Posts Tagged ‘garlic’

ప్రతిరోజు క్రమంతప్పకుండా వెల్లుల్లి, తేనె మిశ్రమాన్ని తీసుకుంటే…

honey-and-garlic1
వెల్లుల్లి, తేనె మిశ్రమాన్ని ప్రతిరోజు పరకడుపున తీసుకుంటే వ్యాధినిరోధక శక్తి పెరుగుతుంది. ఈ మిశ్రమాన్ని రెగ్యులర్‌గా తీసుకోవడం వల్ల రక్త నాళాల్లో ఏర్పడే కొవ్వుని తొలగించి, గుండెకు రక్తప్రసరణ వేగంగా జరగడానికి సహాయపడుతుంది. వెల్లుల్లి, తేనె మిశ్రమం గొంతు నొప్పి, గొంతులో ఇన్ఫెక్షన్‌ని నివారిస్తుంది. ఇందులో యాంటీ ఇన్ల్ఫమేటరీ గుణాలు ఉండటం వల్ల వాపును తగ్గిస్తుంది.
జీర్ణవ్యవస్థకు సంబంధించిన ఎలాంటి వ్యాధినైనా నయం చేసే శక్తి వెల్లుల్లి, తేనె మిశ్రమంలో ఉంది. ఇందులో ఉండే యాంటీ బ్యాక్టీరియల్ నేచర్ కోలన్‌లో ఇన్ఫెక్షన్లను నివారిస్తుంది. ఈ మిశ్రమాన్ని ఉదయాన్నే ఖాళీ కడుపుతో తీసుకోవడం వల్ల జలుబు, ఫ్లూ, సైనసైటిస్‌లు దరిచేరవు. ఈ మిశ్రమంలోని యాంటీ బ్యాక్టీరియల్ గుణాలు ఉండటం వల్ల శరీరంలో ఏర్పడే ఎలాంటి బ్యాక్టీరియానైనా నాశనం చేస్తుంది. శరీరంలోని మలినాలను, హానికారక క్రిములను శరీరం నుంచి బయటకు పంపుతుంది.

మేతి టమోటో రైస్ బాత్ ఎలా తయారుచేయాలో తెలుసుకుందాం…

images

కావల్సిన పదార్థాలు:

టమోటోలు: 3 (chopped)

మేతి(మెంతి ఆకులు): 3 cups (chopped)

అన్నం: 3 cups (cooked)

ఉల్లిపాయ పేస్ట్: 1/4 cup

వెల్లుల్లి పేస్ట్: 2tsp

పచ్చిమిర్చి పేస్ట్: 2 (slit)

పసుపు: 1tsp

కారం: 1tsp

జీలకర్ర: 1tsp

ధనియాలపొడి: 1tsp

ఉప్పు: రుచికి సరిపడా

జీలకర్ర: 1tsp

ఆవాలు: 1tsp

కరివేపాకు : రెండు రెమ్మలు

నూనె: 2tbsp

తయారుచేయు విధానం:

1. ముందుగా పాన్ లో కొద్దిగా నూనె వేసి వేడయ్యాక అందులో జీలకర్ర, ఆవాలు, కరివేపాకు వేసి ఒక నిముషం ఫ్రై చేసుకోవాలి.

2. పోపు వేగిన తర్వాత అందులో పచ్చిమిర్చి, ఉల్లిపాయ పేస్ట్, వెల్లుల్లి పేస్ట్ వేసి మరో 5 నిముషాలు ఫ్రై చేసుకోవాలి.

3. ఇప్పుడు అందులో టమోటోలు, పసుపు, కారం, జీలకర్ర పొడి, ధనియాల పొడి వేసి మిక్స్ చేస్తూ మీడియం మంట మీద మరో 5నిముషాలు ఫ్రై చేసుకోవాలి.

4. ఇప్పుడు అందులో మెంతిఆకులు కూడా వేసి మరో 5 నిముషాలు ఫ్రై చేసుకోవాలి.

5. తర్వాత రుచికి సరిపడా ఉప్పు వేసి మిక్స్ చేయాలి. మెంతి ఆకులు మెత్తగా ఉడికే వరకూ ఫ్రై చేసుకోవాలి.

