Posts Tagged ‘non vegetarian recipe’

చికెన్ స్పినాచ్ ఎలా తయారుచేయాలో చూద్దాం…

images

కావల్సిన పదార్థాలు:

చికెన్ : 1kg

ఆకు కూర: 1కట్ట

ఉల్లిపాయ: 1(సన్నగా తరిగి పెట్టుకోవాలి)

వెల్లుల్లి రెబ్బలు : 4

నూనె: 2tbsp

పసుపు: 1tsp

కారం: 1tsp

జీలకర్ర: 1tsp

ధనియాలపొడి: 1tsp

ఉప్పు: రుచికి సరిపడా

తయారుచేయు విధానం:

1. ముందుగా చికెన్ కు స్కిన్ తొలగించి శుభ్రంగా కడిగి, పక్కన పెట్టుకోవాలి.

2. తర్వాత ఆకుకూరలను విడిపించుకొని, మంచినీటిలో వేసి శుభ్రంగా కడిగి నీరు పూర్తిగా వంపేసి పక్కన పెట్టుకోవాలి.

3. ఇప్పుడు ఉల్లిపాయ మరియు వెల్లుల్లి సన్నగా తరిగి పెట్టుకోవాలి.

4. పాన్ లో కొద్దిగా నూనె వేసి వేడయ్యాక అందులో వెల్లుల్లి రెబ్బలు వేసి ఒక నిముషం ఫ్రై చేసుకోవాలి.

5. తర్వాత సన్నగా తరిగి పెట్టుకొన్న ఉల్లిపాయ ముక్కలు వేసి బ్రౌన్ కలర్ వచ్చే వరకూ వేగించుకోవాలి.

6. అలాగే మసాల దినుసులన్నీ కూడా వేసి మరో 2నిముషాలు ఫ్రై చేసుకోవాలి. తర్వాత ఒక కప్పు నీళ్ళు పోసి, గ్రేవీ చిక్కగా మారే వరకూ కలియబెట్టుకోవాలి.

7. పాన్ లో మీకు చికెన్ ముక్కలతో పాటు సరిపడా మసాలా ఉన్నదని నిర్ధారించుకొన్న తర్వాత మంటను ఎక్కువగా పెట్టి చికెన్ మెత్తబడే వరకూ ఉడికించుకోవాలి.

8. చికెన్ పూర్తిగా ఉడికిందని నిర్ధారించుకొనే సమయంలో ముందుగా కడిగి శుభ్రం చేసి పెట్టుకొన్న ఆకుకూరను సన్నగా తరిగి ఉడుకుతున్న చికెన్ లో వేసి మూత పెట్టి, మీడియం మంట మీద ఉడికించుకోవాలి. అంతే స్పినాచ్ చికెన్ రిసిపి రెడీ.

పిస్తా, క్రాన్ బెర్రీ కాంబినేషన్ లో టేస్టీ బిస్కెట్ ఎలా తయారు చేయాలో చూద్దాం…

07551211-da1d-4371-961f-b692d996f532

కావాల్సిన పదార్ధాలు:

ఎండ బెట్టిన క్రాన్ బెర్రీస్-1 కప్పు

పిస్తాచియోస్-1 1/2కప్పు

మైదా-2 1/2 కప్పు

కరిగిన వెన్న -1 కప్పు

ఐసింగ్ షుగర్-1 1/2 కప్పు

గ్రుడ్లు-2

బేకింగ్ పౌడర్-1/4 టీ స్పూను

వెనీలా ఎసెన్స్-2 టీ స్పూనులు

ఉప్పు-చిటికెడు

తయారీ విధానం:

1.క్రాన్‌బెర్రీస్, పిస్తా పప్పులని మిక్సీలో వేసి కాస్త బరకగా గ్రైండ్ చేసుకోవాలి.

2.ఇప్పుడు కరిగిన వెన్న,గ్రుడ్లు, మైదా, ఉప్పు, ఐసింగ్ షుగర్ వెయ్యాలి.

