Posts Tagged ‘Vegetables’

చికెన్ వ్రాప్ రిసిపి ఎలా తయారుచేయాలో చూద్దాం…

download (3)

కావల్సిన పదార్థాలు:

చికెన్ – 200 g

ఉల్లిపాయలు – 1 cup (chopped)

టమోటోలు- 1 cup (chopped)

క్యాప్సికమ్ – 1 cup (chopped)

మొయోనైజ్ – 2 teaspoons

గ్రీన్ చిల్లీస్ – 5 to 6

అల్లం, వెల్లుల్లి పేస్ట్ – 1 teaspoon

కొత్తిమీర – 1 cup

పెప్పర్ – 1 teaspoon

ఉప్పు: రుచికి సరిపడా

నూనె: తగినంత

చపాతీ పిండికోసం:

గోధుమపిండి – 2 cups

మైదా – 1 cup

ఉప్పు: 1/2tsp

నూనె: 1tsp

తయారుచేయు విధానం:

1. ముందుగా పాన్‌లో కొద్దిగా నూనె వేసి వేడి అయ్యాక, అందులో ఉల్లిపాయలు, టమోటోలు, అల్లం, వెల్లుల్లి పేస్ట్, పచ్చిమిర్చి వేసి మొత్తం మిశ్రమాన్ని వేగించుకోవాలి.

2. తర్వాత అందులోనే క్యారెట్, క్యాప్సికమ్ మరియు బోన్‌లెస్ చికెన్ ఖీమా వేసి ఫ్రై చేసుకోవాలి.

3. మద్యలో కొద్దిగా ఉప్పు చిలకరించి ఫ్రై చేయడం వల్ల మరీ డ్రైగా కాకుండా ఫ్రై చేసుకోవచ్చు.

4. తర్వాత అందులోనే పెప్పర్ మరియు నిమ్మరసం మిక్స్ చేస్తూ 10 నిముషాలు వేగించుకోవాలి. తర్వాత స్టౌ ఆఫ్ చేసుకోవాలి.

5. అంతలోపు గోధుమ, మైదాపిండి, ఉప్పు , నూనె మరియు నీరు కూడా వేసి  చపాతీ పిండిని కలిపి పెట్టుకోవాలి

6.తర్వాత చపాతీ పిండి నుండి కొద్దిగా పిండి తీసుకొని ఉండలు చేసుకోవాలి .

7. ఇప్పుడు చపాతీ పీట మీద చపాతీలను రుద్ది పెట్టుకోవాలి. రుద్ది పెట్టుకున్న ఒక్కొక్క చపాతీ సెంటర్లో, ముందుగా వండి పెట్టుకున్న చికెన్ మసాలా మిశ్రమాన్ని పెట్టాలి.

8. తర్వాత చపాతీని నీట్‌గా రోల్ చేసి, వ్రాప్‌లా చేసుకోవాలి. కాల్చుకున్న తర్వాత వ్రాప్ చేయాలి. అంతే తినడానికి చపాతీ వ్రాప్ రెడీ. ఈ చికెన్ వ్రాప్‌ను సాస్‌తో సర్వ్ చేయాలి.

మిక్స్డ్ వెజిటేబుల్ సాంబార్ ఎలా తయారుచేయాలో చూద్దాం…

images (53)

కావలసిన పదార్థాలు:

కూరగాయ ముక్కలు: 3cups(బెండకాయలు, టొమాటో, మునగకాడ, సొరకాయ, ఉల్లిపాయలు, క్యారట్, ముల్లంగి, దోస, తోటకూర)

చింతపండు: పెద్ద నిమ్మకాయంత(నానబెట్టి రసం తీయాలి)

ఉప్పు: తగినంత

నూనె: సరిపడా

పసుపు: 1/4tsp

ఇంగువ: 1/4tsp

రసం పొడి: 1tsp

ఎండు మిర్చి: 5

పచ్చి మిర్చి: 5(మధ్యకు పొడవుగా కట్ చేయాలి)

ఆవాలు: 1tsp

జీలకర్ర: 1tsp

బియ్యప్పిండి: 1tbsp

బెల్లం పొడి: 1tbsp

కొత్తిమీర: చిన్న కట్ట

కరివేపాకు: 2రెమ్మలు

తయారు చేయు విధానం:

1. ముందుగా అన్ని కూరగాయ ముక్కలను ఒక గిన్నెలో వేసి, తగినంత ఉప్పు, నీళ్లు జత చేసి ఉడికించాలి.

