Posts Tagged ‘cumin’

ఢాబా స్టైల్…బొమ్మిడాయిల పులుసు ఎలా తయారుచేయాలో తెలుసుకుందాం…

images (29)

కావల్సిన పదార్థాలు:

బొమ్మిడాయిలు(చేపలు): ½ kg

చింతపండు :కొద్దిగా (నీటిలో నానబెట్టుకోవాలి)

మెంతులు : 2tsp

జీలకర్ర: 1 tsp

పచ్చిమిర్చి: 3 (సన్నగా కట్ చేసుకోవాలి)

టమోటోలు : 2 (సన్నగా తరిగి పెట్టుకోవాలి)

ఆవాలు : 1 tsp

పసుపు : 1 tsp

ఉల్లిపాయ : 2 (సన్నగా తరిగి పెట్టుకోవాలి)

మసాలా పౌడర్ : (కారం, వెల్లుల్లి, జీలకర్ర, ధనియాలు, మెంతులును పొడి చేసుకోవాలి) : 2tsp

కరివేపాకు : 2 రెమ్మలు

కారం : 1tbsp

కొత్తిమీర తరుగు: 3tbsp

ఉప్పు : రుచికి తగినంత

నూనె: 3tbsp

తయారుచేయు విధానం:

1. ముందుగా స్టౌ మీద పాన్ పెట్టి అందులో కొద్దిగా నూనె వేసి వేడయ్యాక అందులో మెంతులు, ఆవాలు, జీలకర్ర మరియు పచ్చిమిర్చి వేసి సన్నని మంట మీద ఫ్రై చేసుకోవాలి. ఒక నిముషం వేగిన తర్వాత అందులో సన్నగా తరిగి పెట్టుకొన్న ఉల్లిపాయ ముక్కలు వేసి ఫ్రై చేసుకోవాలి.

2. ఇప్పుడు టమోటో ముక్కలు కూడా వేసి ఫ్రై చేసుకోవాలి.

3. మీడియం మంటలో ఉల్లి, టమోటో ముక్కలు వేగిన తర్వాత, అందులో పసుపు, కారం, మరియు మసాలా పౌడర్ వేసి కలియబెడుతూ ఫ్రై చేసుకోవాలి.

4. ఇప్పుడు అందులోనే కొద్దిగా ఉప్పు కూడా వేసి మొత్తం మిశ్రమాన్ని కలగలుపుకోవాలి.

5. 5నిముషాల తర్వాత ముందుగా శుభ్రం చేసి పెట్టుకొన్న చేపముక్కలను అందులో వేసి, చిక్కటి గ్రేవీతో బాగా మిక్స్ చేయాలి.

6. ఇప్పుడు అందులోనే చింతపండు పులుసు కూడా పోసి మూత పెట్టకుండానే 15నిముషాలు మీడియం మంట మీద ఉడికించుకోవాలి.

7. చేపముక్కలు మీడియంగా ఉడికిన తర్వాత చిక్కబడ్డ గ్రేవీ మీద కరివేపాకు మరియు కొత్తిమీర తరుగుతో గార్నిష్ చేయాలి. అంతే డాబా స్టైల్ బొమ్మిడాయిల పులుసు రెడీ.

చికెన్ స్పినాచ్ ఎలా తయారుచేయాలో చూద్దాం…

images

కావల్సిన పదార్థాలు:

చికెన్ : 1kg

ఆకు కూర: 1కట్ట

ఉల్లిపాయ: 1(సన్నగా తరిగి పెట్టుకోవాలి)

వెల్లుల్లి రెబ్బలు : 4

నూనె: 2tbsp

పసుపు: 1tsp

కారం: 1tsp

జీలకర్ర: 1tsp

ధనియాలపొడి: 1tsp

ఉప్పు: రుచికి సరిపడా

తయారుచేయు విధానం:

1. ముందుగా చికెన్ కు స్కిన్ తొలగించి శుభ్రంగా కడిగి, పక్కన పెట్టుకోవాలి.

