Posts Tagged ‘hair care’

జుట్టు పెరుగుదలకు ఉపయోగపడే కొబ్బరినీళ్ళు…

images (4)

కొబ్బరినీళ్లలో యాంటీ ఫంగల్, యాంటీ బ్యాక్టీరియల్ గుణాలు పుష్కలంగా ఉంటాయి. ఇవి తలలో దురద, చుండ్రు మరియు ఇన్ఫెక్షన్లను నివారిస్తాయి. అలాగే జుట్టు పెరుగుదలకు సహాయపడుతుంది. కాబట్టి, తరచుగా కొబ్బరినీళ్లతో తలను మర్దనా చేయడం మంచిది.

తలస్నానానికి ముందు తప్పనిసరిగా తీసుకోవాల్సిన జాగ్రత్తలేంటి?

hairclean-e1454936828815

ఆయిల్ మసాజ్: తలస్నానానికి ముందు గోరువెచ్చని నూనెతో మసాజ్ చేయడం వల్ల మంచి ఫలితం ఉంటుంది. ఇలా చేయడం వల్ల జుట్టు మెరుస్తూ, ఆరోగ్యంగా ఉంటుంది.

వేడి నీటిని: తలస్నానానికి ఎప్పుడూ ఎక్కువ వేడి నీటిని ఉపయోగించరాదు. హాట్ వాటర్ వల్ల జుట్టు పొడిబారడమే కాకుండా రఫ్‌గా మారిపోతుంది.

తేనె, పెరుగు: జుట్టు శుభ్రం చేసుకోవడానికి ముందు తేనె, పెరుగు కలిపి జుట్టుకి పెట్టుకోవడం వల్ల మంచి ఫలితం ఉంటుంది. తేనె మాయిశ్చరైజింగ్‌లా పనిచేసి కండిషనర్ లుక్ ఇస్తుంది.

మినప్పప్పు: మూడు టేబుల్ స్పూన్ల మినుములను రాత్రంతా నానబెట్టాలి. ఉదయాన్నే మెత్తటి పేస్ట్‌లా తయారు చేసుకోవాలి. ఇందులో ఒక ఎగ్, ఒక టేబుల్ స్పూన్ నిమ్మరసం కలిపి, ఒక కప్పు పెరుగు మిక్స్ చేయాలి. బాగా కలిపి జుట్టుకి పట్టించి అరగంట తర్వాత చల్లటి నీటితో శుభ్రం చేసుకుంటే మంచి ఫలితం ఉంటుంది.

చిట్లిన జుట్టుకు పరిష్కార మార్గాలు…

images (5)

మసాజ్: తలకు మసాజ్ చేయడం వల్ల రక్తప్రసరణ బాగా జరిగి జుట్టు మెరుస్తూ, బలంగా ఉండటమే కాదు, జుట్టు చివర్ల చిట్లిపోవడాన్ని అరికడుతుంది. కొబ్బరినూనె, ఆల్మండ్ ఆయిల్ మరియు ఆలివ్ ఆయిల్‌ని సమానంగా తీసుకోవాలి. మూడింటిని కలిపి తలకు పట్టించుకోవడానికి ముందు గోరువెచ్చగా చేయాలి. తర్వాత తల మాడుకి బాగా మసాజ్ చేసుకోవాలి. ఇలా తరచుగా చేయడం వల్ల చివర్లు చిట్లిపోవడాన్ని అరికట్టవచ్చు.

హెన్నా: హెన్నా బెస్ట్ నేచురల్ కండీషనర్. హెన్నా పౌడర్‌ను, గ్రీన్ టీతో మిక్స్ చేసి పేస్ట్‌లా చేసి, అందులో అరకప్పు వేడిగా ఉండే ఆలివ్ ఆయిల్ మిక్స్ చేసి తలకు పట్టించాలి. దీన్ని రెండు గంటల పాటు అలాగే ఉంచి తర్వాత తలస్నానం చేయాలి. ఇలా వారానికొకసారి చేస్తుంటే జుట్టు డ్యామేజ్ కాకుండా నివారించుకోవచ్చు.

