Posts Tagged ‘sugar’

బాదుషా ఎలా తయారుచేయాలో చూద్దాం…

download (20)

కావల్సిన పదార్థాలు:

మైదా: 3cups

బట్టర్ : 1/2cup

బేకింగ్ పౌడర్: 1tsp

బేకింగ్ సోడ: 1చిటికెడు

పాలు: 1cup

పంచదార: 2కప్పులు

డ్రై కోకనట్ (తురుముకోవాలి): గార్ణిష్ కోసం కొద్దిగా

నూనె: వేయించడానికి సరిపడా

తయారుచేయు విధానం:

1. ఒక మిక్సింగ్ బౌల్ తీసుకొని అందులో 3కప్పుల మైద మరియు 5 టేబుల్ స్పూన్ల నెయ్యి వేసి బాగా మిక్స్ చేయాలి.

2. తర్వాత అందులోనే బేకింగ్ సోడా మరియు బేకింగ్ పౌడర్ కూడా వేసి బాగా మిక్స్ చేయాలి. ఇప్పుడు అందులోనే పాలు కూడా వేసి పిండిని సాఫ్ట్ గా కలుపుకొని 10 నిముషాలు పక్కన పెట్టుకోవాలి.

3. 10 నిముషాల తర్వాత పిండిలో కొద్దిగా తీసుకొని బాల్ షేప్ చేసుకోవాలి. లేదా ట్రైయాంగిల్ షేప్ లో చుట్టుకోవచ్చు.

4. ఇలా అన్ని తయారుచేసుకొన్న తర్వాత స్టౌ మీద పాన్ పెట్టి అందులో నూనె వేసి కాచాలి.

5. ఇప్పుడు కాగుతున్న నూనెలో రౌండ్ గా చుట్టి పెట్టుకొన్న మైదా పిండిని (పచ్చిబాదుషాను) వేసి రెండు వైపులా బ్రౌన్ కలర్ వచ్చే వరకూ ఫ్రై చేసుకోవాలి.

6. అంతలోపు మరో పాన్ స్టౌ మీద పెట్టి 3-4 కప్పుల నీళ్ళు పోసి రెండు కప్పుల పంచదార వేసి బాయిల్ చేయాలి.బాగా మరిగిస్తుంటే, షుగర్ సిరఫ్ చిక్కగా రెడీ అవుతుంది .

7. ఇప్పుడు నూనెలో వేగించుకొన్న బాదుషాలను షుగర్ సిరఫ్ లో వేయాలి. తర్వాత వాటి మీద డ్రై కోకనట్ పౌడర్ గార్నిష్ చేయాలి . అంతే ఈ ఫెస్టివల్ సీజన్ లో వేడిగా లేదా చల్లగా బాదుషాను సర్వ్ చేయవచ్చు.

అడపాయసం ఎలా తయారుచేయాలో చూద్దాం…

download (5)

కావల్సిన పదార్థాలు:

అడ(రైస్ల్ ప్లాక్స్ లేదా రైస్ చిప్స్): 1packet (వీటిని బియ్యంతో తయారుచేస్తారు)

పాలు: 2ltrs

జీడిపప్పు: 8-10

ద్రాక్ష: 8-10

నెయ్యి: 1cup

కుంకుమపువ్వు: చిటికెడు

పంచదార: 1cup

తయారుచేయు విధానం:

1. ముందుగా ఒక గిన్నెలో నీళ్ళు పోసి బాగా మరిగించాలి. తర్వాత అందులో 100-150గ్రాముల అడ వేసి పక్కన పెట్టుకోవాలి.

2. కొద్దిసేపటి తర్వాత చల్లటి నీటితో శుభ్రం చేసుకోవాలి.

3. ఇప్పుడు ఒక మందపాటి లోతైన గిన్నె తీసుకొని అందులో పాలు పోసి కాగించాలి.

4. పాలు బాగా కాగిన తర్వాత, వేడినీటిలో నానబెట్టుకొన్న అడను వడగట్టుకుని పాలలో వేయాలి.

5. వేసిన తర్వాత మద్యమధ్యలో కలియబెడుతుండాలి. లేదంటే అడుగు భాగం మాడుతుంది మరియు ఉండలు కడుతుంది.

6. ఇప్పుడు అందులో పంచదార వేసి కంటిన్యూగ పంచదార కరిగే వరకూ కలియబెడుతుండాలి.