2. తర్వాత ఆకుకూరలను విడిపించుకొని, మంచినీటిలో వేసి శుభ్రంగా కడిగి నీరు పూర్తిగా వంపేసి పక్కన పెట్టుకోవాలి.

3. ఇప్పుడు ఉల్లిపాయ మరియు వెల్లుల్లి సన్నగా తరిగి పెట్టుకోవాలి.

4. పాన్ లో కొద్దిగా నూనె వేసి వేడయ్యాక అందులో వెల్లుల్లి రెబ్బలు వేసి ఒక నిముషం ఫ్రై చేసుకోవాలి.

5. తర్వాత సన్నగా తరిగి పెట్టుకొన్న ఉల్లిపాయ ముక్కలు వేసి బ్రౌన్ కలర్ వచ్చే వరకూ వేగించుకోవాలి.

6. అలాగే మసాల దినుసులన్నీ కూడా వేసి మరో 2నిముషాలు ఫ్రై చేసుకోవాలి. తర్వాత ఒక కప్పు నీళ్ళు పోసి, గ్రేవీ చిక్కగా మారే వరకూ కలియబెట్టుకోవాలి.

7. పాన్ లో మీకు చికెన్ ముక్కలతో పాటు సరిపడా మసాలా ఉన్నదని నిర్ధారించుకొన్న తర్వాత మంటను ఎక్కువగా పెట్టి చికెన్ మెత్తబడే వరకూ ఉడికించుకోవాలి.

8. చికెన్ పూర్తిగా ఉడికిందని నిర్ధారించుకొనే సమయంలో ముందుగా కడిగి శుభ్రం చేసి పెట్టుకొన్న ఆకుకూరను సన్నగా తరిగి ఉడుకుతున్న చికెన్ లో వేసి మూత పెట్టి, మీడియం మంట మీద ఉడికించుకోవాలి. అంతే స్పినాచ్ చికెన్ రిసిపి రెడీ.

ఆలూ కిచిడి ఎలా తయారుచేయాలో చూద్దాం…

images (97)

కావల్సిన పదార్థాలు:

బియ్యం: 1cup

నూనె: 2tbsp

జీలకర్ర: 1tsp

దాల్చిన చెక్క: చిన్న ముక్క

యాలకలు: 1

పచ్చిబఠానీలు: 50grms

బంగాళదుంప: 1పెద్దది(చిన్న ముక్కలుగా కట్ చేసుకోవాలి)

పసుపు : కొద్దిగా

ఉప్పు: 2tsp

పచ్చిమిర్చి: 2(సన్నగా కట్ చేసుకోవాలి)

నీళ్ళు: 3cups

తయారుచేయు విధానం:

1.ముందుగా బియ్యంను శుబ్రంగా కడిగి పక్కన పెట్టుకోవాలి.

2. తర్వాత పాన్ లో కొద్దిగా నెయ్యి వేసి వేడయ్యాక అందులో జీలకర్ర, యాలకలు వేసి ఒక నిముషం ఫ్రై చేసుకోవాలి.

3. ఒక నిముషం తర్వాత అందులో బియ్యం కూడా వేసి మీడియం మంట మీద ఫ్రై చేసుకోవాలి.

4. ఇప్పుడు అందులో బంగాళదుంప ముక్కలు మరియు పచ్చిబఠానీ కూడా వేసి మరో రెండు మూడు నిముషాలు ఫ్రై చేసుకోవాలి.

5. తర్వాత అందులో పచ్చిమిర్చి వేసి వేగించాలి.

6. ఆ తర్వాత రుచికి సరిపడా ఉప్పు, పసుపు, సరిపడా నీళ్ళు సోసి బాగా మిక్స్ చేయాలి.

6. ఇప్పుడు మంటను మీడియంగా పెట్టి 15నిముషాలు ఉడికించుకోవాలి. కిచిడి మెత్తబడే వరకూ ఉడికించి తర్వాత స్టౌ ఆఫ్ చేయాలి. అంతే ఆలూ కిచిడి రెడీ. ఇది మధ్యాహ్నాం మీల్స్ కు ఫర్ఫెక్ట్ గా నప్పుతుంది.