3.అన్నింటినీ బాగా కలిపాకా కాస్త తడి తడిగా ఉండి చేతులకి అంటుకునేలా ఉన్న పిండి తయారవుతుంది.

4.తడిగా ఉన్న ఈ పిండిని ఒక గిన్నెలోకి తీసుకోవాలి. క్రాన్‌బెర్రీస్ వల్ల పిండి చేతులకి అంటుకుంటూ ఉంటుంది.

5.దీనికి కొంచెం మైదా కలిపి చేతులతో పిండిని బాగా కలపాలి.

6.కొంచెం మైదాని పీట మీద చల్లి పిండిని సిలిండర్ ఆకారంలో వత్తుకోవాలి.ఒత్తుకున్నాకా పైన ఫ్లాట్‌గా ఉండేటట్లు చూడాలి.

7.ఒక బేకింగ్ ట్రే తీసుకుని దానిలో ఈ పిండిని ఉంచండి.

8.ఓవెన్‌ని 160 డిగ్రీల సెల్సియస్‌కి వేడి చేసి 20-22 నిమిషాలపాటు పిండిని బేక్ చెయ్యండి.

9.బేక్ అయిన పిండిని బయటకి తీసి 10 నిమిషాలపాటు చల్లారనివ్వండి.

10. ఇప్పుడు బయటకి తీసిన పిండిని ముక్కలుగా కొయ్యండి. బిస్కటీలు లోపల ఇంకా పచ్చిగానే ఉన్నాయి కదా.

11.ఇప్పుడు వీటిని మళ్ళీ బేకింగ్ ట్రేలో పెట్టి 10 నిమిషాల పాటు బేక్ చెయ్యండి.

12.బయటకి తీసి రుచి చూడండి. మీ బిస్కటీలు కరకరలాడుతూ క్రాన్ బెర్రీస్ వల్ల రుచికరంగా కూడా ఉన్నాయని చూసారు కదా. ఇక వీటిని మీ అతిధులకి కాఫీతో పాటు అందించడమే.

స్పైసీ చికెన్‌ పకోడి ఎలా తయారుచేయాలో చూద్దాం…

images

కావలసిన పదార్థాలు:

బోన్‌లెస్‌ చికెన్‌: 1/2kg

పుదీనా: 1 కట్ట

కొత్తిమీర: 1 కట్ట

పచ్చిమిర్చి: 4

అల్లం: చిన్న ముక్క

వెల్లుల్లి: 6 రెబ్బలు

నిమ్మకాయ: 1

ధనియాల పొడి: 1tsp

గరం మసాలా: 1tsp

పెరుగు: 2tsp

శనగపిండి: 1/2cup

ఉప్పు: తగినంత

నూనె: వేయించడానికి సరిపడా

తయారు చేసే విధానం:

1. ముందుగా పుదీన, కొత్తిమీర, పచ్చిమిర్చి, అల్లం, వెల్లుల్లి మిక్సీలో వేసి ముద్ద చేసుకోవాలి.

2. తర్వాత చికెన్‌ను శుభ్రంగా కడిగి అందులో ధనియాల పొడి, గరం మసాలా, ఉప్పు, కారం, పెరుగు, నిమ్మరసం, ముందుగా నూరిపెట్టుకున్న పుదీన, పచ్చిమిర్చి ముద్ద వేసి బాగా మిక్స్ చేయాలి. ఈ మిశ్రమాన్ని గంటసేపు నానబెట్టాలి.

3. ఒక గంట తర్వాత అందులో ఒక స్పూను వేడి నూనె, శనగపిండి కలపాలి.

4. ఇప్పుడు స్టౌ మీద పాన్ పెట్టి, అందులో నూనె వేసి కాగిన తర్వాత మ్యారినేట్ చేసి పెట్టుకొన్న చికెన్ నుండి కొద్దికొద్దిగా తీసి శెనగపిండిలో డిప్ చేసి కాగే నూనెలో వేయాలి.

