Posts Tagged ‘chicken’

చికెన్ సమోసా ఎలా తయారుచేయాలో తెలుసుకుందాం…

vegetable_samosa

కావల్సిన పదార్థాలు:

చికెన్ : 1 కప్పు

రెడ్ చిల్లీ పెప్ప్ పౌడర్: 2టీస్పూన్స్

గరం మసాల: 1tsp

పసుపు: 1/2tsp

సోంపు పౌడర్: 1tsp

పెప్పర్ : 1/2tsp

ధనియాలపొడి: 2 tsp

ఉప్పు: రుచికి సరిపడా

నూనె : డీఫ్ ఫ్రై చేయడానికి సరిపడా

ఉల్లిపాయలు: 3(సన్నగా తరిగినవి)

అల్లం పేస్ట్ : 1tbsp

వెల్లుల్లి పేస్ట్ : 1tbsp

పచ్చిమిర్చి : 3 (సన్నగా తరిగి పెట్టుకోవాలి)

గుడ్డు: 1

మైదా : 2 కప్పులు

నీళ్ళు సరిపడా

తయారీ విధానం:

1. ముందుగా పాన్ లో నూనె వేసి వేడి చేయాలి. ఉల్లిపాయలు వేగిన తర్వాత అందులోనే అల్లం, వెల్లుల్లి పేస్ట్ వేసి ఫ్రై చేసుకోవాలి. ఇప్పుడు అందులో చికెన్ మిన్స్ ను జోడించాలి. తర్వాత అందులోనే సోంపు పౌడర్, మిరియాలు, ధనియాలపొడి, పసుపు, ఉప్పు, గరం మసాలా, కారం, పచ్చిమిర్చి, కొత్తిమీర వేసి మొత్తం మిశ్రమాన్ని కలగుపుకోవాలి.

2. ఈ మొత్తం మిశ్రమం బాగా ఉడికించి పక్కన పెట్టుకోవాలి. ఇప్పుడు ఒక పెద్ద బౌల్ తీసుకుని, పిండి, గుడ్డు మరియు చిటికెడు ఉప్పు , మైదా వేసి మెత్తగా , మ్రుదువుగా పిండి కలిపి పెట్టుకోవాలి. 15 నిముషాల తర్వాత ఈ పిండి నుండి కొద్దిగా చేతిలోకి తీసుకుని, చిన్న బాల్స్ లా చేసి, ప్లాట్ గా రోల్ చేయాలి. చపాతీల్లా చుట్టుకుని, తర్వాత మద్యలో చికెన్ స్టఫ్ ను నింపి, అన్ని వైపుల క్లోజ్ చేస్తూ సమోసాల్లా ఒత్తుకోవాలి.

3. ఇలా కొన్ని సమోసాలు తయారుచేసుకున్న తర్వాత, డీప్ బాటమ్ పాన్ తీసుకుని, నూనె పోసి, వేడి చేయాలి. నూనె వేడెక్కిన తర్వాత అందులో సమోసాలను వేసి బంగారువర్ణంలోకి మారే వరకూ వేగించి, తీసి బౌల్లో పెట్టుకోవాలి.

4. నూనె ఎక్కువగా ఉన్నట్లైతే పేపర్ టవల్ మీద వేసి, కొద్దిసేపటి తర్వాత వేరే ప్లేట్ లోకి మార్పుకుని, వేడి వేడిగా సర్వ్ చేయాలి. చట్నీ , సాస్ మర్చిపోకండి.

చికెన్ వ్రాప్ రిసిపి ఎలా తయారుచేయాలో చూద్దాం…

download (3)

కావల్సిన పదార్థాలు:

చికెన్ – 200 g

ఉల్లిపాయలు – 1 cup (chopped)

టమోటోలు- 1 cup (chopped)

క్యాప్సికమ్ – 1 cup (chopped)

మొయోనైజ్ – 2 teaspoons

గ్రీన్ చిల్లీస్ – 5 to 6

అల్లం, వెల్లుల్లి పేస్ట్ – 1 teaspoon

కొత్తిమీర – 1 cup

పెప్పర్ – 1 teaspoon

ఉప్పు: రుచికి సరిపడా

నూనె: తగినంత

చపాతీ పిండికోసం:

గోధుమపిండి – 2 cups

మైదా – 1 cup

ఉప్పు: 1/2tsp

నూనె: 1tsp

తయారుచేయు విధానం:

1. ముందుగా పాన్‌లో కొద్దిగా నూనె వేసి వేడి అయ్యాక, అందులో ఉల్లిపాయలు, టమోటోలు, అల్లం, వెల్లుల్లి పేస్ట్, పచ్చిమిర్చి వేసి మొత్తం మిశ్రమాన్ని వేగించుకోవాలి.

