Posts Tagged ‘breakfast’

ఆరోగ్యానికి మొదటి మెట్టు ఉదయం తీసుకునే అల్పాహారం…

images (32)

వివిధ కారణాల వలన ఈ రోజుల్లో ఉదయం అల్పాహారం తీసుకోవడం చాలా తక్కువైపోయింది. కాని మన శరీర ఆరోగ్యానికి ప్రధానంగా దోహద పడే ఆహారం ఉదయం తీసుకునే అల్పాహారం. ఎట్టి పరిస్థితుల్లో ఉదయాన్నే అల్పాహారం తీసుకోవడం మరువ కూడదు.

అల్పాహారంలో కూరగాయలు, పండ్లు, పాలు, గుడ్డు మొదలైన ప్రొటీన్‌లు కలిగి ఉండే ఆహారంగా తీసుకుంటే ఉత్తమం.

మరీ ముఖ్యంగా చిన్న పిల్లల ఆరోగ్యానికి ఉదయం తీసుకునే అల్పాహారం చాలా ఉపయోగపడుతుంది. వారికి అల్పాహారం ఇచ్చేటపుడు బలవంతంగా కాకుండా, నిదానంగా ఇవ్వాలి.

రుచికరమైన నువ్వుల నూడుల్స్ ఎలా తయారుచేయాలో చూద్దాం…

garlic_sesame_noodles1

కావాల్సిన పదార్ధాలు:

ఉడికించిన నూడుల్స్-2.5 కప్పులు

సన్నగా తరిగిన వెల్లుల్లి-1 టేబుల్ స్పూను

తెల్ల నువ్వులు-1 టేబుల్ స్పూను

సన్నగా తరిగిన అల్లం-1 టేబుల్ స్పూను

వెనిగర్-1 టేబుల్ స్పూను

ఉల్లికాడల తరుగు-1 టేబుల్ స్పూను

డార్క్ సోయా సాస్-1 టీ స్పూను

నువ్వుల నూనె-1 టేబుల్ స్పూను

ఉప్పు-రుచికి

తగినంత తయారీ విధానం:

1.నువ్వులని కనీసం రెండు నిమిషాల పాటు సన్నని మంట మీద నూనె లేకుండా వేయించి ఒక గిన్నెలోకి తీసి పెట్టుకోవాలి.

2.ఇప్పుడు అదే మూకుడులో నువ్వుల నూనె వేసి దానిలో అల్లం,వెల్లుల్లి తరుగు వేసి వేయించాలి.

3.అల్లం, వెల్లుల్లి వేగాకా దానిలో ఉడికించిన నూడుల్స్, సోయా సాస్, వెనిగర్ వెయ్యాలి.

4.ఇప్పుడు బాగా కలిపి పైన వేయించిన నువ్వులు కలపాలి. కాసిని నువ్వులు గార్నిషింగ్ కోసం పక్కన పెట్టుకోవడం మర్చిపోవద్దు సుమా.

5.ఇప్పుడు మళ్ళీ కలిపి కాసేపు స్టవ్ మీదే ఉంచాలి.

6.నూడుల్స్ ఇతర పదార్ధాలతో కలిసి బాగా ఉడికాకా నూడుల్స్‌ని నూడుల్స్ బౌల్లోకి తీసుకోవాలి.

7.వీటిమీద ఉల్లి కాడల తరుగు, గార్నిషింగ్ కోసం పెట్టుకున్న నువ్వులూ చల్లాలి. అంతే మీ సీసమే నూడుల్స్ రెడీ.

సూజి చిల్లా రిసిపి ఎలా తయారుచేయాలో చూద్దాం… బ్రేక్ ఫాస్ట్ రిసిపి…

download (19)

కావల్సిన పదార్థాలు:

రవ్వ: 2 cups

పెరుగు: 1 cup

నీళ్ళు: ½ cup

వెజిటేబుల్స్: 1 cup (ఉల్లిపాయల, క్యాప్సికమ్, టమోటో, క్యారెట్, పచ్చిబఠానీలు)

కొత్తిమీర తరుగు : కొద్దిగా పచ్చిమిర్చి: 2 (సన్నగా తరిగినవి)

ఉప్పు: రుచికి సరిపడా

పెప్పర్: చిటికెడు

నూనె: ఫ్రై చేయడానికి సరిపడా

తయారుచేయు విధానం:

1. ముందుగా రవ్వ, పెరుగు, మరియు కొద్దిగా నీరు ఒక బౌల్లో పోసి, బాగా మిక్స్ చేసి ఒక గంట పాటు పక్కన పెట్టుకోవాలి.

