Posts Tagged ‘ghee’

బాదుషా ఎలా తయారుచేయాలో చూద్దాం…

download (20)

కావల్సిన పదార్థాలు:

మైదా: 3cups

బట్టర్ : 1/2cup

బేకింగ్ పౌడర్: 1tsp

బేకింగ్ సోడ: 1చిటికెడు

పాలు: 1cup

పంచదార: 2కప్పులు

డ్రై కోకనట్ (తురుముకోవాలి): గార్ణిష్ కోసం కొద్దిగా

నూనె: వేయించడానికి సరిపడా

తయారుచేయు విధానం:

1. ఒక మిక్సింగ్ బౌల్ తీసుకొని అందులో 3కప్పుల మైద మరియు 5 టేబుల్ స్పూన్ల నెయ్యి వేసి బాగా మిక్స్ చేయాలి.

2. తర్వాత అందులోనే బేకింగ్ సోడా మరియు బేకింగ్ పౌడర్ కూడా వేసి బాగా మిక్స్ చేయాలి. ఇప్పుడు అందులోనే పాలు కూడా వేసి పిండిని సాఫ్ట్ గా కలుపుకొని 10 నిముషాలు పక్కన పెట్టుకోవాలి.

3. 10 నిముషాల తర్వాత పిండిలో కొద్దిగా తీసుకొని బాల్ షేప్ చేసుకోవాలి. లేదా ట్రైయాంగిల్ షేప్ లో చుట్టుకోవచ్చు.

4. ఇలా అన్ని తయారుచేసుకొన్న తర్వాత స్టౌ మీద పాన్ పెట్టి అందులో నూనె వేసి కాచాలి.

5. ఇప్పుడు కాగుతున్న నూనెలో రౌండ్ గా చుట్టి పెట్టుకొన్న మైదా పిండిని (పచ్చిబాదుషాను) వేసి రెండు వైపులా బ్రౌన్ కలర్ వచ్చే వరకూ ఫ్రై చేసుకోవాలి.

6. అంతలోపు మరో పాన్ స్టౌ మీద పెట్టి 3-4 కప్పుల నీళ్ళు పోసి రెండు కప్పుల పంచదార వేసి బాయిల్ చేయాలి.బాగా మరిగిస్తుంటే, షుగర్ సిరఫ్ చిక్కగా రెడీ అవుతుంది .

7. ఇప్పుడు నూనెలో వేగించుకొన్న బాదుషాలను షుగర్ సిరఫ్ లో వేయాలి. తర్వాత వాటి మీద డ్రై కోకనట్ పౌడర్ గార్నిష్ చేయాలి . అంతే ఈ ఫెస్టివల్ సీజన్ లో వేడిగా లేదా చల్లగా బాదుషాను సర్వ్ చేయవచ్చు.

డ్రై ఫ్రూట్ పులావ్ ఎలా తయారుచేయాలో చూద్దాం…కిడ్స్ స్పెషల్…

download (11)

కావల్సిన పదార్థాలు:

బియ్యం: 2cups,

బాదం: 10

ద్రాక్ష: 10

జీడిపప్పు: 10

నెయ్యి: 2tbsp

పెప్పర్ కార్న్: 1tsp

ఉప్పు: రుచికి సరిపడా

బిర్యానీ ఆకు: 2

యాలకలు: 1

లవంగాలు: 1

దాల్చిన చెక్క: 1 Small

కుంకుమ పువ్వు: చిటికెడు

1. ముందుగా నాన్ స్టిక్ పాన్ లో కొద్దిగా నీళ్ళు పోసి వేడి చేయాలి.

2. అంతలోపు మరో నాన్ స్టిక్ పాన్ లో కొద్దిగా నెయ్యి వేసి వేడి అయ్యాక అందులో బిర్యానీ ఆకు, యాలకలు, లవంగాలు, దాల్చిన చెక్క, పెప్పర్ కార్న్స్, బాదం, జీడిపప్పు, ద్రాక్ష, నెయ్యి వేసి ఫ్రై చేసుకోవాలి.

3. తర్వాత అందులోనే బియ్యం కూడా కడిగి వేసి మరో 2-3నిముషాలు ఫ్రై చేసుకోవాలి.