అలోవెరా జెల్: అరకప్పు అలోవెర జెల్‌లో 3 చెంచాల కోకోనట్ వాటర్ మిక్స్ చేసి, ఈ మిశ్రామాన్ని తలకు పట్టించాలి. 20 నిముషాల తర్వాత చల్లటి నీటితో తలస్నానం చేయడం ద్వారా చిట్లిన జుట్టును నివారించుకోవచ్చు. మరియు జుట్టు డ్యామేజ్ కాకుండా కాపాడుకోవచ్చు.

చుండ్రు తగ్గించుకోవడానికి ఆయుర్వేద చిట్కాలు…

images (8)

– హాట్ ఆయిల్ మసాజ్: తలకు నూనె అప్లై చేయడానికి ముందు నూనెను కొద్దిగా వేడి చేాయలి. దీన్ని జుట్టులోపలి వరకూ అప్లై చేయాలి. 10నిముషాలు మసాజ్ చేసి తర్వాత ఒక గంట రెండు గంటల పాటు అలాగే వదిలేసి తర్వాత తలస్నానం చేయాలి.

– కర్పూరం-కొబ్బరి నూనె: ఇది అమ్మమ్మల కాలం నాటి రిసిపి. కొబ్బరి నూనెలో కొద్దిగా కర్పూరం వేసి మిక్స్ చేసి స్టోర్ చేసి పెట్టుకోవాలి. అవసరమయినప్పుడు, రాత్రుల్లో నిద్రించడానికి ముందు అప్లై చేసుకోవాలి. కర్పూరం తలను కూల్‌గా ఉంచుతుంది. చుండ్రు నివారిస్తుంది.

– కోకనట్-లెమన్: హెయిర్ కేర్ రెమెడీస్‌లో లెమన్ ఒక గ్రేట్ రెమెడీ. కొబ్బరి నూనెను కొద్దిగా వేడి చేసి అందులో కొద్దిగా నిమ్మరసం మిక్స్ చేసి తలకు అప్లై చేయాలి. అరగంట తర్వాత తలస్నానం చేయాలి. ఇలా రెండు వారాల పాటు చేస్తుంటే మంచి ఫలితం ఉంటుంది.

– పెరుగు-నిమ్మరసం: చుండ్రు నివారించుకోవడానానికి ఆయుర్వేదంలో చాలా మెడిసిన్స్ ఉన్నాయి. పెరుగులో కొద్దిగా నిమ్మరసం పిండి తలకు పట్టించడం వల్ల తల శుభ్రం చేస్తుంది. క్లియర్ అవుతుంది. నిమ్మరసం చుండ్రును నివారించడంలో బాగా సహాయపడుతుంది. ఇది చాలా ఎఫెక్టివ్ టిప్. పెరుగు జుట్టుకు మాయిశ్చరైజర్‌గా పనిచేస్తుంది. తలను కూల్‌గా ఉంచుతుంది.

ఆయిలీ హెయిర్ నివారించే సింపుల్ టిప్…

download (6)

కావలసిన పదార్థాలు:

గుడ్డు 1

ఉప్పు: 2 టేబుల్స్ స్పూన్లు

నిమ్మరసం 3 టేబుల్ స్పూన్లు

ఎలా ఉపయోగించాలి:

ముందుగా గుడ్డు సొన ఒక బౌల్లో తీసుకొని, అందులో నిమ్మరసం, ఉప్పు వేసి బాగా మిక్స్ చేయాలి. ఇలా బీట్ చేసిన గుడ్డు మిశ్రమాన్ని తలకు మొత్తం అప్లై చేసి 10 నుంచి 15 నిముషాల వరకూ మసాజ్ చేయాలి. తర్వాత షవర్ క్యాప్‌తో తలను కవర్ చేయాలి. ఇలా షవర్ క్యాప్ పెట్టుకొని అరగంట అలాగే ఉండి కొద్దిగా తడి ఆరిన తర్వాత మీకు నచ్చిన షాంపుతో తలస్నానం చేయాలి. తర్వాత కండీషనర్‌ను అప్లై చేయాలి.