2. ఒకటి లేదా రెండు గంటల తర్వాత అందులో వెజిటేబుల్స్ మరియు కొత్తిమీర తరుగు వేసి బాగా మిక్స్ చేసుకోవాలి.

3. గరిటతో బాగా మిక్స్ చేసి, తర్వాత అందులో పచ్చిమిర్చి కూడా వేసి బాగా మిక్స్ చేయాలి.

4. ఇప్పుడు అందులో రుచికి సరిపడా ఉప్పు మరియు మిరియాల పొడి కూడా వేసి మిక్స్ చేయాలి.

5. ఇలా పిండిని తయారుచేసుకొన్న తర్వాత స్టౌ మీద పాన్ పెట్టి, నూనె రాసి వేడి చేయాలి.

6. ఇప్పడు పిండిని కొద్దిగా తీసుకొని తవా మీద దోసెలా వేసుకోవాలి. వేసుకొన్న తర్వాత రెండు వైపుల బ్రౌన్ కలర్ వచ్చే వరకూ కాల్చుకోవాలి. అంతే క్రిస్పీ సూజీ చిల్లీ రిసిపి రెడీ.

నోరూరించే మూంగ్ దాల్ దోస రిసిపి ఎలా తయారుచేయాలో చూద్దాం…

pesarattu-250

కావల్సిన పదార్థాలు:

ముడి పెసలు: 2cups

పచ్చిమిర్చి: 2 (సన్నగా తరిగి పెట్టుకోవాలి)

అల్లం: చిన్న ముక్క(సన్నగా తరిగి పెట్టుకోవాలి)

ఇంగువ: చిటికెడు

బియ్యం పిండి: 1/4tbsp

కొత్తిమీర: 1/4cup(సన్నగా తరిగి పెట్టుకోవాలి)

ఉప్పు: రుచికి సరిపడా

టాపింగ్ కోసం:

ఉల్లిపాయ: 1(సన్నగా తరిగిపెట్టుకోవాలి)

పచ్చిమిర్చి: 1(సన్నగా తరిగి పెట్టుకోవాలి)

కొత్తిమీర తరుగు: కొద్దిగా

నెయ్యి: ఫ్రై చేసుకోవడానికి సరిపడా

తయారుచేయు విధానం:

1. ముందుగా ముడి పెసళ్ళను నీటిలో వేసి రాత్రంతా నానబెట్టుకోవాలి.

2. మరుసటి రోజు ఉదయం నీరు వంపేసి, మిక్సీలో వేసి, వాటితో పాటు పచ్చిమిర్చి, అల్లం, ఇంగువ, బియ్యం పిండి, కొత్తిమీర, ఉప్పు వేసి మొత్తగా పేస్ట్ చేసుకోవాలి.

3. తర్వాత ఈ పిండిని ఒక బౌల్లోనికి మార్చుకోవాలి. మరికొద్దిగా బియ్యం పిండి వేసుకొని బాగా మిక్స్ చేయాలి.

4. ఇప్పుడు స్టౌ మీద పాన్ పెట్టి వేడయ్యాక అందులో కొద్దిగా నెయ్యి వేసి కొద్దిగా వేడయ్యే వరకూ అలాగే ఉంచాలి.

5. ఇప్పుడు ఒక పెద్ద గరిటతో పిండి తీసుకొని దోసెలాగ పాన్ మీద పోసి, పాన్ మొత్తం సర్దుకోవాలి. ఇప్పుడు కొద్దిగా ఆయిల్ ను దోసమీద చిలకరించుకోవాలి.

6. తర్వాత ఫ్రై అవుతున్న దోసె మీద ఉల్లిపాయ, పచ్చిమిర్చి, కొత్తిమీర తరుగు చల్లులకొని స్పూన్ తో దెసెలోపలికి ప్రెస్ చేయాలి. మరికొద్దిగా నూనె చిలకరించి మీడియం మంట మీద దోసెను కాలనివ్వాలి.

7. దోసెకు సైడ్స్ లో క్రిస్పీగా బ్రౌన్ కలర్ లో మారినప్పుడు దోసెను తీసి సర్వింగ్ ప్లేట్ లోకి తీసుకొని సర్వ్ చేయాలి.

