Posts Tagged ‘vegetarian’

మిక్స్డ్ వెజిటేబుల్ సాంబార్ ఎలా తయారుచేయాలో చూద్దాం…

images (53)

కావలసిన పదార్థాలు:

కూరగాయ ముక్కలు: 3cups(బెండకాయలు, టొమాటో, మునగకాడ, సొరకాయ, ఉల్లిపాయలు, క్యారట్, ముల్లంగి, దోస, తోటకూర)

చింతపండు: పెద్ద నిమ్మకాయంత(నానబెట్టి రసం తీయాలి)

ఉప్పు: తగినంత

నూనె: సరిపడా

పసుపు: 1/4tsp

ఇంగువ: 1/4tsp

రసం పొడి: 1tsp

ఎండు మిర్చి: 5

పచ్చి మిర్చి: 5(మధ్యకు పొడవుగా కట్ చేయాలి)

ఆవాలు: 1tsp

జీలకర్ర: 1tsp

బియ్యప్పిండి: 1tbsp

బెల్లం పొడి: 1tbsp

కొత్తిమీర: చిన్న కట్ట

కరివేపాకు: 2రెమ్మలు

తయారు చేయు విధానం:

1. ముందుగా అన్ని కూరగాయ ముక్కలను ఒక గిన్నెలో వేసి, తగినంత ఉప్పు, నీళ్లు జత చేసి ఉడికించాలి.

2. తర్వాత చింతపండు రసం వేసి మరిగించాలి.

3. తర్వాత చిన్న పాన్ లో నూనె వేసి కాగాక ఇంగువ, ఆవాలు, జీలకర్ర, ఎండు మిర్చి, పచ్చి మిర్చి వేసి వేయించి, మరుగుతున్న పులుసులో వేయాలి.

4. కొద్దిసేపటి తర్వాత ఒక టేబుల్ స్పూన్ బెల్లం పొడి వేసి మరోమారు కలపాలి. చిన్న గిన్నెలో కొద్దిగా నీళ్లలో బియ్యప్పిండి వేసి ఉండలు లేకుండా కలిపి, ఉడుకుతున్న పులుసులో వేసి మరిగించాలి.

5. కొత్తిమీర, కరివేపాకు, రసం పొడి, పసుపు వేసి బాగా కలిపి దించేయాలి. అంతే మిక్డ్స్ వెజిటేబుల్ సాంబార్ రెడీ…

స్పైసీ గోబీ మంచూరియన్ ఎలా తయారుచేయాలో చూద్దాం…

download (10)

కావల్సిన పదార్థాలు:

కాలీఫ్లవర్: 1/2(మీడియం ఫ్లవర్, చిన్నచిన్న ఫ్లవర్స్ ను విడిపించుకోవాలి)

నూనె: డీప్ ఫ్రై చేయడానికి సరిపడా

పిండి కలుపుకోవడం కోసం కావల్సిన పదార్థాలు:

మైదా: 5tbsp

కార్న్ స్టార్చ్: 3tbsp

ఉప్పు: రుచికి సరిపడా

బ్లాక్ పెప్పర్: 1/4tsp

నీళ్ళు: 1/4cup

చిరుధాన్యాలు: 2tbsp

సాస్ కోసం:

నూనె: 1tbsp

ఉల్లిపాయం 1/2(మీడియంది, సన్నగా తరిగిపెట్టుకోవాలి)

పచ్చిమిర్చి: 2-3(సన్నగా తరిగినవి)

వెల్లుల్లిపాయలు : 3 పెద్దవి

కెచప్: 2tbsp

రెడ్ చిల్లీ సాస్: 2tbsp

సోయాసాస్: 4tbsp

వైట్ వెనిగర్: 2tsp

నీళ్ళు: 4tbsp

కార్న్ స్టార్చ్: 2tsp

తయారుచేయు విధానం:

1. ముందుగా నాన్ స్టిక్ పాన్ లో కొద్దిగా నూనె వేసి వేడి చేయాలి.

2. తర్వాత ఉల్లిపాయలు, పచ్చిమిర్చి మరియు వెల్లుల్లి రెబ్బలు వేసి 4-5నిముషాలు ఫ్రై చేసుకోవాలి.