6. ఇప్పుడు అందులో ముందుగా వండి పెట్టుకొన్న అన్నం వేసి నిధానంగా మొత్తం మిశ్రం కలగలిసేలా మిక్స్ చేయాలి. తర్వాత స్టౌ ఆఫ్ చేసి వేడి వేడిగా సర్వ్ చేయాలి.

7. అంతే హెల్తీ అండ్ టేస్టీ ఐరన్ రిచ్, మేతి టమోటో రైస్ బాత్ రిసిపి రెడీ. ఈ హెల్తీ మీల్ ను పెరుగు మరియు మీకు నచ్చిన కర్రీతో సర్వ్ చేయవచ్చు.

కాజు మష్రుమ్ మసాలా తయారుచేసే విధానం…

images

బటన్ మష్రుమ్: 1cup

ఉల్లిపాయ పేస్ట్: 2tbsp

అల్లం వెల్లుల్లి పేస్ట్: 1tsp

కారం పొడి: 1tsp

పసుపు పొడి: 1tsp

పెరుగు: 1/2cup

జీడిపప్పు పేస్ట్: 2tbsp

జీలకర్ర పొడి: 1tsp

గరం మసాలా పొడి: 1tsp

ఉప్పు : రుచికి సరిపడా

జీలకర్ర: 1tsp

దాల్చిన చెక్క :1

యాలకలు: 4

నూనె: 2tbsp

తయారుచేయు విధానం:

1. ముందుగా బటన్ మష్రుమ్ ను వేడి నీటిలో శుభ్రంగా కడగాలి.

2. తర్వాత పాన్ లో కొద్దిగా నూనె వేసి వేడయ్యాక అందులో జీలకర్ర దాల్చిన చెక్క, యాలకలు వేసి ఒక నిముషం వేగించుకోవాలి.

3. తర్వాత అందులోనే అల్లం వెల్లుల్లి పేస్ట్ కూడా వేసి మరో 2-3నిముషాలు ఫ్రై చేసుకోవాలి.

4. వెంటనే పసుపు, జీలకర్ర పొడి, కారం, జీడిపప్పు పేస్ట్ వేసి రెండు మూడు నిముషాలు ఫ్రై చేయాలి.

5. తర్వాత ఒక బౌల్లో పెరుగు వేసి గిలకొట్టి తర్వాత, దాన్ని పాన్ లో పోసి, మొత్తం మిశ్రమాన్ని నిదానం కలియబెట్టాలి.

6. ఒక నిముషం తర్వాత బటన్ మష్రుమ్ ను అందులో వేసి మూత పెట్టి 10 నిముషాలు తక్కువ మంట మీద ఉడికించుకోవాలి.

7. తర్వాత మూత తీసి, సరిపడా నీళ్ళు పోసి,తక్కువ మంట మీద గ్రేవీ చిక్కబడే వరకూ ఉడికించుకోవాలి.

8. చివరగా గరం మసాలా వేసి మిక్స్ చేసి స్టౌ ఆఫ్ చేయాలి. అంతే కాజు మష్రుమ్ మసాల రెడీ. ఈ కర్రీని ప్లెయిన్ రైస్ లేదా పరోటాలకు సైడ్ డిష్ గా సర్వ్ చేయండి.

మసాలా ఎగ్ కర్రీ ఎలా తయారుచేయాలో చూద్దాం…

download (8)

కావల్సిన పదార్థాలు:

బాయిల్డ్ ఎగ్స్: 4 ( సగానికి కట్ చేసుకోవాలి )

టమోటోలు : 2

ఉల్లిపాయలు: 2

కారం: 1 tsp

కొబ్బరి తురుము : 1 cup

దాల్చిన చెక్క: 1 stick

లవంగాలు: 2

యాలకలు : 2 to 3

అల్లం వెల్లుల్లి పేస్ట్ : 2 tbsp

ధనియాలపొడి : 1 tbsp

ఉప్పు:రుచికి సరిపడా

తయారుచేయు విధానం:

1. ముందుగా ఒక జార్ లో టమోటో, సన్నగా తరిగిన ఉల్లిపాయలు, కొబ్బరి తురుము, దాల్చిన చెక్క, లవంగాలు, యాలకలు, అల్లం వెల్లుల్లి పేస్ట్, ధనియాలపొడి, మరియు కొన్ని నీళ్ళు పోసి మెత్తగా పేస్ట్ చేసుకోవాలి .