2. తర్వాత అందులోనే క్యారెట్, క్యాప్సికమ్ మరియు బోన్‌లెస్ చికెన్ ఖీమా వేసి ఫ్రై చేసుకోవాలి.

3. మద్యలో కొద్దిగా ఉప్పు చిలకరించి ఫ్రై చేయడం వల్ల మరీ డ్రైగా కాకుండా ఫ్రై చేసుకోవచ్చు.

4. తర్వాత అందులోనే పెప్పర్ మరియు నిమ్మరసం మిక్స్ చేస్తూ 10 నిముషాలు వేగించుకోవాలి. తర్వాత స్టౌ ఆఫ్ చేసుకోవాలి.

5. అంతలోపు గోధుమ, మైదాపిండి, ఉప్పు , నూనె మరియు నీరు కూడా వేసి  చపాతీ పిండిని కలిపి పెట్టుకోవాలి

6.తర్వాత చపాతీ పిండి నుండి కొద్దిగా పిండి తీసుకొని ఉండలు చేసుకోవాలి .

7. ఇప్పుడు చపాతీ పీట మీద చపాతీలను రుద్ది పెట్టుకోవాలి. రుద్ది పెట్టుకున్న ఒక్కొక్క చపాతీ సెంటర్లో, ముందుగా వండి పెట్టుకున్న చికెన్ మసాలా మిశ్రమాన్ని పెట్టాలి.

8. తర్వాత చపాతీని నీట్‌గా రోల్ చేసి, వ్రాప్‌లా చేసుకోవాలి. కాల్చుకున్న తర్వాత వ్రాప్ చేయాలి. అంతే తినడానికి చపాతీ వ్రాప్ రెడీ. ఈ చికెన్ వ్రాప్‌ను సాస్‌తో సర్వ్ చేయాలి.

చికెన్ స్పినాచ్ ఎలా తయారుచేయాలో చూద్దాం…

images

కావల్సిన పదార్థాలు:

చికెన్ : 1kg

ఆకు కూర: 1కట్ట

ఉల్లిపాయ: 1(సన్నగా తరిగి పెట్టుకోవాలి)

వెల్లుల్లి రెబ్బలు : 4

నూనె: 2tbsp

పసుపు: 1tsp

కారం: 1tsp

జీలకర్ర: 1tsp

ధనియాలపొడి: 1tsp

ఉప్పు: రుచికి సరిపడా

తయారుచేయు విధానం:

1. ముందుగా చికెన్ కు స్కిన్ తొలగించి శుభ్రంగా కడిగి, పక్కన పెట్టుకోవాలి.

2. తర్వాత ఆకుకూరలను విడిపించుకొని, మంచినీటిలో వేసి శుభ్రంగా కడిగి నీరు పూర్తిగా వంపేసి పక్కన పెట్టుకోవాలి.

3. ఇప్పుడు ఉల్లిపాయ మరియు వెల్లుల్లి సన్నగా తరిగి పెట్టుకోవాలి.

4. పాన్ లో కొద్దిగా నూనె వేసి వేడయ్యాక అందులో వెల్లుల్లి రెబ్బలు వేసి ఒక నిముషం ఫ్రై చేసుకోవాలి.

5. తర్వాత సన్నగా తరిగి పెట్టుకొన్న ఉల్లిపాయ ముక్కలు వేసి బ్రౌన్ కలర్ వచ్చే వరకూ వేగించుకోవాలి.

6. అలాగే మసాల దినుసులన్నీ కూడా వేసి మరో 2నిముషాలు ఫ్రై చేసుకోవాలి. తర్వాత ఒక కప్పు నీళ్ళు పోసి, గ్రేవీ చిక్కగా మారే వరకూ కలియబెట్టుకోవాలి.