స్వీట్ పొటాటో పాన్ కేక్ ఎలా తయారు చేయాలో చూద్దాం…

images (20)

కావల్సిన పదార్థాలు:

స్వీట్ పొటాటో : 2 పెద్దవి(పొట్టు తీసి, మైక్రోవోవెన్‌లో ఉడికించుకొని మ్యాష్ చేసి పెట్టుకోవాలి)

బట్టర్: 2tbsp(కరిగించుకోవాలి)

పుదీనా: 2tsp(సన్నగా తరిగి పెట్టుకోవాలి)

ఉప్పు: రుచికి సరిపడా

పచ్చిమిర్చి: 3(సన్నగా తరిగి పెట్టుకోవాలి)

గుడ్డు : 1(అవసరం అనుకుంటేనే)

మైదా: 1cup

బ్రెడ్ పొడి: 1/2cup

బేకింగ్ పౌడర్ : 1tsp

వెజిటేబుల్ ఆయిల్ : ఫ్రై చేయడానికి సరిపడా

తయారుచేయు విధానం:

1. ముందుగా ఒక బౌల్ తీసుకొని అందులో ఉడికించి మ్యాష్ చేసి పెట్టుకొన్న స్వీట్ పొటాటో, బటర్, పుదీనా, పచ్చిమిర్చి, ఉప్పు, మైదా, బ్రెడ్ పొడి, గుడ్డు, బేకింగ్ పౌడర్‌ను వేసి మెత్తగా మృదువుగా కలుపుకోవాలి.

2. ఇప్పుడు ఒక సాస్ పాన్ స్టౌ మీద పెట్టి వేడయ్యాక దాని మీద వెజిటేబుల్ ఆయిల్ వేసి వేడయ్యాక అందులో పొటాటో మిశ్రమాన్ని దోసెలాగా వేసుకోవాలి. కొద్దిసేపు ఫ్రై అయిన తర్వాత పాన్ కేక్ మీద కొద్దిగా నూనె చిలకరించుకోవాలి. రెండు వైపులా గోల్డ్ బ్రౌన్ కలర్ వచ్చే వరకూ ఫ్రై చేసుకోవాలి. అంతే స్పైసీ అండ్ స్వీట్ పొటాటో పాన్ కేక్ రెడీ.

3. అంతే ఈ వేడి వేడి పొటాటో పాన్ కేక్‌కు సాస్ మరియు బట్టర్‌తో సర్వ్ చేస్తే చాలా టేస్ట్‌గా ఉంటుంది.

హెల్తీ బ్రేక్ ఫాస్ట్ ఎగ్ పరోటా రిసిపి

download (14)

కావల్సిన పదార్థాలు:

గోధుమ పిండి: 2cups

గుడ్లు: 4

నూనె: 1tbsp

బటర్ లేదా నూనె: ఫ్రై చేయడానికి సరిపడా

ఉప్పు: రుచికి సరిపడా

తయారుచేయు విధానం:

1. ముందుగా గోధుపిండిని కొన్ని నీళ్ళు పోసి కలిపి పెట్టుకోవాలి.

2. పిండి కలుపుకొన్న తర్వాత, దానికి పల్చని తడిగా ఉండే క్లాత్ ను కప్పి అరగంట పక్కన పెట్టుకోవాలి.

3. అంతలోపు, ఆ పిండి నుండి కొద్దిగా (బాల్ సైజ్) పిండిని తీసుకొని చపాతీలా రోల్ చేసుకోవాలి.

4. ఇలా వత్తుకొన్న చపాతీ మీద కొద్దిగా నూనె చిలకరించి చపాతీ మొత్తం స్ప్రెడ్ చేసి సెమీ సర్కిల్ షేప్ లో రోల్ ఫోల్డ్ చేసుకోవాలి.

5. తిరిగి మరికొద్దిగా నూనె ఉపయోగించి తవాను వేడి చేసి, చపాతీని పాన్ మీద వేసి రెండు వైపులా కాల్చుకోవాలి.

6. కాలేటప్పుడు , చపాతీ పై పొరలాగా తీసి నిధానంగా దాని మీద గుడ్డు పగులగొట్టి పోయాలి.

7. ఇప్పుడు మరికొద్దిగా నూనెను చిలకరించి గోల్డ్ కలర్ వచ్చే వరకూ రెండు వైపులా కాల్చుకోవాలి.

8. అదేవిధంగా పిండి మొత్తాన్ని మీకు కావల్సినన్ని ఎగ్ పరోటాలను తయారుచేసుకోవాలి. అంతే హెల్తీ బ్రేక్ ఫాస్ట్ కోసం ఎగ్ పరోటా రిసిపి రెడీ.