ఈ సింపుల్ అండ్ పవర్‌ఫుల్ హెయిర్ మాస్క్‌ను వారంలో రెండు మూడు సార్లు అప్లై చేయడం వల్ల క్రమంగా తలలో ఎక్సెస్ ఆయిల్‌ను నివారిస్తుంది. మీ జుట్టు మరింత అందంగా కనబడేలా చేస్తుంది.

ఒత్తైన జుట్టు పొందడానికి హెల్తీ హెయిర్ ప్యాక్స్…

images (36)

ఆలివ్ ఆయిల్ మరియు ఎగ్ హెయిర్ ప్యాక్: 3 చెంచాల ఆలివ్ ఆయిల్ తీసుకొని రెండు గుడ్లు మిశ్రమంలో వేసి మిక్స్ చేయాలి. ఈ మిశ్రమాన్ని తలకు పట్టించాలి. 20 నిముషాల తర్వాత గోరువెచ్చని నీటితో తలస్నానం చేయాలి. ఒత్తైన జుట్టు మీరు పొందడానికి ఒది ఒక ఎఫెక్టివ్ హోం రెమెడీ.

అరటి, తేనె మరియు బాదం హెయిర్ ప్యాక్: రెండు చెంచాలా తేనెలో కొన్ని చుక్కల బాదం నూనె మిక్స్ చేయాలి. ఇప్పుడు ఈ మిశ్రమాన్ని అరటిపండు గుజ్జులో వేసి మిక్స్ చేసి తలకు పట్టించాలి. 20 నిముషాల తర్వాత గోరువెచ్చని నీటితో శుభ్రం చేసుకోవాలి. ఇలా నెలకొకసారి చేస్తే ఒత్తైన జుట్టును మీరు పొందవచ్చు.

పెరుగు హెయిర్ ప్యాక్: పెరుగు బాగా స్మూత్ గా స్పూన్ తో మిక్స్ చేసి తలకు పట్టించాలి. అరగంట తర్వాత గోరువెచ్చని నీటితో తలస్నానం చేయాలి. పెరుగు జుట్టుకు పోషణ అందిస్తుంది మరియు నేచురల్ కండీషనర్ గా పనిచేస్తుంది. ఇది ఒక బెస్ట్ నేచురల్ హెయిర్ ప్యాక్.

ఉంగరాల జుట్టును స్ట్రెయిట్ గా మార్చుకోవడానికి చిట్కాలు…

images (53)

పాలు, కొబ్బరి పాలు, తేనె :

పాలు, కొబ్బరి పాలు, తేనె ఈ మూడింటినీ కలిపి వెంట్రుకలకు పట్టించి గంట తర్వాత తలంటు పోసుకుంటే వంకీల జుట్టు కాస్తా స్ట్రెయిట్ అవుతాయి.

స్ట్రాంగ్ అండ్ లాంగ్ హెయిర్ కోసం కర్రీలీవ్స్ కోకనట్ ఆయిల్ హెయిర్ ప్యాక్…

download

ఒక కప్పు కరివేపాకును మిక్సీలో వేసి మెత్తగా పేస్ట్ చేయాలి. దీనికి కొద్దిగా కొబ్బరి నూనె మిక్స్ చేయాలి. మిక్స్ చేసి తిరిగి మరోసారి బ్లెండ్ చేయాలి. అంతే మీ హెయిర్ మాస్క్ రెడీ. ఈమాస్క్‌ను జుట్టుకు అప్లై చేయాలి. తల, వెంట్రుకలు మొత్తం అప్లై చేసి కొన్ని నిముషాలు మసాజ్ చేయాలి. 15నిముషాల తర్వాత గోరువెచ్చని నీటితో తలస్నానం చేయాలి.