కాలీఫ్లవర్ ఫ్రైడ్ రైస్ (గోబీ ఫ్రైడ్ రైస్) ఎలా తయారుచేయాలో చూద్దాం…

images (4)

కావల్సిన పదార్థాలు:

బాస్మతి రైస్: 2cups(వండిపెట్టుకోవాలి)

కాలీఫ్లవర్: 1/2పువ్వు(విడిపించి లేదా కట్ చేసి పెట్టుకోవాలి)

ఉల్లిపాయ: 1(సన్నగా తరిగి పెట్టుకోవాలి)

పచ్చిమిర్చి: 2(సన్నగా తరిగి పెట్టుకోవాలి)

జీలకర్ర: 1/2tbsp

కారం: 1/2tbsp

పసుపు: 1/4tsp

దాల్చిన చెక్క: కొద్దిగా

ఉప్పు: రుచికి సరిపడా

నూనె: తగినంత

తయారుచేయు విధానం:

1. ముందుగా పాన్ తీసుకొని అందులో నూనె వేసి వేడిచేయాలి. వేడి అయ్యేక అందులో జీలకర్ర, దాల్చిన చెక్క మరియు లవంగాలు వేయాలి. జీలకర్ర చిటపటలాడిన తర్వాత ఉల్లిపాయ ముక్కలు వేసి గోల్డ్ బ్రౌన్ కలర్ వచ్చే వరకూ వేగించుకోవాలి.

2. ఇప్పుడు అందులోనే పచ్చిమిర్చి వేసి వేగించుకోవాలి.

3. పోపు వేగిన తర్వాత అందులో కారం, పసుపు, మరియు ఉప్పు వేసి బాగా మిక్స్ చేస్తూ వేగించుకోవాలి.

4. తర్వాత అందులోనే కాలీఫ్లవర్ వేసి మొత్తం మిశ్రమం మిక్స్ చేస్తూ మీడియం మంట మీద 10నిముషాలు వేగించుకోవాలి.

5. గోబీ గోల్డ్ బ్రౌన్ కరల్ వచ్చే వరకూ వేగించుకోవాలి.

6. గోబీ మెత్తగా మారిన తర్వాత అందులో ముందుగా వండి పెట్టుకొన్న అన్నం వేసి మొత్తం మిశ్రమాన్ని మిక్స్ చేసుకోవాలి. మిక్స్ చేస్తూనే 5-6నిముషాలు తక్కువ మంట మీద ఉడికించుకోవాలి.అంతే గోబీ రైస్ రిసిపి రెడీ.

మటన్ డ్రమ్ స్టిక్స్ దాల్చా ఎలా తయారుచేయాలో చూద్దాం…

download (12)

కావల్సిన పదార్థాలు:

మసూర్ దాల్(ఎర్రకందిపప్పు): 100grms

శెనగపప్పు: 50grms

ఆవాలు: 1tsp

లవంగాలు: 4

దాల్చిన చెక్క:2

వెల్లుల్లిపాయ: 1

మాంసం: 1Kg

అల్లం వెల్లుల్లి పేస్ట్: 1tsp

కరివేపాకు: రెండు రెమ్మలు

ఎండు మిర్చి : 10

మునగకాయలు: 2

పుదీనా తురుము: 2tsp

మామిడికాయపొడి: 2tsp

కారం: 1tsp

పసుపు: 1tsp

నెయ్యి: 50grms

మటన్ స్టాక్: 1ltr

ఉప్పు: సరిపడా

నూనె: తగినంత

తయారుచేయు విధానం:

1. ముందుగా మటన్ ముక్కల్ని శుభ్రంగా కడిగి, తర్వాత కుక్కర్ లో వేసి నీళ్ళు పోసి మీడియంగా ఉడికే వరకూ 2విజిల్స్ వచ్చే వరకూ ఉడికించుకోవాలి.

