Posts Tagged ‘tomato’

మేతి టమోటో రైస్ బాత్ ఎలా తయారుచేయాలో తెలుసుకుందాం…

images

కావల్సిన పదార్థాలు:

టమోటోలు: 3 (chopped)

మేతి(మెంతి ఆకులు): 3 cups (chopped)

అన్నం: 3 cups (cooked)

ఉల్లిపాయ పేస్ట్: 1/4 cup

వెల్లుల్లి పేస్ట్: 2tsp

పచ్చిమిర్చి పేస్ట్: 2 (slit)

పసుపు: 1tsp

కారం: 1tsp

జీలకర్ర: 1tsp

ధనియాలపొడి: 1tsp

ఉప్పు: రుచికి సరిపడా

జీలకర్ర: 1tsp

ఆవాలు: 1tsp

కరివేపాకు : రెండు రెమ్మలు

నూనె: 2tbsp

తయారుచేయు విధానం:

1. ముందుగా పాన్ లో కొద్దిగా నూనె వేసి వేడయ్యాక అందులో జీలకర్ర, ఆవాలు, కరివేపాకు వేసి ఒక నిముషం ఫ్రై చేసుకోవాలి.

2. పోపు వేగిన తర్వాత అందులో పచ్చిమిర్చి, ఉల్లిపాయ పేస్ట్, వెల్లుల్లి పేస్ట్ వేసి మరో 5 నిముషాలు ఫ్రై చేసుకోవాలి.

3. ఇప్పుడు అందులో టమోటోలు, పసుపు, కారం, జీలకర్ర పొడి, ధనియాల పొడి వేసి మిక్స్ చేస్తూ మీడియం మంట మీద మరో 5నిముషాలు ఫ్రై చేసుకోవాలి.

4. ఇప్పుడు అందులో మెంతిఆకులు కూడా వేసి మరో 5 నిముషాలు ఫ్రై చేసుకోవాలి.

5. తర్వాత రుచికి సరిపడా ఉప్పు వేసి మిక్స్ చేయాలి. మెంతి ఆకులు మెత్తగా ఉడికే వరకూ ఫ్రై చేసుకోవాలి.

6. ఇప్పుడు అందులో ముందుగా వండి పెట్టుకొన్న అన్నం వేసి నిధానంగా మొత్తం మిశ్రం కలగలిసేలా మిక్స్ చేయాలి. తర్వాత స్టౌ ఆఫ్ చేసి వేడి వేడిగా సర్వ్ చేయాలి.

7. అంతే హెల్తీ అండ్ టేస్టీ ఐరన్ రిచ్, మేతి టమోటో రైస్ బాత్ రిసిపి రెడీ. ఈ హెల్తీ మీల్ ను పెరుగు మరియు మీకు నచ్చిన కర్రీతో సర్వ్ చేయవచ్చు.

మిక్స్డ్ వెజిటేబుల్ సాంబార్ ఎలా తయారుచేయాలో చూద్దాం…

images (53)

కావలసిన పదార్థాలు:

కూరగాయ ముక్కలు: 3cups(బెండకాయలు, టొమాటో, మునగకాడ, సొరకాయ, ఉల్లిపాయలు, క్యారట్, ముల్లంగి, దోస, తోటకూర)

చింతపండు: పెద్ద నిమ్మకాయంత(నానబెట్టి రసం తీయాలి)

ఉప్పు: తగినంత

నూనె: సరిపడా

పసుపు: 1/4tsp

ఇంగువ: 1/4tsp

రసం పొడి: 1tsp

ఎండు మిర్చి: 5

పచ్చి మిర్చి: 5(మధ్యకు పొడవుగా కట్ చేయాలి)

ఆవాలు: 1tsp

జీలకర్ర: 1tsp

బియ్యప్పిండి: 1tbsp

బెల్లం పొడి: 1tbsp

కొత్తిమీర: చిన్న కట్ట

కరివేపాకు: 2రెమ్మలు

తయారు చేయు విధానం:

1. ముందుగా అన్ని కూరగాయ ముక్కలను ఒక గిన్నెలో వేసి, తగినంత ఉప్పు, నీళ్లు జత చేసి ఉడికించాలి.

2. తర్వాత చింతపండు రసం వేసి మరిగించాలి.

3. తర్వాత చిన్న పాన్ లో నూనె వేసి కాగాక ఇంగువ, ఆవాలు, జీలకర్ర, ఎండు మిర్చి, పచ్చి మిర్చి వేసి వేయించి, మరుగుతున్న పులుసులో వేయాలి.