7. పాన్ లో మీకు చికెన్ ముక్కలతో పాటు సరిపడా మసాలా ఉన్నదని నిర్ధారించుకొన్న తర్వాత మంటను ఎక్కువగా పెట్టి చికెన్ మెత్తబడే వరకూ ఉడికించుకోవాలి.

8. చికెన్ పూర్తిగా ఉడికిందని నిర్ధారించుకొనే సమయంలో ముందుగా కడిగి శుభ్రం చేసి పెట్టుకొన్న ఆకుకూరను సన్నగా తరిగి ఉడుకుతున్న చికెన్ లో వేసి మూత పెట్టి, మీడియం మంట మీద ఉడికించుకోవాలి. అంతే స్పినాచ్ చికెన్ రిసిపి రెడీ.

చికెన్‌ గారెలు ఎలా తయారుచేయాలో చూద్దాం…

download (9)

కావలసిన పదార్థాలు:

బోన్‌లెస్‌ చికెన్‌ – 1/2kg

శనగపప్పు – 3cups

గరం మాసాలా – 2 tsp

కారం – 2 tsp

అల్లం వెల్లుల్లి పేస్ట్‌ – 2tbsp

పచ్చిమిరిపకాయలు – 4(సన్నగా తరిగిపెట్టుకోవాలి)

ఉల్లిపాయలు – 3(సన్నగా తరిగిపెట్టుకోవాలి)

పసుపు – 1/4tsp

కొత్తిమీర కట్ట – 1(సన్నగా తరిగిపెట్టుకోవాలి)

నూనె: డీఫ్ ఫ్రై చేయడానికి సరిపడా

ఉప్పు – రుచికి సరిపడా

తయారు చేయు విధానం:

1. ఒక గిన్నెలో శనగపప్పు వేసి నీళ్లలో నానబెట్టుకోవాలి.

2. తర్వాత చికెన్‌ ముక్కలు శుభ్రంగా కడిగి కారం, గరం మసాలా, అల్లం వెల్లుల్లి పేస్ట్‌, పసుపు, ఉప్పు వేసి తగినన్ని నీళ్లు పోసి ఉడికించుకోవాలి.

3. ఇప్పుడు ముందుగా నానబెట్టిన శనగపప్పును మెత్తగా రుబ్బుకోవాలి.

4. తర్వాత పేస్ట్ చేసుకొన్న శెనగపప్పు ముద్దలో ఉల్లిముక్కలు, పచ్చిమిర్చి ముక్కలు, ఉడికించిన చికెన్‌, మసాలా, కొద్దిగా ఉప్పు వేసి బాగా కలుపుకోవాలి.

5. ఇప్పడు పాన్ స్టౌ మీద పెట్టి నూనె సోపి వేడి అయ్యాక అందులో కొద్దిగా చికెన్‌ ముద్దను అరచేతిలో తీసుకుని మధ్యలో రంధ్రం చేసి నూనెలో వేయించాలి.అంతే చికెన్ గారెలు రెడీ.

స్పైసీ చికెన్‌ పకోడి ఎలా తయారుచేయాలో చూద్దాం…

images

కావలసిన పదార్థాలు:

బోన్‌లెస్‌ చికెన్‌: 1/2kg

పుదీనా: 1 కట్ట

కొత్తిమీర: 1 కట్ట

పచ్చిమిర్చి: 4

అల్లం: చిన్న ముక్క

వెల్లుల్లి: 6 రెబ్బలు

నిమ్మకాయ: 1

ధనియాల పొడి: 1tsp

గరం మసాలా: 1tsp

పెరుగు: 2tsp

శనగపిండి: 1/2cup

ఉప్పు: తగినంత

నూనె: వేయించడానికి సరిపడా

తయారు చేసే విధానం:

1. ముందుగా పుదీన, కొత్తిమీర, పచ్చిమిర్చి, అల్లం, వెల్లుల్లి మిక్సీలో వేసి ముద్ద చేసుకోవాలి.

2. తర్వాత చికెన్‌ను శుభ్రంగా కడిగి అందులో ధనియాల పొడి, గరం మసాలా, ఉప్పు, కారం, పెరుగు, నిమ్మరసం, ముందుగా నూరిపెట్టుకున్న పుదీన, పచ్చిమిర్చి ముద్ద వేసి బాగా మిక్స్ చేయాలి. ఈ మిశ్రమాన్ని గంటసేపు నానబెట్టాలి.

