Posts Tagged ‘pepper’

ఆకుకూరలతో ఎగ్ వైట్ ఆమ్లెట్ ఎలా తయారుచేయాలో చూద్దాం…

french-omelette-004

కావల్సిన పదార్థాలు:

గుడ్లు: 4 (whites only)

పాలు: 1tbsp

పెప్పర్: 1tsp

పాలక్: 1 sprig (chopped)

మెంతి: 1/2tsp

ఆయిల్: తగినంత

కొత్తిమీర: 1 sprig (chopped)

పుదీనా: 5 (chopped)

ఉప్పు: రుచికి సరిపడా

ఆలివ్ ఆయిల్: 1tsp

తయారు చేయు విధానం:

1. ముందుగా ఒక బౌల్ తీసుకొని గుడ్డు పగులగొట్టి అందులోని తెల్ల సొనని మాత్రమే బౌల్లోనికి జాగ్రత్తగా వంచుకోవాలి.

2. పచ్చసొనను మీరు వేరే వంటకానికి ఉపయోగించుకోవచ్చు లేదా పడేసేయండి.

3. ఇప్పుడు ఎగ్ వైట్ కు పాలు కలిపి బాగా గిలకొట్టాలి. తర్వాత అందులో ఉప్పు, సన్నగా తరిగిపెట్టుకొన్న పాలాకు, మెంతి, కొత్తిమీర, పుదీనా అన్ని వేసి బాగా గిలకొట్టాలి.

4. ఇప్పుడు ఆలివ్ ఆయిల్ ను ఫ్రైయింగ్ పాన్ లో వేసి వేడి అయ్యాక అందులో బీటెన్ ఎగ్ మిశ్రమాన్ని ఆమ్లెట్ లా వేసి రెండు నుండి ఐదు నిముషాల పాటు తక్కువ మంట మీద ఫ్రై చేసుకోవాలి.

5. మూడు నాలుగు నిముషాల తర్వాత ఆమ్లెట్ ను ఫోల్డ్ లేదా రోల్డ్ చేసి మరి రెండు నిముషాలు ఫ్రై చేయాలి. అంతే ఆకుకూరలతో ఎగ్ వైట్ ఆమ్లెట్ రెడీ. ఈ ఆమ్లెట్ ను ఫ్రెగా కట్ చేసిన టమోటో, లేదా కీరకాయ ముక్కలతో బ్రేక్ ఫాస్ట్ గా తీసుకోవడం వల్ల ఆరోగ్యం రోజంతా కావల్సిన శక్తిని అందిస్తుంది.

డ్రై ఫ్రూట్ పులావ్ ఎలా తయారుచేయాలో చూద్దాం…కిడ్స్ స్పెషల్…

download (11)

కావల్సిన పదార్థాలు:

బియ్యం: 2cups,

బాదం: 10

ద్రాక్ష: 10

జీడిపప్పు: 10

నెయ్యి: 2tbsp

పెప్పర్ కార్న్: 1tsp

ఉప్పు: రుచికి సరిపడా

బిర్యానీ ఆకు: 2

యాలకలు: 1

లవంగాలు: 1

దాల్చిన చెక్క: 1 Small

కుంకుమ పువ్వు: చిటికెడు

1. ముందుగా నాన్ స్టిక్ పాన్ లో కొద్దిగా నీళ్ళు పోసి వేడి చేయాలి.

2. అంతలోపు మరో నాన్ స్టిక్ పాన్ లో కొద్దిగా నెయ్యి వేసి వేడి అయ్యాక అందులో బిర్యానీ ఆకు, యాలకలు, లవంగాలు, దాల్చిన చెక్క, పెప్పర్ కార్న్స్, బాదం, జీడిపప్పు, ద్రాక్ష, నెయ్యి వేసి ఫ్రై చేసుకోవాలి.

3. తర్వాత అందులోనే బియ్యం కూడా కడిగి వేసి మరో 2-3నిముషాలు ఫ్రై చేసుకోవాలి.

4. ఇప్పుడు అందులో ఉప్పు, మరియు కుంకుమ పువ్వు వేసి మొత్తం మిశ్రమాన్ని మరో అరనిముషం పాటు ఫ్రై చేసి తర్వాత 3 కప్పులు హాట్ వాటర్ ను ఇందులో పోయాలి.

