Posts Tagged ‘breakfast recipe’

ఎగ్ వైట్ మష్రుమ్ ఆమ్లెట్ ఎలా తయారుచేయాలో చూద్దాం…

images (62)

కావల్సిన పదార్థాలు :

మష్రుమ్(పుట్టగొడుగులు) : 1cup(మష్రుమ్ ను తరుముకోవాలి. లేదా సన్నగా తరిగి పెట్టుకోవాలి)

ఎగ్ వైట్ : 4

పెప్పర్ : 1/2tsp

పాలు : 1tbps

ఆలివ్ ఆయిల్ : 1tsp

ఓరిగానో : 1/2tsp

చీజ్ : 1/2cube(గార్నిష్ కొరకు)

కొత్తిమీర : కొద్దిగా

ఉప్పు : రుచికి సరిపడా

తయారుచేయు విధానం :

1. ముందుగా ఒక బౌల్ తీసుకొని గుడ్డు పగులగొట్టి అందులోని తెల్ల సొనని మాత్రమే బౌల్లోనికి జాగ్రత్తగా వంచుకోవాలి.

2. ఇప్పుడు ఎగ్ వైట్ కు పాలు కలిపి బాగా గిలకొట్టాలి. తర్వాత అందులో ఉప్పు, సన్నగా తరిగిపెట్టుకొన్న మష్రుమ్, కొత్తిమీర, అన్ని వేసి బాగా గిలకొట్టాలి.

3. అలాగే అందులో పెప్పర్ అప్పుడే వేయవచ్చు లేదా తర్వాత కూడా పెప్పర్ ను చిలకరించుకోవచ్చు.

4. తర్వాత ఫ్రైయింగ్ పాన్ లో కొద్దిగా ఆలివ్ ఆయిల్ వేసి వేడి చేయాలి.

5. ఇప్పుడు మష్రుమ్ ఎగ్ వైట్ మిక్స్ చేసి పెట్టుకొన్న మిశ్రమాన్ని పాన్ మీద పోయాలి.

6. ఈ ఆమ్లెట్ ను రెండు వైపులా కొన్ని నిముషాలు ఫ్రై చేసుకోవాలి.

7. ఇప్పుడు దానికి పెప్పర్ పౌడర్, ఓరిగానో చిలకరించాలి. మీరు ఇంకా దానీ మీద చీజ్ తురుమును కూడా చిలకరించాలి.

8. చివరగా కొత్తిమీర తరుగు గార్నిష్ చేయాలి. అంతే ఎగ్ వైట్ మష్రుమ్ ఆమ్లెట్ రెడీ. ఇది హెల్తీ బ్రేక్ ఫాస్ట్ రిసిపి.

వెజిటేబుల్ ఆమ్లెట్ ఎలా తయారుచేయాలో చూద్దాం… టేస్టీ బ్రేక్ ఫాస్ట్ రిసిపి…

veggie-omelette-main

కావల్సిపదార్థాలు:

గుడ్లు: 2-3

ఉల్లిపాయలు: 1(సన్నగా కట్ చేసుకోవాలి)

టమోటో: ½ (సన్నగా కట్ చేసుకోవాలి)

పచ్చిమిర్చి: 2 (సన్నగా కట్ చేసుకోవాలి)

స్ప్రింగ్ బీన్స్ : 1 (సన్నగా కట్ చేసుకోవాలి)

బ్లాక్ పెప్పర్ పౌడర్: చిటికెడు

రెడ్ చిల్లీ పౌడర్: ½ tsp

పాలు: 1tbsp

ఉప్పు: రుచికి సరిపడా

నూనె లేదా బట్టర్: 1tsp

తయారు చేయు విధానం:

1. ముందుగా ఒక మిక్సింగ్ బౌల్ ల్లో గుడ్లను పగుల గొట్టి అందులో పోయాలి. అందులోనే మిగిలిన పదార్ధాలు, అంటే ఒక చెంచా పాలు, ఉల్లిపాయ ముక్కలు, టమోటోలు, స్ప్రింగ్ బీన్స్, పచ్చిమిర్చి, ఉప్పు, బ్లాక్ పెప్పర్ పౌడర్, రెడ్ చిల్లీ పౌడర్ వేసి బాగా గిలకొట్టాలి.

2. తర్వాత ఫ్రైయింగ్ పాన్ స్టౌ మీద పెట్టి వేడయ్యాక దాని మీద కొద్ది నూనె లేదా బట్టర్ రాసి మిక్స్ చేసి పెట్టుకొన్న ఎగ్ వెజిటేబుల్ మిశ్రమాన్ని ఆమ్లెట్ గా వేయాలి. మీడియం మంట మీద రెండు మూడు నిముషాల పాటు ఒక వైపు కాలిన తర్వాత మరో వైపుకు టర్న్ చేసుకొని ఆవైపు కూడా బేక్ చేసుకోవాలి.