3. ఒక గంట తర్వాత అందులో ఒక స్పూను వేడి నూనె, శనగపిండి కలపాలి.

4. ఇప్పుడు స్టౌ మీద పాన్ పెట్టి, అందులో నూనె వేసి కాగిన తర్వాత మ్యారినేట్ చేసి పెట్టుకొన్న చికెన్ నుండి కొద్దికొద్దిగా తీసి శెనగపిండిలో డిప్ చేసి కాగే నూనెలో వేయాలి.

5. కాగిన నూనెలో శనగపిండి కలిపిన చికెన్‌ను పకోడీలా వేసి బంగారు రంగు వచ్చేవరకు వేయించి తీస్తే చాలు. రుచికరమైన వేడి వేడి చికెన్‌ పకోడీ రెడీ.

కరకరలాడే హాట్ అండ్ స్పైసీ చికెన్ ఎలా తయారుచేయాలో చూద్దాం…

 

images (17)

కావల్సిన పదార్థాలు:

బోన్ లెస్ చికెన్ ముక్కలు:5 to 6

కార్న్ ఫ్లోర్: 5 tbsp

మైద: 5 tbsp

గుడ్లు: 2

సోయా సాస్: 2 tbsp

చిల్లీ సాస్: 2 tbsp

వెనిగర్: 2 tbsp

ఆవపొడి: 1 tsp

బ్లాక్ పెప్పర్: 1 tsp

వెల్లుల్లి రెబ్బలు: 6 to 7సన్నగా తరిగి పెట్టుకోవాలి

ఉప్పు : రుచికి సరిపడా

చైనీస్ సాల్ట్: రుచికి సరిపడా

నూనె: ఫ్రై చేయడానికి సరిపడా

తయారుచేయు విధానం:

1. ముందుగా శుభ్రం చేసుకొన్న చికెన్ ముక్కలను కుక్కర్లో వేసి, కొద్దిగా నీళ్ళు పోసి పెట్టాలి.

2. అలాగే చికెన్ తో పాటు, కొద్దిగా నూనె, చైనీస్ సాల్ట్, వెల్లుల్లి, వెనిగర్, ఉప్పు మరియు పెప్పర్ వేయాలి.

3. మొత్తం మిశ్రమాన్ని మిక్స్ చేసి మూత పెట్టి మెత్తగా ఉడికించుకోవాలి.

4. ఇప్పుడు సపరేట్ బౌల్ తీసుకొని అందులో గుడ్లు, సోయాసాస్, చిల్లీ సాస్, బ్లాక్ పెప్పర్, ఆవాల పేస్ట్, కార్న్ ఫ్లోర్ మరియు మైదా మొత్తం మిశ్రమాన్ని మిక్స్ చేసుకోవాలి.

5.ఈ పేస్ట్ ను మరీ చిక్కగా లేకుండా కొద్దిగా పాలు మిక్స్ చేసుకోవచ్చు. ఇప్పుడు ముందుగా ఉడికించుకొన్న చికెన్ ముక్కలకు ఈ పేస్ట్ ను పట్టించి డీప్ ఫ్రై చేసుకోవాలి.

6. అంతే క్రిస్పీ చికెన్ ముక్కలను టమోటో సాస్ మరియు కోల్డ్ డ్రింక్స్ తో సర్వ్ చేస్తే చాలా టేస్ట్ గా ఉంటుంది.

కల్మీ కబాబ్ రిసిపి ఎలా తయారుచేస్తారో చూద్దాం…

images (23)

కావల్సిన పదార్థాలు:

చికెన్: 1kg (మీడియం సైజ్ ముక్కలుగా కట్ చేసుకోవాలి)

అల్లం వెల్లుల్లి పేస్ట్: 2tsp

ఉప్పు: రుచికి సరిపడా

పెరుగు: 1cup

కుంకుమపువ్వు: చిటికెడు

నిమ్మకాయ రసం: 1tbsp

మైదా: ¼cup

మసాలా కోసం కావల్సిన పదార్థాలు:

లవంగాలు: 3

ఉల్లిపాయ విత్తనాలు(కాలా జీర): ½tsp

చెక్క: 1

బే ఆకు: 1

మిరియాలు: 5

తయారుచేయు విధానం:

1. ముందుగా మసాలాకోసం సిద్దం చేసుకొన్న పదార్థాలన్నింటిని పాన్‌లో వేసి రోస్ట్ చేసుకోవాలి. తర్వాత వీటిని చల్లారనిచ్చి, మిక్సీలో వేసి పొడి చేసుకొని పక్కన పెట్టుకోవాలి.