5. మొత్తం మిశ్రమం ఉడకడం ప్రాంభమవగానే, మూత పెట్టి బియ్యం మెత్తగా ఉడికే వరకూ ఉడికించుకోవాలి. అంతే రుచికరమైన ఈజీ డ్రై ఫ్రూట్ పులావ్ పిల్లల కోసం రెడీ. ఈ డ్రై ఫ్రూట్ పులావ్ కు స్వీట్ లేదా రైతాను సైడ్ గా సర్వ్ చేయవచ్చు.

వెజిటేబుల్ లెమన్ పెప్పర్ సూప్ ఎలా తయారుచేయాలో చూద్దాం…

download

కావల్సిన పదార్థాలు:

క్యారెట్ – 1 cup (Chopped)

ఉల్లిపాయలు -1 cup (Chopped)

క్యాప్సికమ్-1 cup (Chopped)

స్ప్రింగ్ ఆనియన్స్ – 1 cup (Chopped)

క్యాబేజ్ -1 cup (Chopped)

వెల్లుల్లి- 1/4 Teaspoon

అల్లం – 1/4 Teaspoon (Chopped)

కార్న్ ఫ్లోర్ – 3 Teaspoon

పెప్పర్ – 1/2 Teaspoon

లెమన్ జ్యూస్- 2 Teaspoon

వెజిటేబుల్ స్టాక్- 2 Cups(వెజిటేబుల్స్ ఉడకించిన నీళ్ళు)

నూనె: తగినంత

ఉప్పు : రుచికి సరిపడా

తయారుచేయు విధానం:

1. ముందుగా పాన్ తీసుకొని అందులో నూనె వేసి వేడి చేయాలి. తర్వాత అందులో అల్లం మరియు వెల్లుల్లి పేస్ట్ వేసి ఒక నిముషం వేగించుకోవాలి.

2. తర్వాత ఉల్లిపాయలు, క్యారెట్, క్యాప్సికమ్, క్యాబేజ్ మరియు స్ప్రింగ్ ఆనియన్స్ వేసి 10 నిముషాలు వేగించుకోవాలి.

3. వేజిటేబుల్స్ వేగిన తర్వాత అందులో ముందుగా ఉడికించి పెట్టుకున్న వెజిటేబుల్ స్టాక్ పోయాలి.

4. ఇప్పుడు అందులోనే పెప్పర్ మరియు సాల్ట్ కూడా వేసి మొత్తం మిశ్రమాన్ని కలగలుపుకోవాలి.

5. మీడియం మంట మీద ఉడికించాలి. ఉడుకుతన్నప్పుడు అందులో కార్న్ ఫ్లోర్‌ను కొద్దిగా నీటిలో వేసి మిక్స్ చేసి ఉడికే మిశ్రమంలో పోయాలి.

6. తర్వాత నిమ్మరసం వేసి మొత్తం మిశ్రమాన్ని కలియబెడుతూ 10 నిముషాలు, మీడియం మంట మీద ఉడికించాలి.

7. చివరగా కొత్తిమీర తరుగు చిలకరించి వేడి వేడిగా సర్వ్ చేయాలి. అంతే వెజిటేబుల్ పెప్పర్ లెమన్ సూప్ రెడీ.

డీప్ మష్రూమ్ కర్రీ ఎలా తయారుచేయాలో చూద్దాం…

images (100)

కావలసిన పదార్థాలు:

మష్రూమ్స్: 2cups

చింతపండు: కొద్దిగా(నీళ్లలో నానబెట్టాలి)

ఉప్పు: రుచికి తగినంత

గరంమసాలా: 1tsp టీ స్పూను

శనగపప్పు: 1tbsp

మిరియాల పొడి: tsp

నూనె: 2tsp

ఆవాలు: 1/2tsp

ఎండుమిర్చి: 2

కొత్తిమీర: కొద్దిగా

ఉల్లిపాయ: 1ముక్కలుగా కట్ చేసుకోవాలి

టొమాటో ముక్కలు: 1/2cup

కరివేపాకు: 2 రెమ్మలు

తయారు చేయు విధానం:

1. ముందుగా చింతపండు గుజ్జు తీసి పక్కన ఉంచాలి.

2. తర్వాత పాన్ లో శనగపప్పు వేసి వేయించి మిరియాలపొడి జతచేసి కలిపి తీసేయాలి.

3. ఇప్పుడు పాన్‌లో నూనె కాగాక కరివేపాకు, ఆవాలు, ఎండుమిర్చి వేసి వేయించాక, ఉల్లిపాయ, టొమాటో ముక్కలు కూడా వేసి వేయించాలి.