హెల్తీ బ్రేక్ ఫాస్ట్ డ్రైఫ్రూట్ ఇడ్లీ ఎలా తయారుచేయాలో చూద్దాం…

Idli

కావలసిన పదార్థాలు:

ఖర్జూరాలు: 6 (చిన్నచిన్న ముక్కలుగా చేసుకోవాలి)

జీడిపప్పులు: 20 (చిన్నచిన్న ముక్కలుగా చేసుకోవాలి)

కిస్‌మిస్: 20 (చిన్నచిన్న ముక్కలుగా చేసుకోవాలి)

బాదం పలుకులు: 10 (చిన్నచిన్న ముక్కలుగా చేసుకోవాలి)

ఇడ్లీపిండి: పది ఇడ్లీలకు సరిపడేంత

నెయ్యి: 2tbsp

పచ్చికొ బ్బరి తురుము: 1/2cup

చెర్రీస్: 6

క్యారట్ తురుము: 1/2cup

తేనె: 4tsp

తయారు చేయు విధానం:

1. ముందుగా ఇడ్లీ పిండిని ఇడ్లీ ప్లేట్లలలో వేసి స్టౌ మీద ఉంచాలి. తర్వాత మూత పెట్టి మీడియం మంట మీద ఉడికించుకోవాలి.

2. ఇడ్లీలు సగం ఉడికిన తరువాత ఒకసారి మూత తీసి, కట్ చేసి ఉంచుకున్న డ్రైఫ్రూట్స్ ముక్కలు ఇడ్లీల మీద వేసి మళ్లీ మూత పెట్టేయాలి.

3. బాగా ఉడికిన ఇడ్లీలను టిఫిన్ ప్లేట్లలోకి తీసుకొని పైన కొద్దికొద్దిగా నెయ్యి వేసి దాని మీద క్యారట్ తురుము, కొబ్బరి తురుము, తేనె వేసి, చెర్రీస్‌తో గార్నిష్ చేసి సర్వ్ చేయాలి. వీటిని పిల్లలు బాగా ఇష్టపడతారు. అంతే కాదు పిల్లల టిఫిన్, లంచ్ బాక్స్ లకు కూడా ఈ డ్రై ఫ్రూట్స్ ఇడ్లీ బాగా నప్పుతుంది.

మసాలా ఇడ్లీని ఎలా తయారు చేయాలో ఇక సారి చూద్దాం…

MiniMasalaIdli-14

మిగిలిన ఇడ్లీలు: 8

పచ్చి మిరపకాయలు: 2(మద్యకు కట్ చేసుకోవాలి)

అల్లం: చిన్న ముక్క(తురుము)

ఉల్లిపాయ: 1(చిన్న ముక్కలుగా కత్తిరించాలి)

టమోటా: 1 (చిన్న ముక్కలుగా కట్ చేసుకోవాలి)

కొత్తిమీర: (సన్నగా తరిగి పెట్టుకోవాలి)

పసుపు: 1/4tsp

రెడ్ చిల్లి పౌడర్: 1/2tsp

కొత్తిమీర పొడి: 1tsp

సోపు గింజలు పొడి: 1/2tsp

గరం మసాలా పొడి : ఒక చిటికెడు (అవసరం అయితే)

నిమ్మరసం: 1/2tbsp(అవసరం అనుకుంటే)

ఆయిల్: 1tbsp

ఉప్పు: రుచికి సరిపడా

ఆవాలు:1tsp

కరివేపాకు: రెండు రెమ్మలు

తయారు చేయు విధానం:

1. ముందుగా పాన్ లో కొద్దిగా నూనె వేసి వేడిచేయాలి, తర్వాత అందులో ఆవాలు వేసి చిటపటలాడాక, అందులో కరివేపాకు కూడా వేసి రెండు నిముషాలు వేగించాలి.

2. తర్వాత అందులో పచ్చిమిర్చి, అల్లం తురుము వేసి ఫ్రై చేయాలి.

3. ఇప్పుడు అందులోనే ఉల్లిపాయ ముక్కలు వేసి మీడియం మంట మీదు ఐదు నిముషాల పాటు వేగించుకోవాలి. తర్వాత వెంటనే పసుపు, కారం, ధనియాలపొడి, సోంపు గింజలు, గరం మసాలా పౌడర్ వేసి మిక్స్ చేస్తూ వేగించాలి.