2. తర్వాత చికెన్ ముక్కలను శుభ్రంగా కడిగి, తడిఆరేవరకూ పక్కన పెట్టుకోవాలి.

3. తర్వత చికెన్ ముక్కలను చిన్న చిన్నగాట్లు పెట్టుకోవాలి.

4. తర్వాత ఒక బౌల్ తీసుకొని అందులో పెరుగు మరియు అల్లం వెల్లుల్లి పేస్ట్, ఉప్పు, కుంకుమ పువ్వు, నిమ్మరసం, మైదా మరియు పొడిచేసుకొన్న మసాలా పౌడర్ వేసి బాగా మిక్స్ చేయాలి.

5. ఈ మిశ్రమంలో చికెన్ ముక్కలను వేసి రెండు మూడు గంటల సమయం మ్యారినేట్ చేసి పెట్టుకోవాలి.

6. తర్వత మైక్రోవేవ్‌లోని గ్రిల్స్‌కు గ్రిల్ చేసి 15-20నిముషాలు మైక్రోవోవెన్‌లో పెట్టాలి.

7. చికెన్ గ్రిల్ క్రింది బాగంలో డ్రిప్ ట్రే పెట్టాలి. చికెన్ పూర్తిగా ఉడికిన తర్వాత ఒక ప్లేట్ లోనికి మార్చుకోవాలి. అంతే చికెన్ కల్మీ కబాబ్ రిసిపి రెడీ.

టేస్టీ చికెన్ బిర్యానీ ఎలా తయారుచేయాలో చూద్దాం…

biryani

కావాల్సిన వస్తువులు:

చికెన్-500 గ్రాములు(బోన్ లెస్)

పసుపు-ఒక టీ స్పూను

పెరుగు-ఒక కప్పు

గరం మసాలా-ఒక టీ స్పూను

కారం-2 టేబుల్ స్పూనులు

ఉప్పు-తగినంత

అల్లం పేస్టు-ఒక తేబుల్ స్పూను

వెల్లుల్లి పేస్టు-ఒకటిన్నర టేబుల్ స్పూను

నెయ్యి-3 టేబుల్ స్పూన్లు

వేయించిన ఉల్లిపాయలు-ఒక కప్పు

బాస్మతీ రైస్-నానబెట్టినది 2 కప్పులు

మసాల దినుసులు-తగినన్ని

డ్రై ఫ్రూట్స్-సన్నగా తరిగినవి ఒక కప్పు

కుంకుమ పువ్వు నీరు-2 టేబుల్ స్పూన్లు

రోజ్ వాటర్-ఒక టేబుల్ స్పూన్లు

కేవ్రా వాటర్-ఒక టేబుల్ స్పూను

తయారీ విధానం:

1.చికెన్ ముక్కలని ఒక గిన్నెలో తీసుకుని దానిలో పెరుగు, కారం, పసుపు, అల్లం వెల్లుల్లి పేస్ట్, ఉప్పు, గరం మసాలా వెయ్యాలి.

2.ఇలా చికెన్ ముక్కలని మారినేట్ చేసి 2 గంటలపాటు పక్కనుంచాలి.

3.ఒక లోతైన మూకుడు తీసుకుని దానిలో నెయ్యి వేసి వేడి చేసి మారినేట్ చేసి పెట్టుకున్న చికెన్ ముక్కలని వెయ్యాలి.

4.వేయించిన ఉల్లిపాయలు, డ్రై ఫ్రూట్స్ వేసి చికెన్ సగం ఉడికే వరకూ స్టవ్ మీద ఉంచాలి.

5.ఒక పాన్ తీసుకుని దానిలో నీళ్ళు పోసి వేడి చేసి నీళ్ళు మరుగుతున్నప్పుడు మసాలా దినుసులు వెయ్యాలి.

