Posts Tagged ‘ginger’

హెల్తీ బార్లీ పరోఠా రిసిపి ఎలా తయారుచేయాలో చూద్దాం…డయాబెటిక్ వారికోసం…

images (79)

కావల్సిన పదార్థాలు:

బార్లీ పండి: 1/2cup

గోధుము పిండి: 3tbsp

ఉల్లిపాయ: 1(సన్నగా కట్ చేసుకోవాలి)

వెల్లుల్లి పేస్ట్ : 1tsp

అల్లం, పచ్చిమిర్చి పేస్ట్ : 1tsp

ఆలివ్ ఆయిల్ : tsp

ఉప్పు: రుచికి సరిపడా

తయారుచేయు విధానం:

1. ఉల్లిపాయలను చాలా సన్నగా లేదా రఫ్ గా పేస్ట్ లాగా చేసుకుంటే, పిండి కలుపుకవడానికి సులభంగా ఉంటుంది.

2. ఇప్పుడు పిండి కలుపుకోవడానికి ఒక బౌల్ తీసుకొని అందులో గోధుమపండి, బార్లీ పిండి,సన్నగా తరిగిన ఉల్లిపాయలు, వెల్ల్లుల్లి పేస్ట్, అల్లం, పచ్చిమిర్చి పేస్ట్ వేసి కొద్దిగా నీళ్ళు పోసి , అరచెంచా ఆలివ్ ఆయిల్ వేసి పిండిని చపాతీ పిండిలా కలుపుకోవాలి .

3. ఇప్పుడు మొత్తం పిండి నుండి కొద్దికొద్దిగా పిండి తీసుకొని చిన్న చిన్న బాల్ లాగా రోల్ చేసుకోవాలి. పరోఠాల్లా ఒత్తుకోవాలి

4. స్టౌ మీద పాన్ పెట్టి, కొద్దిగా నూనె వేసి వేడయ్యాక అందులో వత్తుకొన్న పరోఠాను తవా మీద వేసి రెండు వైపులా కాల్చుకోవాలి.

5. రెండు వైపులా బ్రౌన్ కలర్ వచ్చే వరకూ కాల్చుకొని, తర్వాత ప్లేట్ లోకి మార్చుకోవాలి. అంతే రుచికరమైన బార్లీ పరోఠా రెడీ.

చికెన్ గీ రోస్ట్ ఎలా తయారుచేయాలో చూద్దాం…మంగళూరియన్ స్పెషల్ రిసిపి…

download (3)

కావల్సిన పదార్థాలు:

చికెన్: 500gms

కరివేపాకు: రెండు రెమ్మలు

ధనియా (ధనియా పౌడర్): 2tsp

కాశ్మీరీ కారం పొడి: 1tsp

అల్లం వెల్లుల్లి పేస్ట్ : 2tbsp

ఉప్పు: రుచికి సరిపడా

పంచదార: 1tsp

పెప్పర్ పొడి: 2tsp

గరం మసాలా పొడి: 1tsp

జీలకర్ర పొడి: 2 tsp

ఎండు మిర్చి: 2

నెయ్యి: 7tbsp + 2tsp

కొత్తిమీర: 1/2cup(సన్నగా తరిగి పెట్టుకోవాలి)

చింతపండు గుజ్జు: 1tbsp

టమోటో గుజ్జు: 1cup

తయారుచేయు విధానం:

1. ముందుగా పాన్ లో కొద్దిగా నెయ్యివేసి వేడయ్యాక అందులో కరివేపాకు, ఎండుమిర్చి, జీలకర్ర, అల్లం, వెల్లుల్లి పేస్ట్ ఒకదాని తర్వాత ఒకటి వేసి మీడియం మంట మీద ఫ్రై చేసుకోవాలి.

2. తర్వాత అందులో టమోటో గుజ్జు వేసి 5 నిముషాలు ఫ్రై చేసుకోవాలి.

3. 5 నిముషాల తర్వాత ధనియాలపొడి, కాశ్మీర్ రెడ్ చిల్లీ పౌడర్ వేసి మిక్స్ చేస్తూ ఫ్రై చేసుకోవాలి. మసాల నుండి నెయ్యి సపరేట్ గా పైకి తేలే వరకూ ఫ్రై చేసుకోవాలి.