2. తర్వాత చింతపండు రసం వేసి మరిగించాలి.

3. తర్వాత చిన్న పాన్ లో నూనె వేసి కాగాక ఇంగువ, ఆవాలు, జీలకర్ర, ఎండు మిర్చి, పచ్చి మిర్చి వేసి వేయించి, మరుగుతున్న పులుసులో వేయాలి.

4. కొద్దిసేపటి తర్వాత ఒక టేబుల్ స్పూన్ బెల్లం పొడి వేసి మరోమారు కలపాలి. చిన్న గిన్నెలో కొద్దిగా నీళ్లలో బియ్యప్పిండి వేసి ఉండలు లేకుండా కలిపి, ఉడుకుతున్న పులుసులో వేసి మరిగించాలి.

5. కొత్తిమీర, కరివేపాకు, రసం పొడి, పసుపు వేసి బాగా కలిపి దించేయాలి. అంతే మిక్డ్స్ వెజిటేబుల్ సాంబార్ రెడీ…

మీల్ మేకర్ బిర్యాని ఎలా తయారుచేయాలో తెలుసుకుందాం…

download (5)

బియ్యం : 1cup

నెయ్యి : 2tsp

లవంగాలు,చెక్క,యాలుకలు,బిర్యనిఆకు :రెండు రెండు చొప్పున తీసుకోవాలి.

మీల్ మేకర్ : 1/2cup

ఉప్పు : తగినంత

పుదినా : ఒక కట్ట

కొత్తిమీర : ఒక కట్ట

బిర్యానీ మసాలా : 1tsp

ఉల్లి ,పచ్చిమిర్చి ముక్కలు : 1/2cup

తయారుచేయు విధానం :

1. ముందుగా బియ్యం కడిగి పక్కన పెట్టుకోవాలి.

2. మీల్ మేకర్ వేడినీళ్ళల్లోవేసి ఒక నిముషం ఉంచి నీళ్ళు పిండి పక్కనపెట్టాలి.

3. ఇప్పుడు స్టవ్ వెలిగించి పాన్ పెట్టి నెయ్యి వేసి వేడి చెయ్యాలి.

4. నెయ్యి వేడి అయ్యిన తరువాత చెక్క, లవంగాలు, యలుకులు, బిర్యానీఆకు వేసి వేయించుకోవాలి.

5. అవి వేగాక పుదినా, ఉల్లి, పచ్చిమిర్చి ముక్కలు వేసి వేయించాలి.

6. తరువాత పక్కన పెట్టిన మిల్ మేకర్ వేసి కాసేపు వేయించి కడిగి నానబెట్టిన బియ్యం వేసి ఒక సారి కలిపి రెండు కప్పుల నీళ్ళు వేసి దానిలో ఉప్పు, బిర్యానీ మసాలా వేసి మూతపెట్టి ఉడికించాలి.

7. కాసేపటికి బిర్యానీ రెడి అవ్వుతుంది. ఇప్పుడు స్టౌ ఆఫ్ చేసి దీనిలో కొత్తిమీర వేసి మూత పెట్టాలి. అంతే సర్వ్ చెయ్యటానికి మిల్ మేకర్ బిర్యానీ రెడి.

ఫ్రూట్ అండ్ వెజిటేబుల్ శుభ్రంగా వాష్ చేయడానికి సులభ చిట్కాలు…

 

images (17)

హానికర బ్యాక్టీరియాను తొలగించడానికి ఫ్రూట్ మరియు వెజిటేబుల్స్ ను శుభ్రపరచడానికి కొన్ని సులభ చిట్కాలు

1. మొదట చేతులను శుభ్రపరచుకోవాలి. భయట నుండి తెచ్చిన ఎటువంటి ప్రోడక్ట్స్ నైనా ముట్టుకోవడానికి ముందుగా, వాటిని ముట్టుకొన్న తర్వాత చేతులు శుభ్రపరచుకోవడం మర్చిపోకూడదు .