7. ఇప్పుడు ఒక చిన్న కప్పులో ఒక టేబుల్ స్పూన్ పాలు మరియు చిటికెడు కుంకుమపువ్వు వేసి మిక్స్ కొద్ది సేపు పక్కన పెట్టుకోవాలి.

8. పాయసం చిక్కబడుతున్నప్పుడు అందులో కుంకుమపువ్వు మరియు పాలు వేయాలి.

9. పాన్‌లో, ఒక టేబుల్ స్పూన్ నెయ్యి వేసి వేడి అయ్యాక అందులో జీడిపప్పు, ద్రాక్ష వేసి ఫ్రై చేసుకోవాలి.

10. ఇప్పుడు ఇలా ఫ్రై చేసిన జీడిపప్పు మరియు ద్రాక్షను అడ పాయసంలో వేసి మిక్స్ చేయాలి. చివరగా కొద్దిగా నెయ్యి వేసి మిక్స్ చేయాలి. అంతే అడ పాయసం రెడీ.

చికెన్ గీ రోస్ట్ ఎలా తయారుచేయాలో చూద్దాం…మంగళూరియన్ స్పెషల్ రిసిపి…

download (3)

కావల్సిన పదార్థాలు:

చికెన్: 500gms

కరివేపాకు: రెండు రెమ్మలు

ధనియా (ధనియా పౌడర్): 2tsp

కాశ్మీరీ కారం పొడి: 1tsp

అల్లం వెల్లుల్లి పేస్ట్ : 2tbsp

ఉప్పు: రుచికి సరిపడా

పంచదార: 1tsp

పెప్పర్ పొడి: 2tsp

గరం మసాలా పొడి: 1tsp

జీలకర్ర పొడి: 2 tsp

ఎండు మిర్చి: 2

నెయ్యి: 7tbsp + 2tsp

కొత్తిమీర: 1/2cup(సన్నగా తరిగి పెట్టుకోవాలి)

చింతపండు గుజ్జు: 1tbsp

టమోటో గుజ్జు: 1cup

తయారుచేయు విధానం:

1. ముందుగా పాన్ లో కొద్దిగా నెయ్యివేసి వేడయ్యాక అందులో కరివేపాకు, ఎండుమిర్చి, జీలకర్ర, అల్లం, వెల్లుల్లి పేస్ట్ ఒకదాని తర్వాత ఒకటి వేసి మీడియం మంట మీద ఫ్రై చేసుకోవాలి.

2. తర్వాత అందులో టమోటో గుజ్జు వేసి 5 నిముషాలు ఫ్రై చేసుకోవాలి.

3. 5 నిముషాల తర్వాత ధనియాలపొడి, కాశ్మీర్ రెడ్ చిల్లీ పౌడర్ వేసి మిక్స్ చేస్తూ ఫ్రై చేసుకోవాలి. మసాల నుండి నెయ్యి సపరేట్ గా పైకి తేలే వరకూ ఫ్రై చేసుకోవాలి.

4. ఇప్పుడు అందులోనే మరో రెండు చెంచాల నెయ్యి వేసి, చికెన్ ముక్కలు, ఉప్పు, గరం మసాలా మరియు పెప్పర్ పౌడర్ వేసి మరో 5-10నిముషాలు ఫ్రై చేసుకోవాలి.

5. ఇప్పుడు కొత్తిమీర సగభాగాన్ని ఉడుకుతున్న చికెన్ మీద చిలకరించుకోవాలి. అలాగే పంచదార కూడా చిలకరించి మూత పెట్టి తక్కువ మంట మీద 10 నిముషాలు ఉడికించుకోవాలి.

6. 10నిముషాల తర్వాత మూత తీసి చింత పండు గుజ్జు వేసి మూత పెట్టి మరో 5నిముషాలు, చికెన్ మెత్తగా ఉడికే వరకూ ఉడికించుకోవాలి.

7. చికెన్ ఉడికన తర్వాత స్టౌ ఆఫ్ చేసి మిగిలిన కొత్తిమీర తరుగుతో గార్నిష్ చేయాలి. అంతే చికెన్ గీ రోస్ట్ రెడీ . ఈ రుచికరమైన చికెన్ రిసిపిని దోసె మరియు చపాతీలతో సర్వ్ చేయాలి.