5. కాగిన నూనెలో శనగపిండి కలిపిన చికెన్‌ను పకోడీలా వేసి బంగారు రంగు వచ్చేవరకు వేయించి తీస్తే చాలు. రుచికరమైన వేడి వేడి చికెన్‌ పకోడీ రెడీ.

మటన్‌ హలీమ్‌ ఎలా తయారుచేయాలో చూద్దాం…

images (6)

కావలసిన పదార్థాలు:

గోధుమలు : 200grm

బోన్‌లెస్‌ మటన్‌ : 300grm

నెయ్యి : 100grm

ఉల్లిగడ్డలు : 3

నిమ్మకాయ: 2

గరం మసాలా : 2tbsp

ఉప్పు : రుచికి సరిపడినంత

పచ్చిమిర్చి : 20grm

అల్లం : చిన్న ముక్క

వెల్లుల్లి : 7 రెబ్బలు

కొత్తిమీర : చిన్న కట్ట

జీడి, బాదం పప్పులు : సన్నగా కట్‌ చేసుకున్నవి

తయారు చేసే విధానం:

1. ముందుగా గోధుమలు శుభ్రంగా కడిగి రెండు గంటల పాటు నానబెట్టాలి.

2. తర్వాత పచ్చి మిర్చి, అల్లం, వెల్లుల్లిని మిక్సీలో వేసి మెత్తగా గ్రైండ్‌ చేయాలి. తరువాత మటన్‌ని శుభ్రం గా కడగాలి. అం దులో గ్రైండ్‌ చేసి పెట్టుకున్న మిర్చీ పేస్టును కలిపి గంట పాటు పక్క న వుంచాలి.

3. బాగా నానిన గోధుమలు, మటన్‌ మిశ్రమానికి కలిపి తగినంత ఉప్పు వేసి బాగా మెత్తగా ఉడికించుకోవాలి. దీన్ని పప్పుగుత్తిలాంటి దాంతో అప్పుడ ప్పుడూ కలుపుతూ మెత్తగా అయ్యేలా చెయ్యాలి.

4. ఒక పాత్ర తీసుకుని అందులో నెయ్యివేసి వేడి చేయాలి. జీడిప ప్పు, బాదం పప్పులను అందులో వేసి వేయించి తీయాలి.

5. తరువాత అందులో తరిగిన ఉల్లిగడ్డలు వేసుకొని బం గారు రంగు వచ్చేవరకు వేయించు కోవాలి. దీనిలోనే గరంమసాలా కూడా వేసుకోవాలి.

6. తరువాత మెత్తగా ఉడకబెట్టుకున్న హలీమ్‌ మిశ్ర మాన్ని ఇందులో వేసుకుని సన్నని మంట పై ఉంచాలి. కొద్దిసేపటికి నెయ్యి పైకి తేలుతుంది. అప్పుడు దించేసుకోవాలి. అంతే రంజాన్ స్పెషల్ మటన్ హలీమ్ రెడీ

ఖీమా మమూస్ ఎలా తయారుచేయాలో చూద్దాం…

download (4)

కావల్సిన పదార్థాలు:

క్యారెట్ – 1cup ( సన్నగా తరిగిపెట్టుకోవాలి)

క్యాబేజ్ – 1 cup (సన్నగా తరిగిపెట్టుకోవాలి)

బీన్స్ – 1 cup (సన్నగా తరిగిపెట్టుకోవాలి)

స్ప్రింగ్ ఆనియన్ – 1 cup (సన్నగా తరిగిపెట్టుకోవాలి)

ఉల్లిపాయ – 1 cup ( సన్నగా తరిగిపెట్టుకోవాలి)

వెల్లుల్లి – 1/2 tbsp (సన్నగా తరిగిపెట్టుకోవాలి)

మైదా – 4 cups

పెప్పర్ పౌడర్ – 1/4 tbsp

ఖీమా – 100 gms

బట్టర్ – 1 tbsp

ఉప్పు: రుచికి సరిపడా

నూనె: తగినంత

తయారుచేయు విధానం:

1. ముందుగా ఒక పాన్‌లో 1/2టేబుల్ స్పూన్ వెన్న వేయాలి. తర్వాత అందులో పచ్చిమిర్చి, క్యాబేజ్, క్యారెట్, ఉల్లిపాయ, వెల్లుల్లి ముక్కలు మరియు ఖీమా వేసి, ఫ్రై చేసుకోవాలి.