4. తర్వాత అందులోనే తరిగిన టమోటో ముక్కలు వేసి మరో 5నిముషాలు టమోటోలు మెత్తబడేవరకూ వేగించుకోవాలి. ఇప్పుడు మిగిలిన ఇడ్లీలను ముక్కలుగా చేసుకోసి అందులో వేయాలి. మసాలా అంతా ఇడ్లీలలకు బాగా పట్టేలా నిధానంగా మిక్స్ చేస్తూ, ఫ్రై చేసుకోవాలి.

5. చివరగా అందులో నిమ్మరసం వేసి మిక్స్ చేసుకోవాలి. తర్వాత స్టౌ ఆఫ్ చేసుకోవాలి. క్రిందికి దింపుకొనే ముందు కొత్తిమీర తరుగుతో గార్నిష్ చేసి వేడి వేడిగా గ్రీన్ చట్నీతో సర్వ్ చేయాలి.

ఆయుర్వేదం ప్రకారం ఉదయం బ్రేక్ ఫాస్ట్ లో తప్పనిసరిగా తీసుకోవాల్సిన ఆహారాలు…

skinny-rules-biggest-losers-never-break-04-eating-breakfast-sl

– గ్రీన్ జ్యూస్లు: వివిధ రకాల జ్యూస్ లు ఉన్నాయి. ఫ్రూట్ జ్యూసులు మాత్రమే కాకుండా వెజిటేబుల్ జ్యూస్ లను కూడా ఎంపిక చేసుకోవచ్చు. వెజ్ గ్రీన్ జ్యూస్ లలో హెల్తీ న్యూట్రీషియన్స్ కలిగి ఉంటాయి. బ్రొకోలీ, కుకుంబర్, సెరల్, కొత్తిమీర, స్పినాచ్ జ్యూస్ లను ఎంపిక చేసుకోవాలి. నిపుణులు సూచిస్తున్నారు.

– ఎండు ఖర్జూరం: హెల్తీ బ్రేక్ ఫాస్ట్ కు డేట్స్ హెల్తీ చాయిస్, వీటిని బ్రెడ్ తో పాటు తీసుకోవచ్చు. ఎండు ఖర్జూరాలను రాత్రి నీళ్ళలో వేసి నానబెట్టి, ఉదయం ఓట్ మీల్ తో కలపి తీసుకోవాలి.

– మొలకలు: మొలకల్లో విటమిన్స్, మినిరల్స్ పుష్కలంగా ఉంటాయి. ఇవి ఇన్ స్టాంట్ ఎనర్జీని అందిస్తాయి. కాబట్టి, రెగ్యులర్ డైట్ లో మొలకలను చేర్చుకోవాలి.

– ఓట్ మీల్: ఒక కప్పు ఓట్ మీల్ ని పాలల్లో కానీ మరే రూపంలో కానీ తీసుకొన్నా ఫలితాలుంటాయి. ఓట్ మీల్ లోని పీచు ఇతర కార్బొహైడ్రేట్ల వల్ల శరీరానికి నూతనోత్తేజం లభిస్తుంది. దీనిలోని పొటాషియం, పాస్ఫరస్ వంటి ఖనిజలవణాలు మీరు ఉత్సాహాంగా ఉండటానికి చాలా బాగా సహాయపడుతుంది. కొత్త ఆలోచనలు వచ్చేలా ఉత్తేజపరుస్తుంది. అధిక కొవ్వు సమస్య కూడా ఉండదు.

– అరటి పండ్లు: అరటి పండ్లు శరీర శక్తిని పెంచటమే కాదు బ్లడ్ ప్రెజర్ ను కూడా అదుపులో ఉంచుతాయి. అరటి పండులో పొటాషియం ఉంటుంది. ఇది రక్తపోటును నియంత్రిస్తుంది. కనుక ప్రతిరోజూ 1 లేదా 2 అరటిపండ్లు తినాలి. అంతకంటే అధికంగా తింటే వాటిలోని షుగర్ మీ శరీరంలోని షుగర్ స్ధాయి పెంచుతుంది. కనుక మితంగా తినండి.

– స్వీట్ పొటాటో: ఆయుర్వేదం ప్రకారం, ఫైబర్ అధికంగా ఉండే స్వీట్ పొటాటో త్వరగా పొట్ట నింపిన ఫీలింగ్ కలిగిస్తుంది. బ్రేక్ ఫాస్ట్ తిన్న ఫీలింగ్ కలిగిస్తుంది.