4. అలాగే మష్రూమ్‌ ముక్కలు కూడా వేసి, ఉప్పు వేసి బాగా కలిపి, మూతపెట్టి, ఉడికించాలి.

5. తర్వాత చింతపండు గుజ్జు జత చేసి పది నిముషాలయ్యాక, గరం మసాలా వేసి 5 నిముషాలు ఉడికించి దించేయాలి.

6. చివరగా కొత్తిమీరతో గార్నిష్‌ చేయాలి. అంతే డీప్ మష్రుమ్ కర్రీ రెడీ.

ఎగ్ వైట్ మష్రుమ్ ఆమ్లెట్ ఎలా తయారుచేయాలో చూద్దాం…

images (62)

కావల్సిన పదార్థాలు :

మష్రుమ్(పుట్టగొడుగులు) : 1cup(మష్రుమ్ ను తరుముకోవాలి. లేదా సన్నగా తరిగి పెట్టుకోవాలి)

ఎగ్ వైట్ : 4

పెప్పర్ : 1/2tsp

పాలు : 1tbps

ఆలివ్ ఆయిల్ : 1tsp

ఓరిగానో : 1/2tsp

చీజ్ : 1/2cube(గార్నిష్ కొరకు)

కొత్తిమీర : కొద్దిగా

ఉప్పు : రుచికి సరిపడా

తయారుచేయు విధానం :

1. ముందుగా ఒక బౌల్ తీసుకొని గుడ్డు పగులగొట్టి అందులోని తెల్ల సొనని మాత్రమే బౌల్లోనికి జాగ్రత్తగా వంచుకోవాలి.

2. ఇప్పుడు ఎగ్ వైట్ కు పాలు కలిపి బాగా గిలకొట్టాలి. తర్వాత అందులో ఉప్పు, సన్నగా తరిగిపెట్టుకొన్న మష్రుమ్, కొత్తిమీర, అన్ని వేసి బాగా గిలకొట్టాలి.

3. అలాగే అందులో పెప్పర్ అప్పుడే వేయవచ్చు లేదా తర్వాత కూడా పెప్పర్ ను చిలకరించుకోవచ్చు.

4. తర్వాత ఫ్రైయింగ్ పాన్ లో కొద్దిగా ఆలివ్ ఆయిల్ వేసి వేడి చేయాలి.

5. ఇప్పుడు మష్రుమ్ ఎగ్ వైట్ మిక్స్ చేసి పెట్టుకొన్న మిశ్రమాన్ని పాన్ మీద పోయాలి.

6. ఈ ఆమ్లెట్ ను రెండు వైపులా కొన్ని నిముషాలు ఫ్రై చేసుకోవాలి.

7. ఇప్పుడు దానికి పెప్పర్ పౌడర్, ఓరిగానో చిలకరించాలి. మీరు ఇంకా దానీ మీద చీజ్ తురుమును కూడా చిలకరించాలి.

8. చివరగా కొత్తిమీర తరుగు గార్నిష్ చేయాలి. అంతే ఎగ్ వైట్ మష్రుమ్ ఆమ్లెట్ రెడీ. ఇది హెల్తీ బ్రేక్ ఫాస్ట్ రిసిపి.

నేతితో మిరియాలను వేయించుకుని పొడిచేసి తింటే!?

download (8)

నేతితో మిరియాలను వేయించుకుని పొడి చేసుకుని తింటే గొంతు బాధలు తగ్గుతాయి. తీవ్రమైన జలుబుకు, దగ్గుకు మిరియాల చారుకి మించిన గొప్ప వైద్యం లేదు. గొంతు నొప్పికి మిరియాల వైద్యం ఉపకరిస్తుంది. ఉప్పుతో పాటు వామును కూడా మిరియాలలో కలిపి పొడి చేసుకుని తీసుకుంటే గొంతులో వచ్చే బాధ తగ్గిపోతుంది.

మిరియాలు, వెల్లుల్లిని నీటిలో వేసి బాగా ఉడికించుకుని ఆ నీటిలో తేనె కలుపుకుని, అప్పుడప్పుడు తాగుతుంటే వేడి తగ్గుతుంది. అజీర్ణ వ్యాధితో బాధపడేవారికి కూడా మిరియాలు ఎంతో మేలు చేస్తాయి. మూత్ర సంబంధ వ్యాధులు గలవారికి మిరియాలు గొప్ప ఔషధం.