4. ఇప్పుడు అందులో ఉప్పు, మరియు కుంకుమ పువ్వు వేసి మొత్తం మిశ్రమాన్ని మరో అరనిముషం పాటు ఫ్రై చేసి తర్వాత 3 కప్పులు హాట్ వాటర్ ను ఇందులో పోయాలి.

5. మొత్తం మిశ్రమం ఉడకడం ప్రాంభమవగానే, మూత పెట్టి బియ్యం మెత్తగా ఉడికే వరకూ ఉడికించుకోవాలి. అంతే రుచికరమైన ఈజీ డ్రై ఫ్రూట్ పులావ్ పిల్లల కోసం రెడీ. ఈ డ్రై ఫ్రూట్ పులావ్ కు స్వీట్ లేదా రైతాను సైడ్ గా సర్వ్ చేయవచ్చు.

ఆరోగ్యానికి, అందానికీను… నెయ్యి మేలు…

images (85)
సువాసనలు వెదజల్లే నెయ్యి ఆహారంలో రుచికి మాత్రమే కాదు, ఆరోగ్యానికి, సౌందర్యానికి కూడా ఉపయోగించుకోవచ్చు. కొంచెం నెయ్యిని గోరువెచ్చగా వేడి చేసి, చిట్లిన జుట్టుకు రాసుకోవాలి. ఓ గంట తరువాత కడగాలి. ఇలా చేయడం వల్ల వెంట్రుకల్లో పగుళ్లు పోయి జుట్టు ఆరోగ్యంగా తయారవుతుంది. పొడిబారిన చర్మం ఉన్న వాళ్లకి నెయ్యి మంచి మాయిశ్చరైజర్‌గా పని చేస్తుంది.
పెదవులు బాగా పొడిబారినప్పుడు పడుకునే ముందు పెదాలకు నెయ్యి రాసుకోవడం వల్ల అవి చాలా మృదువుగా తయారవుతాయి. ప్రతి రోజూ స్నానానికి ముందు రెండు చుక్కల నెయ్యితో ముఖాన్ని మసాజ్ చేసుకోవాలి. ఇలా చేసుకోవడం వల్ల ముఖం ఫేషియల్ చేసుకున్నట్టుగా మెరిసిపోతుంది.
నెయ్యి మాయిశ్చరైజర్‌గా పని చేస్తుంది. స్నానం చేయడానికి ముందు మసాజ్ చేసుకోవాలి. ఇలా చేయడం వల్ల చర్మం మృదువుగా తయారవుతుంది. తరువాత మాయిశ్చరైజర్ రాసుకోవలసిన అవసరం ఉండదు. నిద్ర సరిపోకపోవడం వలన కళ్ల చుట్టూ నల్లటి వలయాలు ఏర్పడతాయి. పడుకునే ముందు కళ్ల చుట్టూ ఉండే బాగాన్ని నెయ్యితో మసాజ్ చేసుకోవాలి. పొద్దున్నే లేచిన తరువాత ముఖం కడుక్కోవాలి. ఇలా చేయడం వల్ల కళ్ల కింద నల్లటి వలయాలు చాలా త్వరగా పోతాయి.
కొన్ని చుక్కల ఆలివ్ ఆయిల్‌కి కొన్ని చుక్కలు గోరువెచ్చని నెయ్యి కలిపి, ఆ నూనెను మాడుకు మసాజ్ చేయాలి. తరువాత జుట్టుకు రాసుకోవాలి. పావు గంట తర్వాత తలస్నానం  చేయాలి. ఇలా చేయడం వల్ల పొడిబారిన జుట్టును మృదువుగా, ఆరోగ్యవంతంగా చేసుకోవచ్చు. కొంచెం శెనగ పిండిలో కొన్ని చుక్కలు నెయ్యి, పాలు పోసి కలిపిన మిశ్రమాన్ని ముఖానికి ప్యాక్‌లా వేసుకోవాలి. 15 నిమిషాల తరువాత కడుక్కోవాలి.