6.దీనిలో ముందుగా నానబెట్టుకున్న బాస్మతీ బియ్యం వేసి 80% ఉడికించుకోవాలి.

7.ఇప్పుడు వేయించుకున్న చికెన్ ముక్కలని ఒక లోతైన గిన్నెలో పేర్చి పైన ఉడికిన అన్నాన్ని వేసి పొరలుగా పేర్చాలి.

8.దీనిలో కుంకుమ పువ్వు నీరు, రోజ్ వాటర్, కేవ్రా వాటర్, డ్రై ఫ్రూట్స్, వేయించిన ఉల్లిపాయలు, తరిగిన కొత్తిమీర వేసి మూత పెట్టి చుట్టూ అల్యూమినియం ఫాయిల్తో చుట్టాలి.

9.చికెన్ బిర్యానీని ఇంకా సహజంగా చెయ్యాలనుకుంటే గిన్నె మూతకి గోధుమ పిండి పూసి సీల్ చెయ్యాలి.

10.ఇప్పుడు బిర్యానీని ఇలా 20 నిమిషాల పాటు సన్నని మంట మీద ఉడికించుకోవాలి.

11.గిన్నెలో నుంచి సువాసన వచ్చినప్పుడు స్టవ్ ఆపాలి. అంతే మీ చికెన్ బిర్యానీ రెడీ.

క్రిస్పీ అండ్ యమ్మీ చికెన్ లాలీపప్ ఎలా తయారుచేయాలో చూదాం…

images (29)

కావల్సిన పదార్థాలు:

చికెన్: 12 ముక్కలు

ఉల్లిపాయ: 4tsp(పేస్ట్)

వెల్లుల్లి: 1tsp(పేస్ట్)

అల్లం: 1 tsp(పేస్ట్)

పెప్పర్ పౌడర్: 1tsp

కారం: 1tsp

ఉప్పు: రుచికి సరిపడా

మొక్కజొన్న పిండి: 3tbsp

మైదా: 2tbsp

బేకింగ్ సోడా: చిటికెడు

ఆయిల్: 3 టేబుల్ స్పూన్లు

ఉప్పు: రుచికి సరిపడా

తయారుచేయు విధానం:

1. ముందుగా మీరు చికెన్ లాలీపప్స్‌ను శుభ్రంగా కడిగి, దాని మీద పసుపు, ఉప్పు చిలకరించి పక్కన పెట్టుకోవాలి.

2. తర్వాత ఒక మిక్సింగ్ బౌల్ తీసుకొని, అందులో ఉల్లిపాయ పేస్ట్, అల్లం, వెల్లుల్లి పేస్ట్ వేసి మిక్స్ చేయాలి. ఈ పేస్ట్ మిశ్రమానికి పెప్పర్ పౌడర్ కూడా వేసి బాగా మిక్స్ చేయాలి.

3. ఇప్పుడు ఈ పేస్ట్‌ను ఉపయోగించి చికెన్ లాలీపప్స్‌కు ఫుల్‌గా మ్యారినేట్ చేసి పెట్టుకోవాలి. చికెన్ మ్యారినేట్ చేసిన తర్వాత 15నిముషాలు పక్కన పెట్టుకోవాలి.

4. మరో బౌల్లో, కార్న్ ఫ్లోర్ మరియు మైద, బేకింగ్ సోడా, ఉప్పు మరియు నీళ్ళు పోసి చిక్కగా కలిపి పెట్టుకోవాలి.

5. తర్వాత ఈ చిక్కటి పిండిని మ్యారినేట్ చేసిన చికెన్ లాలీపప్స్‌కు మ్యారినేట్ చేయాలి. ఇలా అన్ని చికెన్ ముక్కలకు పట్టించిన తర్వాత మరో 10నిముషాలు పక్కన పెట్టుకోవాలి.

6. నూనె వేడి అయ్యాక, చికెన్ లాలీపప్స్‌ను ఫ్రైయింగ్ పాన్‌లో వేసి ఫ్రై చేయాలి. అన్ని అవైపులా బ్రౌన్ కలర్ వచ్చే వరకూ తిప్పుతూ పూర్తిగా ఫ్రై చేయాలి.

