Posts Tagged ‘hair’

జుట్టు పెరుగుదలకు ఉపయోగపడే కొబ్బరినీళ్ళు…

images (4)

కొబ్బరినీళ్లలో యాంటీ ఫంగల్, యాంటీ బ్యాక్టీరియల్ గుణాలు పుష్కలంగా ఉంటాయి. ఇవి తలలో దురద, చుండ్రు మరియు ఇన్ఫెక్షన్లను నివారిస్తాయి. అలాగే జుట్టు పెరుగుదలకు సహాయపడుతుంది. కాబట్టి, తరచుగా కొబ్బరినీళ్లతో తలను మర్దనా చేయడం మంచిది.

ఆరోగ్యానికి, అందానికీను… నెయ్యి మేలు…

images (85)
సువాసనలు వెదజల్లే నెయ్యి ఆహారంలో రుచికి మాత్రమే కాదు, ఆరోగ్యానికి, సౌందర్యానికి కూడా ఉపయోగించుకోవచ్చు. కొంచెం నెయ్యిని గోరువెచ్చగా వేడి చేసి, చిట్లిన జుట్టుకు రాసుకోవాలి. ఓ గంట తరువాత కడగాలి. ఇలా చేయడం వల్ల వెంట్రుకల్లో పగుళ్లు పోయి జుట్టు ఆరోగ్యంగా తయారవుతుంది. పొడిబారిన చర్మం ఉన్న వాళ్లకి నెయ్యి మంచి మాయిశ్చరైజర్‌గా పని చేస్తుంది.
పెదవులు బాగా పొడిబారినప్పుడు పడుకునే ముందు పెదాలకు నెయ్యి రాసుకోవడం వల్ల అవి చాలా మృదువుగా తయారవుతాయి. ప్రతి రోజూ స్నానానికి ముందు రెండు చుక్కల నెయ్యితో ముఖాన్ని మసాజ్ చేసుకోవాలి. ఇలా చేసుకోవడం వల్ల ముఖం ఫేషియల్ చేసుకున్నట్టుగా మెరిసిపోతుంది.
నెయ్యి మాయిశ్చరైజర్‌గా పని చేస్తుంది. స్నానం చేయడానికి ముందు మసాజ్ చేసుకోవాలి. ఇలా చేయడం వల్ల చర్మం మృదువుగా తయారవుతుంది. తరువాత మాయిశ్చరైజర్ రాసుకోవలసిన అవసరం ఉండదు. నిద్ర సరిపోకపోవడం వలన కళ్ల చుట్టూ నల్లటి వలయాలు ఏర్పడతాయి. పడుకునే ముందు కళ్ల చుట్టూ ఉండే బాగాన్ని నెయ్యితో మసాజ్ చేసుకోవాలి. పొద్దున్నే లేచిన తరువాత ముఖం కడుక్కోవాలి. ఇలా చేయడం వల్ల కళ్ల కింద నల్లటి వలయాలు చాలా త్వరగా పోతాయి.
కొన్ని చుక్కల ఆలివ్ ఆయిల్‌కి కొన్ని చుక్కలు గోరువెచ్చని నెయ్యి కలిపి, ఆ నూనెను మాడుకు మసాజ్ చేయాలి. తరువాత జుట్టుకు రాసుకోవాలి. పావు గంట తర్వాత తలస్నానం  చేయాలి. ఇలా చేయడం వల్ల పొడిబారిన జుట్టును మృదువుగా, ఆరోగ్యవంతంగా చేసుకోవచ్చు. కొంచెం శెనగ పిండిలో కొన్ని చుక్కలు నెయ్యి, పాలు పోసి కలిపిన మిశ్రమాన్ని ముఖానికి ప్యాక్‌లా వేసుకోవాలి. 15 నిమిషాల తరువాత కడుక్కోవాలి.

జుట్టుకు మంచి కండీషనర్ కోసం…

download (56)
పావుకప్పు యాపిల్ గుజ్జులో కోడిగుడ్డులోని తెల్లసొనా, టేబుల్ స్పూన్ నిమ్మరసం కలపాలి. ఈ మిశ్రమాన్ని తలకు పట్టించి పావుగంట పాటు ఆరనివ్వాలి. ఇలా చేయడం వల్ల జట్టు కండీషనర్ అయ్యి చిట్లడం వంటి సమస్యలు దరిచేరవు.

జుట్టు ఆరోగ్యంగా పెరగడానికి కలబంద…

images

జుట్టు పెరుగుదలకు: ఖచ్చితంగా అలోవెర జెల్ తో జుట్టు పెరుగుదల సాధ్యం అవుతుంది. అలోవెరాను తలకు పట్టించడం వల్ల తలలో ఉండే డెడ్ స్కిన్సెల్స్ తొలగిస్తుంది. డీప్ గా పోషణను అందిస్తుంది. దాంతో హెయిర్ ఫోలిసెల్స్ ఓపెన్ అవుతాయి. కాబట్టి అలోవెరా జుట్టు పెరుగుదలకు, జుట్టు పొడవుగా పెరగడానికి సహాయపడుతుంది.