2. అన్ని రకాల పండ్లు మరియు వెజిటేబుల్స్ ను వాటిని విగియోంచడానికి , తినడానికి లేదా వండటానికి ముందు జోరుగా నీళ్ళు వచ్చే ట్యాప్ క్రింద పెట్టి శుభ్రం చేయడం మంచిది. నీళ్ళు చిలకరించి కడగడం కంటే దారాళంగా వచ్చే నీటి క్రింద శుభ్రం చేయడం ముఖ్యం. వాటిని శుభ్రం చేయడానికి ఎటువంటి సోపులు, డిటర్జెంట్లు ఉపయోగించాల్సి అవసరం లేదు. నీటితో మాత్రమే శుభ్రం చేయాలి.

3. నీటిలో బాగా శుభ్రంగా కడిగిన తర్వాత వాటిని తడి ఆరిపోయే వరకూ పొడిగా ఉన్న న్యూస్ పేపర్ లేదా పేపర్ టవల్ లేదా క్లీన్ గా ఉన్న పొడి వస్త్రంతో తుడవాలి ఇలా చేయడం వల్ల ఎటువంటి బ్యాక్టీరియా అయినా తొలగిపోతుంది.

మీ డైట్‌లో ఖచ్చితంగా చేర్చుకోవాల్సిన ప్రొటీన్ రిచ్ ఫుడ్స్…

download (2)

– మాంసాహారం: మేక, గొర్రె వంటి మాంసాహారాల్లో ప్రొటీన్స్ ఎక్కువగా ఉంటాయి. వీటిల్లో కొవ్వు కూడా ఎక్కువగా ఉంటుంది కాబట్టి లిమిట్‌గా తీసుకోవాలి. అలాగే స్కిన్ లెస్ చికెన్ తినడం వల్ల కూడా ప్రొటీన్స్ పొందవచ్చు. అలాగే కోడిగుడ్లు కూడా తీసుకోవడం వల్ల శరీరానికి కావాల్సిన ప్రొటీన్స్ పొందవచ్చు.

– చేపలు: చేపల్లో గుండెకు మేలు చేసే ఒమేగా త్రీ ఫ్యాటీ యాసిడ్స్ ఎక్కువగా ఉంటాయి. ట్యూనా, సార్డీన్, ట్రాట్ వంటి చేపలు తీసుకోవడం వల్ల ఎక్కువ ప్రొటీన్స్ పొందవచ్చు. వారానికి కనీసం రెండుసార్లు చేపలు తినడం ఆరోగ్యానికి మంచిది.

– నట్స్: బాదాం, పిస్తా, ఆక్రోట్ వంటి నట్స్‌ని రెగ్యులర్‌గా తీసుకోవాలి. అయితే లిమిట్‌గా తీసుకోవడం మంచిది. వీటిని సలాడ్లు, ఉడికించిన కూరగాయలతో కలిపి తీసుకుంటే టేస్ట్‌తో పాటు, కావాల్సిన ప్రొటీన్స్ అందుతాయి.

– డైరీ ప్రొడక్ట్స్: కండరాల నిర్మాణానికి సహాయపడే ప్రొటీన్స్ డైరీ ప్రొడక్ట్స్ ద్వారా పుష్కలంగా లభిస్తాయి. మధుమేహం, గుండె జబ్బు, రక్తపోటు తగ్గడానికి ఇవి గ్రేట్‌గా సహాయపడతాయి. అయితే కొవ్వు తీసేసిన పాలు తీసుకోవడం చాలా మంచిది.

– వెజిటబుల్స్: పచ్చి బఠాణీలు, రాజ్మా గింజలు, చిక్కుళ్లు వంటి వాటిల్లో ప్రొటీన్స్ లభిస్తాయి. వీటిని వారంలో కనీసం ఒకసారైనా డైట్‌లో చేర్చుకుంటే శరీరానికి కావాల్సిన ప్రొటీన్స్ అందిస్తాయి.