4. ఇప్పుడు అందులోనే మరో రెండు చెంచాల నెయ్యి వేసి, చికెన్ ముక్కలు, ఉప్పు, గరం మసాలా మరియు పెప్పర్ పౌడర్ వేసి మరో 5-10నిముషాలు ఫ్రై చేసుకోవాలి.

5. ఇప్పుడు కొత్తిమీర సగభాగాన్ని ఉడుకుతున్న చికెన్ మీద చిలకరించుకోవాలి. అలాగే పంచదార కూడా చిలకరించి మూత పెట్టి తక్కువ మంట మీద 10 నిముషాలు ఉడికించుకోవాలి.

6. 10నిముషాల తర్వాత మూత తీసి చింత పండు గుజ్జు వేసి మూత పెట్టి మరో 5నిముషాలు, చికెన్ మెత్తగా ఉడికే వరకూ ఉడికించుకోవాలి.

7. చికెన్ ఉడికన తర్వాత స్టౌ ఆఫ్ చేసి మిగిలిన కొత్తిమీర తరుగుతో గార్నిష్ చేయాలి. అంతే చికెన్ గీ రోస్ట్ రెడీ . ఈ రుచికరమైన చికెన్ రిసిపిని దోసె మరియు చపాతీలతో సర్వ్ చేయాలి.

పాలక్ పన్నీర్ పఫ్ ఎలా తయారు చేయాలో చూద్దాం…

maxresdefault

కావల్సిన పదార్థాలు:

తరిగిన పాలకూర: 1cup

పన్నీర్ తురుము: 1/2cup

తరిగిన ఉల్లిపాయలు: 1/2cup

వెల్లుల్లి పేస్ట్: 1/2tsp

అల్లం పేస్ట్: 2tsp

తరిగిన పచ్చిమిర్చి ముక్కలు: 2tsp

ఆలివ్ ఆయిల్: 2tsp

ధనియాలు: 1tsp

పంచదార: 1tsp

నిమ్మరసం: 2tsp

వేరుశెనగ: 2tsp

తయారు చేయు విధానం:

1. ముందుగా పాన్ స్టౌమీద పెట్టి నూనె వేసి వేడి చేయాలి. నూనె వేడయ్యాక అందులో ఉల్లిపాయలు, పచ్చిమిర్చి, అల్లం వెల్లుల్లి ముక్కలను వేసి కొన్ని నిముషాల పాటు వేగించండి. ఇవన్నీ బాగా వేగిన తర్వాత అందులో పాలకూర తరుగును, పన్నీర్ తరుగును కూడా వేసి బాగా వేగించుకోవాలి.

2. అంతకంటే ముందు వేరుశనగలు వేయించి సిద్దంగా ఉంచుకోండి.

3. తర్వాత ఒక కప్పు పిండి తీసుకుని అందులో ఒక స్పూన్ పంచదార, 1కప్పు పాలు, అర స్పూన్ ఈస్ట్, 1/2 ఉప్పు, మూడు స్పూన్ల నూనె వేసి బాగా కలుపుకుని పిండి ముద్దను మూడు నాలుగు గంటల పాటు వదిలేయండి.

4. ఈ పిండిని చిన్న చిన్న ముద్దలుగా చేసి చిన్న రోటీలా తయారుచేయండి.

5. ఇప్పుడు ముందుగా తయారు చేసి పెట్టుకొన్న కర్రీని రోటీలో పెట్టి నాలుగు వైపులా మూసేసి మరిగే నూనెలో వేసి వేయించండి. అంతే తినడానికి పాలక్ పఫ్ రెడీ.