4. కొద్దిసేపటి తర్వాత ఒక టేబుల్ స్పూన్ బెల్లం పొడి వేసి మరోమారు కలపాలి. చిన్న గిన్నెలో కొద్దిగా నీళ్లలో బియ్యప్పిండి వేసి ఉండలు లేకుండా కలిపి, ఉడుకుతున్న పులుసులో వేసి మరిగించాలి.

5. కొత్తిమీర, కరివేపాకు, రసం పొడి, పసుపు వేసి బాగా కలిపి దించేయాలి. అంతే మిక్డ్స్ వెజిటేబుల్ సాంబార్ రెడీ…

డీప్ మష్రూమ్ కర్రీ ఎలా తయారుచేయాలో చూద్దాం…

images (100)

కావలసిన పదార్థాలు:

మష్రూమ్స్: 2cups

చింతపండు: కొద్దిగా(నీళ్లలో నానబెట్టాలి)

ఉప్పు: రుచికి తగినంత

గరంమసాలా: 1tsp టీ స్పూను

శనగపప్పు: 1tbsp

మిరియాల పొడి: tsp

నూనె: 2tsp

ఆవాలు: 1/2tsp

ఎండుమిర్చి: 2

కొత్తిమీర: కొద్దిగా

ఉల్లిపాయ: 1ముక్కలుగా కట్ చేసుకోవాలి

టొమాటో ముక్కలు: 1/2cup

కరివేపాకు: 2 రెమ్మలు

తయారు చేయు విధానం:

1. ముందుగా చింతపండు గుజ్జు తీసి పక్కన ఉంచాలి.

2. తర్వాత పాన్ లో శనగపప్పు వేసి వేయించి మిరియాలపొడి జతచేసి కలిపి తీసేయాలి.

3. ఇప్పుడు పాన్‌లో నూనె కాగాక కరివేపాకు, ఆవాలు, ఎండుమిర్చి వేసి వేయించాక, ఉల్లిపాయ, టొమాటో ముక్కలు కూడా వేసి వేయించాలి.

4. అలాగే మష్రూమ్‌ ముక్కలు కూడా వేసి, ఉప్పు వేసి బాగా కలిపి, మూతపెట్టి, ఉడికించాలి.

5. తర్వాత చింతపండు గుజ్జు జత చేసి పది నిముషాలయ్యాక, గరం మసాలా వేసి 5 నిముషాలు ఉడికించి దించేయాలి.

6. చివరగా కొత్తిమీరతో గార్నిష్‌ చేయాలి. అంతే డీప్ మష్రుమ్ కర్రీ రెడీ.

వంకాయ మరియు టమోటో రిసిపి ఎలా తయారుచేయాలో చూద్దాం…

images (1)

కావల్సిన పదార్థాలు:

వంకాయ: 4 (చిన్న ముక్కలుగా కట్ చేసుకోవాలి)

ఉల్లిపాయ : 1(చిన్న ముక్కలుగా తరిగి పెట్టుకోవాలి)

ఆయిల్ : ¼tsp

వెల్లుల్లి రెబ్బలు: 4- 5

టొమాటోస్ : 4 (సన్నగా తరిగినవి)

నీళ్ళు :1cup

కారం : 1 tbsp

దాల్చిన : చిన్నముక్క

బే ఆకు: 1

ఉప్పు : రుచికి సరిపడా

పసుపు పొడి :1tsp

జీలకర్ర పొడి : 1 tsp

గరం మసాలా పొడి : ½tsp

కొత్తిమిర : సన్నగా తరిగి పెట్టుకోవాలి

పచ్చిబఠానీలు : ½cup(ఉడికించినవి)

తయారుచేయు విధానం:

1. ముందుగా వంకాయలను ముక్కలుగా కట్ చేసి నీటిలో వేసి కొద్దిసేపు ఉండనిచ్చి తర్వాత పక్కన తీసి పెట్టుకోవాలి.

2. పాన్ లో కొద్దిగా నూనె వేసి వేడి చేయాలి. వేడిఅయ్యాక అందులో సన్నగా కట్ చేసుకొన్న ఉల్లిపాయముక్కలు మరియు వెల్లుల్లి వేసి బ్రౌన్ కలర్ వచ్చే వరకూ ఫ్రై చేసుకోవాలి.