2. ఇప్పుడు పాన్ స్టౌ మీద పెట్టి నూనె వేసి వేడి అయ్యాక అందులో సన్నగా తరిగిన ఉల్లిపాయ ముక్కలు వేసి బ్రౌన్ కలర్ వచ్చే వరకూ ఫ్రై చేసుకోవాలి.

3. ఇప్పుడు పాన్ లో మిక్సీలో మెత్తగా చేసుకొన్న మసాలా పేస్ట్ ను వేసి తక్కువ మంట మీద ఫ్రై చేసుకోవాలి.

4. మసాలాతో పాటు, కారం, కొద్దిగా ధనియాలపొడి, ఉప్పు వేసి ఫ్రై చేయాలి.

5. మసాలా పచ్చివాసన పోయి, బాగా వేగిన తర్వాత ఉడికించిపెట్టుకొన్న గుడ్లను రెండుబాగాలుగా కట్ చేసి వేగుతున్న మసాలాలో వేసి మిక్స్ చేస్తూ , తక్కువ మంట మీద 5నుండి 10 నిముషాలు ఉడికించుకొన్న తర్వాత స్టౌ ఆఫ్ చేయాలి. అంతే ఎగ్ మసాల రెడీ.

హెల్తీ బార్లీ పరోఠా రిసిపి ఎలా తయారుచేయాలో చూద్దాం…డయాబెటిక్ వారికోసం…

images (79)

కావల్సిన పదార్థాలు:

బార్లీ పండి: 1/2cup

గోధుము పిండి: 3tbsp

ఉల్లిపాయ: 1(సన్నగా కట్ చేసుకోవాలి)

వెల్లుల్లి పేస్ట్ : 1tsp

అల్లం, పచ్చిమిర్చి పేస్ట్ : 1tsp

ఆలివ్ ఆయిల్ : tsp

ఉప్పు: రుచికి సరిపడా

తయారుచేయు విధానం:

1. ఉల్లిపాయలను చాలా సన్నగా లేదా రఫ్ గా పేస్ట్ లాగా చేసుకుంటే, పిండి కలుపుకవడానికి సులభంగా ఉంటుంది.

2. ఇప్పుడు పిండి కలుపుకోవడానికి ఒక బౌల్ తీసుకొని అందులో గోధుమపండి, బార్లీ పిండి,సన్నగా తరిగిన ఉల్లిపాయలు, వెల్ల్లుల్లి పేస్ట్, అల్లం, పచ్చిమిర్చి పేస్ట్ వేసి కొద్దిగా నీళ్ళు పోసి , అరచెంచా ఆలివ్ ఆయిల్ వేసి పిండిని చపాతీ పిండిలా కలుపుకోవాలి .

3. ఇప్పుడు మొత్తం పిండి నుండి కొద్దికొద్దిగా పిండి తీసుకొని చిన్న చిన్న బాల్ లాగా రోల్ చేసుకోవాలి. పరోఠాల్లా ఒత్తుకోవాలి

4. స్టౌ మీద పాన్ పెట్టి, కొద్దిగా నూనె వేసి వేడయ్యాక అందులో వత్తుకొన్న పరోఠాను తవా మీద వేసి రెండు వైపులా కాల్చుకోవాలి.

5. రెండు వైపులా బ్రౌన్ కలర్ వచ్చే వరకూ కాల్చుకొని, తర్వాత ప్లేట్ లోకి మార్చుకోవాలి. అంతే రుచికరమైన బార్లీ పరోఠా రెడీ.

స్పైసీ గోబీ మంచూరియన్ ఎలా తయారుచేయాలో చూద్దాం…

download (10)

కావల్సిన పదార్థాలు:

కాలీఫ్లవర్: 1/2(మీడియం ఫ్లవర్, చిన్నచిన్న ఫ్లవర్స్ ను విడిపించుకోవాలి)

నూనె: డీప్ ఫ్రై చేయడానికి సరిపడా

పిండి కలుపుకోవడం కోసం కావల్సిన పదార్థాలు:

మైదా: 5tbsp

కార్న్ స్టార్చ్: 3tbsp

ఉప్పు: రుచికి సరిపడా

బ్లాక్ పెప్పర్: 1/4tsp

నీళ్ళు: 1/4cup

చిరుధాన్యాలు: 2tbsp

సాస్ కోసం:

నూనె: 1tbsp

ఉల్లిపాయం 1/2(మీడియంది, సన్నగా తరిగిపెట్టుకోవాలి)