హైదరాబాది కచ్చి గోష్ట్ బిర్యానీ ఎలా తయారుచేయాలో చూద్దాం…

download (6)

కావాల్సిన పదార్థాలు :

మటన్: 1kg

బాస్మతి రైస్: 1kg

పెరుగు: 200grms

లెమన్ జ్యూస్: 3tsp

మసాలా దినుసులు: 20grms

చిల్లీ పౌడర్: 2tsp

ధనియాల పౌడర్: 3tsp

జింజర్ గార్లిక్ పేస్ట్: 2tbsp

ఉప్పు: రుచికి సరిపడా

గరం మసాలా: 11/2tsp

నూనె: సరిపడా

ఫ్రైడ్ ఆనియన్: 1cup

తరిగిన కొత్తిమిర: 1/2cup

తరిగిన పుదీనా: 1/2cup

బే లీవ్స్: 1

వెన్న: 150grms

నీళ్ళు: 5ltrs.

తయారు చేయు విధానం:

1. ముందుగా ఒక కేజీ మాసం తీసుకుని అందులో లెమన్ జ్యూస్, జింజర్ గార్లిక్ పేస్ట్, గరం మసాలా పౌడర్, ఫ్రైడ్ ఆనియన్, పెరుగు, తరిగిన కొతిమిర, పుదీనా, ధనియాల పౌడర్, నూనె కలిపి రెండు మూడు గంటల పాటు బాగా నానబెట్టాలి.

2. తర్వాత 5 లీటర్ల నీటిని ఒక బౌల్‌లో తీసుకుని 25 నిమిషాల పాటు మరగబెట్టాలి.

3.తరువాత ఇందులో పైన సూచించిన మోతాదులో ఉప్పు, 10గ్రా. గరం మసాలా, బేలీవ్స్ కలపాలి.

4. ఇప్పుడు గంటపాటు నాన బెట్టిన బాస్మతి రైస్‌ని మరగించిన నీటికి కలపాలి. ఇప్పుడు సగం బిర్యానీ తయారు అయినట్లే.

5. ఈ రైస్‌ని తీసుకుని పైన సూచించిన విధంగా బాగా నాన బెట్టిన మటన్‌పై వేయాలి. రైస్ పైన వెన్న, గార్లిక్ కలపాలి. ఇలా తయారైన బిర్యానీపై మూత ఉంచి గోధుమపిండితో మూతను సీల్ చేయాలి(ఆవిరిబయట పోకుండా)20-25 నిమిషాల పాటు గ్యాస్‌ని సిమ్‌లో ఉంచి ఉడకబెట్టాలి.

6. తరువాత మూతపై 20 నిమిషాల పాటు వేడి వేడి నిప్పులు పోయాలి. తరువాత మూత తీస్తే ఘుమ ఘుమలాడే బిర్యానీ మనకు నోరూరిస్తుంది. దీనికి తరిగిన కొతిమిర, పుదీనా, జీడిపప్పు, ఫ్రైడ్ ఆనియన్, మిర్చీ ముక్కలు కలపాలి.

7. అంతే మనకు కావల్సిన కచ్చి గోషి బిర్యానీ తయారైంది. ఇలా వేడి వేడిగా ఉన్న బిర్యానీని టేస్ట్ చేస్తే ఆ మజాయే వేరు.

స్పైసీ చికెన్‌ పకోడి ఎలా తయారుచేయాలో చూద్దాం…

images

కావలసిన పదార్థాలు:

బోన్‌లెస్‌ చికెన్‌: 1/2kg

పుదీనా: 1 కట్ట

కొత్తిమీర: 1 కట్ట

పచ్చిమిర్చి: 4

అల్లం: చిన్న ముక్క

వెల్లుల్లి: 6 రెబ్బలు

నిమ్మకాయ: 1

ధనియాల పొడి: 1tsp

గరం మసాలా: 1tsp

పెరుగు: 2tsp

శనగపిండి: 1/2cup

ఉప్పు: తగినంత

నూనె: వేయించడానికి సరిపడా

తయారు చేసే విధానం:

1. ముందుగా పుదీన, కొత్తిమీర, పచ్చిమిర్చి, అల్లం, వెల్లుల్లి మిక్సీలో వేసి ముద్ద చేసుకోవాలి.

2. తర్వాత చికెన్‌ను శుభ్రంగా కడిగి అందులో ధనియాల పొడి, గరం మసాలా, ఉప్పు, కారం, పెరుగు, నిమ్మరసం, ముందుగా నూరిపెట్టుకున్న పుదీన, పచ్చిమిర్చి ముద్ద వేసి బాగా మిక్స్ చేయాలి. ఈ మిశ్రమాన్ని గంటసేపు నానబెట్టాలి.

