1/2 tsp

డ్రై మ్యాంగో పౌడర్ : 1 tsp

కొత్తిమీర : 2tbsp (సన్నగా తరిగిపెట్టుకోవాలి)

తయారుచేయు విధానం :

1. ముందుగా ఒక సాస్ పాన్ తీసుకొని , అందులో జీలకర్ర, ఇంగువ, ఉల్లిపాయ ముక్కలు వేసి లైట్‌గా ఫ్రై చేసుకోవాలి.

2. ఉల్లిపాయ ముక్కలు లైట్ బ్రౌన్ కలర్‌లోకి మారిన తర్వాత అందులో అల్లం, వెల్లుల్లి మరియు టమోటో ముక్కలు వేయాలి.

3. అలాగే పసుపు మరియు ఉప్పు కూడా వేసి తక్కువ మంట మీద వేగించుకోవాలి.

4. టమోటోలు మెత్తగా ఉడికే వరకూ వేగించి, ఆతర్వాత అందులో ముందుగా ఉడికించుకొన్న బంగాళదుంప ముక్కలు మరియు కాలీఫ్లవర్ వేసి బాగా మిక్స్ చేయాలి.

5. తర్వాత వెంటనే పచ్చిబఠానీలకు కూడా వేసి మిక్స్ చేయాలి.

6. తర్వాత అందులో కారం, ధనియాలపొడి, జీలకర్రపొడి మరియు డ్రై మ్యాంగో పౌడర్ కూడా వేసి మిక్స్ చేస్తూ ఫ్రై చేసుకోవాలి.

7. అలా పది నిముషాల పాటు తక్కువ మంట మీద ఫ్రై చేస్తూ ఉడికించుకోవాలి.

8. అంతే స్టౌ ఆఫ్ చేసి, చివరగా కొత్తిమీర తరుగుతో గార్నిష్ చేసి వేడి వేడిగా సర్వ్ చేయాలి. ఈ స్పెషల్ వెజిటేరియన్ రిసిపి రోటీ మరియు పరోటాలకు చాలా మంచి టేస్టీ కాంబినేషన్.

ఆలూ చిక్కుడు కాయ ఫ్రై ఎలా తయారుచేయాలో చూద్దాం…

images (33)

కావల్సిన పదార్థాలు:

ఆలు: 5-6 (పొట్టు తీసి, శుభ్రంగా కడిగి సన్నగా కట్ చేసుకోవాలి)

చిక్కుడు కాయలు: 1/2kg(మద్యకు కట్ చేసి పెట్టుకోవాలి)

పచ్చిమిర్చి: 2(తరిగినవి)

ఉల్లిపాయ: 1(సన్నగా తరిగిపెట్టుకోవాలి)

పసుపు: 1tsp

మెంతిపొడి: చిటికెడు

కారం: 1tsp

ధనియాల పొడి: ½tsp

జీలకర్ర: 1tsp

కరివేపాకు: రెండు రెమ్మలు

వెల్లుల్లి రెబ్బలు: 4

ఉప్పు: రుచికి సరిపడా

ఆయిల్: 1tbsp

తయారుచేయు విధానం:

1. ముందుగా ఫ్రైయింగ్ పాన్‌లో కొద్దిగా నూనె వేసి, అందులో జీలకర్ర వేసి ఒక నిముషం వేగించుకోవాలి. తర్వాత ఉల్లిపాయ, పచ్చిమిర్చి మరియు కరివేపాకు వేసి ఉల్లిపాయలు బ్రౌన్ కలర్ వచ్చే వరకూ వేగించుకోవాలి.

2. తర్వాత అందులోనే కట్ చేసి పెట్టుకొన్నబంగాళదుంప ముక్కలు వేసి, మీడయం మంట మీద 5నిముషాలు ఫ్రై చేసుకోవాలి.

3. తర్వాత అందులో కట్ చేసిన చిక్కుడు కాయ వేసి, మిక్స్ చేస్తూ మరో 3నిముషాలు ఫ్రై చేసుకోవాలి. అలాగే అందులో ఉప్పు, పసుపు, మెంతిపొడి మరియు వెల్లుల్లి రెబ్బలు కూడా వేసి వేయించాలి.

4. తర్వాత మంట పూర్తిగా తగ్గించి 6-10నిముషాలు ఫ్రై చేసుకోవాలి. పాన్‌కు మూత పెట్టి ఉడికించుకోవాలి. మద్య మద్యలో కలియబెడుతుండాలి.

5. ఆలూ ఉడికే లోపు, చిక్కుడు కాయ కూడా మెత్తబడుతాయి. తర్వాత అందులో కారం, ధనియాల పొడి కూడా వేసి, అన్నింటిని మిక్స్ చేసి, స్టౌ ఆఫ్ చేసుకోవాలి. అంతే డ్రై అండ్ క్రిస్పీ ఆలూ అండ్ బోర్డ్ బీన్స్ ఫ్రై రెడీ.