2. ఇప్పుడు అందులోనే 1/4చెంచా పెప్పర్ పౌడర్ మరియు ఉప్పు వేసి ఫ్రై చేసుకోవాలి.

3. అంతలోపు మరో పెద్ద బౌల్ తీసుకొని అందులో మైదా, నీళ్ళు మరియు ఉప్పు వేసి మిక్స్ చేయాలి. పిండిని మెత్తగా మ్రుదువుగా కలుపుకొని 10నిముషాలు పక్కన పెట్టుకోవాలి.

4. ఇప్పుడు ఈ పిండి నుండి కొద్దిగా (నిమ్మకాయంత సైజు)తీసుకొని చేతిలోనే వెడల్పుగా చేసుకోవాలి.

5. తర్వాత అలా వెడల్పుగా చేసుకొన్న మైదాలో కొద్దిగా ఖీమా మిశ్రమాన్ని పెట్టి నీట్‌గా అన్నివైపులా క్లోజ్ చేయాలి.

6. ఇప్పుడు ప్రెజర్ కుక్కర్‌లో నీళ్ళుపోసి, ఒక రౌండ్ ప్లేట్‌లో మమూస్ పెట్టాలి. ఆ ప్లేట్‌ను కుక్కర్లో పెట్టి 10-15నిముషాలు ఆవిరి మీద ఉడికించుకోవాలి.

7. అంతే ఇప్పుడు యమ్మీ ఖీమా మమూస్ రెడీ . చాలా టేస్ట్‌గా ఉండే మమూస్‌ను చిల్లీ సాస్‌తో తింటే చాలా టేస్ట్‌గా ఉంటాయి.

కల్మీ కబాబ్ రిసిపి ఎలా తయారుచేస్తారో చూద్దాం…

images (23)

కావల్సిన పదార్థాలు:

చికెన్: 1kg (మీడియం సైజ్ ముక్కలుగా కట్ చేసుకోవాలి)

అల్లం వెల్లుల్లి పేస్ట్: 2tsp

ఉప్పు: రుచికి సరిపడా

పెరుగు: 1cup

కుంకుమపువ్వు: చిటికెడు

నిమ్మకాయ రసం: 1tbsp

మైదా: ¼cup

మసాలా కోసం కావల్సిన పదార్థాలు:

లవంగాలు: 3

ఉల్లిపాయ విత్తనాలు(కాలా జీర): ½tsp

చెక్క: 1

బే ఆకు: 1

మిరియాలు: 5

తయారుచేయు విధానం:

1. ముందుగా మసాలాకోసం సిద్దం చేసుకొన్న పదార్థాలన్నింటిని పాన్‌లో వేసి రోస్ట్ చేసుకోవాలి. తర్వాత వీటిని చల్లారనిచ్చి, మిక్సీలో వేసి పొడి చేసుకొని పక్కన పెట్టుకోవాలి.

2. తర్వాత చికెన్ ముక్కలను శుభ్రంగా కడిగి, తడిఆరేవరకూ పక్కన పెట్టుకోవాలి.

3. తర్వత చికెన్ ముక్కలను చిన్న చిన్నగాట్లు పెట్టుకోవాలి.

4. తర్వాత ఒక బౌల్ తీసుకొని అందులో పెరుగు మరియు అల్లం వెల్లుల్లి పేస్ట్, ఉప్పు, కుంకుమ పువ్వు, నిమ్మరసం, మైదా మరియు పొడిచేసుకొన్న మసాలా పౌడర్ వేసి బాగా మిక్స్ చేయాలి.

5. ఈ మిశ్రమంలో చికెన్ ముక్కలను వేసి రెండు మూడు గంటల సమయం మ్యారినేట్ చేసి పెట్టుకోవాలి.