3. ఒక గంట తర్వాత అందులో ఒక స్పూను వేడి నూనె, శనగపిండి కలపాలి.

4. ఇప్పుడు స్టౌ మీద పాన్ పెట్టి, అందులో నూనె వేసి కాగిన తర్వాత మ్యారినేట్ చేసి పెట్టుకొన్న చికెన్ నుండి కొద్దికొద్దిగా తీసి శెనగపిండిలో డిప్ చేసి కాగే నూనెలో వేయాలి.

5. కాగిన నూనెలో శనగపిండి కలిపిన చికెన్‌ను పకోడీలా వేసి బంగారు రంగు వచ్చేవరకు వేయించి తీస్తే చాలు. రుచికరమైన వేడి వేడి చికెన్‌ పకోడీ రెడీ.

మటన్‌ హలీమ్‌ ఎలా తయారుచేయాలో చూద్దాం…

images (6)

కావలసిన పదార్థాలు:

గోధుమలు : 200grm

బోన్‌లెస్‌ మటన్‌ : 300grm

నెయ్యి : 100grm

ఉల్లిగడ్డలు : 3

నిమ్మకాయ: 2

గరం మసాలా : 2tbsp

ఉప్పు : రుచికి సరిపడినంత

పచ్చిమిర్చి : 20grm

అల్లం : చిన్న ముక్క

వెల్లుల్లి : 7 రెబ్బలు

కొత్తిమీర : చిన్న కట్ట

జీడి, బాదం పప్పులు : సన్నగా కట్‌ చేసుకున్నవి

తయారు చేసే విధానం:

1. ముందుగా గోధుమలు శుభ్రంగా కడిగి రెండు గంటల పాటు నానబెట్టాలి.

2. తర్వాత పచ్చి మిర్చి, అల్లం, వెల్లుల్లిని మిక్సీలో వేసి మెత్తగా గ్రైండ్‌ చేయాలి. తరువాత మటన్‌ని శుభ్రం గా కడగాలి. అం దులో గ్రైండ్‌ చేసి పెట్టుకున్న మిర్చీ పేస్టును కలిపి గంట పాటు పక్క న వుంచాలి.

3. బాగా నానిన గోధుమలు, మటన్‌ మిశ్రమానికి కలిపి తగినంత ఉప్పు వేసి బాగా మెత్తగా ఉడికించుకోవాలి. దీన్ని పప్పుగుత్తిలాంటి దాంతో అప్పుడ ప్పుడూ కలుపుతూ మెత్తగా అయ్యేలా చెయ్యాలి.

4. ఒక పాత్ర తీసుకుని అందులో నెయ్యివేసి వేడి చేయాలి. జీడిప ప్పు, బాదం పప్పులను అందులో వేసి వేయించి తీయాలి.

5. తరువాత అందులో తరిగిన ఉల్లిగడ్డలు వేసుకొని బం గారు రంగు వచ్చేవరకు వేయించు కోవాలి. దీనిలోనే గరంమసాలా కూడా వేసుకోవాలి.

6. తరువాత మెత్తగా ఉడకబెట్టుకున్న హలీమ్‌ మిశ్ర మాన్ని ఇందులో వేసుకుని సన్నని మంట పై ఉంచాలి. కొద్దిసేపటికి నెయ్యి పైకి తేలుతుంది. అప్పుడు దించేసుకోవాలి. అంతే రంజాన్ స్పెషల్ మటన్ హలీమ్ రెడీ

స్పైసీ ఎగ్ వెజిటేబుల్ ఫ్రైడ్ రైస్ ఎలా తయారుచేయాలో చూద్దాం…

images (6)

కావల్సిన పదార్థాలు:

బాస్మతి రైస్ : 2cups

ఎండుమిర్చి: 2-3

వెల్లుల్లి రెబ్బలు: 4-6

అల్లం తురుము: 1/2tsp

నూనె లేదా నెయ్యి: సరిపడా

క్యారెట్లు: 2

చైనీస్ క్యాబేజ్ తురుము: 1/2cup

గుడ్లు: 2

ఉల్లికాడలు: 2

ఫ్రెష్ బఠానీలు: 1/2cup

సోయాసాస్: 1tsp

వెనిగర్: 1/4tsp

ఉప్పు: రుచికి తగినంత

కొత్తిమీర : కొద్దిగా

తయారుచేయు విధానం:

1. ముందుగా బాస్మతి బియ్యంను శుభ్రంగా కడిగి, సరిపడా నీళ్ళు పోసి అన్నం వండి పక్కన పెట్టుకోవాలి.