తంబిట్టు స్వీట్ ఎలా తయారుచేయాలో చూద్దాం…వర మహాలక్ష్మీ వ్రత స్పెషల్…

download (14)

కావల్సిన పదార్థాలు:

గోధుమపిండి: 1cup

బెల్లం: 1cup(పొడి చేసుకోవాలి)

నెయ్యి: 3/4cup

నీళ్ళు : సరిపడా

తయారుచేయు విధానం:

1. ముందుగా ఒక పాన్ తీసుకొని అందులో కొద్దిగా నెయ్యి వేసి వేడి అయ్యాక అందులో ఒక కప్పు గోధుమపిండి వేయాలి.

2. గోధుమపిండి రెడ్ కలర్ వచ్చే వరకూ వేగించుకోవాలి.

3. మరో పాన్ లో 2కప్పుల నీరు పోసి మరిగేటప్పుడు అందులో బెల్లం వేసి కరిగే వరకూ ఉడికించాలి.తర్వాత బెల్లం నీరు ఫిల్టర్ చేసి చల్లారనివ్వాలి.

4. ఇప్పుడు పాన్ లో బెల్లం నీళ్ళు (జాగ్రీ సిరఫ్) పోసి అందులో ఫ్రై చేసుకొన్న గోధుమపిండి వేసి బాగా కలియబెట్టాలి. ఉండలు కట్టకుండా కలియబెట్టాలి .

5. 5నిముషాలు పక్కన పెట్టాలి. తర్వాత చేతిలోకిది నెయ్యి తీసుకొని రెండు అరచేతులకు మర్ధన చేసి పిండి నుండి కొద్దికొద్దిగా తీసుకొని చిన్న ఉండలు చుట్టుకోవాలి. అంతే వర మహాలక్ష్మీ పూజకు ఒక స్పెషల్ అండ్ టేస్టీ స్వీట్ డిష్ రెడీ.

అడపాయసం ఎలా తయారుచేయాలో చూద్దాం…

download (5)

కావల్సిన పదార్థాలు:

అడ(రైస్ల్ ప్లాక్స్ లేదా రైస్ చిప్స్): 1packet (వీటిని బియ్యంతో తయారుచేస్తారు)

పాలు: 2ltrs

జీడిపప్పు: 8-10

ద్రాక్ష: 8-10

నెయ్యి: 1cup

కుంకుమపువ్వు: చిటికెడు

పంచదార: 1cup

తయారుచేయు విధానం:

1. ముందుగా ఒక గిన్నెలో నీళ్ళు పోసి బాగా మరిగించాలి. తర్వాత అందులో 100-150గ్రాముల అడ వేసి పక్కన పెట్టుకోవాలి.

2. కొద్దిసేపటి తర్వాత చల్లటి నీటితో శుభ్రం చేసుకోవాలి.

3. ఇప్పుడు ఒక మందపాటి లోతైన గిన్నె తీసుకొని అందులో పాలు పోసి కాగించాలి.

4. పాలు బాగా కాగిన తర్వాత, వేడినీటిలో నానబెట్టుకొన్న అడను వడగట్టుకుని పాలలో వేయాలి.

5. వేసిన తర్వాత మద్యమధ్యలో కలియబెడుతుండాలి. లేదంటే అడుగు భాగం మాడుతుంది మరియు ఉండలు కడుతుంది.

6. ఇప్పుడు అందులో పంచదార వేసి కంటిన్యూగ పంచదార కరిగే వరకూ కలియబెడుతుండాలి.

7. ఇప్పుడు ఒక చిన్న కప్పులో ఒక టేబుల్ స్పూన్ పాలు మరియు చిటికెడు కుంకుమపువ్వు వేసి మిక్స్ కొద్ది సేపు పక్కన పెట్టుకోవాలి.

8. పాయసం చిక్కబడుతున్నప్పుడు అందులో కుంకుమపువ్వు మరియు పాలు వేయాలి.

9. పాన్‌లో, ఒక టేబుల్ స్పూన్ నెయ్యి వేసి వేడి అయ్యాక అందులో జీడిపప్పు, ద్రాక్ష వేసి ఫ్రై చేసుకోవాలి.