మోచేయి నలుపు తగ్గించే సులభ చిట్కాలు…

images (50)

నిమ్మరసం: నిమ్మతొక్కను పంచదార లేదా ఉప్పు లో డిప్ చేసి, మోచేతుల మీద స్ర్కబ్ చేయడం వల్ల మంచి ఫలితం ఉంటుంది. ఇలా క్రమం తప్పకుండా చేస్తే త్వరగా మార్పు వస్తుంది.

షుగర్ స్ర్కబ్: చేతులను చల్లటి నీటితో కడిగి, తర్వాత పంచదార చిలకరించి స్క్రబ్ చేయాలి. ముఖ్యంగా మోచేతుల దగ్గర స్ర్కబ్ చేయడం వల్ల నలుపుతగ్గతుంది.

కోవా కోకనట్ బర్ఫీ ఎలా తయారుచేయాలో తెలుసుకుందాం…

images (72)

కావల్సిన పదార్థాలు:

కొబ్బరి (తురుము) – 1 cup

కోవ – 1 cup

పాలు – 1 cup

మిల్క్ పౌడర్ – 1tbsp

షుగర్ -1cup

యాలకలు – 1/4 tbsp

నెయ్యి – 4 to 5tbsp

తయారుచేయు విధానం:

1. పాన్ లో నెయ్యి, కొబ్బరి తురుము వేసి రెండు నిముషాలు ఫ్రై చేసుకోవాలి.

2. తర్వాత మరో పాన్ లో కోవ మరియు ఒక కప్పు షుగర్ వేసి మిక్స్ చేస్తూ కరిగించాలి.

3. ఇప్పుడు అందులోనే ముందుగా ఫ్రై చేసుకొన్న కొబ్బరి తురుము మరియు ఒక టేబుల్ స్పూన్ మిల్క్ పౌడర్ వేసి మిక్స్ చేయాలి.

4. ఇప్పుడు ప్లేట్ తీసుకొని అందులో రెండు చెంచాల నెయ్యి వేసి ప్లేట్ మొత్తం స్ప్రెడ్ చేయాలి.

5. ఇప్పడు పాన్లో ఉడుకుతున్న మిశ్రమాన్ని వేసి ప్లేట్ మొత్తం స్ప్రెడ్ చేయాలి.

6. కొద్దిగా చల్లారిన తర్వాత చేతిలోనికి నిమ్మకాయంత తీసుకొని ఉండలు చుట్టుకోవచ్చు. లేదా చాకుతో చతురస్రాకారంలో మీకు కావల్సిన సైజ్ లో కట్ చేసుకోవచ్చు. అంతే కోవ కోకనట్ బర్ఫీ రెడీ.

గసగసాలతో స్వీట్ హల్వా ఎలా తయారుచేయాలో చూద్దాం…

download (4)

కావల్సిన పదార్థాలు:

గసగసాల : 100grms

చక్కెర: 1/2cup

పాలు: 2cups

నెయ్యి : 1/2cup

ఏలకులు : 4-5(పొడి చేసుకోవాలి)

బాదం: 5-6(గార్నిష్ చేయడానికి)

తయారుచేయు విధానం:

1. ముందుగా గసగసాలను శుభ్రంగా కడిగి, సన్నగా ఉన్న మట్టి, దుమ్మును తొలగించాలి. (చాలా చిన్నగా ఉండటం వల్ల కాఫీ ఫిల్టర్ లేదా కాఫీ స్ట్రెయినర్‌లో వేసి శుభ్రం చేయాలి)

2. తర్వాత నీరు పూర్తిగా కారిపోయే వరకూ అలాగే ఉంచాలి.

3. తర్వత స్టౌ మీద మంద పాటి పాన్ పెట్టి అందులో నెయ్యి వేసి వేడి అయ్యాక అందులో గసగసాలు వేసి, తక్కువ మంట మీద అవి బ్రౌన్ కలర్ వచ్చేవరకూ అలాగే ఉండనివ్వాలి.

4. ఇప్పుడు అందులో పాలు పోసి మరిగించాలి. అలాగే యాలకలపొడి వేసి మీడియం మంట మీద మొత్తం పాలు గట్టిగా ఇమిరిపోయే వరకూ మీడియం మంట మీద ఉడికించాలి. మద్యమద్యలో కలియబెడుతుండాలి.