6. తర్వత మైక్రోవేవ్‌లోని గ్రిల్స్‌కు గ్రిల్ చేసి 15-20నిముషాలు మైక్రోవోవెన్‌లో పెట్టాలి.

7. చికెన్ గ్రిల్ క్రింది బాగంలో డ్రిప్ ట్రే పెట్టాలి. చికెన్ పూర్తిగా ఉడికిన తర్వాత ఒక ప్లేట్ లోనికి మార్చుకోవాలి. అంతే చికెన్ కల్మీ కబాబ్ రిసిపి రెడీ.

చీజ్ అండ్ చికెన్ బాల్స్ ఎలా తయారుచేయాలో చూద్దాం…

images (85)

కావల్సిన పదార్థాలు:

చికెన్: 250 gm

బాయిల్డ్ రైస్: 300 gm

కొత్తిమీర: 1కట్ట

పచ్చిమిర్చి: 5 to 6

చీజ్ తురుము : 200 gm

ఎండు మిర్చి: 1 tbspn

అల్లం వెల్లుల్లి పేస్ట్ : 2tbsp

పసుపు: 1tsp

గుడ్లు: 5

బ్రెడ్ పొడి: 6 tbsp

బేకింగ్ సోడ: 1tsp

నూనె : ఫ్రై చేయడానికి సరిపడా

ఉప్పు: రుచికి సరిపడా

తయారుచేయు విధానం:

1. ముందుగా చికెన్ లో బోన్స్ అంతా చాకుతో తొలగించాలి. తర్వాత చికెన్ శుభ్రంగా కడిగి గ్రైండర్లో లేదా మిక్సీ జార్లో వేసి మెత్తగా చేయాలి.

2. మిక్సీలో మెత్తగా చేసుకొన్న చికెన్ ను ఒక గిన్నెలోకి తీసుకొని అందులో చీజ్ తురుము, బాయిల్డ్ రైస్ వేసి మొత్తం మిశ్రామన్ని చేత్తో కలగలుపుకోవాలి.

3. తర్వాత అందులోనే కొత్తిమీర, అల్లం వెల్లుల్లి పేస్ట్, ఉప్పు, ఎండు మిర్చి, పచ్చిమిర్చి, పసుపు, బేకింగ్ సోడ మరియు గుడ్లు వేసి మొత్తం మిశ్రమాన్ని కలగలుపుకోవాలి.

4. చేత్తో బాగా కలిపిన తర్వాత చిన్న చిన్న బాల్స్ లా (నిమ్మకాయంత సైజులో)రెడీ చేసి ప్లేట్లో పెట్టుకోవాలి.

5. ఇలా మొత్తం మిశ్రమాన్ని బాల్స్ లా చేసుకొన్న తర్వాత వాటిని బ్రెడ్ పొడిలో పొర్లించి లేదా చికెన్ బాల్స్ మీద బ్రెడ్ పొడి అన్ని వైపులా చిలకరించి కోట్ చేసి పక్కన పెట్టుకోవాలి.

6. ఇప్పుడు డీప్ బాటమ్ పాన్ లో కొద్దిగా నూనె వేసి వేడి అయ్యాక అందులో చికెన్ బాల్స్ వేసి గోల్డ్ బ్రౌన్ కలర్ వచ్చే వరకూ ఫ్రై చేసుకోవాలి.

7. అంతే చీజ్ అండ్ చికెన్ బాల్స్ రెడీ. దీన్ని సాస్ లేదా గ్రీన్ చట్నీతో సర్వ్ చేస్తే చాలా టేస్ట్ గా ఉంటుంది.