3. 10నిముషాల తర్వాత అందులో సన్నగా తరిగిన టమోటో, వంకాయ ముక్కలు వేసి మరో 5నిముషాలు ఫై చేయాలి. తర్వాత కొద్దిగా నీరు, కారం, ఉప్పు, బిర్యానీ ఆకు, దాల్చిన చెక్క, పసుపు, జీలకర్ర పొడి, గరం మసాలా మరియు కొత్తిమీర తరుగు వేసి ,మొత్తం మిశ్రమాన్ని ఒకసారి కలియబెట్టి, తర్వాత మూత పెట్టి 10నిముషాలు ఉడకనివ్వాలి.

4. పదినిముషాల తర్వాత మూత తీసి, అందులో ముందుగా ఉడికించుకొన్న పచ్చిబఠానీలను వేసి, మొత్తం మిశ్రమాన్ని కలగలుపుకోవాలి అంతే గ్రేవీ చిక్కబడే వరకూ ఉడికించి తర్వాత స్టౌ ఆఫ్ చేసుకోవాలి.

స్పైసీ టమోటో గార్లిక్ చట్నీ రిసిపి తయారీ విధానం చూద్దామా…

andhra-tomato-pickle

కావాల్సిన పదార్ధాలు:

సన్నగా తరిగిన టమాటాలు-ఒక కప్పు

సన్నగా తరిగిన వెల్లుల్లి-ఒక టేబుల్ స్పూను

నూనె-ఒక టేబుల్ స్పూను

ఉల్లి కాడల తరుగు(తెల్ల భాగం)-పావు కప్పు

ముందర నీళ్ళల్లో నానబెట్టుకుని సన్నగా తరిగిన కాశ్మీరీ మిరప పళ్ళు-2

టమాటా కెచప్-ఒక టేబుల్ స్పూను

ఉల్లి కాడల తరుగు(ఆకు పచ్చని భాగం)- ఒక టేబుల్ స్పూను

సన్నగా తరిగిన కొత్తిమీర-ఒక టేబుల్ స్పూను

ఉప్పు-రుచికి తగినంత

తయారీ విధానం:

1. ముందుగా ఒక మూకుడులో నూనె వేడి చేసి ఉల్లికాడల తెల్ల భాగం వేసి వేయించాలి.

2.దీనికి వెల్లుల్లి తరుగు వేసి బాగా కలపాలి. ఎక్కువగా వేయించకూడదు సుమా. లేదంటే చట్నీ చేదెక్కే ప్రమాదం ఉంది.

3.ఇప్పుడు నానబెట్టి సన్నగా తరిగిన కాశ్మీరీ మిర్చి వేసి కాస్త వేగాకా టమాటా తరుగు కూడా కలిపి బాగా వేగనివ్వాలి.

4.ఒకవేళ ఈ మిశ్రమం బాగా గట్టిగా ఉంటే టమాటాలు ఉడకడానికి కాసిని నీళ్ళు చల్లి స్టవ్ మంట పెద్దగా పెట్టి కాసేపు ఉడకనివ్వండి.

5.టమాటాలు ఉడికేటప్పుడు గరిటెతో చిదమడం మర్చిపోవద్దు.ఇప్పుడు ఈ టమాటా మిశ్రమానికి టమాటా కెచప్ కలపాలి. టమాటా కెచప్ చట్నీకి కాస్త తీపి-పులుపు రుచిని తీసుకొస్తుంది.

6.ఇప్పుడు అన్నింటినీ మరొక్కసారి బాగా కలిపి స్టవ్ ఆపాలి.

7.చట్నీ పూర్తిగా చల్లారాకా ఉల్లికాడల ఆకుపచ్చని భాగం, కొత్తిమీర వేసి గార్నిష్ చెయ్యడమే. అంతే, టమాటా వెల్లుల్లి చట్నీ తయారయిపోయింది. దీనిని సమూసాలు, పకోడీలకి జతగా మీ అతిధులకి వడ్డించండి.