3. ఉల్లిపాయ ముక్కలు బ్రౌన్ కలర్ లోకి మారగానే అందులో కెచప్ మరియు రెడ్ చిల్లీ సాస్ కూడా వేసి నూనె పైకి తేలే వరకూ ఫ్రై చేసుకోవాలి.

4. ఇప్పుడు అందులో సోయా సాస్ మరియు వెనిగర్ వేసి బాగా మిక్స్ చేయాలి.

5. తర్వాత అందులో రెండు టీస్పూన్ల కార్న్ స్టార్చ్ నాలుగు టేబుల్ స్పూన్ల నీళ్ళు వేసి బాగా మిక్స్ చేస్తూ 5నిముషాలు మీడియం మంట మీద ఉడికించుకోవాలి.

6. ఇప్పుడు ఈ సాస్ ను పక్కన పెట్టుకోవాలి.

7. తర్వాత పిండిని తయారుచేసుకోవాలి. మైదా, కార్న్ స్టార్చ్, ఉప్పు, బ్లాక్ పెప్పర్ మరియు నీళ్ళు ఒక మిక్సింగ్ బౌల్లో వేసి ఉండలు లేకుండా కలుపుకోవాలి.

8. ఇప్పుడు ఈ పిండి మిశ్రమంలో కాలీఫ్లవర్ ను వేసి డిప్ చేసి కాగుతున్న నూనెలో వేసి డీఫ్ ఫ్రై చేసుకోవాలి.

9. మీడియం మంట మీద డీప్ ఫ్రై చేసుకోవాలి. తర్వాత సాస్ ను యాడ్ చేసి మిక్స్ చేయాలి.

10. మీడియం మంట మీద హీట్ చేయాలి. ఏమాత్రం తేమలేకుండా ఫ్రై చేయాలి. అంతే గోబీ మంచూరియన్ రెడీ.

మీల్ మేకర్ బిర్యాని ఎలా తయారుచేయాలో తెలుసుకుందాం…

download (5)

బియ్యం : 1cup

నెయ్యి : 2tsp

లవంగాలు,చెక్క,యాలుకలు,బిర్యనిఆకు :రెండు రెండు చొప్పున తీసుకోవాలి.

మీల్ మేకర్ : 1/2cup

ఉప్పు : తగినంత

పుదినా : ఒక కట్ట

కొత్తిమీర : ఒక కట్ట

బిర్యానీ మసాలా : 1tsp

ఉల్లి ,పచ్చిమిర్చి ముక్కలు : 1/2cup

తయారుచేయు విధానం :

1. ముందుగా బియ్యం కడిగి పక్కన పెట్టుకోవాలి.

2. మీల్ మేకర్ వేడినీళ్ళల్లోవేసి ఒక నిముషం ఉంచి నీళ్ళు పిండి పక్కనపెట్టాలి.

3. ఇప్పుడు స్టవ్ వెలిగించి పాన్ పెట్టి నెయ్యి వేసి వేడి చెయ్యాలి.

4. నెయ్యి వేడి అయ్యిన తరువాత చెక్క, లవంగాలు, యలుకులు, బిర్యానీఆకు వేసి వేయించుకోవాలి.

5. అవి వేగాక పుదినా, ఉల్లి, పచ్చిమిర్చి ముక్కలు వేసి వేయించాలి.

6. తరువాత పక్కన పెట్టిన మిల్ మేకర్ వేసి కాసేపు వేయించి కడిగి నానబెట్టిన బియ్యం వేసి ఒక సారి కలిపి రెండు కప్పుల నీళ్ళు వేసి దానిలో ఉప్పు, బిర్యానీ మసాలా వేసి మూతపెట్టి ఉడికించాలి.

7. కాసేపటికి బిర్యానీ రెడి అవ్వుతుంది. ఇప్పుడు స్టౌ ఆఫ్ చేసి దీనిలో కొత్తిమీర వేసి మూత పెట్టాలి. అంతే సర్వ్ చెయ్యటానికి మిల్ మేకర్ బిర్యానీ రెడి.