10. ఇప్పుడు ఇలా ఫ్రై చేసిన జీడిపప్పు మరియు ద్రాక్షను అడ పాయసంలో వేసి మిక్స్ చేయాలి. చివరగా కొద్దిగా నెయ్యి వేసి మిక్స్ చేయాలి. అంతే అడ పాయసం రెడీ.

పెసరపప్పు పాయసం ఎలా తయారుచేయాలో చూద్దాం…శ్రావణ మాసం స్పెషల్…

images

కావల్సిన పదార్థాలు:

పెసరపప్పు: 2 cup

కొబ్బరి – 1 cup

బెల్లం – 1 cup

యాలకలు – 4 to 5

పాలు –  2 cup

ఎండు ద్రాక్ష – 10

జీడిపప్పు – 10

నెయ్యి:- 5 tbsp

1. ప్రెజర్ కుక్కర్లో నెయ్యి వేసి వేడి అయ్యాక అందులో పెసరపప్పు వేసి లైట్ గా బ్రౌన్ కలర్ వచ్చే వరకూ వేగించుకోవాలి.

2. . తర్వాత అందులో ఒక కప్పు పెసరపప్పుకు మూడు కప్పుల నీళ్ళు పోసి మూడు విజిల్స్ వచ్చే వరకూ ఉడికించుకోవాలి.

3. మరో పాన్ తీసుకొని అందులో ఒక కప్పు బెల్లం కొద్దిగా నీళ్ళు పోసి బాగా కలపాలి. బెల్లం కరిగే వరకూ కలియబెడుతుండాలి. ఈ బెల్లంను నీళ్ళను స్టౌ మీద పెట్టి కొద్ది సమయం ఉడికించి తర్వాత క్రింద దింపుకొని చల్లార్చుకోవాలి.

4. ఇప్పుడు మిక్సీలో కొబ్బరి తురుము మరియు యాలకలు వేసి కొద్దిగా నీళ్ళు పోసి మెత్తగా పేస్ట్ చేసుకోవాలి.

5. తర్వాత కుక్కర్ లో ఆవిరి తగ్గి చల్లబడిన తర్వాత మూత తీసి అందులో బెల్లం మిశ్రమం మరియు కొబ్బరి పేస్ట్ వేసి మిక్స్ చేయాలి.

6. అలాగే ఇందులో రెండు కప్పుల పాలు పోసి మిక్స్ చేయాలి.

7. మరో చిన్న పాన్ లో నెయ్యి వేసి కాగిన తర్వాత అందులో ఎండు ద్రాక్ష, జీడిపప్పు, వేగించుకొని తర్వాత పెసరపప్పు కుక్కర్ లో వేసి మొత్తం మిశ్రమాన్ని కలగలుపుకోవాలి. అంతే హాట్ అండ్ టేస్టీ మూగ్ దాల్ స్వీట్ రిసిపి రెడీ.

చికెన్ గీ రోస్ట్ ఎలా తయారుచేయాలో చూద్దాం…మంగళూరియన్ స్పెషల్ రిసిపి…

download (3)

కావల్సిన పదార్థాలు:

చికెన్: 500gms

కరివేపాకు: రెండు రెమ్మలు

ధనియా (ధనియా పౌడర్): 2tsp

కాశ్మీరీ కారం పొడి: 1tsp

అల్లం వెల్లుల్లి పేస్ట్ : 2tbsp

ఉప్పు: రుచికి సరిపడా

పంచదార: 1tsp

పెప్పర్ పొడి: 2tsp

గరం మసాలా పొడి: 1tsp

జీలకర్ర పొడి: 2 tsp

ఎండు మిర్చి: 2

నెయ్యి: 7tbsp + 2tsp

కొత్తిమీర: 1/2cup(సన్నగా తరిగి పెట్టుకోవాలి)

చింతపండు గుజ్జు: 1tbsp

టమోటో గుజ్జు: 1cup

తయారుచేయు విధానం:

1. ముందుగా పాన్ లో కొద్దిగా నెయ్యివేసి వేడయ్యాక అందులో కరివేపాకు, ఎండుమిర్చి, జీలకర్ర, అల్లం, వెల్లుల్లి పేస్ట్ ఒకదాని తర్వాత ఒకటి వేసి మీడియం మంట మీద ఫ్రై చేసుకోవాలి.