తినే పదార్థాలపై మిరియాల పొడిని చల్లుకుని తినడం వల్ల రుచితో పాటు ఆరోగ్యము కలుగుతుంది. మతిభ్రమ, మూర్చ, హిస్టీరియా లాంటి వ్యాధులు వున్నవారు మిరియాల ఘాటును పీల్చితే ఎంతో మంచిది. మిరియాల పొడి, ఉప్పు పొడి సమంగా కలిపి, ఆ పొడిని కొండ నాలుకకు బాగా అద్దుకుంటే కొండనాలుక తగ్గి, విపరీతంగా వచ్చే దగ్గు నివారణ అవుతుంది.

ఫ్రైడ్ స్వీట్ కార్న్ రిసిపి ఎలా తయారుచేయాలో చూద్దాం…

images (31)

స్వీట్ కార్న్ – 1 full

చాట్ మసాలా – 1/2 teaspoon

కార్న్ ఫ్లోర్ – 1/2 teaspoon

ఉల్లిపాయలు – 1/2 cup (finely chopped)

పచ్చిమిర్చి – 4 to 5 (chopped)

ఉప్పు :రుచికి సరిపడా

నూనె: తగినంత

తయారుచేయు విధానం:

1. ముందుగా పాన్ తీసుకొని అందులో కొద్దిగా ఆయిల్ వేసి వేడిచేయాలి.

2. తర్వాత అందులో ఉల్లిపాయ ముక్కలు వేసి డీప్ ఫ్రై చేసుకోవాలి. బ్రౌన్ కలర్ వచ్చే వరకూ వేగించుకోవాలి. తర్వాత పచ్చిమిర్చి ముక్కలు వేసి ఫ్రై చేసుకోవాలి.

3. ఇప్పుడు కార్న్ సీడ్స్ ఒక ప్లేట్‌లో తీసుకోవాలి. దాని మీద కార్న్ ఫ్లోర్ చిలకరించాలి.

4. తర్వాత ఈ స్వీట్ కార్న్‌ను పాన్‌లో వేసి బ్రౌన్ కలర్ వచ్చే వరకూ ఫ్రై చేసుకోవాలి.

5. తర్వాత ఛాట్ మసాలా చిలకరించాలి. 5 నిముషాల తర్వాత దీన్ని ఒక ప్లేట్ లోకి మార్చుకోవాలి.

6. అంతే వేడి వేడిగా ఫ్రైడ్ స్వీట్ కార్న్‌ను సర్వ్ చేయాలి.

ఉప్పు, మిరియాలు, నిమ్మ కలిపి తీసుకుంటే పొందే బెన్ఫిట్స్…

images (14)

ముక్కుదిబ్బడ: ఉప్పు, మిరియాల పొడి, నిమ్మలతో పాటు గోరువెచ్చని నీళ్లు కలిపి తీసుకుంటే శరీరంలో కావాల్సినంత హీట్ ఉత్పత్తి అవుతుంది. ఇది ఇన్ల్ఫమేషన్ తగ్గించి, ముక్కు దిబ్బడను నివారిస్తుంది.

గొంతు నొప్పి: ఈ న్యాచురల్ డ్రింక్ యాంటీ ఇన్ల్ఫమేటరీ, యాంటీ బ్యాక్టీరియల్ గుణాలను కలిగి ఉంటుంది. ఇది గొంతులోని బ్యాక్టీరియాను నివారిస్తుంది. గొంతులో నొప్పి, ఇన్ఫెక్షన్ వంటి సమస్యలను నివారించడంలో ఎఫెక్టివ్‌గా పనిచేస్తుంది.

గాల్ బ్లాడర్ స్టోన్స్: ఉప్పు, మిరియాలు, నిమ్మలతో పాటు ఆలివ్ ఆయిల్ కలిపి తీసుకుంటే గాల్ బ్లాడర్‌లో ఇబ్బందిపెట్టే స్టోన్స్ నివారించవచ్చు. రెగ్యులర్‌గా తీసుకుంటే మెరుగైన ఫలితాలు పొందవచ్చు.

బరువు తగ్గడానికి: ఈ మిశ్రమాన్ని వేడినీటితో కలిపి ప్రతి రోజూ ఉదయాన్నే తీసుకుంటే మీ శరీరం మెటబాలిజం పెరిగి, ఫ్యాట్ బర్నింక్ కెపాసిటీ పెరుగుతుంది. దీనివల్ల బరువు తగ్గడం తేలికవుతుంది.

