Posts Tagged ‘healthy food’

పంటి ఆరోగ్యానికి క్యాల్షియం… ఎటువంటి ఆహారంలో ఉంటుంది?

images

ఎముకల సాంద్రత పెంచడం నుంచీ పళ్లు ఆరోగ్యంగా ఉండాలన్నా రోజూ క్యాల్షియం అందేలా చూసుకోవాలి. ఫలితంగా ఏళ్లు గడిచేకొద్దీ ఆస్టియోపోరోసిస్ వచ్చే సమస్య చాలా మటుకూ తగ్గుతుంది. పైగా ఈ పోషకం కండరాలనే కాదు, నాడీవ్యవస్థను కూడా దృఢంగా ఉంచుతుంది.

టైపు2 మధుమేహం రాకుండా జాగ్రత్తపడాలంటే క్యాల్షియంతోపాటూ, విటమిన్ ‘డి’ పోషకాన్ని కూడా తీసుకుంటే సరిపోతుంది. ఈ పోషకం కేవలం పాలు, పాల ఉత్పత్తుల నుంచే కాదు చేపలూ, సోయాబీన్స్, నువ్వులూ, నట్స్, పప్పులూ, ఆకుకూర నుంచి లభిస్తుంది.

చర్మ సమస్యలకు చెక్ పెట్టాలంటే ఎలాంటి ఆహారం తీసుకోవాలి?

download (46)
చర్మ సమస్యలను దూరం చేసుకోవాలంటే… నిమ్మరసం, క్యాబేజీ ఆకులు, ఆరెంజ్, టమోటా, ఆపిల్ జ్యూస్, ఆకుకూరలను రోజువారీ డైట్‌లో చేర్చుకోవాలి. విటమిన్ బి2, బి6 లోపంతో చర్మ సమస్యలు ఏర్పడుతాయి. అయొడిన్, బి12, రక్తప్రసరణ తగ్గినట్లైతే చర్మ సమస్యలు తప్పవు. వీటికి పరిష్కారం ఆహారంలో మార్పులే.
ఎండుద్రాక్ష, పండ్లు, కాయగూరలు, పాలు, వేరుశెనగ నూనె, చపాతీ, తోటకూర వంటివి ఆహారంలో చేర్చుకోవాలి. విటమిన్ బి12 అధికం గల ఆహారాన్ని తీసుకోవడం ద్వారా చర్మ సమస్యలను నయం చేసుకోవచ్చు.

పళ్ళను ఆరోగ్యంగా కాపాడుకోవడానికి…

images (7)

కొన్ని పదార్ధాలని మనమెంతో ఇష్టంగా తింటాం. వాటిల్లో కొన్ని పళ్ళకు హాని చేస్తాయి. అవేంటో తెలుసుకుని వాటి వినియోగాన్ని తగ్గించుకుంటే మంచిది. అలాగే కొన్ని పళ్ళకు మేలు చేసేవి కూడా ఉంటాయి.

పళ్ల ఎనామిల్‌కి హాని చేసే వాటిల్లో చక్కెర శాతం ఎక్కువగా ఉన్న పదార్ధాలు ముందుంటాయి. చిప్స్, తెల్ల బ్రెడ్, పాస్తా మరియు పిజ్జా లాంటివి మరీ తియ్యగా ఉండకపోవచ్చు కానీ తిన్నవెంటనే నోట్లో ఉండగానే చక్కెరగా మారిపోతాయి. వీటిని ఎంత తక్కువగా తింటే మన పళ్ళకు అంత మంచిది.

నిమ్మజాతి పండ్లు, టొమాటోలు మరియు ద్రాక్ష ఆహారంగా తీసుకున్నపుడు పళ్ళను శుభ్రంగా కడుక్కోవడం మంచిది.

పాలు, పెరుగు, పనీర్ మరియు చీజ్ లాంటివి ఎక్కువగా తీసుకోవాలి. వాటిల్లోని విటమిన్లు, ఖనిజాలు మరియు లవణాలు పళ్ళ ఆరోగ్యానికి అవసరమైన క్యాల్షియంని అందిస్తాయి.

అలాగే పీచు శాతం ఎక్కువగా ఉన్న పండ్లు, కూరగాయల్ని తరుచూ తీసుకుంటే మంచిది.

గోరు వెచ్చని గ్రీన్ టీ త్రాగడం వలన పళ్ళకు మేలు జరుగుతుంది. అందులో ఉండే పాలి ఫెనాల్స్ బ్యాక్టీరియాను నశింపచేసి దంత క్షయాన్ని అరికడతాయి.