5. పాలు బాగా మరుగుతున్నప్పుడే, అందులో షుగర్ కూడా జోడించి బాగా మిక్స్ చేయాలి. పాలు చిక్కబడి, గసగసాలతో కలిసిపోయి మొత్తగా ఉడికి హల్వ లా తయారైనప్పుడు బాదంతో గార్నిష్ చేయాలి.

అప్పర్ లిప్ హెయిర్‌ను తొలగించే ఎఫెక్టివ్ హోం రెమెడీస్…

download (15)

– షుగర్, నిమ్మరసం: ఒక బౌల్లో షుగర్ తీసుకొని అందులో నిమ్మరసం వేసి బాగా మిక్స్ చేయాలి. పేస్ట్‌గా మారిన తర్వాత అప్పర్ లిప్ మీద అప్లై చేసి సున్నితంగా మర్ధన చేయాలి. స్ర్కబ్ చేసిన 15నిమిషాల తర్వాత ఫేస్ వాష్ చేసుకోవాలి. ఇలా వారానికొకసారి చేస్తుంటే మంచి ఫలితం ఉంటుంది.

– పసుపు, పాలు: పసుపు, పాలను ఒక బౌల్లో తీసుకొని మిక్స్ చేయాలి. పేస్ట్‌లా చేసుకున్నాక, ఈ పేస్ట్‌ను అవాంఛిత రోమాలున్న ప్రదేశంలో అప్లై చేసి మర్ధన చేయాలి. 10నిమిషాల తర్వాత చల్లటి నీటితో శుభ్రం చేసుకోవాలి.

– ఎగ్ వైట్: అప్పర్ లిప్ హెయిర్ తొలగించడానికి ఎగ్ వైట్ బాగా సహాయపడుతుంది. ఎగ్ వైట్‌లో కొద్దిగా షుగర్, కార్న్ ఫ్లోర్ వేసి బాగా మిక్స్ చేసి పై పెదవుల మీద అప్లై చేసి డ్రై అయిన అరగంట తర్వాత పీలింగ్‌లా తొలగించాలి. ఈ పద్దతిని వారంలో రెండు సార్లు చేస్తుంటే మంచి ఫలితం ఉంటుంది.

– శెనగపిండి: కొన్ని వందల సంవత్సరాల నుండి శెనగపిండిని బ్యూటీ ప్రొడక్ట్‌గా ఉపయోగిస్తున్నారు. ఫేషియల్స్ కోసం ఉపయోగిస్తున్నారు. శెనగపిండిలో కొద్దిగా పసుపు, సరిపడా నీరు పోసి పేస్ట్ చేసి అప్పర్ లిప్ ఏరియాలో అప్లై చేసి మర్ధన చేయాలి. 15నిమిషాల తర్వాత శుభ్రం చేసుకుంటే అవాంఛిత రోమాలు తొలగిపోతాయి.

రోజ్ మిల్క్ షేక్ ఎలా తయారుచేయాలో చూద్దాం…

download (13)

కావల్సిన పదార్థాలు:

పాలు: 2cups

వెనీల ఐస్ క్రీమ్: 2big scoops

సిరఫ్ కోసం:

పంచదార: 3/4cup (150grms)

నీళ్ళు: 100ml

రోజ్ మిల్క్ ఎసెన్స్: 1tbsp

తయారుచేయు విధానం:

1. ముందుగా ఒక చిన్న గిన్నెలో పంచదార వేసి స్టౌ మీద పెట్టి తగినన్ని నీళ్ళు పోయాలి.

2. మీడియం మంట మీద బాగా మరిగించాలి. పంచదార బాగా కరిగిపోయి, సిరప్ తయారయ్యే ప్పుడు అందులో రోజ్ మిల్క్ ఎసెన్స్ ను జోడించి బాగా మిక్స్ చేయాలి.

3. ఇప్పడు స్టౌ ఆఫ్ చేసి పూర్తిగా చల్లారనివ్వాలి. దీన్ని ఒక గ్లాసులో పోసి ఫ్రిజ్ లో స్టోర్ చేసి అవసరం అయినప్పుడు ఉపయోగించుకోవచ్చు.