పచ్చిమిర్చి: 2-3(సన్నగా తరిగినవి)

వెల్లుల్లిపాయలు : 3 పెద్దవి

కెచప్: 2tbsp

రెడ్ చిల్లీ సాస్: 2tbsp

సోయాసాస్: 4tbsp

వైట్ వెనిగర్: 2tsp

నీళ్ళు: 4tbsp

కార్న్ స్టార్చ్: 2tsp

తయారుచేయు విధానం:

1. ముందుగా నాన్ స్టిక్ పాన్ లో కొద్దిగా నూనె వేసి వేడి చేయాలి.

2. తర్వాత ఉల్లిపాయలు, పచ్చిమిర్చి మరియు వెల్లుల్లి రెబ్బలు వేసి 4-5నిముషాలు ఫ్రై చేసుకోవాలి.

3. ఉల్లిపాయ ముక్కలు బ్రౌన్ కలర్ లోకి మారగానే అందులో కెచప్ మరియు రెడ్ చిల్లీ సాస్ కూడా వేసి నూనె పైకి తేలే వరకూ ఫ్రై చేసుకోవాలి.

4. ఇప్పుడు అందులో సోయా సాస్ మరియు వెనిగర్ వేసి బాగా మిక్స్ చేయాలి.

5. తర్వాత అందులో రెండు టీస్పూన్ల కార్న్ స్టార్చ్ నాలుగు టేబుల్ స్పూన్ల నీళ్ళు వేసి బాగా మిక్స్ చేస్తూ 5నిముషాలు మీడియం మంట మీద ఉడికించుకోవాలి.

6. ఇప్పుడు ఈ సాస్ ను పక్కన పెట్టుకోవాలి.

7. తర్వాత పిండిని తయారుచేసుకోవాలి. మైదా, కార్న్ స్టార్చ్, ఉప్పు, బ్లాక్ పెప్పర్ మరియు నీళ్ళు ఒక మిక్సింగ్ బౌల్లో వేసి ఉండలు లేకుండా కలుపుకోవాలి.

8. ఇప్పుడు ఈ పిండి మిశ్రమంలో కాలీఫ్లవర్ ను వేసి డిప్ చేసి కాగుతున్న నూనెలో వేసి డీఫ్ ఫ్రై చేసుకోవాలి.

9. మీడియం మంట మీద డీప్ ఫ్రై చేసుకోవాలి. తర్వాత సాస్ ను యాడ్ చేసి మిక్స్ చేయాలి.

10. మీడియం మంట మీద హీట్ చేయాలి. ఏమాత్రం తేమలేకుండా ఫ్రై చేయాలి. అంతే గోబీ మంచూరియన్ రెడీ.

చికెన్ గీ రోస్ట్ ఎలా తయారుచేయాలో చూద్దాం…మంగళూరియన్ స్పెషల్ రిసిపి…

download (3)

కావల్సిన పదార్థాలు:

చికెన్: 500gms

కరివేపాకు: రెండు రెమ్మలు

ధనియా (ధనియా పౌడర్): 2tsp

కాశ్మీరీ కారం పొడి: 1tsp

అల్లం వెల్లుల్లి పేస్ట్ : 2tbsp

ఉప్పు: రుచికి సరిపడా

పంచదార: 1tsp

పెప్పర్ పొడి: 2tsp

గరం మసాలా పొడి: 1tsp

జీలకర్ర పొడి: 2 tsp

ఎండు మిర్చి: 2

నెయ్యి: 7tbsp + 2tsp

కొత్తిమీర: 1/2cup(సన్నగా తరిగి పెట్టుకోవాలి)

చింతపండు గుజ్జు: 1tbsp

టమోటో గుజ్జు: 1cup

తయారుచేయు విధానం:

1. ముందుగా పాన్ లో కొద్దిగా నెయ్యివేసి వేడయ్యాక అందులో కరివేపాకు, ఎండుమిర్చి, జీలకర్ర, అల్లం, వెల్లుల్లి పేస్ట్ ఒకదాని తర్వాత ఒకటి వేసి మీడియం మంట మీద ఫ్రై చేసుకోవాలి.

2. తర్వాత అందులో టమోటో గుజ్జు వేసి 5 నిముషాలు ఫ్రై చేసుకోవాలి.