2. తర్వాత అందులో టమోటో గుజ్జు వేసి 5 నిముషాలు ఫ్రై చేసుకోవాలి.

3. 5 నిముషాల తర్వాత ధనియాలపొడి, కాశ్మీర్ రెడ్ చిల్లీ పౌడర్ వేసి మిక్స్ చేస్తూ ఫ్రై చేసుకోవాలి. మసాల నుండి నెయ్యి సపరేట్ గా పైకి తేలే వరకూ ఫ్రై చేసుకోవాలి.

4. ఇప్పుడు అందులోనే మరో రెండు చెంచాల నెయ్యి వేసి, చికెన్ ముక్కలు, ఉప్పు, గరం మసాలా మరియు పెప్పర్ పౌడర్ వేసి మరో 5-10నిముషాలు ఫ్రై చేసుకోవాలి.

5. ఇప్పుడు కొత్తిమీర సగభాగాన్ని ఉడుకుతున్న చికెన్ మీద చిలకరించుకోవాలి. అలాగే పంచదార కూడా చిలకరించి మూత పెట్టి తక్కువ మంట మీద 10 నిముషాలు ఉడికించుకోవాలి.

6. 10నిముషాల తర్వాత మూత తీసి చింత పండు గుజ్జు వేసి మూత పెట్టి మరో 5నిముషాలు, చికెన్ మెత్తగా ఉడికే వరకూ ఉడికించుకోవాలి.

7. చికెన్ ఉడికన తర్వాత స్టౌ ఆఫ్ చేసి మిగిలిన కొత్తిమీర తరుగుతో గార్నిష్ చేయాలి. అంతే చికెన్ గీ రోస్ట్ రెడీ . ఈ రుచికరమైన చికెన్ రిసిపిని దోసె మరియు చపాతీలతో సర్వ్ చేయాలి.

కోవా కోకనట్ బర్ఫీ ఎలా తయారుచేయాలో తెలుసుకుందాం…

images (72)

కావల్సిన పదార్థాలు:

కొబ్బరి (తురుము) – 1 cup

కోవ – 1 cup

పాలు – 1 cup

మిల్క్ పౌడర్ – 1tbsp

షుగర్ -1cup

యాలకలు – 1/4 tbsp

నెయ్యి – 4 to 5tbsp

తయారుచేయు విధానం:

1. పాన్ లో నెయ్యి, కొబ్బరి తురుము వేసి రెండు నిముషాలు ఫ్రై చేసుకోవాలి.

2. తర్వాత మరో పాన్ లో కోవ మరియు ఒక కప్పు షుగర్ వేసి మిక్స్ చేస్తూ కరిగించాలి.

3. ఇప్పుడు అందులోనే ముందుగా ఫ్రై చేసుకొన్న కొబ్బరి తురుము మరియు ఒక టేబుల్ స్పూన్ మిల్క్ పౌడర్ వేసి మిక్స్ చేయాలి.

4. ఇప్పుడు ప్లేట్ తీసుకొని అందులో రెండు చెంచాల నెయ్యి వేసి ప్లేట్ మొత్తం స్ప్రెడ్ చేయాలి.

5. ఇప్పడు పాన్లో ఉడుకుతున్న మిశ్రమాన్ని వేసి ప్లేట్ మొత్తం స్ప్రెడ్ చేయాలి.

6. కొద్దిగా చల్లారిన తర్వాత చేతిలోనికి నిమ్మకాయంత తీసుకొని ఉండలు చుట్టుకోవచ్చు. లేదా చాకుతో చతురస్రాకారంలో మీకు కావల్సిన సైజ్ లో కట్ చేసుకోవచ్చు. అంతే కోవ కోకనట్ బర్ఫీ రెడీ.