2. తర్వాత స్టౌ ఆఫ్ చేసి పక్కన తీసి పెట్టుకోవాలి. ఈ నీళ్ళనే మటన్ స్టాక్ గా వాడాలి.

3. అంతలోపు ఎర్రకందిపప్పు, శెనగపప్పు కడిగి ఒక గంటసేపు నానబెట్టుకోవాలి.

4. తర్వాత పాన్ లో కొద్దిగా నెయ్యి వేసి కాగాక అందులో అల్లంవెల్లుల్లి, మటన్ ముక్కలు, నానబెట్టిన పప్పులు, మునగకాయ ముక్కలు వేసి వేయించుకోవాలి.

5. పచ్చివాసన పోయే వరకూ వేగిన తర్వాత అందులో మటన్ స్టాక్ పోసి మటన్ ముక్కలు పూర్తిగా ఉడికే వరకూ ఉంచాలి.

6. మరో పాన్ లో నూనె వేసి, జీలకర్ర, లవంగాలు, దాల్చిన చెక్క, కరివేపాకు, ఎండుమిర్చి, వెల్లుల్లి రెబ్బలు వేసి వేయించాలి.

7. తర్వాత ఉల్లిపాయ ముక్కలు కూడా వేసి వేగాక ఉడికించిన మటన్ మిశ్రమాన్ని ఇందులో వేసి కలిపి దింపుకోవాలి.

8. చివరగా మామిడికయ పొడి, మిగిలిన నెయ్యి, పుదీనా తురుము వేసి గార్నిష్ చేసుకోవాలి. అంతే మటన్ డ్రమ్ స్టిక్ దాల్చా రెడీ.

దహీ చెన్న కర్రీ : సైడ్ డిష్ రిసిపి…

images (80)

కావల్సిన పదార్థాలు:

చెన్న(శెనగలు): 200grm(రాత్రంతా నీటిలో వేసి నానబెట్టుకోవాలి)

ఉల్లిపాయలు: 2(నాలుగు భాగాలుగా కట్ చేసుకోవాలి)

పచ్చిమిర్చి: 2-3

అల్లం: కొద్దిగా

టమోటో: 1(చిన్న ముక్కలుగా కట్ చేసుకోవాలి)

వెల్లుల్లి రెబ్బలు: 5-6

చిక్కటి పెరుగు: 2tbsp

కారం: 1tsp

ధనియాలపొడి: 2tsp

పసుపు: 1tsp

గరం మసాల: 1tsp

చెన్న మసాల: 1tsp

దాల్చిన చెక్క: కొద్దిగా

లవంగాలు: 2

బిర్యానీ ఆకు: కొద్దిగా

కొత్తిమీర: కొద్దిగా

ఉప్పు రుచికి సరిపడా

తయారుచేయు విధానం:

1. ముందుగా నానబెట్టుకొన్న శెనగలలో నీరు వంపేసి కుక్కర్లో వేసి కొద్దిగా ఉప్పు మరియు పసుపు కూడా వేసి రెండు మూడు విజిల్స్ వచ్చే వరకూ ఉడికించుకోవాలి.

2. అంతలోపు ఉల్లిపాయ, పచ్చిమిర్చి, అల్లం మరియు వెల్లుల్లిని మిక్సీలో వేసి మెత్తగా పేస్ట్ చేసుకోవాలి. దీన్ని బౌల్లో వేసుకోవాలి.

3. అలాగే టమోటోను కూడా మెత్తగా పేస్ట్ చేసి పక్కన పెట్టుకోవాలి.

4. పాన్ ను స్టౌ మీద పెట్టి, అందులో నూనె వేసి వేడి అయ్యాక అందులో జీలకర్ర, దాల్చిన చెక్క మరియు లవంగాలు వేసి ప్రై చేసుకోవాలి.

5. పోపు వేగిన తర్వాత మిక్సీలో గ్రైండ్ చేసి పెట్టుకొన్న ఉల్లిపాయ, పచ్చిమిర్చి, అల్లం మరియు వెల్లుల్లి పస్ట్ని వేసి రెండు నిముషాలు మీడయం మంట మీద ఫ్రై చేసుకోవాలి.