3. 5 నిముషాల తర్వాత ధనియాలపొడి, కాశ్మీర్ రెడ్ చిల్లీ పౌడర్ వేసి మిక్స్ చేస్తూ ఫ్రై చేసుకోవాలి. మసాల నుండి నెయ్యి సపరేట్ గా పైకి తేలే వరకూ ఫ్రై చేసుకోవాలి.

4. ఇప్పుడు అందులోనే మరో రెండు చెంచాల నెయ్యి వేసి, చికెన్ ముక్కలు, ఉప్పు, గరం మసాలా మరియు పెప్పర్ పౌడర్ వేసి మరో 5-10నిముషాలు ఫ్రై చేసుకోవాలి.

5. ఇప్పుడు కొత్తిమీర సగభాగాన్ని ఉడుకుతున్న చికెన్ మీద చిలకరించుకోవాలి. అలాగే పంచదార కూడా చిలకరించి మూత పెట్టి తక్కువ మంట మీద 10 నిముషాలు ఉడికించుకోవాలి.

6. 10నిముషాల తర్వాత మూత తీసి చింత పండు గుజ్జు వేసి మూత పెట్టి మరో 5నిముషాలు, చికెన్ మెత్తగా ఉడికే వరకూ ఉడికించుకోవాలి.

7. చికెన్ ఉడికన తర్వాత స్టౌ ఆఫ్ చేసి మిగిలిన కొత్తిమీర తరుగుతో గార్నిష్ చేయాలి. అంతే చికెన్ గీ రోస్ట్ రెడీ . ఈ రుచికరమైన చికెన్ రిసిపిని దోసె మరియు చపాతీలతో సర్వ్ చేయాలి.

గోంగూర చట్నీ రిసిపి ఏవిధంగా తయారుచేయాలో చూద్దాం…

images (55)

కావల్సిన పదార్థాలు:

గోంగూర: 1కట్ట( ఆకులు విడిపించుకోవాలి)

మెంతులు: కొద్దిగా

నూనె: సరిపడా

ఉద్దిపప్పు: 1tbsp

ధనియాలు: 1tbsp

ఎండు మిర్చి: 7-8

పచ్చిమిర్చి: 2

వెల్లుల్లి రెబ్బలు: 4-5

ఉప్పు రుచికి సరిపడా

తయారుచేయు విధానం:

1. ముందుగా గోంగూరఆకులను విడిపించి శుభ్రంగా కడిగి పెట్టుకోవాలి.

2. తర్వాత పాన్ లో కొద్దిగా నూనె వేసి మెంతులు, ధనియాలు, ఎండు మిర్చి ఒక నిముషం వేయించుకోవాలి. తర్వాత ఉద్దిపప్పు, పచ్చిమిర్చి, వెల్లుల్లి కూడా వేసి ఒక నిముషం తక్కువ మంట మీద వేగించుకోవాలి. తర్వాత పాన్ లో నుండి తీసి, చల్లారనివ్వాలి.

3. అదే పాన్ లో కొద్దిగా నూనె వేసి అందులో గోంగూర వేసి వేగించుకోవాలి.

4. ఇప్పడు ముందుగా వేగించుకొన్నపదార్థాలన్నీ వేసి, కొద్దిగా ఉప్పు వేసి గ్రైండ్ చేసుకోవాలి.

5. ఇప్పుడు పాన్ వేడి చేసి మరో రెండు టేబుల్ స్పూన్ నూనె వేసి కాగిన తర్వాత అందులో కొద్దిగా పోపు వేసి వేగిన తర్వాత చట్నీ వేసి బాగా మిక్స్ చేసి స్టౌ ఆఫ్ చేయాలి. అంతే గోంగూర చట్నీ రెడీ.

చికెన్ స్పినాచ్ ఎలా తయారుచేయాలో చూద్దాం…

images

కావల్సిన పదార్థాలు:

చికెన్ : 1kg

ఆకు కూర: 1కట్ట

ఉల్లిపాయ: 1(సన్నగా తరిగి పెట్టుకోవాలి)

వెల్లుల్లి రెబ్బలు : 4

నూనె: 2tbsp

పసుపు: 1tsp

కారం: 1tsp

జీలకర్ర: 1tsp

ధనియాలపొడి: 1tsp

ఉప్పు: రుచికి సరిపడా

తయారుచేయు విధానం:

1. ముందుగా చికెన్ కు స్కిన్ తొలగించి శుభ్రంగా కడిగి, పక్కన పెట్టుకోవాలి.