హైదరాబాదీ ఆలూ కా దమ్ బిర్యానీ ఎలా తయారుచేయాలో చూద్దాం…

images (73)

కావల్సిన పదార్ధాలు:

ఆలూ: 6

బిర్యాని రైస్: 2cups

చికెన్ స్టాక్: 3cups(చికెన్ ఉడికించి తీసుకొన్న నీరు లేదా సూప్)

లవంగాలు: 4

చెక్క: చిన్న ముక్క

బ్లాక్ కార్డమం: 3

బ్లాక్ పెప్పర్: 4-6

బిర్యాని ఆకు: 1

నిమ్మరసం: 2tsp

ఉప్పు: రుచికి సరిపడా

నెయ్యి లేదా నూనె: 1tbsp

మసాలా కొరకు:

నెయ్యి: 4tbsp

ఉల్లిపాయ: 2(సన్నగా కట్ చేసుకోవాలి)

అల్లం వెల్లుల్లి పేస్ట్: 3tsp

టమోటో: 2(సన్నగా తరిగిపెట్టుకోవాలి)

తాజా కొత్తిమీ తరుగు: 1/4cup

కారం: 1tsp

పసుపు: 1/4tsp

గరం మసాలా: 1tsp

పెరగు: 1/2cup

నిమ్మరసం: 2tbsp

గార్నిషింగ్ కోసం-లేయరింగ్

ఉల్లిపాయ: 1(కొంచెం మందంగా తరిగిపెట్టుకోవాలి)

నెయ్యి: 2tbsp

జీడిపప్పు: 1/4cup

కుంకుమపువ్వు: చిటికెడు పాలు: 2tbsp

తయారు చేయు విధానం:

1. ముందుగా ఆలూ ఉడికించి పొట్టుతీసి పక్కన పెట్టుకోవాలి. (ఉడికించిన ఆలూను రెండు బాగాలుగా కట్ చేసి పెట్టుకోవచ్చు)

2. గార్నిషింగ్: స్టౌ మీద పాన్ పెట్టి అందులో నెయ్యి వేసి వేడయ్యాక అందులో ఉల్లిపాయ ముక్కలు వేసి గోల్డ్ బ్రౌన్ కలర్ వచ్చేంత వరకూ వేగించుకోవాలి.

3. తర్వాత అందులోనే జీడిపప్పు మరియు ద్రాక్ష కూడా వేసి వేగించుకోవాలి.

4. తర్వాత ఒక కప్పు వేడి పాల్లో చిటికెడు కుంకుమపువ్వు వేసి పక్కన పెట్టుకోవాలి.

5. మసాల కోసం: మందపాటి గిన్నెలో నెయ్యివేసి, వేడయ్యాక అందులో ఉల్లిపాయ ముక్కలు వేసి లైట్‌గా వేగించుకోవాలి. తర్వాత అందులోనే అల్లం వెల్లుల్లి పేస్ట్ వేసి రెండు మూడు నిమిషాలు వేగించుకోవాలి.

6.మసాలకోసం సిద్దంగా పెట్టుకొన్న అన్ని వస్తువులను వేసి 5నిమిషాల పాటు తక్కువ మంట మీద వేగించుకోవాలి.

7. తర్వాత అందులోనే ఉడికించిన ఆలూ కూడా వేసి రెండు నిమిషాలు వేగించాలి.

8. అన్నం: బియ్యాన్ని శుభ్రంగా కడిగి 15నిమిషాలు పక్కన పెట్టుకోవాలి.

9. ఇప్పుడు మరో పాన్ ను స్టౌ మీద పెట్టి నెయ్యి వేసి అన్నం కోసం సిద్దం చేసుకొన్న మాసాలాలన్నింటిని అందులో వేసి వేగించి అందులోనే నీరు వంపేసి బియ్యాన్ని కూడా వేసి ఒక నిముషం వేగించుకోవాలి.

10. తర్వాత అందులోనే సరిపడా నీళ్ళు, ఉప్పు, నిమ్మరసం వేసి బాగా మిక్స్ చేసి మూత పెట్టి 90%అన్నం ఉడికేంత వరకూ మీడియం మంట మీద ఉడికించుకోవాలి.

11. లేయరింగ్: ఇప్పుడు మంద పాటి పాన్‌ను స్టౌ మీద పెట్టి అందులో ఆలూ మసాలాను మొదటి లేయర్‌గా పరవాలి. తర్వాత దీని మీద అన్నంను పరవాలి. అన్నం మీదు నెయ్యిలో వేయించుకొన్న ఉల్లిపాయ, జీడిపప్పు,ద్రాక్షను పరవాలి. ఇలా రెండు మూడు లేయర్లుగా ఒకదాని తర్వాత ఒకటి పరుచుకోవాలి.

