Posts Tagged ‘Tearless Tips for Chopping Onions’

కంట్లో నీళ్ళు రాకుండా ఉల్లిపాయలు తరగడం ఎలా…

download (11)

నీళ్ళలో వేయాలి: ఉల్లిపాయ పొట్టు తీసిన తర్వాత నీటిలో వేయడం అందరికీ తెలిసిందే. అయితే వీటిని సగానికి ముక్కలుగా కోసిన తర్వాత నీటిలో వేయడం మంచిది. దీనివల్ల ఎక్కువ ప్రయోజనం ఉంటుంది.

గాలి ప్రసరించే చోట: గాలి బాగా ప్రసరించే చోట మాత్రమే ఉల్లిపాయలను కోయాలి. అలాగని ఫ్యాక్ కింద కూర్చుని కోయడం కూడా మంచిది కాదు. కిచెన్ లో ఉల్లిపపాయలు కోస్తున్నప్పుడు ఎగ్జాస్టింగ్ ఫ్యాన్ కి దగ్గరలో నిల్చుంటే కళ్లు ఎక్కువగా మండకుండా ఉంటాయి.

ఫ్రిజ్ లో : కోసే ముందు ఉల్లిపాయలను కాసేపు ఫ్రిజ్ లో పెట్టడం ద్వారా కూడా కంటి నుంచి నీరు రాకుండా ఉంటుంది. ఇలా చేయడం వల్ల ఉల్లిపాయల్లో ద్రవరూపంలో ఉన్న రసాయనాలు గడ్డకట్టడం వల్ల వాటిని కోసినప్పుడు అవి తక్కువగా విడుదలవుతాయి.

చాపింగ్ బోర్డ్: సగానికి తరిగిన ఉల్లిపాయను చాపింగ్ బోర్డుపై బోర్లించడం ద్వారా కూడా రసాయనాల విడుదల తగ్గి కంటి నుంచి నీరు రాకుండా ఉంటుంది.

కొద్దిగా వేడిగా ఉండేలా: ఉల్లిపాయలు కోసే ప్రదేశంలో ఒక కొవ్వొత్తిని వెలిగించినా కూడా కంటి నుంచి నీరు రాకుండా ఉంటుంది. మండుతున్న గ్యాస్ స్టౌవ్ కి దగ్గరగా ఉల్లిపాయల్ని కోసినా కళ్లు మండే అవకాశం చాలా తక్కువగా ఉంటుంది. ఇంకెందుకు ఆలస్యం ఉల్లిపాయ కట్ చేసేప్పుడు ఈ చిట్కాలు పాటించండి..కన్నీళ్ళకు చెక్ పెట్టండి.