కరకరలాడే ఫిష్ కబాబ్ ఎలా తయారుచేయాలో చూద్దాం…

download (11)

కావల్సిన పదార్థాలు:

చేపలు: 500grms

శెనగపప్పు: 4tbsp

అల్లం వెల్లుల్లి పేస్ట్: 2tsp

ఉల్లిపాయ పేస్ట్ : 2tbsp

వెనిగర్: 2tsp

ఉప్పు: రుచికి సరిపడా

శెనగపిండి: 4tbsp

నూనె: 2tbsp

తయారుచేయు విధానం:

1. ముందుగా చేప ముక్కలను శుభ్రంగా కడగాలి. తర్వాత ఈ చేపముక్కలను కొద్దిగా నీళ్ళు వేసి 10 నిముషాలు ఉడికించుకోవాలి.

2. పది నిముషాల తర్వాత స్టౌ ఆఫ్ చేసి చల్లారనివ్వాలి. తర్వాత లోపలి ముళ్ళను తొలగించి చేత్తో మెత్తగా చిదిమి పెట్టుకోవాలి.

3. తర్వాత శెనగపప్పును రఫ్‌గా పొడి చేసుకొని రఫ్‌గానే పేస్ట్‌లా చేసుకోవాలి.

4. ఇ ప్పుడు ముందుగా మ్యాష్ చేసి పెట్టుకొన్న చేపలను మిక్సింగ్ బౌల్లో వేసి, అందులో శెనగపిండి పేస్ట్, అల్లం వెల్లుల్లి పేస్ట్, ఉప్పు, ఉల్లిపాయ పేస్ట్ మరియు వెనిగర్ వేయాలి.

5. మొత్తం పదార్థాలన్నింటిని కలగలిసేలా బాగా చేత్తో కలుపుకోవాలి. తర్వాత ఈ మిశ్రమం నుండి 5నుండి 6 సమభాగాలుగా చేసుకోవాలి. ఒక్కోక్క బాగాన్ని అరచేతిలో పెట్టుకొని కట్‌లెట్‌గా ఒత్తి పెట్టుకోవాలి.

6. ఇప్పుడు శెనగిపిండిలో కొద్దిగా నీళ్ళు పోసి చిక్కటి పేస్ట్‌గా కలుపుకోవాలి.

7. ఇప్పుడు కట్‌లెట్ కబాబ్‌ను శెనగపిండిలో డిప్ చేయాలి.

8. అంతలోపు స్టౌ మీద డీప్ ఫ్రైయింగ్ పాన్ పెట్టి నూనె వేసి వేడయ్యాక అందులో కబాబ్‌లను వేసి గోల్డ్ బ్రౌన్ కలర్ వచ్చే వరకూ ఫ్రై చేసుకోవాలి. అంతే క్రిస్పీ మరియు హెల్తీ ఫిష్ కబాబ్ రెడీ. రంజాన్ స్పెషల్‌గా ఈ ఫిష్ కబాబ్‌ను సర్వ్ చేయండి.

మటన్ డ్రమ్ స్టిక్స్ దాల్చా ఎలా తయారుచేయాలో చూద్దాం…

download (12)

కావల్సిన పదార్థాలు:

మసూర్ దాల్(ఎర్రకందిపప్పు): 100grms

శెనగపప్పు: 50grms

ఆవాలు: 1tsp

లవంగాలు: 4

దాల్చిన చెక్క:2

వెల్లుల్లిపాయ: 1

మాంసం: 1Kg

అల్లం వెల్లుల్లి పేస్ట్: 1tsp

కరివేపాకు: రెండు రెమ్మలు

ఎండు మిర్చి : 10

మునగకాయలు: 2

పుదీనా తురుము: 2tsp

మామిడికాయపొడి: 2tsp

కారం: 1tsp

పసుపు: 1tsp

నెయ్యి: 50grms

మటన్ స్టాక్: 1ltr

ఉప్పు: సరిపడా

నూనె: తగినంత

తయారుచేయు విధానం:

1. ముందుగా మటన్ ముక్కల్ని శుభ్రంగా కడిగి, తర్వాత కుక్కర్ లో వేసి నీళ్ళు పోసి మీడియంగా ఉడికే వరకూ 2విజిల్స్ వచ్చే వరకూ ఉడికించుకోవాలి.