– నట్స్: బాదం పప్పు, ఇతర గింజల్లో ఏక అసంతృప్త కొవ్వు పదార్ధాలు వుంటాయి కనుక అవి మీ శరీరానికి చాలా మంచివి – మీ ధమనులను శుభ్ర పరుస్తాయి. గింజలు తరువాతి భోజనం వరకు మీకు కడుపు నిండుగా అనిపిస్తుంది. వాటిలో విటమిన్ ఇ, పీచు పదార్ధం, మెగ్నీషియం పుష్కలంగా వుంటాయి. గింజల్లో వుండే విటమిన్ ఇ యాంటి ఆక్సిడెంట్ గా పని చేసి కాన్సర్, ఉబ్బసం, ఇతర ఇన్ఫెక్షన్లను ఎదుర్కోవడంలో మీ రోగనిరోధక వ్యవస్థకు సహకరిస్తుంది.

– బెర్రీస్: బెర్రీస్ లో తీపి తక్కువ బరువు తగ్గించడంలో అద్భుతంగా సహాయపడుతాయి. కొన్ని పరిశోధనల ప్రకారం ముదురు వర్ణంలో ఉండే బెర్రీస్ లో యూరిక్ ఆమ్లం తగ్గించడానికి సహాయం కీలక అంశంగా ఉంటుంది. వీటిని అలాగే తినవచ్చు, ఎండబెట్టిన లేదా జ్యూస్ చేసి త్రాగవచ్చు. దాంతో లాంగ్ టైమ్ హెల్తీ హార్ట్ ను కలిగి స్లీమ్ గా మారవచ్చు.

హెల్తీ గ్రీన్ పీస్ పూరీని ఎలా తయారుచేయాలో చూద్దాం…

Green_Peas_Poori_

కావల్సిన పదార్థాలు:

మైదా: 2cups

బేకింగ్ పౌడర్: 1/2tbsp

నీళ్ళు: పిండి కలుపుకోవడానికి సరిపడా

ఉప్పు: రుచికి సరిపడా

స్టఫింగ్ కోసం కావల్సినవి:

పచ్చిబఠానీలు: 1/2cup

పచ్చిమిర్చి: 3-4(చిన్న ముక్కలుగా తరిగి పెట్టుకోవాలి)

కారం: 1/4tbsp

ఉప్పు: రుచికి సరిడా

గోధుమపిండి: కొద్దిగా

తయారుచేయు విధానం:

1. ముందుగా మిక్సింగ్ బౌల్ తీసుకొని అందులో గోధుమ పిండి, బేకింగ్ పౌడర్, ఉప్పు మరియు కొద్దిగా నీళ్ళు పోసి మృదువుగా పిండి కలిపి పెట్టుకోవాలి.

2. తర్వాత మిక్సీలో పచ్చిమిర్చి మరియు పచ్చిబఠానీలను వేసి మెత్తగా గ్రైండ్ చేసుకోవాలి.

3. తర్వాత తవా తీసుకొని వేడి చేసి అందులో నెయ్యి వేసి వేడి చేయాలి.

4. ఇప్పుడు అందులో పచ్చిమిర్చి, పచ్చిబఠానీల మిశ్రమం, కారం, నిమ్మరసం మరియు ఉప్పు వేసి ఒక నిముషం ఎక్కువ మంట మీద ఫ్రై చేసుకోవాలి. మొత్తం మిశ్రమం కలగలిసే విధంగా ఫ్రై చేసుకోవాలి.

5. ఇప్పుడు అందులోనే కొద్దిగా గోధుమ పిండిని చిలకరించి ఒక నిముషం ఫ్రై చేసి, దించి క్రింద పెట్టుకోవాలి.

6. అంతలోపు ముందుగా కలిపి పెట్టుకొన్న పిండి నుండి కొద్దిగా తీసుకొని చిన్న చిన్న ఉండలుగా పూరిలుగా వత్తుకోవాలి. తర్వాత ముందుగా తయారు చేసి పెట్టుకొన్న మిశ్రమాన్ని పూరీల్లో స్టఫ్ చేయాలి.

7. ఇప్పుడు స్టౌ మీద పాన్ పెట్టి, నెయ్యి వేసి వేడయ్యాక అందులో వేసి రోస్ట్ చేసుకోవాలి. అంతే బ్రేక్ ఫాస్ట్ కు సర్వ్ చేయడానికి మటర్ పూరీ రెడీ.