6. ఉల్లిపాయ, పచ్చిమిర్చి, అల్లం మరియు వెల్లుల్లి పస్ట్ మొత్తబడిన తర్వాత, కొద్దిగా పసుపు, మరియు ఉప్పు వేసి మిక్స్ చేయాలి.

7. ఇప్పుడు అందులో టమోటో పేస్ట్  వేసి మంట ఎక్కువగా పెట్టి ఒక నిముషం ఫ్రై చేసుకొని, తర్వాత అందులో చిక్కటి పెరుగును వేసి మిక్స్ చేయాలి.

8. మొత్తం మిశ్రమం కలియబెడుతూ, ఉడికించాలి. తర్వాత అందులో గరం మసాలా, చెన్నా మసాలా, కారం మరియు ధనియాలపొడి వేసి మరో రెండు మూడు నిముషాలు ఉడికించుకోవాలి.

9. ఇప్పుడు ప్రెజర్ కుక్కర్ మూత తీసి ఉడికించుకొన్న శెనగలను నీటితో సహా పోపులో పోసి, మొత్తం మిశ్రమాన్ని కలియబెట్టి, చిక్కబడే వరకూ ఉడికించుకోని తాజా కొత్తిమీరతో గార్నిష్ చేయాలి.

స్టఫ్డ్ టమోటో మలై గ్రేవీ ఎలా తయారుచేయాలో చూద్దాం…

download (2)

కావలసిన పదార్థాలు:

ఎర్రగా ఉన్న టొమాటోలు: 2

ఆలివ్ ఆయిల్ : 1tsp

వెల్లుల్లి రేకలు: 2

ఉల్లి తరుగు: 1/2cup

జీలకర్ర: 1/2tsp

వంకాయ ముక్కలు: 1/2cup

వెనిగర్: 2tbps

టొమాటో ముక్కలు: 1/2cup

పుదీనా ఆకులు: 5

నువ్వుపప్పు : 3tbsp

పైన్‌నట్స్: 2tbsp

కారం: 1/2tsp

ఉప్పు: రుచికి తగినంత

మిరియాలపొడి: 1/2tsp

కొత్తిమీర తరుగు: 1cup

తయారు చేయు విధానం:

1. ముందుగా ఓవెన్‌ను 375 డిగ్రీల దగ్గర వేడి చేయాలి.

2. తర్వాత టొమాటోలపై భాగాన్ని కట్ చేసి, లోపల ఉండే గుజ్జును స్పూను సహాయంతో జాగ్రత్తగా తీయాలి.

3. ఇప్పుడు ఒక పాన్‌లో ఆలివ్ ఆయిల్ కాగాక వెల్లుల్లిరేకలు, ఉల్లి తరుగు, జీలకర్ర వేసి మూడు నిమిషాలు వేయించాలి.

4. వంకాయ ముక్కలను జత చేసి మెత్తగా అయ్యేవరకు ఉడికించాలి.

5. తర్వాత ఒక చిన్న బాణలిలో వెనిగర్, టొమాటో ముక్కలు వేసి వేయించాలి.

6. అలాగే అందులోనే పుదీనా ఆకులు, కారం జత చేసి రెండు నిమిషాలు వేయించి దించి, చల్లారాక మిక్సీలో వేసి మెత్తగా చేయాలి.

7. మరో బాణలిలో కూరగాయ ముక్కలకు, నువ్వుపప్పు, పైన్ నట్స్ జత చేసి కలపాలి. వేడిగా ఉండగానే మిరియాలపొడి, ఉప్పు వేసి కలిపి దించేయాలి.

8. పైన తయారుచేసుకున్న పదార్థాలన్నిటినీ ఒక గిన్నెలో వేసి బాగా కలపాలి.

9. పెద్ద స్పూన్‌తో ఈ మిశ్రమాన్ని టొమాటోలలో స్టఫ్ చేయాలి.