ఆరోగ్యానికి మొదటి మెట్టు ఉదయం తీసుకునే అల్పాహారం…

images (32)

వివిధ కారణాల వలన ఈ రోజుల్లో ఉదయం అల్పాహారం తీసుకోవడం చాలా తక్కువైపోయింది. కాని మన శరీర ఆరోగ్యానికి ప్రధానంగా దోహద పడే ఆహారం ఉదయం తీసుకునే అల్పాహారం. ఎట్టి పరిస్థితుల్లో ఉదయాన్నే అల్పాహారం తీసుకోవడం మరువ కూడదు.

అల్పాహారంలో కూరగాయలు, పండ్లు, పాలు, గుడ్డు మొదలైన ప్రొటీన్‌లు కలిగి ఉండే ఆహారంగా తీసుకుంటే ఉత్తమం.

మరీ ముఖ్యంగా చిన్న పిల్లల ఆరోగ్యానికి ఉదయం తీసుకునే అల్పాహారం చాలా ఉపయోగపడుతుంది. వారికి అల్పాహారం ఇచ్చేటపుడు బలవంతంగా కాకుండా, నిదానంగా ఇవ్వాలి.

ఇంట్లో ఉండే ఔషధాలతో బెల్లీఫాట్‌కు చెక్ పెట్టండి.

images (2)

చిన్న చిన్న చిట్కాలను పాటించి ఇంట్లో ఉండే ఔషధాలతో బెల్లీఫాట్‌ను తగ్గించుకోవచ్చు.

1. రోజును నిమ్మరసంతో ప్రారంభం: ప్రతిరోజు ఉదయాన్నే గోరువెచ్చని నీళ్ళలో నిమ్మరసం కలుపుకుని కొద్దిగా ఉప్పు కలుపుకుని తాగాలి. బెల్లీఫాట్‌ను కరిగించడంలో ఇది చాలా మంచి ఔషధంగా ఉపయోగపడుతుంది.

2. తెల్ల అన్నంకి దూరం: తినే ఆహారంలో సాధ్యమైనంత వరకు తెల్ల అన్నాన్ని దూరంగా ఉంచాలి. తెల్ల అన్నంకి బదులుగా గోధుమ రంగు అన్నం (బ్రౌన్‌రైస్), బ్రౌన్ బ్రెడ్, ఓట్స్ లాంటి వాటిని ఆహారంలో చేర్చుకోవాలి.     

3. చక్కెర పదార్దాలకు దూరం: వీలైనంతవరకు చక్కెర పదార్దాలకు, పానీయాలకు మరియు తీపి వస్తువులకు దూరంగా ఉండటం మంచిది.

4. ఎక్కువ నీటిని త్రాగడం: రోజులో కొంత కొంత విరామంతో నీటిని ఎక్కువగా త్రాగడం వలన బెల్లీఫాట్‌ను నివారించవచ్చు.

5. వెల్లుల్లి రెబ్బలను నమలడం: రోజూ ఉదయాన్నే నిమ్మరసం తీసుకునే ముందు 2 లేదా 3 వెల్లుల్లి రెబ్బలను నమలడం వలన శరీర రక్తప్రసరణను సాఫీగా జరిగేలా చేసి అనవసర కొవ్వును కరిగించడంలో సహాయపడుతుంది.

6.  పండ్లు మరియు కూరగాయలతో: రోజూ ఉదయం మరియు సాయంత్రం ఒక గిన్నె నిండా పండ్లు లేదా కూరగాయలు తినాలి.

