Posts Tagged ‘home accessories’

డైనింగ్ టేబుల్ ను అందంగా సర్దేద్దాం ఇలా…

images (34)

మీ డైనింగ్‌ టేబుల్‌ శుభ్రంగా ఉంచడానికి కొన్ని చిట్కాలు…

1. మీ డైనింగ్‌ టేబుల్‌ డిజైన్‌కి తగ్గ క్లాత్‌ని సెలెక్ట్‌ చేసి దానిమీద వేస్తే డైనింగ్‌టేబుల్‌ అందంగా కన్పిస్తుంది. కాబట్టి మంచి డిజైన్‌ ఉన్న క్లాత్‌ని ఎంపిక చేసుకోవాలి.

2.వంటింట్లో వండిన పదార్థాలు టేబుల్‌పైన పెట్టే ముందు చిన్న స్టీల్‌స్టాండ్‌ను టేబుల్‌పైన ఉంచి వాటిపైన ఆ పదార్థాల పాత్రల్ని పెట్టాలి. ఇలా చేయడం వల్ల టేబుల్‌పైన ఎలాంటి గీతలు పండేందుకు అవకాశం ఉండదు.

3. ఉదయం టిఫిన్‌ ఐటెమ్స్‌ చట్నీ, హాట్‌బాక్స్‌లో ఇడ్లీలు, వేరేవి ఏవైనా ఉంటే వాటిని నీట్‌గా టేబుల్‌పైన సర్దాలి.

4. కుటుంబ సభ్యులు తినే టైంలోనే ప్లేట్లు, నీళ్లగ్లాసులు ఉంచాలి. తిన్నవెంటనే ఆ సామాన్లు తోమేందుకు వేసేయాలి. ఎట్టి పరిస్థితులలోనూ తినేసిన కంచాలు, ప్లేట్లను టేబుల్‌పైన ఉంచకూడదు.

5. డైనింగ్‌ టేబుల్‌ పై అన్ని వస్తువులు తీసేసి సబ్బునీళ్లలో తడిపిన బట్టతో లేదా స్పాంజ్‌తో తుడిచి ఆరబెట్టాలి. ఆ తర్వాత పొడిబట్టతో తుడవాలి.

6. ఈ రోజుల్లో చిన్నగ్లాస్‌లో నీరు పోసి పెంచే మొక్కల్ని డైనింగ్‌ టేబుల్‌ మీద పెట్టుకుంటున్నారు. మీకు అలాంటి టేస్ట్‌ ఉంటే అందంగా అలంకరించుకోండి. అయితే ఒక్క సంగతి మాత్రం మరువకండి. ప్లాంట్‌లో పోసిన నీటిని రోజు విడిచి రోజు మార్చాలి. ఇలాంటి చిట్కాలు పాటించడం వల్ల మీ డైనింగ్‌ టేబుల్‌ ఎంతో అందంగా కన్పిస్తుంది. అంతేకాదు మీ ఆరోగ్యం పదికాలాల పాటు పదిలంగా ఉంటుంది.

ఇంటికి వన్నెతెచ్చే లగ్జరీ క్యాండిల్ హోల్డర్స్ …

images (4)

– ఒకే క్యాండిల్ తో: ఎక్కువ వెలుగు లేకుండా ఒకే క్యాండిల్ అమర్చుకొనే క్యాండిల్ హోల్డర్స్ కూడా ప్రస్తుతం వివిధ రకాల డిజైన్లలో లభిస్తున్నాయి. దీనికి చేత్తో పట్టుకోవడానికి హోల్డర్, క్రింది భాగంలో పొందికైన ఆధారం కూడా ఉంటాయి. ఈ క్యాండిల్ హోల్డర్ ను ఎక్కడికంటే అక్కడికి సులభంగా తీసుకెళ్లవచ్చు. క్యాండిల్స్ లైట్ డిన్నర్ చేయాలనుకున్నప్పుడు డిమ్ లైటింగ్ కోసం వీటిని అక్కడక్కడా ఉపయోగించుకోవచ్చు.

– వెరైటీ క్యాండిల్ హోల్డర్లు: క్యాండిల్ హోల్డర్లు గురించి చెప్పుకునేటప్పుడు ‘క్యాండిలాబ్రా’ హోల్డర్ గురించి ప్రత్యేకంగా చెప్పుకోవాలి. ఈ హోల్డర్ చెట్టు ఆకారాన్ని పోలి ఉంటుంది. దీనిలో ఎక్కువ కొవ్వొత్తులు అమర్చుకోవచ్చు.

– హుందాతనం కోసం: ఇంటిని మరింత అందంగా తీర్చిదిద్దే క్యాండిల్ హోల్డర్స్ షాండ్లియార్లు కూడా ఒకటి. వీటిలో కూడా క్యాండిలాబ్రా హోల్డర్లు లాగానే ఎక్కువ కొవ్వుత్తులు అమర్చుకొనే విధంగా శాఖలుంటాయి. వీటిని ఇంట్లో హాల్లో అమర్చుకోవచ్చు.