డీప్ మష్రూమ్ కర్రీ ఎలా తయారుచేయాలో చూద్దాం…

images (100)

కావలసిన పదార్థాలు:

మష్రూమ్స్: 2cups

చింతపండు: కొద్దిగా(నీళ్లలో నానబెట్టాలి)

ఉప్పు: రుచికి తగినంత

గరంమసాలా: 1tsp టీ స్పూను

శనగపప్పు: 1tbsp

మిరియాల పొడి: tsp

నూనె: 2tsp

ఆవాలు: 1/2tsp

ఎండుమిర్చి: 2

కొత్తిమీర: కొద్దిగా

ఉల్లిపాయ: 1ముక్కలుగా కట్ చేసుకోవాలి

టొమాటో ముక్కలు: 1/2cup

కరివేపాకు: 2 రెమ్మలు

తయారు చేయు విధానం:

1. ముందుగా చింతపండు గుజ్జు తీసి పక్కన ఉంచాలి.

2. తర్వాత పాన్ లో శనగపప్పు వేసి వేయించి మిరియాలపొడి జతచేసి కలిపి తీసేయాలి.

3. ఇప్పుడు పాన్‌లో నూనె కాగాక కరివేపాకు, ఆవాలు, ఎండుమిర్చి వేసి వేయించాక, ఉల్లిపాయ, టొమాటో ముక్కలు కూడా వేసి వేయించాలి.

4. అలాగే మష్రూమ్‌ ముక్కలు కూడా వేసి, ఉప్పు వేసి బాగా కలిపి, మూతపెట్టి, ఉడికించాలి.

5. తర్వాత చింతపండు గుజ్జు జత చేసి పది నిముషాలయ్యాక, గరం మసాలా వేసి 5 నిముషాలు ఉడికించి దించేయాలి.

6. చివరగా కొత్తిమీరతో గార్నిష్‌ చేయాలి. అంతే డీప్ మష్రుమ్ కర్రీ రెడీ.

ఆలూ పచ్చిబఠానీ కర్రీ ఎలా తయారుచేయాలో చూద్దాం…

aloo-mutter-loose-big-fostercitynewblog-wordpress-com

కావాల్సిన పదార్ధాలు:

నూనె-2 టేబుల్ స్పూన్లు

జీలకర్ర-1/2 టీ స్పూను

ఉల్లిపాయలు-సన్నగా తరిగినవి 3/4కప్పు

వెల్లుల్లి-సన్నగా తరిగినది ఒక టీస్పూను

అల్లం- సన్నగా తరిగినది ఒక టీస్పూను

పచ్చి కిర్చి పేస్టు-ఒక టీ స్పూను

టమాటాలు-సన్నగా తరిగినవి 1 కప్పు

పచ్చి బఠాణీ-ఉడికించినవి 1 కప్పు

ఆలుగడ్దలు–ఉడికించినవి 1 1/2 కప్పు

ఉప్పు-తగినంత

కారం-1 1/2 టీ స్పూను

గరం మసాల-1/2 టీ స్పూను

పసుపు-చిటికెడు

కొత్తిమీర-సన్నగా తరిగినది 1 టీ స్పూను

తయారీ విధానం:

1.ముందుగా ఒక నాన్ స్టిక్ ప్యాన్ తీసుకుని దానిలో నూనె వేసి వేడి చెయ్యాలి.

2.నూనె వేడెక్కాకా దానిలో జీల కర్ర వేసి చిటపటలాడూతుంటే తరిగిన ఉల్లిపాయలు వేసి కలపాలి.

3.ఉల్లిపాయలు లేత గోధుమ రంగులోకి వచ్చే వరకూ కలుపుతుండాలి.

4.ఇప్పుడు ఉల్లిపాయలకి వెల్లుల్లి, అల్లం,టమాటాలు, పచ్చి మిర్చి పేస్టు వేసి ఒక స్పూను నీళ్ళు కలిపితే టమాటాలు బాగా ఉడుకుతాయి.

5.ఇప్పుడు ఉడికిన టమాటాలని బాగా మెత్తగా అయ్యే వరకూ గరిటెతో మెదిపి, మసాలాలన్నీ బాగా ఉడికాకా దానిలో పచ్చి బఠాణీ మరియూ ఆలుగడ్డ కలపాలి.

6.ఉప్పు, కారం, పసుపు, గరం మసాలా వేసి బాగా కలపాలి.

7.ఇప్పుడు ఒక కప్పు నీళ్ళు పోసి కూరని బాగా ఉడకనివ్వాలి.

8.ఉడికేటప్పుడు ఆలు గడ్డలని మెదిపితే కూర చిక్కబడుతుంది.