గసగసాలతో స్వీట్ హల్వా ఎలా తయారుచేయాలో చూద్దాం…

download (4)

కావల్సిన పదార్థాలు:

గసగసాల : 100grms

చక్కెర: 1/2cup

పాలు: 2cups

నెయ్యి : 1/2cup

ఏలకులు : 4-5(పొడి చేసుకోవాలి)

బాదం: 5-6(గార్నిష్ చేయడానికి)

తయారుచేయు విధానం:

1. ముందుగా గసగసాలను శుభ్రంగా కడిగి, సన్నగా ఉన్న మట్టి, దుమ్మును తొలగించాలి. (చాలా చిన్నగా ఉండటం వల్ల కాఫీ ఫిల్టర్ లేదా కాఫీ స్ట్రెయినర్‌లో వేసి శుభ్రం చేయాలి)

2. తర్వాత నీరు పూర్తిగా కారిపోయే వరకూ అలాగే ఉంచాలి.

3. తర్వత స్టౌ మీద మంద పాటి పాన్ పెట్టి అందులో నెయ్యి వేసి వేడి అయ్యాక అందులో గసగసాలు వేసి, తక్కువ మంట మీద అవి బ్రౌన్ కలర్ వచ్చేవరకూ అలాగే ఉండనివ్వాలి.

4. ఇప్పుడు అందులో పాలు పోసి మరిగించాలి. అలాగే యాలకలపొడి వేసి మీడియం మంట మీద మొత్తం పాలు గట్టిగా ఇమిరిపోయే వరకూ మీడియం మంట మీద ఉడికించాలి. మద్యమద్యలో కలియబెడుతుండాలి.

5. పాలు బాగా మరుగుతున్నప్పుడే, అందులో షుగర్ కూడా జోడించి బాగా మిక్స్ చేయాలి. పాలు చిక్కబడి, గసగసాలతో కలిసిపోయి మొత్తగా ఉడికి హల్వ లా తయారైనప్పుడు బాదంతో గార్నిష్ చేయాలి.

సంక్రాంతి స్పెషల్ స్వీట్ పొంగలి ఎలా తయారుచేయాలో చూద్దాం…

images

కావల్సిన పదార్థాలు:

నూక బియ్యం : ½ cup (సోనా మసూర బియ్యం)

పెసరపప్పు: 3tbsp

బెల్లం: ¾ cup (తురుముకోవాలి)

నీళ్ళు: 4 cups

నెయ్యి: 3tbsp

ద్రాక్ష: 12-15

జీడిపప్పు: 8-10

యాలకలు: 2 (crushed)

లవంగాలు: 2 (crushed)

తినే కర్పూరం: చిటికెడు (అవసరం అయితేనే)

తయారుచేయు విధానం:

1. ముందుగా బియ్యం శుభ్రం గా కడిగి పెట్టుకోవాలి.

2. తర్వాత ప్రెజర్ కుక్కర్ లో ఒక చెంచా నెయ్యి వేసి, పెసరపప్పు వేసి బ్రౌన్ కలర్ వచ్చే వరకూ వేగించి పెట్టుకోవాలి.

3. ఇప్పుడు అందులో మూడు కప్పుల నీళ్ళు మరియు శుభ్రం చేసి పెట్టుకొన్న బియ్యం వేసి బాగా మిక్స్ చేయాలి.

4. ఈ మిశ్రమాన్ని ఒకటి రెండు విజిల్స్ వచ్చే వరకూ మెత్తగా ఉడికించుకోవాలి .

5. అంతలోపు, ఒక బౌల్లో ఒక కప్పు నీళ్ళు పోసి అందులో బెల్లం తురుము వేయాలి.

6. ఈ గిన్నె స్టౌ మీద పెట్టి, బెల్లం కరిగే వరకూ ఉడికించాలి. మద్యమద్యలో కలియబెడుతుండాలి.

7. తర్వాత అందులోనే యాలకలు, లవంగాలు, మరియు తినెకర్పూరం చిటికెడు వేసి బాగా మిక్స్ చేసి మరో

5నిముషాలు ఉడికించుకోవాలి.

8. తర్వాత మిగిలిన నెయ్యిని పాన్ లో వేసి వేడిచేయాలి. తర్వాత అందులోనే ద్రాక్ష, జీడిపప్పు వేసి ఫ్రై చేయాలి .

9. ఇలా ఫ్రై చేసిన వాటిని పొంగల్లో వేసి బాగా మిక్స్ చేయాలి. అంతే వేడి వేడిగా స్వీట్ పొంగలిని సర్వ్ చేయాలి.