7. చికెన్ లాలీపప్ప్ గోల్డ్ బ్రౌన్ కలర్‌లోనికి మారుతున్నప్పుడు, ఆయిల్ నుండి చికెన్ లాలీపప్స్‌ను తీసి, ఆయిల్ పీల్చుకొనే పేపర్ మీద వేయాలి. అంతే మీ చికెన్ లాలీపప్స్ రెడీ.

8. ఈ రుచికరమైన చికెన్ లాలీపప్స్‌ను చైనీస్ ఫ్రైడ్ రైస్‌తో తినాలి. మరింత స్పైసీ టేస్ట్ కోరుకుంటున్నట్లైతే బ్లాక్ పెప్పర్ పౌడర్ వేసి అందించాలి.

కోహినూర్ చికెన్ రిసిపి ఎలా తయారుచేయాలో చూద్దాం…

images (9)

కావల్సిన పదార్థాలు:

బోన్ లెస్ చికెన్ : 1kg

ఉల్లిపాయలు: 2(సన్నగా తరిగినవి)

అల్లం వెల్లుల్లిపేస్ట్: 1tsp

టమోటో గుజ్జు: 1/2cup

నిమ్మరసం: 1tsp

ఉప్పు & పెప్పర్: రుచికి సరిపడా

గరం మసాలా: 1tsp

కుంకుమ పువ్వు లేదా ఫుడ్ కలర్: చిటికెడు

మైదా : 2tbsp

పుదీనా: కొద్దిగా

కరివేపాకు: రెండు రెమ్మలు

ఎండు మిర్చి: 2-4

నూనె: 2tbsp

తాజా క్రీమ్: 2tbsp

తయారుచేయు విధానం:

1. ముందుగా చికెన్ ను ఒక మిక్సింగ్ బౌల్లో వేసి అందులో అల్లం, వెల్లుల్లి పేస్ట్, ఉప్పు, పెప్పర్, కారం, నిమ్మరసం, గరం మసాలా మరియు కుంకుమ పువ్వు వేసి, బాగా మిక్స్ చేసి పక్కన పెట్టుకోవాలి.

2. ఇప్పుడు చికెన్ ముక్కలకు పట్టించిన మసాలాలు విడిపోకుండా మైదాలో చల్లడం లేదా మైదాలో పొర్లించడం వల్ల మసాల మరియు ఫ్లేవర్ పోకుండా ఉంటుంది.

3. తర్వాత పెద్ద పాన్ తీసుకొని స్టౌ మీద పెట్టి నూనె వేసి కాగిన తర్వాత మ్యారినేట్ చేసి పెట్టుకొన్న చికెన్ ముక్కలను అందులో వేసి డీప్ ఫ్రై చేసుకోవాలి. క్రిస్పీగా బ్రౌన్ కలర్ వచ్చే వరకూ ఫ్రై చేసుకొని ఒక ప్లేట్‌లోకి తీసి పెట్టుకోవాలి.

4. ఇప్పుడు అదే నూనెలో సన్నగా కట్ చేసిన ఉల్లిపాయ ముక్కలు మరియు అల్లం వెల్లుల్లి పేస్ట్ వేసి ఫ్రై చేయాలి.

5. తర్వాత టమోటో గుజ్జు మరియు ఫ్రెష్ క్రీమ్ (లేదా కొబ్బరి పాలు)వేసి ఫ్రై చేస్తూ ఉడికించుకోవాలి.

6. ఇప్పుడు ముందుగా ఫ్రై చేసుకొన్న చికెన్ ముక్కలను వేసి రుచికి సరిపడా ఉప్పు మరియు మిరియాల పొడి వేసి ఫ్రై చేసుకోవాలి. బాగా మిక్స్ చేస్తూ గ్రేవీ మొత్తం చికెన్ ముక్కలకు పట్టేవరకూ ఫ్రై చేసుకోవాలి.

7. తర్వాత సన్నగా తరిగి పెట్టుకొన్న కొత్తిమీర, పుదీనా తరుగును వేసి గార్నిష్ చేయాలి. అంతే కోహినూర్ చికెన్ రిసిపి రెడీ.

8. ఈ కోహినూర్ చికెన్ రిసిపిని మటర్ పులావ్ లేదా బటర్ నాన్‌తో తిని ఎంజాయ్ చేయవచ్చు.