సూజి చిల్లా రిసిపి ఎలా తయారుచేయాలో చూద్దాం… బ్రేక్ ఫాస్ట్ రిసిపి…

download (19)

కావల్సిన పదార్థాలు:

రవ్వ: 2 cups

పెరుగు: 1 cup

నీళ్ళు: ½ cup

వెజిటేబుల్స్: 1 cup (ఉల్లిపాయల, క్యాప్సికమ్, టమోటో, క్యారెట్, పచ్చిబఠానీలు)

కొత్తిమీర తరుగు : కొద్దిగా పచ్చిమిర్చి: 2 (సన్నగా తరిగినవి)

ఉప్పు: రుచికి సరిపడా

పెప్పర్: చిటికెడు

నూనె: ఫ్రై చేయడానికి సరిపడా

తయారుచేయు విధానం:

1. ముందుగా రవ్వ, పెరుగు, మరియు కొద్దిగా నీరు ఒక బౌల్లో పోసి, బాగా మిక్స్ చేసి ఒక గంట పాటు పక్కన పెట్టుకోవాలి.

2. ఒకటి లేదా రెండు గంటల తర్వాత అందులో వెజిటేబుల్స్ మరియు కొత్తిమీర తరుగు వేసి బాగా మిక్స్ చేసుకోవాలి.

3. గరిటతో బాగా మిక్స్ చేసి, తర్వాత అందులో పచ్చిమిర్చి కూడా వేసి బాగా మిక్స్ చేయాలి.

4. ఇప్పుడు అందులో రుచికి సరిపడా ఉప్పు మరియు మిరియాల పొడి కూడా వేసి మిక్స్ చేయాలి.

5. ఇలా పిండిని తయారుచేసుకొన్న తర్వాత స్టౌ మీద పాన్ పెట్టి, నూనె రాసి వేడి చేయాలి.

6. ఇప్పడు పిండిని కొద్దిగా తీసుకొని తవా మీద దోసెలా వేసుకోవాలి. వేసుకొన్న తర్వాత రెండు వైపుల బ్రౌన్ కలర్ వచ్చే వరకూ కాల్చుకోవాలి. అంతే క్రిస్పీ సూజీ చిల్లీ రిసిపి రెడీ.

బరువు తగ్గించే అద్భుత ఔషధం సొరకాయ…

14_1

సొరకాయ ముక్కలను బ్లెండర్ లో వేసి మెత్తగా చేయాలి. తర్వాత సాల్ట్, జీరా పొడి, మిరియాలు, పుదినా ఆకులు వేయాలి. అన్నింటినీ బాగా మిక్సీ పట్టి తాగాలి.

సొరకాయ జ్యూస్ లో నీటి శాతం ఎక్కువగా ఉండటం వల్ల ఇది చర్మాన్ని హైడ్రేట్ గా ఉంచి గ్లోయింగ్ గా మారుస్తుంది.

సొరకాయలో ఫ్యాట్ తక్కువగా ఉంటుంది. క్యాలరీలు, కొలెస్ట్రాల్ తక్కువగా ఉంటుంది. కాబట్టి దీన్ని రెగ్యులర్ గా తీసుకుంటే తేలికగా బరువు తగ్గవచ్చు.

– కండరాలు బలంగా ఉండటానికి: సొరకాయలో క్యాల్షియం, మెగ్నీషియం, విటమిన్ ఏ పుష్కలంగా ఉంటాయి. ఇవన్నీ కండరాలు బలంగా ఉండటానికి సహాయపడతాయి.

సొరకాయలో 96 శాతం నీటిశాతం ఉంటుంది. మినరల్స్ ఎక్కువగా ఉంటాయి. అలాగే ఈ జ్యూస్ శరీరంలో ఎలక్ట్రోలైట్ బ్యాలెన్స్ చేసి విరేచనాలు నివారించడంలో అద్భుతంగా పనిచేస్తుంది.

సొరకాయలో జింక్ ఉంటుంది. ఇది బ్లడ్ ప్రెజర్ ని కంట్రోల్ చేసి గుండె ఆరోగ్యంగా ఉండటానికి సహాయపడుతుంది.

సొరకాయలో ఐరన్ ఉంటుంది. ఇది అనీమియా నివారించడంలో ఎఫెక్టివ్ గా పనిచేస్తుంది.

సొరకాయలో విటమిన్ ఏ పుష్కలంగా ఉంటుంది. ఇది కంటిచూపుని మెరుగుపరుస్తుంది.