10. తర్వాత బేకింగ్ షీట్ మీద ఉంచి ఓవెన్‌లో 20 నిమిషాలు బేక్ చేయాలి. 20 నిముషాల తర్వాత బయటకు తీసి, కొత్తిమీరతో గార్నిష్ చేసి సర్వ్ చేయాలి. అంతే స్టఫ్డ్ టమోటో రెడీ.

పనీర్ పహాడి ఎలా తయారుచేయాలో చూద్దాం…

download (79)

కావల్సిన పదార్థాలు:

పనీర్: 250grm

క్యాప్సికమ్: 1(సన్నగా కట్ చేసుకోవాలి)

ఉల్లిపాయలు: 2(సన్నగా కట్ చేసుకోవాలి)

పుదీనా : 1/4cup(సన్నగా కట్ చేసుకోవాలి)

కొత్తిమీర తరుగు: 1tbsp

కార్న్ ఫ్లోర్: 1tbsp

పచ్చిమిర్చి: 4

వెల్లుల్లి రెబ్బలు: 4

పెరుగు: 2tbsp

ఉప్పు: రుచికిసరిపడా

ధనియాలా పొడి : 1tsp+1tsp

జీలకర్ర పొడి : 1tsp

ఛాట్ మసాలా: 1tsp+2tsp

తందూరి మసాలా : 1tsp

బ్లాక్ పెప్పర్ పౌడర్: 1/2 tsp

కారం: 1/2tsp

నూనె: 4tbsp

స్కీవర్స్

తయారుచేయు విధానం:

1. ముందుగా పుదీనా, కొత్తిమీర, పచ్చిమిర్చి, వెల్లుల్లి, ధనియాలపొడి, జీలకర్ర, పెరుగు మరియు ఉప్పు వేసి చిక్కటి పేస్ట్‌లా తయారుచేసుకోవాలి. ఈ పేస్ట్‌లో సగం తీసి పక్కన పెట్టుకోవాలి.

2. ఇప్పుడు కార్న్ ఫ్లోర్, తందూరి మసాలా, ఛాట్ మసాలా, బ్లాక్ పెప్పర్ పౌడర్ మరియు కారం ముందుగా తయారుచేసుకొన్న పేస్ట్‌లో సగం వేసి బాగా మిక్స్ చేసుకోవాలి.

3. ఇప్పుడు ఈ మొత్తం మిశ్రమాన్ని పనీర్ , క్యాప్సికమ్ కు మరియు ఉల్లిపాయలకు మ్యారినేట్ చేయాలి. ఇప్పుడు వీటిని స్కీవర్స్‌కు గుచ్చి రిఫ్రిజరేటర్‌లో పెట్టాలి.

4. తర్వాత పాన్‌లో రెండు టీస్పూన్ల నూనె వేసి వేడి చేసి, పన్నీర్‌ను మీడియం ఫ్లేమ్ మీద 20 నిముషాల గ్రిల్ చేయాలి. ఇది గోల్డ్ బ్రౌన్ కలర్ వచ్చే వరకూ ఉంటే బ్రౌన్ కలర్లోకి మారి పనీర్‌తో పాటు వెజిటేబుల్స్ మెత్తగా ఉడుకుతాయి.

5. ఇవి ఫ్రై అయ్యి, మెత్తగా ఉడికిన తర్వాత ప్లేట్‌లోకి తీసి పెట్టుకోవాలి.

6. ఇప్పుడు పాన్‌లో మరికొద్దిగా నూనె వేసి వేడయ్యాక అందులో పుదీనా పేస్ట్ వేసి కలర్ మారే వరకూ ఫ్రై చేయాలి.

7. ఇప్పుడు జీలకర్రపొడి, ఛాట్ మసాలా మరియు ధనియాల పొడి వేసి మరో 5నిముషాలు ఫ్రై చేసుకోవాలి .

8. ఇప్పుడు ఈ గ్రేవీని పనీర్ స్కీవర్స్ మీద వేసి సర్వ్ చేయాలి. అంతే పనీర్ పహాడి రెడీ. ఈ స్పెషల్ పనీర్ పహాడి రిసిపిని రోటీలతో సర్వ్ చేస్తారు.