షహీ కోప్తా షొర్భా రిసిపి ఎలా తయారుచేయాలో చూద్దాం…

download (8)

కావల్సిన పదార్థాలు:

కోఫ్తాకు కావల్సిన పదార్థాలు:

బీఫ్: 500grms

గుడ్డు: 1(పగులగొట్టిలోపలి సొన తీసుకోవాలి)

ఉల్లిపాయ: 1(సన్నగా కట్ చేసుకోవాలి)

అల్లం వెల్లల్లి: 2tsp

పచ్చిమిర్చి: 2(సన్నగా కట్ చేసుకోవాలి)

కొత్తిమీర: 1కట్ట(సన్నగా తరగాలి)

పుదీనా: 1/2 కట్ట(సన్నగా తరగాలి)

ఉప్పు: రుచికి సరిపడా

నూనె: డీప్ ప్రైయింగ్కి సరిపడా

కర్రీ కోసం కావల్సిన పదార్థాలు:

ఉల్లిపాయలు: 3(సన్నగా తరగిపెట్టుకోవాలి)

అల్లం వెల్లుల్లి పేస్ట్ : 1tbsp

టమోటో: 2(సన్నగా తరిగిపెట్టుకోవాలి)

పసుపు: 1tsp

కారం: 1tsp

గరం మసాలా: 1tsp

ధనియాల పొడి: 1tsp

యాలకులపొడి: 1/2tsp

ఉప్పు: రుచికి సరిపడా

ఆయిల్: 2tbsp

నీళ్ళు: 1cup

కొత్తిమీర: 2tbsp(సన్నగా తరిగిపెట్టుకోవాలి)

ఫ్రెష్ క్రీమ్ : 2tbsp

తయారుచేయు విధానం:

1. ముందుగా మటన్‌ను శుభ్రంగా కడగాలి. తర్వాత కోఫ్తాలకు సిద్దం తీసుకొన్న పదార్థాలన్నింటిని ఒక మిక్స్ బౌల్లో వేసి (నూనె మినహాయించాలి)అన్నింటిని బాగా మిక్స్ చేయాలి. ఈ మిశ్రమాన్ని చిన్న చిన్న ఉండలుగా చేయాలి.

2. డీప్ ఫ్రౌయింగ్ పాన్‌లో నూనె వేసి కాగిన తర్వాత కోఫ్తా ఉండలను, కాగే నూనెలో వేసి ఫ్రై చేసుకోవాలి.

3. నూనెలో కోఫ్తాలను వేసి బ్రౌన్ కలర్ వచ్చేవరకూ మీడియం మంట మీద ఫ్రై చేసుకొని పక్కన పెట్టుకోవాలి.

4. ఇప్పుడు పాన్‌లో కొద్దిగా నూనె వేసి వేడయ్యాక అందులో ఉల్లిపాయ ముక్కలు, బ్రౌన్ కలర్ వచ్చే వరకూ వేగించుకోవాలి.

5. తర్వాత అల్లం, వెల్లుల్లి పేస్ట్ వేసి మరో 2, 3 నిముషాలు ఫ్రై చేసుకోవాలి.

6. తర్వాత టమోటో, పసుపు, కారం, ధనియాలపొడి, గరం మసాలా, ఉప్పు వేసి 5నుండి6 నిముషాలు ఫ్రై చేసుకోవాలి.

7. కొద్దిగా నీళ్ళు పోసి చిక్కటి గ్రేవీ అయ్యే వరకూ 2-3నిముషాలు ఉడికించుకోవాలి.

8. గ్రేవీ చిక్కబడిన తర్వాత అందులో ఫ్రైడ్ కోఫ్తాలను వేసి, మూత పెట్టి 10-15నిముషాలు తక్కువ మంట మీద ఉడికించుకోవాలి.

9. తర్వాత మూత తీసి, యాలకుల పొడి చిలకరించి, కోఫ్తాలు పూర్తిగా ఉడికిన తర్వాత, స్టౌ ఆఫ్ చేయాలి.

10. చివరగా కొత్తిమీర తరుగు మరియు ఫ్రెష్ క్రీమ్తో గార్నిష్ చేయాలి. అంతే షహీ కోఫ్తా షొరబ రెడీ. ఈ రుచికరమైన బీఫ్ రిసిపిని రోటి లేదా పరోటాలతో సర్వ్ చేయండి.