అలోవెర జెల్ ను కండీషనర్ గా: అలోవెరా నేచురల్ హెయిర్ కండీషనర్. ఇది హనికలిగించే రసాయనిక హెయిర్ కండీషనర్స్ కంటే చాలా మంచిది. కాబట్టి అలోవెరా జెల్ ను మీ కేశాలకు, తల మాడుకు బాగా పట్టించి, మర్దన చేసిన తర్వాత తలస్నానం చేయడం వల్ల మంచి ఫలితాలను పొందవచ్చు. కొబ్బరి నూనె మరియు జోజోబా ఆయిల్ తో చేర్చి తలకు పట్టిస్తే మంచి ఫలితం ఉంటుంది. అధినపు పోషణను అందిస్తుంది.

స్ట్రాంగ్ హెయిర్ కోసం…బాదం తినండి…

images (61)
స్ట్రాంగ్ హెయిర్ కోసం.. మష్రూమ్స్ బాదం తినండి అంటున్నారు ఆరోగ్య నిపుణులు. మష్రుమ్స్‌లో విటిమన్స్ అధికంగా ఉన్నాయి. తృణధాన్యాలు, గ్రీన్ లీఫీ వెజిటేబుల్స్ విటమిన్ బి2 అధికంగా ఉండటం వల్ల వీటిని స్ట్రాంగ్ అండ్ హెల్తీ హెయిర్ పొందడానికి తీసుకోవచ్చునని ఆరోగ్య నిపుణులు అంటున్నారు.
బయోటిన్ అధికంగా ఉండే ఫుడ్స్ ఉల్లిపాయ, బాదం, సెరల్స్, ఈస్ట్, అరటి, సాల్మన్ వంటి ఫుడ్స్ వంటివి తీసుకోవాలని న్యూట్రీషన్లు అంటున్నారు. స్ట్రాంగ్ హెయిర్ కోసం ఈ ఆహారాన్ని తీసుకుంటే మంచి ఫలితం ఉంటుంది. ఈ ఫుడ్స్‌ను రెగ్యులర్ డైట్‌లో చేర్చుకోవడం వల్ల హెయిర్ డ్యామేజ్, జుట్టు చిట్లడాన్ని నివారిస్తుంది. ఇవి హెయిర్ ఫాల్ అరికడుతాయి. జుట్టు పెరుగుదలకు సహాయపడుతాయని న్యూట్రీషన్లు అంటున్నారు.

ఒత్తైన జుట్టు పొందడానికి హెల్తీ హెయిర్ ప్యాక్స్…

images (36)

ఆలివ్ ఆయిల్ మరియు ఎగ్ హెయిర్ ప్యాక్: 3 చెంచాల ఆలివ్ ఆయిల్ తీసుకొని రెండు గుడ్లు మిశ్రమంలో వేసి మిక్స్ చేయాలి. ఈ మిశ్రమాన్ని తలకు పట్టించాలి. 20 నిముషాల తర్వాత గోరువెచ్చని నీటితో తలస్నానం చేయాలి. ఒత్తైన జుట్టు మీరు పొందడానికి ఒది ఒక ఎఫెక్టివ్ హోం రెమెడీ.

అరటి, తేనె మరియు బాదం హెయిర్ ప్యాక్: రెండు చెంచాలా తేనెలో కొన్ని చుక్కల బాదం నూనె మిక్స్ చేయాలి. ఇప్పుడు ఈ మిశ్రమాన్ని అరటిపండు గుజ్జులో వేసి మిక్స్ చేసి తలకు పట్టించాలి. 20 నిముషాల తర్వాత గోరువెచ్చని నీటితో శుభ్రం చేసుకోవాలి. ఇలా నెలకొకసారి చేస్తే ఒత్తైన జుట్టును మీరు పొందవచ్చు.

పెరుగు హెయిర్ ప్యాక్: పెరుగు బాగా స్మూత్ గా స్పూన్ తో మిక్స్ చేసి తలకు పట్టించాలి. అరగంట తర్వాత గోరువెచ్చని నీటితో తలస్నానం చేయాలి. పెరుగు జుట్టుకు పోషణ అందిస్తుంది మరియు నేచురల్ కండీషనర్ గా పనిచేస్తుంది. ఇది ఒక బెస్ట్ నేచురల్ హెయిర్ ప్యాక్.