9. అంతే మీ ఆలూ మటర్ కూర తయారు. స్టవ్ ఆపి ఈ కూరని ఒక బౌల్లోకి తీసుకోవాలి. పైన కొత్తిమీరతో గార్నిష్ చేసి వడ్డించడమే.

రుచికరమైన పనీర్ కట్లెట్ ఎలా తయారుచేయాలో చూద్దాం…

aaloo-and-paneer-cutlets

కావలసిన పదార్ధాలు:

కాటేజ్ చీజ్ (పనీర్) – 2 కప్పులు (తరిగినది)

ఉడికించిన అన్నం – ½ కప్పు (చల్లారినది)

రుచికి సరిపడా ఉప్పు

పచ్చిమిర్చి – 1 ½ టేబుల్ స్పూను (సన్నగా తరిగినవి)

మైదా – ¼ కప్పు

కొత్తిమీర – ¼ టీస్పూను (తరిగినది)

క్యాప్సికం – ½ కప్పు వివిధ రంగులవి (సన్నగా తరిగినవి)

పైన కోటింగ్ కి బ్రెడ్ పొడి

నూనె – 2 టేబుల్ స్పూన్లు

తయారు చేసే విధానం:

1.సన్నగా తరిగిన చీజ్ తీసుకుని అందులో ఉడికించిన అన్నాన్ని కలపండి.

2.ఇప్పుడు, మైదా, ఉప్పు, పచ్చిమిర్చి వేసి బాగా కలపండి.

3.ఇప్పుడు, కొత్తిమీర, తరిగిన క్యాప్సికం వేయండి. మీరు వివిధ రకాల క్యాప్సికం తీసుకున్నట్లయితే, మీ కట్లెట్ లు చాలా అందంగా కనిపిస్తాయి.

4.ఈ పదార్ధాలు అన్నిటినీ బాగా కలిపి, చేతితో చిన్నచిన్న ఉండలుగా చేయండి.

5.ఇప్పుడు, తవా వేడిచేసి, నూనె రాయండి.

6.దానిపై కట్లెట్ లను ఉంచి, బంగారు రంగు వచ్చే వరకు కాల్చండి.

7.రెండువైపులా బాగా ఉడికిన తరువాత, పుదీనా పచ్చడి లేదా టొమాటో సాస్ తో వేడిగా వడ్డించండి.

ఆలూ కిచిడి ఎలా తయారుచేయాలో చూద్దాం…

images (97)

కావల్సిన పదార్థాలు:

బియ్యం: 1cup

నూనె: 2tbsp

జీలకర్ర: 1tsp

దాల్చిన చెక్క: చిన్న ముక్క

యాలకలు: 1

పచ్చిబఠానీలు: 50grms

బంగాళదుంప: 1పెద్దది(చిన్న ముక్కలుగా కట్ చేసుకోవాలి)

పసుపు : కొద్దిగా

ఉప్పు: 2tsp

పచ్చిమిర్చి: 2(సన్నగా కట్ చేసుకోవాలి)

నీళ్ళు: 3cups

తయారుచేయు విధానం:

1.ముందుగా బియ్యంను శుబ్రంగా కడిగి పక్కన పెట్టుకోవాలి.

2. తర్వాత పాన్ లో కొద్దిగా నెయ్యి వేసి వేడయ్యాక అందులో జీలకర్ర, యాలకలు వేసి ఒక నిముషం ఫ్రై చేసుకోవాలి.

3. ఒక నిముషం తర్వాత అందులో బియ్యం కూడా వేసి మీడియం మంట మీద ఫ్రై చేసుకోవాలి.

4. ఇప్పుడు అందులో బంగాళదుంప ముక్కలు మరియు పచ్చిబఠానీ కూడా వేసి మరో రెండు మూడు నిముషాలు ఫ్రై చేసుకోవాలి.

5. తర్వాత అందులో పచ్చిమిర్చి వేసి వేగించాలి.

6. ఆ తర్వాత రుచికి సరిపడా ఉప్పు, పసుపు, సరిపడా నీళ్ళు సోసి బాగా మిక్స్ చేయాలి.

6. ఇప్పుడు మంటను మీడియంగా పెట్టి 15నిముషాలు ఉడికించుకోవాలి. కిచిడి మెత్తబడే వరకూ ఉడికించి తర్వాత స్టౌ ఆఫ్ చేయాలి. అంతే ఆలూ కిచిడి రెడీ. ఇది మధ్యాహ్నాం మీల్స్ కు ఫర్ఫెక్ట్ గా నప్పుతుంది.