మేతి పన్నీర్ రైస్ రిసిపి ఎలా తయారుచేయాలో చూద్దాం…

download (8)

మెంతిఆకులు : 2 కట్టలు ( 150 gms) (శుభ్రంగా కడిగి సన్నగా తరిగి పెట్టుకోవాలి)

పన్నీర్: 1 cup (కావాల్సిన సైజ్‌లో కట్ చేసుకోవాలి)

ఉల్లిపాయలు: 1/2 cup (సన్నగా కట్ చేసుకోవాలి)

వెల్లుల్లి రెబ్బలు: 5 to 6 (సన్నగా తరిగి పెట్టుకోవాలి)

పచ్చిమిర్చి: 2 (సన్నగా తరిగి పెట్టుకోవాలి)

నిమ్మకాయ: 1 రసంతీసి పక్కన పెట్టుకోవాలి

బియ్యం: 1 cup

ఉప్పు : రుచికి సరిపడా

గరం మసాలా: 1/2 tsp

తయారుచేయు విధానం:

1. ముందుగా పనీర్ పాన్‌లో కొద్దిగా నూనె వేసి వేడి చేసుకోవాలి. వేడి అయ్యాక అందులో పనీర్ ముక్కలు వేసి గోల్డ్ బ్రౌన్ కలర్ వచ్చే వరకూ ఫ్రై చేసుకోవాలి.

2. అదే పాన్‌లో మరికొద్దిగా నూనె వేసి వేడి చేసి, అందులో ఉల్లిపాయ మరియు వెల్లుల్లి ముక్కలు వేసి బ్రౌన్ కలర్ వచ్చే వరకూ ఫ్రై చేసుకోవాలి.

3. తర్వాత అందులోనే సన్నగా తరిగిన మెంతి ఆకులలు, పచ్చిమిర్చి వేసి 1 నిముషం వేగించుకోవాలి.

4. తర్వాత ఇందులోనే శుభ్రంగా కడిగి పెట్టుకొన్న బియ్యం, సరిపడా నీళ్ళు పోయాలి. దీనితో పాటే గరం మసాలా, నిమ్మరసం వేసి మొత్తం మిశ్రమం మిక్స్ చేసి, అన్నం వండుకోవాలి.

5. ఇప్పుడు ముందుగా ఫ్రై చేసి పెట్టుకొన్న పనీర్ ముక్కలను వేసి మొత్తం మిశ్రమం కలగలుపుకోవాలి. అంతే మేతీ పనీర్ రైస్ రెడీ, వేడి వేడిగా సర్వ్ చేయాలి.

6. మీకు నచ్చిన రైతాతో సర్వ్ చేస్తే చాలా టేస్టీగా ఉంటుంది.

ముక్కు మీద జిడ్డును తొలగించే ఉత్తమ ఫేస్ ప్యాక్స్…

images

 

అరటి తొక్క:

ఆయిల్ స్కిన్ తొలగించడంలో అరటి తొక్క గ్రేట్ గా సహాయపడుతుంది. అరటి పండు తిన్న తర్వాత తొక్కతో ముఖం మీద మర్ధన చేయడంవల్ల ఇది మంచి ఫలితం ఉంటుంది.

టమోటో:

ముక్కు మీద ఉండే ఆయిల్ మరియు జిడ్డును తొలగించడంలో టమోటో పేస్ట్ బాగా సహాయపడుతుంది.

స్ట్రాబెర్రీ క్రష్:

ఆయిల్ స్కిన్ నివారించడంలో స్ట్రాబెర్రీ గొప్పగా సహాయపడుతుంది. ఇందులో  చాలా ఎఫెక్టివ్ గా పనిచేసి సమస్యను త్వరగా నివారిస్తుంది. స్ట్రాబెర్రీని మెత్తగా చేసి ముఖానికి ప్యాక్ లా వేసి శుభ్రం చేయాలి. ఇలా వారంలో రెండు మూడు సార్లు చేస్తుంటే సమస్య పరిష్కారం అవుతుంది.

రక్తపోటును తగ్గించే ఆహారం…చిట్కాలు…

images (33)
రక్తపోటు సమస్య తీవ్రతను బట్టి మందులను వైద్యుల సలహా మేరకు వాడాల్సి ఉంటుంది. అయితే కేవలం మందుల మీదే పూర్తిగా ఆధారపడకుండా ఆహారంతో కూడా దాన్ని తగ్గించుకునే ప్రయత్నం చేయాలి. రక్తపోటు సమస్య అధికంగా ఉన్నవాళ్లు ఎలాంటి ఆహారం తీసుకోవాలో ఓసారి పరిశీలిద్దాం.
అధికంగా రక్తపోటు కలిగిన వారు ముఖ్యంగా పచ్చి టమోటాలను ఎక్కువగా తినాలి. టమోటాలలోని లైకోపిన్ రక్తపోటును బాగా తగ్గిస్తుంది. పండ్లు కూరగాయల రసాలు వాటిలోని పొటాషియం, రక్తకణాలు వ్యాకోచించేలా చేస్తుంది. క్రమం తప్పకుండా వీటిని తీసుకోవాలి. వీలైనంత వరకు రక్తపోటు ఉన్నవారు కాఫీ తాగడం తగ్గించాలి. వీలైతే మానెయ్యాలి.
వంటకు నువ్వుల నూనె వాడండి. అది రెండు నెలల్లో బీపీని కంట్రోల్ చేయడం లేదా తగ్గించే అవకాశం ఉందని వైద్యులు చెపుతున్నారు. అలాగే శ్వాస మీద దృష్టి పెట్టి ధ్యానం, యోగా వంటివి చేసినా ఒత్తిడి తగ్గుతుందని వైద్యులు సలహా ఇస్తున్నారు.