వ‌ర్షాకాలంలో తల తడిస్తే జుట్టుకు ఏమవుతుంది? తీసుకోవ‌ల‌సిన జాగ్ర‌త్త‌లు ఏమిటి?

monsoon_hair_care

వర్షంలో తడిచిన‌ప్పుడు మొదటిగా చర్మం, వెంట్రుకల మీద ప్రభావం ప‌డుతుంది కాబట్టి శ్రద్ధ ఎక్కువ‌గా తీసుకోవాలి. వర్షాకాలంలో తడిసి ఇంటికి వచ్చిన వెంటనే తలస్నానం చేయాలి. వర్షాకాలంలో డే టు డే కేర్ తీసుకుంటే జుట్టును కాపాడుకోవచ్చు. వర్షాకాలంలో సరిగా కేర్ తీసుకోకపోతే తడిచిన వెంట్రుకల నుండి చెడు వాసన వచ్చే అవకాశం కూడా ఉంది. దాంతో చుండ్రు, వెంట్రుకలు తెగిపోవడం, రాలిపోవడం జరుగుతుంది. కొన్ని సందర్భాల్లో తల తడిగా ఉండటం వల్ల తలనొప్పి తరచూ వేధిస్తుంటుంది. కాబట్టి అందుకు తగ్గ సంరక్షణ పద్ధతులు పాటిస్తే వర్షాకాలంలో కూడా కురులు సురక్షితంగా ఉంటాయి. అవేమిటో చూద్దాం.

– తల మాడు చాలా చల్లగా, తడిగా మరియు దురదతో ఇరిటేషన్ తెప్పించే విధంగా ఉంటే వేపనూనెను ఉప‌యోగించాలి. నిమ్మనూనెను తలకు రాయడం వల్ల తలను శాంతపరుస్తుంది. నిమ్మలో ఉన్న ఆయుర్వేద గుణాలు కురులు బాగా పెరిగేందుకు సహాయపడుతుంది.
కురులు మందంగా, నల్లగా నిగనిగలాడాలంటే నూనెలో కరివేపాకు ఆకులను వేసి నూనెను వేడి చేసి గోరువెచ్చగా తలకు మర్దన చేసుకోవాలి. ఇలా వారానికి రెండు మూడు సార్లు చేస్తుంటే వెంట్రుకలు సున్నితంగా నల్లగా పెరుగుతాయి.
చుండ్రు ఉన్నవారు వర్షాకాలంలో డైరెక్ట్ గా తలస్నానం చేయకూడదు. తలస్నానానికి ముందు పెరుగు లేదా రీఫైయిన్డ్ ఆయిల్ ను తల మాడుకు బాగా మసాజ్ చేసి, అరగంట తర్వాత స్నానం చేయాలి.
నూనెలు చిక్కగా (ఆముదం)ఉన్నవి ఉపయోగించకుండా పలుచగా ఉండే బాదాం ఆయిల్, కొబ్బరినూనె వంటివి గోరువెచ్చగా చేసి తలకు మర్థన చేయాలి. తలకు నూనెను మసాజ్ చేసి, పది నిమిషాల తర్వాత తలను దువ్వాలి. ఎందుకంటే తలకు వేడి నూనెతో మసాజ్ చేయడం, వెంటనే తలను దువ్వడం వల్ల రక్తప్రసరణ బాగా జరిగేందుకు సహాయపడుతుంది. దాంతో కేశ కణాలు పునరుత్తేజం చెంది జుట్టు దృఢంగా ఉండేలా చేస్తుంది.
తడిగా ఉన్నప్పుడు తలను దువ్వకూడదు. తడి కురులు బలహీనప‌డి ఉండటం వల్ల కురులకు నష్టం వాటిల్లే ప్రమాదం ఉంటుంది.
హెయిర్ కలరింగ్ లేదా స్ట్రైయిట్ హెయిర్ చేయించుకోవడం ఈ సీజన్లో అంత మంచిది కాదు. హెయిర్ కలరింగ్, స్ట్రైటనింగ్ చేయించుకోవడానికి తర్వాత తలస్నానం చేసుకోవడానికి, తలను తడి ఆర్పడానికి చాలా సమయం పడుతుంది. కాబట్టి ఈ ప్రొసెస్ లో వెంట్రుకలు రాలిపోయే అవకాశం ఉంది. కాబట్టి తలకు సహజ పద్దతులల్లో కేర్ తీసుకోవడం ఉత్తమం.
తలకు హెర్బల్ షాంపూ లేదా యాంటీ డాండ్రఫ్ షాంపూను ఉపయోగించడం మంచిది. వారానికి రెండు లేదా మూడు సార్లు తలస్నానం చేయడం మంచిది. లేదంటే వాతావరణంలోని కాలుష్యంతో హెయిర్ దెబ్బ తిని రాలిపోవడం, తెగిపోవడం వంటివి జరుగుతాయి. పొడి జుట్టు ఉన్నవారు తలస్నానానికి ముందు తప్పనిసరిగా కండిషనర్ ను అప్లై చేసుకోవడం వల్ల మంచి ఫలితం ఉంటుంది.
తలస్నానం తర్వాత తలను తడి ఆర్పుకోవడానికి హెయిర్ డ్రైయర్ ను ఉపయోగించకుండా మంచి పొడి టవల్, మెత్తని టవల్ తో తలను తుడుచుకోవడం వల్ల తలకు మసాజ్ లా ఉపయోగపడుతుంది.