4. ఇప్పుడు బ్లెండర్ లో పాలు పోసి , తర్వాత ఒక టేబుల్ స్పూస్ రోజ్ సిరఫ్ వేసి, దాంతో పాటు ఐస్ క్రీమ్ కూడా వేసి బ్లెడ్ చేయాలి. ఇలా చేయడం వల్ల స్మూతీ షేక్ తయారవుతుంది.

5. అంతే రోజ్ మిల్క్ షేక్ రెడీ. గ్లాసులో పోసి చల్లచల్లగా సర్వ్ చేయాలి.

డయాబెటిస్‌ను నివారించుకోవాలంటే…రిలాక్స్‌గా ఉండండి…

images (94)
మధుమేహవ్యాధిని నియంత్రించుకోవాలంటే తప్పకుండా ఒత్తిడిని తగ్గించుకోవాల్సిందే అంటున్నారు ఆరోగ్య నిపుణులు. ఒత్తిడి వల్ల చక్కెర స్థాయి పెరుగుదలకు కారణమైన క్లోమము నుండి ఇన్సులిన్ స్రావ స్థాయి తగ్గుతుంది. కాబట్టి ఒత్తిడికి గురి అయిన ప్రతిసారి మీలో ఇన్సులిన్ స్రావ స్థాయి తగ్గుతుంది. అందుచేత సునాయాసంగా డయాబెటిస్‌ను నియంత్రించుకోవచ్చునని నిపుణులు సూచిస్తున్నారు.
ఇకపోతే. టీ తయారు చేసినప్పుడు, దానికి కొన్ని దాల్చిన చెక్క ముక్కలను జోడించండి. దాల్చినచెక్క పెరిగిన చక్కెర స్థాయిని తగ్గించే ఉత్తమ ద్రవ్యాలలో ఒకటి. ఇది టీని తీపిగా చేస్తుంది అందువలన మీరు అదనపు చక్కెర జోడించే అవసరం లేదు. తద్వారా మధుమేహాన్ని తగ్గించుకోవచ్చునని ఆరోగ్య నిపుణులు అంటున్నారు.

మ్యాంగో కుల్ఫీ ఎలా తయారుచేయాలో చూద్దాం…

fb2ce5cf-c504-4499-bf6e-9e1ee55938f8

కావల్సిన పదార్థాలు:

పాలు: 3cups

కండెన్స్డ్ మిల్క్: 1/2cup

మామిడి గుజ్జు: 1cup

మిల్క్ పౌడర్: 1/2cup

యాలకులు: 1tsp

పంచదార: 2tbsp

తయారు చేయు విధానం:

1. ముందుగా డీప్ బాట్ వెజల్ తీసుకొని, అందులో పాలు, కండెన్డ్స్ మిల్క్, పంచదార మరియు మిల్క్ పౌడర్ అన్నీ వేసి బాగా మిక్స్ చేసి స్టౌ మీద పెట్టి బాగా ఉడికించి కోవాలి.

2. కొదిసేపు బాగా ఉడికిన తర్వాత మంట పూర్తిగా తగ్గించి 15-20నిముషాలు ఉడికించుకోవాలి.

3. ఈ మిశ్రమం ఉడుకుతుండగానే అందులో యాలకుల పొడి వేసి బాగా మిక్స్ చేయాలి.

4. తర్వాత స్టౌ ఆఫ్ చేసి ఈ మిశ్రమాన్ని పూర్తిగా చల్లారనివ్వాలి.

5. ఒక్కసారి ఇది పూర్తిగా చల్లారిన తర్వాత ఈ మిశ్రమంలో మామిడి గుజ్జును వేసి బాగా మిక్స్ చేయాలి.

6. ఇప్పుడు ఈ మిశ్రమాన్ని కుల్పీ మౌల్డ్స్ (కుల్ఫీ అచ్చుల్లో)పోసి ఫ్రిజ్ లో పెట్టాలి. కుల్ఫీ సెట్ అయ్యే వరకూ కనీసం 6-8గంటల సమయం ఫ్రిజ్ లో ఉంచాలి.

7. 8గంటల తర్వాత కుల్ఫీ సెట్ అవ్వగానే ఫ్రిజ్ లో నుండి బయటకు తీసి మౌల్డ్స్ ను కుల్ఫీలను వేరు చేసి, సర్వ్ చేయాలి. అంతే మ్యాంగో కుల్పీ రెడీ.