కోహినూర్ చికెన్ రిసిపి ఎలా తయారుచేయాలో చూద్దాం…

images (9)

కావల్సిన పదార్థాలు:

బోన్ లెస్ చికెన్ : 1kg

ఉల్లిపాయలు: 2(సన్నగా తరిగినవి)

అల్లం వెల్లుల్లిపేస్ట్: 1tsp

టమోటో గుజ్జు: 1/2cup

నిమ్మరసం: 1tsp

ఉప్పు & పెప్పర్: రుచికి సరిపడా

గరం మసాలా: 1tsp

కుంకుమ పువ్వు లేదా ఫుడ్ కలర్: చిటికెడు

మైదా : 2tbsp

పుదీనా: కొద్దిగా

కరివేపాకు: రెండు రెమ్మలు

ఎండు మిర్చి: 2-4

నూనె: 2tbsp

తాజా క్రీమ్: 2tbsp

తయారుచేయు విధానం:

1. ముందుగా చికెన్ ను ఒక మిక్సింగ్ బౌల్లో వేసి అందులో అల్లం, వెల్లుల్లి పేస్ట్, ఉప్పు, పెప్పర్, కారం, నిమ్మరసం, గరం మసాలా మరియు కుంకుమ పువ్వు వేసి, బాగా మిక్స్ చేసి పక్కన పెట్టుకోవాలి.

2. ఇప్పుడు చికెన్ ముక్కలకు పట్టించిన మసాలాలు విడిపోకుండా మైదాలో చల్లడం లేదా మైదాలో పొర్లించడం వల్ల మసాల మరియు ఫ్లేవర్ పోకుండా ఉంటుంది.

3. తర్వాత పెద్ద పాన్ తీసుకొని స్టౌ మీద పెట్టి నూనె వేసి కాగిన తర్వాత మ్యారినేట్ చేసి పెట్టుకొన్న చికెన్ ముక్కలను అందులో వేసి డీప్ ఫ్రై చేసుకోవాలి. క్రిస్పీగా బ్రౌన్ కలర్ వచ్చే వరకూ ఫ్రై చేసుకొని ఒక ప్లేట్‌లోకి తీసి పెట్టుకోవాలి.

4. ఇప్పుడు అదే నూనెలో సన్నగా కట్ చేసిన ఉల్లిపాయ ముక్కలు మరియు అల్లం వెల్లుల్లి పేస్ట్ వేసి ఫ్రై చేయాలి.

5. తర్వాత టమోటో గుజ్జు మరియు ఫ్రెష్ క్రీమ్ (లేదా కొబ్బరి పాలు)వేసి ఫ్రై చేస్తూ ఉడికించుకోవాలి.

6. ఇప్పుడు ముందుగా ఫ్రై చేసుకొన్న చికెన్ ముక్కలను వేసి రుచికి సరిపడా ఉప్పు మరియు మిరియాల పొడి వేసి ఫ్రై చేసుకోవాలి. బాగా మిక్స్ చేస్తూ గ్రేవీ మొత్తం చికెన్ ముక్కలకు పట్టేవరకూ ఫ్రై చేసుకోవాలి.

7. తర్వాత సన్నగా తరిగి పెట్టుకొన్న కొత్తిమీర, పుదీనా తరుగును వేసి గార్నిష్ చేయాలి. అంతే కోహినూర్ చికెన్ రిసిపి రెడీ.

8. ఈ కోహినూర్ చికెన్ రిసిపిని మటర్ పులావ్ లేదా బటర్ నాన్‌తో తిని ఎంజాయ్ చేయవచ్చు.