అప్పర్ లిప్ హెయిర్‌ను తొలగించే ఎఫెక్టివ్ హోం రెమెడీస్…

download (15)

– షుగర్, నిమ్మరసం: ఒక బౌల్లో షుగర్ తీసుకొని అందులో నిమ్మరసం వేసి బాగా మిక్స్ చేయాలి. పేస్ట్‌గా మారిన తర్వాత అప్పర్ లిప్ మీద అప్లై చేసి సున్నితంగా మర్ధన చేయాలి. స్ర్కబ్ చేసిన 15నిమిషాల తర్వాత ఫేస్ వాష్ చేసుకోవాలి. ఇలా వారానికొకసారి చేస్తుంటే మంచి ఫలితం ఉంటుంది.

– పసుపు, పాలు: పసుపు, పాలను ఒక బౌల్లో తీసుకొని మిక్స్ చేయాలి. పేస్ట్‌లా చేసుకున్నాక, ఈ పేస్ట్‌ను అవాంఛిత రోమాలున్న ప్రదేశంలో అప్లై చేసి మర్ధన చేయాలి. 10నిమిషాల తర్వాత చల్లటి నీటితో శుభ్రం చేసుకోవాలి.

– ఎగ్ వైట్: అప్పర్ లిప్ హెయిర్ తొలగించడానికి ఎగ్ వైట్ బాగా సహాయపడుతుంది. ఎగ్ వైట్‌లో కొద్దిగా షుగర్, కార్న్ ఫ్లోర్ వేసి బాగా మిక్స్ చేసి పై పెదవుల మీద అప్లై చేసి డ్రై అయిన అరగంట తర్వాత పీలింగ్‌లా తొలగించాలి. ఈ పద్దతిని వారంలో రెండు సార్లు చేస్తుంటే మంచి ఫలితం ఉంటుంది.

– శెనగపిండి: కొన్ని వందల సంవత్సరాల నుండి శెనగపిండిని బ్యూటీ ప్రొడక్ట్‌గా ఉపయోగిస్తున్నారు. ఫేషియల్స్ కోసం ఉపయోగిస్తున్నారు. శెనగపిండిలో కొద్దిగా పసుపు, సరిపడా నీరు పోసి పేస్ట్ చేసి అప్పర్ లిప్ ఏరియాలో అప్లై చేసి మర్ధన చేయాలి. 15నిమిషాల తర్వాత శుభ్రం చేసుకుంటే అవాంఛిత రోమాలు తొలగిపోతాయి.

కేశాల్లో చిక్కుముడులు తొలగించడానికి సులభ చిట్కాలు…

images

ఆయిల్ మసాజ్: తల మరియు జుట్టులో ఎక్కువగా ముడులు ఉన్నప్పుడు తలకు నూనె పట్టించి ఆయిల్ మసాజ్ చేయాలి. తర్వాత దువ్వెనతో నిదానంగా దువ్వుతూ ముడులను తొలగించాలి.

హెయిర్ బ్రష్ : కేశాల్లో ముడులు లేదా చుక్కను తొలగించుకోవడానికి మరో పర్ఫెక్ట్ మార్గం హెయిర్ బ్రష్. అయితే ఇది కొద్దిగా ఎక్కువ సమయం తీసుకుంటుంది. మరియు ఓపిగ్గా చేయాల్సి ఉంటుంది.

బనాన మాస్క్: అరటిపండును మెత్తగా చేసి, అందులో కొద్దిగా పాలు పోసి బాగా మిక్స్ చేసి తలకు పట్టించాలి. తర్వాత దువ్వెనతో దువ్వడం వల్ల చిక్కు పోతుంది . అంతే కాదు తలస్నానం చేసిన తర్వాత జుట్టుకు మంచి షైనింగ్ ను అందిస్తుంది.

స్మూత్ అండ్ సిల్కీ హెయిర్ కోసం…

images (87)

కొంతమంది జుట్టు నిర్జీవంగా మారుతూ ఉంటుంది. అలాంటప్పుడు స్నానానికి ముందు కొబ్బరినీళ్లతో తలకు మసాజ్ చేసుకుంటే జుట్టు స్మూత్‌గా, సిల్కీగా మారుతుంది. అలాగే జుట్టుకి కండిషనర్‌లా ఉపయోగపడుతుంది.

చుండ్రు సమస్యకు గసగసాలతో సులువైన నివారణా మార్గం…

images (25)

వంటింటిలో ఉన్న గసగసాలను కొద్దిగా తీసుకుని, వాటికి పాలు చేరుస్తూ నూరుకోవాలి. తర్వాత దానిని తలకు బాగా పట్టించి, ఆరిన తర్వాత తలంటు స్నానం చేయాలి. వారానికి రెండు మూడు సార్లు ఇలా చేశారంటే మూడు వారాల్లో చుండ్రు సమస్య పూర్తిగా సమసిపోతుంది…