3. ఆమ్లెట్ టర్న్ చేయడానికి వుడెన్ స్పూన్ ఉపయోగించడం వల్ల మద్యకు కట్ కాకుండా ఉంటుంది. కాబట్టి ఆమ్లెట్ రెడీ అయిన తర్వాత ఒకటి రెండు నిముషాలు స్టౌమీద అలాగే ఉంచి ఆ తర్వాత సర్వింగ్ ప్లేట్ లోనికి తీసుకోవాలి. అంతే వేడి వేడి హెల్తీ వెజిటేబుల్ బ్రేక్ ఫాస్ట్ రెడీ. చివరగా కొత్తిమీర తరుగుతో గార్ని చేసి సర్వ్ చేయాలి.

ఉల్లిపాయ పరోటా ఎలా తయారుచేయాలో చూద్దాం…

download

కావల్సిన పదార్థాలు:

గోధుమ పిండి: 11/2cup

ఉల్లిపాయ: 1cup(సన్నగా తరిగి పెట్టుకోవాలి)

జీలకర్ర: 1tsp

పచ్చిమిర్చి: 2-4(సన్నగా చిన్న ముక్కలుగా తగిరిపెట్టుకోవాలి)

గరం మసాలా: 1/2tsp

కొత్తిమీర తరుగు: 4tbsp

ధనియాల పొడి: 1tsp

నూనె: ఫ్రై చేయడానికి

ఉప్పు: రుచికి సరిపడా

తయారుచేయు విధానం:

1. ఒక చిన్నపాన్ లో కొద్దిగా నూనె వేసి వేడయ్యాక అందులో జీలకర్ర వేసి అవి చిటపటలాడాక అందులో సన్నగా తరిగి పెట్టుకొన్న ఉల్లిపాయ ముక్కలు వేసి లైట్ బ్రౌన్ కలర్ వచ్చే వరకూ వేగించుకోవాలి.

2. ఇప్పుడు అందులో పచ్చిమిర్చి, కొత్తిమీర తరుగు, గరం మసాలా, మరియు ధనియాల పొడి, వేసి బాగా మిక్స్ చేసి, రెండు నిముషాలు వేగించి, స్టౌ ఆఫ్ చేసేయాలి. ఈ మిశ్రమాన్ని పది నిముషాల పాటు చల్లారనివ్వాలి.

3. ఫ్రై చేసి చల్లారబెట్టుకొన్న ఆనియన్ మిశ్రమంలో ఒక కప్పు గోధుమ పిండి, రెండు చెంచాల నూనె, రుచికి సరిపడా ఉప్పు వేసి బాగా మిక్స్ చేయాలి. తర్వాత ఇందులో కొద్దిగా నీళ్ళు కలుపుకొని చపాతీ పిండిలా మృదువుగా, మెత్తగా కలుపుకోవాలి.

4. తర్వాత కలుపుకొన్న పిండికి కొద్దిగా నూనె రాసి, ఒక పల్చటి కాటన్ క్లాత్ లో చుట్టి ఒక పదిహేను నిముషాల పాటు పక్కన పెట్టుకోవాలి. 15నిముషాల తర్వాత పిండిలో నుండి కొద్దికొద్దిగా తీసుకొని చిన్న చిన్న ఉండలు చేసుకోవాలి.

5. తర్వాత వీటిని చపాతీ కర్రతో చపాతీల్లా చుట్టుకోవాలి. ఇలా అన్నింటింని తయారు చేసుకొని పక్కన పెట్టుకోవాలి.

6. ఇప్పుడు స్టౌ మీద తవా పెట్టి వేడియ్యాక తవా మీద చపాతీల వేసి రెండు వైపులా నూనె రాసి, బ్రౌన్ కలర్ వచ్చే వరకూ వేగించుకోవాలి. ఇలా మొత్తం అన్ని చపాతీలనూ కాల్చుకోవాలి. వీటిని పొటాటో కర్రీ లేదా దోసకాయ రైతాతో వేడి వేడిగా సర్వ్ చేయాలి.

బ్రౌన్ రైస్ ఇడ్లీ ఎలా తయారుచేయాలో చూద్దాం… మధుమేహగ్రస్తులకు స్పెషల్ బ్రేక్ ఫాస్ట్…

Oats-Idli-1

కావల్సిన పదార్థాలు:

బ్రౌన్ రైస్: 3cups

ఉద్దిపప్పు: 1/2cup

పోహా(అటుకులు): 1/2cup

ఉప్పు: రుచికి సరిపడా

నీళ్ళు: 7-8cups

తయారుచేయు విధానం:

1. ముందుగా బ్రౌన్ రైస్, పోహ, ఉద్దిపప్పు మూడింటిని వేరు వేరుగా శుభ్రంగా కడిగి, తర్వాత నీళ్ళు పోసి 8గంటల పాటు నానబెట్టుకోవాలి.

2. 8గంటల తర్వాత రైస్,పోహా, ఉద్దిపప్పు నుండి నీళ్ళను వంపేసి, మూడింటిని వేరువేరుగా మెత్తగా పేస్ట్ చేసి పెట్టుకోవాలి.