2. తర్వాత స్టౌ ఆఫ్ చేసి పక్కన తీసి పెట్టుకోవాలి. ఈ నీళ్ళనే మటన్ స్టాక్ గా వాడాలి.

3. అంతలోపు ఎర్రకందిపప్పు, శెనగపప్పు కడిగి ఒక గంటసేపు నానబెట్టుకోవాలి.

4. తర్వాత పాన్ లో కొద్దిగా నెయ్యి వేసి కాగాక అందులో అల్లంవెల్లుల్లి, మటన్ ముక్కలు, నానబెట్టిన పప్పులు, మునగకాయ ముక్కలు వేసి వేయించుకోవాలి.

5. పచ్చివాసన పోయే వరకూ వేగిన తర్వాత అందులో మటన్ స్టాక్ పోసి మటన్ ముక్కలు పూర్తిగా ఉడికే వరకూ ఉంచాలి.

6. మరో పాన్ లో నూనె వేసి, జీలకర్ర, లవంగాలు, దాల్చిన చెక్క, కరివేపాకు, ఎండుమిర్చి, వెల్లుల్లి రెబ్బలు వేసి వేయించాలి.

7. తర్వాత ఉల్లిపాయ ముక్కలు కూడా వేసి వేగాక ఉడికించిన మటన్ మిశ్రమాన్ని ఇందులో వేసి కలిపి దింపుకోవాలి.

8. చివరగా మామిడికయ పొడి, మిగిలిన నెయ్యి, పుదీనా తురుము వేసి గార్నిష్ చేసుకోవాలి. అంతే మటన్ డ్రమ్ స్టిక్ దాల్చా రెడీ.

మటన్ ఫ్రై ఎలా తయారుచేయాలో చూద్దాం…

download (3)

కావలసిన పదార్దాలు:

బోన్‌లెస్ మటన్ : 500grms

తరిగిన ఉల్లిపాయలు : 1cup

కారం : 1tsp

ఉప్పు : రుచికి సరిపడా

పసుపు : 1/4tsp

అల్లం వెల్లల్లి పేస్టు : 2tbsp

బఘార్ కోసం కావలసినవి:

నూనె : 2tbsp

జీలకర్ర : 1tsp

కరివేపాకు

కొత్తిమీర

పుదీనా

పచ్చిమిర్చి : 4

మిరియాల పొడి : 1/2tsp

గరం మసాల పౌడర్ : 1/2tsp

నిమ్మరసం : 2tsp

తయారు చేయు విధానం:

1. ముందుగా ఓ పాత్రలోకి మాంసం ముక్కలు, ఉల్లిపాయ ముక్కలు, కారం, ఉప్పు, అల్లం వెల్లుల్లి పేస్టు, పసుపులను వేసి బాగా కలిపి సరపడా నీటిని పోసి ప్రెజర్ కుక్కర్‌లో ఐదు నిమిషాల పాటు ఉడికించాలి. తర్వాత స్టౌ ఆఫ్ చేసి మాంసం ముక్కలను తడి ఆరే వరకూ పక్కకు పెట్టుకోవాలి.

2. ఇప్పుడు స్టౌ వెలిగించి దానిపై పాన్ పెట్టి అందులో సరిపడా నూనె వేసి జీలకర్ర, కరివేపాకు, కొత్తిమీర, పుదీనా, పచ్చిమిర్చి(మధ్యలో కత్తిరించినవి)లను వేసి ఒక రెండు మూడు నిముషాలు ఫ్రై చేసుకోవాలి.

3. ఇప్పుడు అందులోకి పక్కన పెట్టుకున్న మాంసంను కూడా వేసి బాగా కలియబెట్టాలి.

4. ఈ మిశ్రమం మొత్తం ఫ్రై అవుతుండగా, అందులోనే మిరియాల పొడి, గరం మసాల పొడి నిమ్మరసం వేసి బాగా కలిపి మరో 5నుండి 10 నిమిషాల పాటు తక్కువ మంట మీద ఉడికించాలి. ముక్కలు బాగా వేగాయని నిర్ధారించుకున్నాక దించేసుకోవాలి.