బెంగాలి స్టైల్ ట్రెడిషనల్ ఫిష్ కాలియా రిసిపి ఎలా తయారుచేయాలో చూద్దాం…

download (10)

కావల్సిన పదార్థాలు:

రఘుఫిష్ (కావాల్సిన సైజ్ లో కట్ చేసుకోవాలి) – 4 pieces

బంగాళదుంపలు – 2 medium sized (cut into quarters)

ఉల్లిపాయలు – 2 (finely chopped)

టమోటోలు – 1 (finely chopped)

నిమ్మరసం – 1 teaspoon

పెరుగు – 1 teaspoon

అల్లం పేస్ట్ – 2 teaspoon

వెల్లుల్లిపేస్ట్ – 2 teaspoon

పచ్చిమిర్చిపేస్ట్ – 2 teaspoon

ఆవనూనె – 4-5 teaspoon

టమోటో గుజ్జు – 1 teaspoon

పసుపు – 1/4 teaspoon

జీలకర్ర పొడి – 1 teaspoon

కారం – According to taste

ఉప్పు – According to taste

పంచదార – 1 teaspoon

గరం మసాలా – 1/2 teaspoon

బిర్యానీ ఆకు- 2

మసాలా దినుసులు – (దాల్చిన చెక్క: 1 small piece, లంగాలు: 2, యాలకలు: 2)

ఎండుమిర్చి – 1 (optional)

ఫ్లేవర్ కోసం (జీలకర్ర, సోంపు, మెంతి, కలోంజి, ఆవాలు) – 1/4 teaspoon

నెయ్యి – ½ TSP

నీళ్ళు – సరిపడా

కొత్తిమీర – గార్నిష్ కోసం

తయారుచేయు విధానం:

1. ముందుగా చేపముక్కలను బాగా కడిగి శుభ్రం చేసి పక్కన పెట్టుకోవాలి.

2. తడి ఆరిన తర్వాత వాటికి ఉప్పు, పసుపు, పెరుగు, మరియు నిమ్మరసం చేర్చి బాగా మిక్స్ చేసి 20 నిముషాలు మ్యారినేట్ చేసి పక్కన పెట్టుకోవాలి.

3. తర్వాత పాన్‌లో ఆవనూనె వేసి వేడి చేయాలి. నూనె వేడి అయ్యాక అందులో ముందుగా మ్యారినేట్ చేసి పెట్టుకొన్న చేపముక్కలను వేసి 5నిముషాలు ఫ్రై చేసి పక్కన పెట్టుకోవాలి.

4.ఇప్పుడు బంగాళదుంపలను బ్రౌన్ కలర్ వచ్చే వరకూ ఫ్రై చేసి పెట్టుకోవాలి.

5. తర్వాత అదే పాన్‌లో మరికొద్దిగా నూనె వేసి అందులో ఉల్లిపాయ ముక్కలు వేసి బ్రౌన్ కలర్ వచ్చే వరకూ వేగించుకోవాలి. తర్వాత అందులోనే అల్లం, వెల్లుల్లి మరియు పచ్చిమిర్చి పేస్ట్ వేయాలి.

6. ఇప్పుడు అందులోనే జీలకర్ర, సోంపు, మెంతి, కలోంజి, ఆవాలు, ఎండు మిర్చి వేసి ఫ్రై చేసుకోవాలి.

7. ఇప్పుడు మరో బౌల్ తీసుకొని అందులో పసుపు, జీలకర్ర మరియు కారం, సరిపడా నీళ్ళు పోయాలి. ఈ మిశ్రమాన్ని మీడియం మంట మీద బాయిల్ చేయాలి. తర్వాత అందులోనే టమోటో గుజ్జు కూడా వేసి ఉడికించుకోవాలి. దాంతో ఆయిల్ వేరుపడుతుంది.