12. చివరి లేయర్ మీద కుంకుమ పువ్వు నానబెట్టుకొన్న పాలను చిలకరించాలి. తర్వాత దీని మీద అల్యూమినియం షీట్ పరచి మూత పెట్టి తక్కువ మంట మీద 10-15నిమిషాలు ఉడికించుకోవాలి. అంతే హైదరాబాది ఆలూ దమ్ బిర్యాని రెడీ.

స్పైసీ ఆలూ -దొండకాయ మసాలా రిసిపి ఎలా తయారుచేయాలో చూద్దాం…

Aloo_Parwal_Potol_Sabzi_Recipe_Bengali_Dish-3

కావల్సిన పదార్థాలు:

దొండకాయ: 500gms(మీడియం సైజ్ ముక్కులుగా కట్ చేయాలి)

బంగాళ దుంపలు : 4 (మద్యకు కట్ చేయాలి)

ఉల్లిపాయ పేస్ట్ 4tbsp

అల్లం వెల్లుల్లి పేస్ట్: 1tbsp

పెరుగు: ½cup

పసుపు: 1tsp

కారం: 2tsp

జీలకర్ర పొడి: 1tbsp

ధనియాల పొడి: 1tbsp

గరం మసాలా పొడి: 1tsp

పంచదార: చిటికెడు

హింగ్ (ఇంగువ): చిటికెడు

ఉప్పు: రుచికి సరిపడా

జీలకర్ర: 1tsp

చెక్క: 1

యాలకులు: 3

బే ఆకు : 1

ఆయిల్: 2tbsp

నెయ్యి: 1tsp

నీళ్ళు: 1cup

తయారుచేయు విధానం:

1. ముందుగా బంగాళదుంపలు మరియు దొండకాయలను నీళ్ళతో శుభ్రంగా కడిగి పెట్టుకోవాలి.

2. తర్వాత పాన్ లో కొద్దిగా నూనె వేసి, వేడయ్యాక అందులో బంగాళదుంప మరియు దొడకాయ ముక్కలు వేసి, కొద్దిగా ఉప్పుకూడా వేసి ఫ్రై చేసుకోవాలి.

3. ఇవి గోల్డెన్ బ్రౌన్ కలర్ లోకి మారగానే వాటిని ఒక ప్లేట్ లోనికి తీసి పక్కన పెట్టుకోవాలి.

4. తర్వాత అదే పాన్ లో మరికొద్దిగా నూనె వేసి, వేడయ్యాక అందులో జీలకర్ర, ఇంగువ, చెక్క, యాలకులు, బిర్యానీ ఆకు వేసి, 2, 3నిముషాలు వేగించుకోవాలి.

5. తర్వాత అందులో ఉల్లిపాయ పేస్ట్ వేసి 5నిముషాలు మీడియం మంట మీద వేగించుకోవాలి.

6. ఇప్పుడు అందులో అల్లం వెల్లుల్లి పేస్ట్, పసుపు, కారం, జీలకర్ర, ధనియాల పొడి వేసి మరో 5నిముషాలు వేగించుకోవాలి.

7. పెరుగులో పంచదార వేసి బాగా మిక్స్ చేయాలి . ఈ పెరుగు మిశ్రమాన్ని ఫ్రైయింగ్ పాన్ లో వేసి, మసాలా మిశ్రమంతో పాటు వేగించాలి.

8. ఇప్పుడు అందులో ముందుగా వేగించిపెట్టుకొన్న బంగాలదుంప, దొండకాయ ముక్కలు కూడా వేసి నిధానంగా కలుపుతూ, వేగించుకోవాలి.

9. తర్వాత అందులో ఉప్పు కూడా చేర్చి మరో రెండు మూడు నిముషాలు వేగించుకోవాలి . తర్వాత అందులో నీళ్ళు కూడా వేసి బాగా మిక్స్ చేయాలి.

10. ఇప్పుడు పాన్ మూత పెట్టి, మీడియం మంట మీదు నిధానంగా ఉడికించుకోవాలి.

11. బంగాళదుంప, దొండకాయ మెత్తగా ఉడికిన తర్వాత అందులో గరం మసాలా పౌడర్, నెయ్యి వేసి బాగా మిక్స్ చేయాలి. అంతే స్టౌ ఆఫ్ చేసి సర్వ్ చేయాలి. అంతే అద్భుతమైన రుచికలిగిన ఆలూ దొండకాయ సబ్జీ రెడీ. ఈ రుచికరమైన కర్రీని రోటిలకు మంచి కాంబినేషన్.