2. తర్వాత ఆకుకూరలను విడిపించుకొని, మంచినీటిలో వేసి శుభ్రంగా కడిగి నీరు పూర్తిగా వంపేసి పక్కన పెట్టుకోవాలి.

3. ఇప్పుడు ఉల్లిపాయ మరియు వెల్లుల్లి సన్నగా తరిగి పెట్టుకోవాలి.

4. పాన్ లో కొద్దిగా నూనె వేసి వేడయ్యాక అందులో వెల్లుల్లి రెబ్బలు వేసి ఒక నిముషం ఫ్రై చేసుకోవాలి.

5. తర్వాత సన్నగా తరిగి పెట్టుకొన్న ఉల్లిపాయ ముక్కలు వేసి బ్రౌన్ కలర్ వచ్చే వరకూ వేగించుకోవాలి.

6. అలాగే మసాల దినుసులన్నీ కూడా వేసి మరో 2నిముషాలు ఫ్రై చేసుకోవాలి. తర్వాత ఒక కప్పు నీళ్ళు పోసి, గ్రేవీ చిక్కగా మారే వరకూ కలియబెట్టుకోవాలి.

7. పాన్ లో మీకు చికెన్ ముక్కలతో పాటు సరిపడా మసాలా ఉన్నదని నిర్ధారించుకొన్న తర్వాత మంటను ఎక్కువగా పెట్టి చికెన్ మెత్తబడే వరకూ ఉడికించుకోవాలి.

8. చికెన్ పూర్తిగా ఉడికిందని నిర్ధారించుకొనే సమయంలో ముందుగా కడిగి శుభ్రం చేసి పెట్టుకొన్న ఆకుకూరను సన్నగా తరిగి ఉడుకుతున్న చికెన్ లో వేసి మూత పెట్టి, మీడియం మంట మీద ఉడికించుకోవాలి. అంతే స్పినాచ్ చికెన్ రిసిపి రెడీ.

పాలక్ పన్నీర్ పఫ్ ఎలా తయారు చేయాలో చూద్దాం…

maxresdefault

కావల్సిన పదార్థాలు:

తరిగిన పాలకూర: 1cup

పన్నీర్ తురుము: 1/2cup

తరిగిన ఉల్లిపాయలు: 1/2cup

వెల్లుల్లి పేస్ట్: 1/2tsp

అల్లం పేస్ట్: 2tsp

తరిగిన పచ్చిమిర్చి ముక్కలు: 2tsp

ఆలివ్ ఆయిల్: 2tsp

ధనియాలు: 1tsp

పంచదార: 1tsp

నిమ్మరసం: 2tsp

వేరుశెనగ: 2tsp

తయారు చేయు విధానం:

1. ముందుగా పాన్ స్టౌమీద పెట్టి నూనె వేసి వేడి చేయాలి. నూనె వేడయ్యాక అందులో ఉల్లిపాయలు, పచ్చిమిర్చి, అల్లం వెల్లుల్లి ముక్కలను వేసి కొన్ని నిముషాల పాటు వేగించండి. ఇవన్నీ బాగా వేగిన తర్వాత అందులో పాలకూర తరుగును, పన్నీర్ తరుగును కూడా వేసి బాగా వేగించుకోవాలి.

2. అంతకంటే ముందు వేరుశనగలు వేయించి సిద్దంగా ఉంచుకోండి.

3. తర్వాత ఒక కప్పు పిండి తీసుకుని అందులో ఒక స్పూన్ పంచదార, 1కప్పు పాలు, అర స్పూన్ ఈస్ట్, 1/2 ఉప్పు, మూడు స్పూన్ల నూనె వేసి బాగా కలుపుకుని పిండి ముద్దను మూడు నాలుగు గంటల పాటు వదిలేయండి.

4. ఈ పిండిని చిన్న చిన్న ముద్దలుగా చేసి చిన్న రోటీలా తయారుచేయండి.

5. ఇప్పుడు ముందుగా తయారు చేసి పెట్టుకొన్న కర్రీని రోటీలో పెట్టి నాలుగు వైపులా మూసేసి మరిగే నూనెలో వేసి వేయించండి. అంతే తినడానికి పాలక్ పఫ్ రెడీ.