8. ఈ మసాలాలతోనే బంగాళదుంప చేర్చి బాగా ఉడికించుకోవాలి. దాంతో మసాలన్నీ కూడా బంగాళదుంపలకు బాగా పడుతాయి. తర్వాత రుచికి తగినంత ఉప్పు వేసి ఉడికించుకోవాలి.

9. బంగాళదుంప మెత్తగా ఉడికిన తర్వాత వాటర్ వేసి ఉడికించుకోవాలి.

10. బంగాళదుంపలు మెత్తగా ఉడికిన తర్వాత అందులో చేపముక్కలు మరియు సన్నగా తరిగిన టమోటో ముక్కలు వేసి 5నిముషాలు ఉడికించుకోవాలి.

11. చేపముక్కలు మీడియంగా ఉడికినట్లు తెలియగానే స్టౌ ఆఫ్ చేయాలి. తర్వాత గరం మసాలా కొద్దిగా చిలకరించి బాగా మిక్స్ చేయాలి. చివరగా కొత్తిమీర తరుగుతో గార్నిష్ చేయాలి. అంతే బెంగాలి ట్రెడిషినల్ ఫిష్ కాలీ రిసిపి రెడీ.

స్పైసీ బెంగాలీ ఫిష్ కర్రీ ఎలా తయారుచేయాలో చూద్దాం…

download (52)

కావల్సిన పదార్థాలు:

ఫిష్ : 4 ముక్కలు

ఉల్లిపాయ: 1 (చిన్న ముక్కలుగా తరిగిపెట్టుకోవాలి)

అల్లం వెల్లుల్లి పేస్ట్: 1tbsp

టమోటో: 1 (చిన్న ముక్కలుగా తరిగినవి)

పచ్చిమిర్చి: 3 (తరిగినవి)

కారం: 1tsp

పసుపు: 1/2 tsp

జీలకర్ర పొడి: 1tsp

ధనియాల పొడి : 1 / 2tsp

సోంపు: 1/2 tsp

బిర్యానీ ఆకు 1

కొత్తిమీర: 2 కాడలు(సన్నగా తరిగి పెట్టుకోవాలి)

నూనె: 3tbsp

ఉప్పు: రుచికి సరిపడా

తయారుచేయు విధానం:

1. ముందుగా చేప ముక్కలను శుభ్రంగా కడిగి పసుపు మరియు ఉప్పు పట్టించి 10నిముషాలు పక్కన పెట్టుకోవాలి.

2. తర్వాత డీప్ బాటమ్ పాన్‌లో నూనె వేసి వేడయ్యాక అందులో చేపముక్కలను వేసి బ్రౌన్ కలర్ వచ్చే వరకూ ఫ్రై చేసుకోవాలి.

3. ఇలా ఫ్రై చేసుకొన్న చేపముక్కలను తీసి పక్కన పెట్టుకోవాలి.

4. మిగిలిన నూనెలో బిర్యాని ఆకు, కలౌంజి(సోంపు) మరియు పచ్చిమిర్చి వేసి ఫ్రై చేయాలి.

5. తర్వాత అల్లం వెల్లుల్లి పేస్ట్ కూడా వేసి 2,3నిముషాలు వేగించుకోవాలి.

6. తర్వాత టమోటో ముక్కలు కూడా వేసి వేగించుకోవాలి.

7. వీటిన్నింటితో పాటు కారం, పసుపు, జీలకర్ర మరియు ధనియాల పొడి, కొద్దిగా ఉప్పు కూడా వేసి ఫ్రై చేయాలి.

8. మసాలాలు రెండు మూడు నిముషాలు బాగా వేగిన తర్వాత అందులో ఒక కప్పు నీళ్ళు పోసి కర్రీని బాగా ఉడికించాలి.

9. గ్రేవీ బాగా ఉడికిన తర్వాత అందులో ముందుగా ఫ్రై చేసుకొన్న చేపముక్కలను వేసి మూత పెట్టి మరో 5 నిముషాలు తక్కువ మంట మీద ఉడికించుకోవాలి. అంతే స్పైసీ బెంగాలీ ఫిష్ కర్రీ రెడీ.