2. అలాగే గుడ్డును పగులగొట్టి గిన్నెలో పోసి అందులో చిటికెడు ఉప్పు వేసి బాగా మిక్స్ చేసి పక్కన పెట్టుకోవాలి.

3. తర్వాత మిక్సి జార్ లో వెల్లుల్లి, ఎండుమిర్చి, చిటికెడు ఉప్పు వేసి పేస్ట్ చేసుకోవాలి.

4. ఇప్పుడు పాన్ లో కొద్దిగా నూనె వేసి కాగిన తర్వాత అల్లం తురుము వేసి వేయించుకోవాలి.

5. ఆ తర్వాత క్యారెట్ ముక్కలు వేసి మరో 5నిముషాలు వేగించుకోవాలి. అందులోనే సోయా సాస్, వెనిగర్ కూడా వేసి కలుపుతూ ఫ్రై చేసుకోవాలి.

6. ఇప్పుడు అందులో ముందుగా ఉడికించి పెట్టుకున్న అన్నం వేసి కలుపుకోవాలి. ఈ మిశ్రమాన్ని పక్కకు తీసి పెట్టుకొని.

7. అదే పాన్ లో మరికొద్దిగా నూనె వేసి కాగిన తర్వాత గుడ్డు మిశ్రమాన్ని పోసి వేగించుకోవాలి. బ్రౌన్ కలర్ వచ్చిన తర్వాత అందులో ముందుగా ఫ్రై చేసి పెట్టుకొన్న వెజిటేబుల్ రైస్ వేసి మిక్స్ చేసుకోవాలి. అంతే స్పైసీ ఎగ్ వెజిటేబుల్ ఫ్రైడ్ రైస్ రెడీ…

షహీ కోప్తా షొర్భా రిసిపి ఎలా తయారుచేయాలో చూద్దాం…

download (8)

కావల్సిన పదార్థాలు:

కోఫ్తాకు కావల్సిన పదార్థాలు:

బీఫ్: 500grms

గుడ్డు: 1(పగులగొట్టిలోపలి సొన తీసుకోవాలి)

ఉల్లిపాయ: 1(సన్నగా కట్ చేసుకోవాలి)

అల్లం వెల్లల్లి: 2tsp

పచ్చిమిర్చి: 2(సన్నగా కట్ చేసుకోవాలి)

కొత్తిమీర: 1కట్ట(సన్నగా తరగాలి)

పుదీనా: 1/2 కట్ట(సన్నగా తరగాలి)

ఉప్పు: రుచికి సరిపడా

నూనె: డీప్ ప్రైయింగ్కి సరిపడా

కర్రీ కోసం కావల్సిన పదార్థాలు:

ఉల్లిపాయలు: 3(సన్నగా తరగిపెట్టుకోవాలి)

అల్లం వెల్లుల్లి పేస్ట్ : 1tbsp

టమోటో: 2(సన్నగా తరిగిపెట్టుకోవాలి)

పసుపు: 1tsp

కారం: 1tsp

గరం మసాలా: 1tsp

ధనియాల పొడి: 1tsp

యాలకులపొడి: 1/2tsp

ఉప్పు: రుచికి సరిపడా

ఆయిల్: 2tbsp

నీళ్ళు: 1cup

కొత్తిమీర: 2tbsp(సన్నగా తరిగిపెట్టుకోవాలి)

ఫ్రెష్ క్రీమ్ : 2tbsp

తయారుచేయు విధానం:

1. ముందుగా మటన్‌ను శుభ్రంగా కడగాలి. తర్వాత కోఫ్తాలకు సిద్దం తీసుకొన్న పదార్థాలన్నింటిని ఒక మిక్స్ బౌల్లో వేసి (నూనె మినహాయించాలి)అన్నింటిని బాగా మిక్స్ చేయాలి. ఈ మిశ్రమాన్ని చిన్న చిన్న ఉండలుగా చేయాలి.