సొరకాయలో డ్యురెటిక్ నేచర్ ఉంటుంది. ఇది మలినాలను బయటకు పంపడానికి సహాయపడుతుంది. అలాగే అమ్మాయిల్లో యూరినరీ సమస్యలకు చెక్ పెడుతుంది.

సొరకాయలో సొల్యుబుల్, ఇన్ సొల్యుబుల్ ఫైబర్ ఉంటుంది. ఇది కాన్ట్సిపేషన్ నివారించడంలో ఎఫెక్టివ్ గా పనిచేస్తుంది.

హోం మేడ్ చికెన్ రోల్స్ ఎలా తయారుచేయాలో చూద్దాం…

images (43)

కావల్సిన పదార్థాలు:

చపాతీలు: 4

ఉల్లిపాయలు: 1

క్యాప్సికమ్: 1

క్యారెట్ : 1

టమోటో: 1

నిమ్మకాయ: 1

మయోనైజ్: తగినంత

చికెన్ ఫిల్లింగ్ కోసం :

బోన్ లెస్ చికెన్: 150grm

ఉల్లిపాయ:1

పచ్చిమిర్చి: 3-4

అల్లం వెల్లుల్లి పేస్ట్: 1tsp

ధనియాలపొడి: 1tsp

చికెన్ మసాలా పొడి: 1tsp

జీలకర్రపొడి: 1/2tsp

షాజీరా : చిటికెడు

కారం: 1tsp

ఉప్పు: రుచికి సరిపడా

కరివేపాకు, కొత్తిమీర, పుదీనా : 2tbsp సన్నగా తరిగి పెట్టుకోవాలి

నూనె: 2tbsp

తయారుచేయు విధానం:

1. ముందుగా పాన్ స్టౌ మీద పెట్టి అందులో నూనె వేసి వేడి అయ్యాక అందులో షాజీరా, పుదీనా, ఉల్లిపాయ, కరివేపాకు, వేసి ఒక నిముషం వేగించుకోవాలి.

2. తర్వాత అల్లం వెల్లుల్లి పేస్ట్ కూడా వేసి పచ్చివాసన పోయేవరకూ వేయించుకోవాలి.

3. ఇందులో ముందుగానే పసుపు, ఉప్పు, కొద్దిగా అల్లం వెల్లుల్లి పేస్ట్ వేసి మ్యారినేట్ చేసి పెట్టుకొన్న బోన్ లెస్ చికెన్ ముక్కల్ని వేసి బాగా కలిపి మూతపెట్టి 10 నిముషాలు మగ్గించాలి.

4. మగ్గిన చికెన్‌లో ధనియాల పొడి, జీలకర్ర, చికెన్ మసాలా, కారం, ఉప్పు, వరుసగా వేస్తూ కలిపి మళ్ళీ మూతపెట్టి మరొక 10 నిముషాల వరకూ కర్రీని ఉడికించుకోవాలి.

5. కర్రీ దగ్గర పడుతున్నప్పుడు, మూత తీసి కలియబెడుతుండాలి. 5 నిముషాల తర్వాత వేయించితే చికెన్ స్టఫింగ్ రెడీ అయినట్లే..

6. ఉల్లిపాయలు, క్యాప్సికమ్, క్యారెట్‌లను సన్నగా తరిగి, నిమ్మరసం పిండి సలాడ్‌లాగా రెడీ చేసి పెట్టాలి.

7. ఇప్పుడు ముందుగా తయారుచేసి పెట్టుకొన్న చపాతీల మీద మయోనైజ్ అప్లై చేయాలి.

8. చపాతీ మొత్తం మయోనైజ్ అప్లై చేసిన తర్వాత చపాతీల మీద కూరగాయల ముక్కలు పెట్టాలి.

9. వీటి మీద ముందుగా తయారుచేసుకొన్న చికెన్ స్టఫ్ పెట్టాలి. అలాగే చికెన్ స్టఫ్ మీద తిరిగిన వెజిటేబుల్ ముక్కలు వేసి స్టఫ్ చేయాలి.

10. చివరగా టమోటో సాస్ వేసి చపాతీని రోల్ చేస్తే సరి హోం మేడ్ చికెన్ రోల్ రెడీ.