పంటినొప్పి: గోరు వెచ్చని నీటితో కలిపి ఈ మిశ్రమాన్ని తీసుకోవడం వల్ల యాంటీ ఇన్ల్ఫమేటరీ గుణాలు కలిగి ఉండటం వల్ల పంటినొప్పి నివారిస్తుంది. పుక్కిలించినా పంటినొప్పి నుంచి ఉపశమనం పొందవచ్చు.

ఫ్లూ: ఈ మిశ్రమాన్ని తేనెతో పాటు తీసుకుంటే వైరస్‌లతో పోరాడుతుంది. ఫ్లూ లక్షణాలను కూడా నివారిస్తుంది.

వికారం: ఉప్పు, మిరియాలలో పొట్టలోని యాసిడ్స్‌ని న్యూట్రలైజ్ చేస్తుంది. నిమ్మరసం వికారాన్ని తగ్గిస్తుంది. అలాగే పొట్ట సమస్యలు, లక్షణాలను కూడా తగ్గిస్తుంది.

కల్మీ కబాబ్ రిసిపి ఎలా తయారుచేస్తారో చూద్దాం…

images (23)

కావల్సిన పదార్థాలు:

చికెన్: 1kg (మీడియం సైజ్ ముక్కలుగా కట్ చేసుకోవాలి)

అల్లం వెల్లుల్లి పేస్ట్: 2tsp

ఉప్పు: రుచికి సరిపడా

పెరుగు: 1cup

కుంకుమపువ్వు: చిటికెడు

నిమ్మకాయ రసం: 1tbsp

మైదా: ¼cup

మసాలా కోసం కావల్సిన పదార్థాలు:

లవంగాలు: 3

ఉల్లిపాయ విత్తనాలు(కాలా జీర): ½tsp

చెక్క: 1

బే ఆకు: 1

మిరియాలు: 5

తయారుచేయు విధానం:

1. ముందుగా మసాలాకోసం సిద్దం చేసుకొన్న పదార్థాలన్నింటిని పాన్‌లో వేసి రోస్ట్ చేసుకోవాలి. తర్వాత వీటిని చల్లారనిచ్చి, మిక్సీలో వేసి పొడి చేసుకొని పక్కన పెట్టుకోవాలి.

2. తర్వాత చికెన్ ముక్కలను శుభ్రంగా కడిగి, తడిఆరేవరకూ పక్కన పెట్టుకోవాలి.

3. తర్వత చికెన్ ముక్కలను చిన్న చిన్నగాట్లు పెట్టుకోవాలి.

4. తర్వాత ఒక బౌల్ తీసుకొని అందులో పెరుగు మరియు అల్లం వెల్లుల్లి పేస్ట్, ఉప్పు, కుంకుమ పువ్వు, నిమ్మరసం, మైదా మరియు పొడిచేసుకొన్న మసాలా పౌడర్ వేసి బాగా మిక్స్ చేయాలి.

5. ఈ మిశ్రమంలో చికెన్ ముక్కలను వేసి రెండు మూడు గంటల సమయం మ్యారినేట్ చేసి పెట్టుకోవాలి.

6. తర్వత మైక్రోవేవ్‌లోని గ్రిల్స్‌కు గ్రిల్ చేసి 15-20నిముషాలు మైక్రోవోవెన్‌లో పెట్టాలి.

7. చికెన్ గ్రిల్ క్రింది బాగంలో డ్రిప్ ట్రే పెట్టాలి. చికెన్ పూర్తిగా ఉడికిన తర్వాత ఒక ప్లేట్ లోనికి మార్చుకోవాలి. అంతే చికెన్ కల్మీ కబాబ్ రిసిపి రెడీ.

దగ్గు నుంచి తక్షణ ఉపశమనం కలిగించే హోం రెమెడీ…

download (4)

రెండు టేబుల్ స్పూన్ల తేనె, పావు టీ స్పూన్ మిరియాల పొడిని వేడి పాలల్లో కలపాలి. ఈ డ్రింక్‌ని ప్రతి రోజు రాత్రి భోజనం తర్వాత తీసుకుంటే దగ్గు, దగ్గు లక్షణాలు పూర్తీగా తగ్గిపోతాయి.