– లోహపు పాత్రలో: ఇనుము, గాజు, ప్లాస్టిక్, చెక్కవంటి పదార్థాలతో చేసిన పాత్రల్లో అమర్చిన క్యాండిళ్ళను టీలైట్ క్యాండిల్ హోల్డర్లు అంటారు. ఇవి ఎత్తు తక్కువగా ఉండి, విశాలంగా ఉంటాయి. పైగా వీటిలో అమర్చిన క్యాండిల్ కరిగి అందులోనే పడడం వల్ల కొవ్వొత్తి ఎక్కువ రోజులు వచ్చే అవకాశం కూడా ఉంటుంది. ఇవి చూడడానికి అందంగా, ఆకర్షణీయంగా కనిపించడంతో పాటు వీటిని అక్కడక్కడా అమర్చడం వల్ల ఇల్లంతా సరికొత్తగా తయారవుతుంది.

– సంప్రదాయ కళ: ప్రత్యేకించి పండగ సమయాల్లో ఇంటి అందాన్ని పెంచడం కోసం కూడా ఎన్నో రకాల క్యాండిల్ హోల్డర్స్ ప్రస్తుతం మార్కెట్లో అందుబాటులో ఉన్నాయి. వీటిలో బంగారం లేదా వెండితో తయారైనవి కూడా ఉండడం గమనార్హం. ఎక్కువ సంఖ్యలో కొవ్వొత్తులు వెలిగించడానికి వీలుగా ఉండే వీటిని గదిలో ఒక పక్కకు అమర్చిన టేబుల్ పై అలంకరించుకుంటే ఇంటికి సంప్రదాయబద్దమైన కళ వస్తుంది.

ఇంటి ఆందానికి, ఆకర్షణకి టీపాయ్ అలంకరణ ఎలా ఉండాలంటే…

download (3)

ఎవరైన ఇంటికి రాగానా ముందుగా అడుగు పెట్టేది హాల్లోనే. అతిథులకు స్వాగతం లభించేది ఇక్కడే. కొన్ని కొన్ని సమయాల్లో మనం రిలాక్స్ అవ్వాలంటే హాలే మంచి ప్లేస్. మరి అలాంటి హాలు మరింత అందంగా, ఆకర్షణీయంగా కనబడాలంటే కుర్చీలు, సోఫాలు, దీవాన్లు, కార్పెట్లు, ఫోటో ఫ్రేమ్ లు ఇవే కాదు ఉండాల్పింది. వీటితో పాటు ఒక టీపాయ్ దానీ మీద ఓ ప్లవర్ వాజ్, పక్కనే న్యూస్ పేపర్ లేదా వీక్లీ మ్యాగజైన్స్. వచ్చిన అథితులకు రిలాక్స్ అవ్వడానికి, బోరుకొడితే చదువుకోవడానికి ఉపయోగపడుతాయి.

టీపాయ్ అలంకరణలోనూ ఇంటి అందం ముడిపడి ఉంది. చూడటానికి చిన్న సైజులో ఉన్నా దీని ద్వారా ఎన్నో ఉపయోగాలున్నాయి. టీ సర్వ్ చేయడానికి. పేపర్, మ్యాగజైన్ పెట్టుకోవడానికి, ఇంటి ఆకర్షణలో ఫవర్ వాజులు నింపుకోవాడానికి ఇలా ఎన్నో ఉపయోగాలున్న టీపాయ్ ఎలా ఉండాలంటే..

టీ టేబుల్‌ ను రౌండ్ టేబుల్‌ లా ఏర్పాటు చేసుకొంటే చాలా బాగుంటుంది. దానికి సరిపడా ఓ అద్దాన్ని కట్ చేయించి. ఆ టేబుల్ పైన చక్కటి ముదురు రంగు మఖమల్ వస్త్రాన్ని పరిచి దానిపైన మీకు నచ్చిన జ్ఞాపకాలకు సంబంధించిన ఫోటోలను ఒకదాని పక్కన ఒకటి పరచాలి. ఆ పైన అద్దాన్ని టేబుల్‌ కి బిగించుకోవచ్చు. అందులో పొందుపరచిన ఫోటోలు తాలూకు అందమైన జ్ఞాపకాలను తలచుకుంటూ హాయిగా టీని సేవించి చూడండి. అందులో ఎంత హాయి దాగుంటుందో తెలిసిపోతుంది.

టీపాయ్ ల్లో కూడ విభిన్న రకాలు ఉన్నాయి. వాటిలో రెండు కాళ్ళు, మూడుకాళ్ళు, నాలుగు కాళ్ళున్నవి కూడా ఉన్నాయి. ముఖ్యంగా టీపాయ్ రెండు అరలుగా ఉంటే టీపాయ్ మీద తాజాపువ్వులు అలంకరించిన ఫ్లవర్ వాజ్ పెట్టుకుంటే చాలు. క్రింది అరలో న్యూస్ పేపర్ పెట్టుకొంటే చూడటానికి అందంగా ఉంటుంది. అన్ని ఒకే చోటులేకుండా సపరేట్ గా ఉంటేనే బాగుంటుంది. కాబట్టి టీ పాయ్ కొనేటప్పుడు ఇంట్లో లభించే స్థలంను బట్టి చిన్నసైజ్ పెద్ద సైజు వంటి టీపాయ్ లను ఎంపిక చేసుకొని మరీ కొనాలి.