Posts Tagged ‘pakoda’

ఆనియన్ రింగ్స్ ఎలా తయారు చెయ్యాలో చూద్దామా… వింటర్ స్పెషల్ స్నాక్…

20130416-152841

కావాల్సిన పదార్ధాలు:

ఉల్లిపాయలు-5(విడివిడిగా వచ్చేటట్లు పొరలుగా తరగాలి)

నూనె-వేయించడానికి సరిపడినంత

కారం-1 టీ స్పూను

మైదా-1 1/2 కప్పు

ఎండబెట్టిన మిక్స్డ్ హెర్బ్స్-1 టీ స్పూను

త్రాగే సోడా-2 కప్పులు

ఉప్పు-రుచికి సరిపడా

ఉల్లిపాయ పొడి-1 టీ స్పూను

మిరియాలు-1/2 టీ స్పూను(మెత్తగా దంచుకోవాలి)

బ్రెడ్ క్రంబ్స్-1/2 కప్పూ

ఆవ పొడి-1/2 టీ స్పూను

కారంఫ్లేక్స్-1/2 కప్పు(మెత్తగా పొడి చేసుకోవాలి)

కొత్తిమీర-1 టేబుల్ స్పూను(సన్నగా తరగాలి)

తయారీ విధానం:

1. ఉల్లిపాయలని విడివిడిగా వచ్చేటట్లు పొరలుగా తరగాలి. ఇలా తరిగిన ఉల్లిపాయలని 15 నిమిషాలపాటు చల్లని నీటిలో నానబెట్టాలి. తరువాత నీటిలోనుండీ తీసి కిచెన్ టవల్ మీద ఆరబెట్టాలి. ఆరిన తరువాత ఒక ప్లేటులోకి మార్చి వీటి మీద పిండిని చల్లాలి. అందువల్ల ఎక్కువగా ఉన్న తేమని పిండి పీల్చుకుంటుంది.

2. ఒక పెద్ద గిన్నెలో మైదా, కారం, మిక్స్డ్ హెర్బ్స్, ఉల్లి పొడి, ఆవ పొడి, మిరియాలు, ఉప్పు వేసి అన్నీ బాగా కలిసేటట్లు బాగా కలపాలి.

3. ఈ పిండికి సోడా పోసి ఈ మిశ్రమం ఎలా ఉందో ఒకసారి చెక్ చేసుకోవాలి. పిండి మరీ పల్చగా లేదా చిక్కగా ఉండకూడదు. ఈ పిండిని ఉండలు లేకుండా బాగా కలపాలి.

4. ఒక ప్లేటులో కార్న్ ఫ్లేక్స్ పొడి, బ్రెడ్ పొడి, తరిగిన కొత్తిమీర వేసి బాగా కలపాలి.

5. ఇప్పుడు స్టవ్ మీద కడాయి పెట్టి నూనె వేసి వేడి చెయ్యాలి.

6. పొరలు పొరలుగా తరిగిన ఉల్లిపాయలని ఒకొక్కటిగా ఈ పిండిలో ముంచి బ్రెడ్ క్రంబ్స్ , కార్న్ ఫ్లేక్స్ పొడిలో దొర్లించి ఉల్లిపాయలకి బ్రెడ్ పొడి బాగా పట్టేటట్లు చూడాలి.

7. ఇలా బ్రెడ్ పొడిలో దొర్లించిన ఉల్లిపాయలని వేడెక్కిన నూనెలో వేసి బంగారు రంగు వచ్చేవరకూ వేయించాలి.

8. వేగాకా నూనెలో నుండి తీసి కిచన్ టవల్ మీద వేస్తే ఆనియన్ రింగ్స్‌లో ఉన్న అధిక నూనెని పీల్చుకుంటుంది.

వెజిటేబుల్ పకోడా ఎలా తయారుచేయాలో చూద్దాం…

download (7)

కావల్సిన పదార్థాలు:

సోంపు: 1 tsp

వాము : 1 tsp

ధనియాలు:1 tsp

శనగ పిండి : 1cup

ఉప్పు: రుచికి సరిపడా

నూనె : 2tbsp

మెంతి ఆకులు : 2tbps

క్యారెట్ : 2 tbsp

క్యాప్సికమ్ : 1tsp

పొటాటో : 2 tbsp

పచ్చిమిర్చి : 1 tsp

ఆకుకూర: 1tbsp

చిన్న ఉల్లిపాయలు: 1 tbsp

ఉల్లిపాయ : 1 tbsp

పనీర్ : 1tbsp

కొత్తిమిర : కొద్దిగా

కారం : 1tsp

నీరు: పిండికలుపుకోవడానికి సరిపడా

తయారుచేయువిధానం:

1. తయారుచేయడానికి సిద్దం చేసుకొన్న పదార్థాలన్నింటిని ఒక మిక్సింగ్ బౌల్లో వేసి, బాగా మిక్స్ చేసి 10నిముషాలు పక్కన పెట్టుకోవాలి.

2. తర్వాత కొద్దిగా నీళ్ళు పోసి కొద్దిగా జారుడుగా కలుపుకోవాలి.

3. పాన్ లో డీప్ ఫ్రై చేయడానికి సరిపడా నూనె పోసి వేడయ్యాక కలుపుకొన్న పిండి మిశ్రమాన్ని కొద్దిగా కొద్దిగా తీసుకొని కాగే నూనెలో పకోడాల్లా వేయాలి.

4. గోల్డ్ బ్రౌన్ కలర్ వచ్చే వరకు వేగించుకోవాలి. మద్యమద్యలో ఫ్రైయింగ్ స్పూన్ తో అటు ఇటు తిప్పడం వల్ల చాలా త్వరగా అన్ని వైపులా సమానంగా ఫ్రై అవుతాయి. అంతే వేడి వేడి టేస్టీ వెజిటేబుల్ పకోడా రెడీ. ఈవెనింగ్ టీ టైమ్ స్నాక్ చాలా టేస్టీగా ఉంటుంది.