3. ఇలా చేసుకొన్న తర్వాత అన్ని పదార్థాలను ఒక పెద్ద బౌల్లో వేసి బాగా మిక్స్ చేసుకోవాలి. ఈ మిశ్రమాన్ని నాలుగు గంటలపాటు పక్కన పెట్టుకోవాలి. పిండి పులుయడానికి కొద్ది సమయం పడుతుంది.

4. తర్వాత అందులో ఉప్పు మిక్స్ చేసి, ఇడ్లీ ప్లేట్స్ లో పోయాలి తర్వాత, ఇడ్లీ ప్లేట్స్ ను ఇడ్లీ పాత్రలో పెట్టి 5-10నిముషలు ఆవిరి మీద ఉడికించుకోవాలి.

5. అంతే ఐదు నిముషాల తర్వాత ఇడ్లీ స్టాండ్ ను బయటకు తీసి, వేడి వేడి ఇడ్లీలను కొబ్బరి చట్నీతో సర్వ్ చేయాలి.

రాజ్మా పరోటా ఎలా తయారుచేయాలో చూద్దాం… బ్రేక్ ఫాస్ట్ రిసిపి…

3

కావల్సిన పదార్థాలు:

రాజ్మా: 1cup(ఉడికించి, చిదిమి పెట్టుకోవాలి)

ఉల్లిపాయలు: 2(సన్నగా తరిగిపెట్టుకోవాలి)

టమోటో ప్యూరీ: 1tbsp

పచ్చిమిర్చి: 3(సన్నగా కట్ చేసినవి)

అల్లం వెల్లుల్లి పేస్ట్ : 1tsp

కారం: 1tsp

గరం మసాలా: 1/2tsp

జీలకర్ర: 1/2tsp

ఉప్పు: రుచికి సరిపడా

నెయ్యి: 1cup

నూనె: 2tbsp

పిండి కలుపుకోవడానికి గోధుమ పిండి: 2cups

ఉప్పు: చిటికెడు

నూనె : 2tsp

నీళ్ళు: 2cups

తయారు చేయు విధానం:

1. ముందుగా ఒక పెద్ద గిన్నె తీసుకోని, పిండికోసం తీసుకొన్న పదార్థాలన్నింటిని వేసి చపాతీ పిండిలా మృదువుగా కలుపుకొని, పక్కన పెట్టుకోవాలి.

2. తర్వాత పాన్ లో నూనె వేసి వేడి చేసిన తర్వాత అందులో జీలకర్ర వేసి చిటపటలాడాక, అందులో ఉల్లిపాయ ముక్కలు వేసి రెండు మూడు నిముషాలు బాగా వేగించుకోవాలి(ఉల్లిపాయ ముక్కలు బ్రౌన్ కలర్ వచ్చేవరకూ వేగించుకోవాలి).

3. ఇప్పుడు అందులో పచ్చిమిర్చి, అల్లం, వెల్లుల్లి పేస్ట్, పసుపు మరియు ఉప్పు కూడా వేసి కొన్ని నిముషాలు వేగించుకోవాలి. తర్వాత అందులోనే టమోటో గుజ్జును కూడా వేసి బాగా ఉడికించుకోవాలి.

4. ఇప్పుడు వేగుతున్న మిశ్రమంలో స్మాష్ చేసి పెట్టుకొన్న రాజ్మా, కారం, గరం మసాలా వేసి బాగా మిక్స్ చేయాలి. తర్వాత మీడియం మంట మీద గ్రేవీ పూర్తిగా ఇగిరిపోయే వరకూ ఉడికించుకోవాలి. మసాలా అంతా ఉడికిన తర్వాత, స్టౌ ఆఫ్ చేసి, చల్లారినివ్వాలి.

5. తర్వాత పాన్ స్టౌ మీద పెట్టి వేడి చేయాలి. అంతలోపు, పిండిలో కొద్ది కొద్దిగా తీసుకొని చిన్న చిన్న బాల్స్ గా చుట్టుకోవాలి, తర్వాత చపాతీ కర్రతో పరోటాలా చుట్టుకోవాలి.

6. తర్వాత పరోటా మద్యలో ముందుగా తయారు చేసి పెట్టుకొన్న రాజ్మా మసాలను పెట్టి రోల్ చేసి అన్ని వైపులా కవర్ అయ్యేలా చేసి తర్వాత మళ్ళీ పరోటాలా వెడల్పుుగా చుట్టుకోవాలి.

7. ఇలా అన్నింటిని తయారు చేసిపెట్టుకొన్నాక, కాలే పాన్ మీద వేసి రెండు వైపులా నూనె వేసి, బ్రౌన్ కలర్ వచ్చే వరకూ కాల్చుకోవాలి. అంతే, తినడానికి రాజ్మా పరోటా రెడీ. వీటిని పెరుగు లేదా చట్నీతో సర్వ్ చేయాలి.