2. డీప్ ఫ్రౌయింగ్ పాన్‌లో నూనె వేసి కాగిన తర్వాత కోఫ్తా ఉండలను, కాగే నూనెలో వేసి ఫ్రై చేసుకోవాలి.

3. నూనెలో కోఫ్తాలను వేసి బ్రౌన్ కలర్ వచ్చేవరకూ మీడియం మంట మీద ఫ్రై చేసుకొని పక్కన పెట్టుకోవాలి.

4. ఇప్పుడు పాన్‌లో కొద్దిగా నూనె వేసి వేడయ్యాక అందులో ఉల్లిపాయ ముక్కలు, బ్రౌన్ కలర్ వచ్చే వరకూ వేగించుకోవాలి.

5. తర్వాత అల్లం, వెల్లుల్లి పేస్ట్ వేసి మరో 2, 3 నిముషాలు ఫ్రై చేసుకోవాలి.

6. తర్వాత టమోటో, పసుపు, కారం, ధనియాలపొడి, గరం మసాలా, ఉప్పు వేసి 5నుండి6 నిముషాలు ఫ్రై చేసుకోవాలి.

7. కొద్దిగా నీళ్ళు పోసి చిక్కటి గ్రేవీ అయ్యే వరకూ 2-3నిముషాలు ఉడికించుకోవాలి.

8. గ్రేవీ చిక్కబడిన తర్వాత అందులో ఫ్రైడ్ కోఫ్తాలను వేసి, మూత పెట్టి 10-15నిముషాలు తక్కువ మంట మీద ఉడికించుకోవాలి.

9. తర్వాత మూత తీసి, యాలకుల పొడి చిలకరించి, కోఫ్తాలు పూర్తిగా ఉడికిన తర్వాత, స్టౌ ఆఫ్ చేయాలి.

10. చివరగా కొత్తిమీర తరుగు మరియు ఫ్రెష్ క్రీమ్తో గార్నిష్ చేయాలి. అంతే షహీ కోఫ్తా షొరబ రెడీ. ఈ రుచికరమైన బీఫ్ రిసిపిని రోటి లేదా పరోటాలతో సర్వ్ చేయండి.

ఫిష్ ఫ్రైడ్ రేస్ ఎలా తయారుచేయాలో చూద్దాం…

images

బోన్ లెస్ ఫిష్: 1/2kg

వండిన అన్నం: 3 cups

సన్నగా తరిగిన క్యాప్సికమ్: 2cups

ఉల్లిపాయలు: 3మీడియం

కొత్తిమీర: 1/2cup

ఫిష్ సాస్: 1tbsp

చిల్లీ సాస్: 2tbsp

వెల్లుల్లి రెబ్బలు: 3-4

సోయాసాస్: 3tsp

అల్లం తురుము: 1tbsp

క్యారెట్: 2 చిన్నవి

పెప్పర్ పౌడర్: 1tsp

కార్న్ స్టార్చ్- 1tbsp

నూనె: ఫ్రై చేయడానికి సరిపడా

ఉప్పు: రుచికి సరిపడా

తయారుచేయు విధానం:

1. ముందుగా చేపలను మీకు నచ్చిన సైజ్ లో కట్ చేసుకోవాలి. తర్వాత నీటితో శుభ్రంగా కడిగి తడి ఆరే వరకూ ఉండి. వాటికి చిల్లీ సాస్ మరియు పెప్పర్ పౌడర్ ను చిలకరించి మ్యారినేట్ చేసి పక్కన పెట్టుకోవాలి.

2. చేపలను మ్యారినేట్ చేసిన తర్వాత 15 నిముషాలు పక్కన పెట్టుకోవాలి.