జుట్టు చిక్కుబడకుండా…బాదం ఆయిల్, పెరగు & హానీ మాస్క్…

download

జుట్టు చిక్కుపడకుండా అందంగా, తేమగా, ఆరోగ్యకరమైన జుట్టును అందివ్వడానికి ఇంట్లో ఉండే మూడు ముఖ్యమైన పదార్థాలు గొప్పగా సహాయపడుతాయి. వాటిలో పెరుగు, తేనె మరియు బాదం నూనె. ఈ మూడు నేచురల్ పదార్థాల్లో ఉండే గుణాల వల్ల జుట్టు చిక్కుపడకుండా మరియు డ్రైగా మారకుండా నివారిస్తుంది. జుట్టుకు నేచురల్‌గా తేమను అందిస్తుంది మరియు జుట్టును మ్రుదువుగా మార్చడానికి సహాయపడే క్యూటికల్స్‌ను అందిస్తుంది. అలాంటి హెయిర్ మాస్క్‌ను ఇంట్లో తయారుచేసుకోవడానికి కావల్సినవి, ప్రయోగించే పద్దతి తెలుసుకుందాం…

కావల్సినవి:

టేబుల్ స్పూన్ల బాదం ఆయిల్

1/2 కప్పు పెరుగు

1/4 కప్పు తేనె

ఉపయోగించే విధానం:

పైన పదార్థాలన్ని ఒక గిన్నెలో వేసి బాగా మిక్స్ చేయాలి. చిక్కటి పేస్ట్‌లా ఏర్పడే వరకూ మిక్స్ చేసి, తలకు మాస్క్‌లా వేసుకొని, 15నిముషాలు మసాజ్ చేయాలి. తలకు మాస్క్ వేసుకొన్న అరగంట తర్వాత, తలస్నానం చేయాలి. మన్నికైన షాంపుతో తలస్నానం చేయడం వల్ల చిక్కు వదిలిపోతుంది. ఈ పద్దతి చాలా ఎఫెక్టివ్‌గా పనిచేస్తుంది. ఈ చిట్కా వల్ల జుట్టు చిక్కుపడదు. మరియు ఒక నెల వరకూ ఎలాంటి సమస్య ఉండదు. కాబట్టి, ఈ చిట్కాను మీరు తిరిగి అనుసరించాల్సిన పనిలేదు. ఈ హెయిర్ మాస్క్ వల్ల జుట్టు అందంగా కనడుతుంది. చిక్కు ఉండదు. ఈ హెయిర్ మాస్క్‌ను నెలకొకసారి అప్లై చేస్తే చాలు, జుట్టు సాఫ్ట్‌గా, చిక్కుపడకుండా, అందంగా కనబడుతుంది.