3. తర్వాత అందులో కార్న్ స్ట్రార్చ్ పౌడర్ ను ఫ్రై చేయడానికి ముందుగా చేప ముక్కల మీద చిలకరించి పెట్టుకోవాలి.

4. తర్వాత పాన్ లో నూనె వేసి వేడి అయ్యాక అందులో మ్యారినేట్ చేసి పెట్టుకొన్న చేపముక్కలు వేసి బ్రౌన్ కలర్ వచ్చే వరకూ 10 నిముషాలు ఫ్రై చేసి పక్కన తీసి పెట్టుకోవాలి.

5. తర్వాత అదే పాన్ లో ఉన్నవేడి నూనెలో అల్లం వెల్లుల్లి తరుగు వేసి రెండు మూడు నిముషాలు ఫ్రై చేసుకోవాలి.

6. తర్వాత అందులో ఉల్లిపాయలు, కొత్తిమీర, క్యాప్సికమ్ మరియు క్యారెట్ ను వేసి 10నిముషాలు ఫ్రై చేసుకోవాలి.

7. వెజిటేబుల్స్ ఫ్రై అయిన తర్వాత అందులో ముందుగా ఫ్రై చేసిన చేపలు వేసి ఫ్రై చేయాలి.

8. తర్వాత అందులోనే ముందుగా వండి పెట్టుకొన్న అన్నం వేసి మిక్స్ చేసుకోవాలి. అంతే ఫిష్ ఫ్రైడ్ రైస్ రెడీ. దీన్ని సలాడ్ తో సర్వ్ చేసుకోవచ్చు.

కల్మీ కబాబ్ రిసిపి ఎలా తయారుచేస్తారో చూద్దాం…

images (23)

కావల్సిన పదార్థాలు:

చికెన్: 1kg (మీడియం సైజ్ ముక్కలుగా కట్ చేసుకోవాలి)

అల్లం వెల్లుల్లి పేస్ట్: 2tsp

ఉప్పు: రుచికి సరిపడా

పెరుగు: 1cup

కుంకుమపువ్వు: చిటికెడు

నిమ్మకాయ రసం: 1tbsp

మైదా: ¼cup

మసాలా కోసం కావల్సిన పదార్థాలు:

లవంగాలు: 3

ఉల్లిపాయ విత్తనాలు(కాలా జీర): ½tsp

చెక్క: 1

బే ఆకు: 1

మిరియాలు: 5

తయారుచేయు విధానం:

1. ముందుగా మసాలాకోసం సిద్దం చేసుకొన్న పదార్థాలన్నింటిని పాన్‌లో వేసి రోస్ట్ చేసుకోవాలి. తర్వాత వీటిని చల్లారనిచ్చి, మిక్సీలో వేసి పొడి చేసుకొని పక్కన పెట్టుకోవాలి.

2. తర్వాత చికెన్ ముక్కలను శుభ్రంగా కడిగి, తడిఆరేవరకూ పక్కన పెట్టుకోవాలి.

3. తర్వత చికెన్ ముక్కలను చిన్న చిన్నగాట్లు పెట్టుకోవాలి.

4. తర్వాత ఒక బౌల్ తీసుకొని అందులో పెరుగు మరియు అల్లం వెల్లుల్లి పేస్ట్, ఉప్పు, కుంకుమ పువ్వు, నిమ్మరసం, మైదా మరియు పొడిచేసుకొన్న మసాలా పౌడర్ వేసి బాగా మిక్స్ చేయాలి.

5. ఈ మిశ్రమంలో చికెన్ ముక్కలను వేసి రెండు మూడు గంటల సమయం మ్యారినేట్ చేసి పెట్టుకోవాలి.

6. తర్వత మైక్రోవేవ్‌లోని గ్రిల్స్‌కు గ్రిల్ చేసి 15-20నిముషాలు మైక్రోవోవెన్‌లో పెట్టాలి.

7. చికెన్ గ్రిల్ క్రింది బాగంలో డ్రిప్ ట్రే పెట్టాలి. చికెన్ పూర్తిగా ఉడికిన తర్వాత ఒక ప్లేట్ లోనికి మార్చుకోవాలి. అంతే చికెన్ కల్మీ కబాబ్ రిసిపి రెడీ.