రుచికరమైన నువ్వుల నూడుల్స్ ఎలా తయారుచేయాలో చూద్దాం…

garlic_sesame_noodles1

కావాల్సిన పదార్ధాలు:

ఉడికించిన నూడుల్స్-2.5 కప్పులు

సన్నగా తరిగిన వెల్లుల్లి-1 టేబుల్ స్పూను

తెల్ల నువ్వులు-1 టేబుల్ స్పూను

సన్నగా తరిగిన అల్లం-1 టేబుల్ స్పూను

వెనిగర్-1 టేబుల్ స్పూను

ఉల్లికాడల తరుగు-1 టేబుల్ స్పూను

డార్క్ సోయా సాస్-1 టీ స్పూను

నువ్వుల నూనె-1 టేబుల్ స్పూను

ఉప్పు-రుచికి

తగినంత తయారీ విధానం:

1.నువ్వులని కనీసం రెండు నిమిషాల పాటు సన్నని మంట మీద నూనె లేకుండా వేయించి ఒక గిన్నెలోకి తీసి పెట్టుకోవాలి.

2.ఇప్పుడు అదే మూకుడులో నువ్వుల నూనె వేసి దానిలో అల్లం,వెల్లుల్లి తరుగు వేసి వేయించాలి.

3.అల్లం, వెల్లుల్లి వేగాకా దానిలో ఉడికించిన నూడుల్స్, సోయా సాస్, వెనిగర్ వెయ్యాలి.

4.ఇప్పుడు బాగా కలిపి పైన వేయించిన నువ్వులు కలపాలి. కాసిని నువ్వులు గార్నిషింగ్ కోసం పక్కన పెట్టుకోవడం మర్చిపోవద్దు సుమా.

5.ఇప్పుడు మళ్ళీ కలిపి కాసేపు స్టవ్ మీదే ఉంచాలి.

6.నూడుల్స్ ఇతర పదార్ధాలతో కలిసి బాగా ఉడికాకా నూడుల్స్‌ని నూడుల్స్ బౌల్లోకి తీసుకోవాలి.

7.వీటిమీద ఉల్లి కాడల తరుగు, గార్నిషింగ్ కోసం పెట్టుకున్న నువ్వులూ చల్లాలి. అంతే మీ సీసమే నూడుల్స్ రెడీ.

మేతి పన్నీర్ రైస్ రిసిపి ఎలా తయారుచేయాలో చూద్దాం…

download (8)

మెంతిఆకులు : 2 కట్టలు ( 150 gms) (శుభ్రంగా కడిగి సన్నగా తరిగి పెట్టుకోవాలి)

పన్నీర్: 1 cup (కావాల్సిన సైజ్‌లో కట్ చేసుకోవాలి)

ఉల్లిపాయలు: 1/2 cup (సన్నగా కట్ చేసుకోవాలి)

వెల్లుల్లి రెబ్బలు: 5 to 6 (సన్నగా తరిగి పెట్టుకోవాలి)

పచ్చిమిర్చి: 2 (సన్నగా తరిగి పెట్టుకోవాలి)

నిమ్మకాయ: 1 రసంతీసి పక్కన పెట్టుకోవాలి

బియ్యం: 1 cup

ఉప్పు : రుచికి సరిపడా

గరం మసాలా: 1/2 tsp

తయారుచేయు విధానం:

1. ముందుగా పనీర్ పాన్‌లో కొద్దిగా నూనె వేసి వేడి చేసుకోవాలి. వేడి అయ్యాక అందులో పనీర్ ముక్కలు వేసి గోల్డ్ బ్రౌన్ కలర్ వచ్చే వరకూ ఫ్రై చేసుకోవాలి.

2. అదే పాన్‌లో మరికొద్దిగా నూనె వేసి వేడి చేసి, అందులో ఉల్లిపాయ మరియు వెల్లుల్లి ముక్కలు వేసి బ్రౌన్ కలర్ వచ్చే వరకూ ఫ్రై చేసుకోవాలి.

3. తర్వాత అందులోనే సన్నగా తరిగిన మెంతి ఆకులలు, పచ్చిమిర్చి వేసి 1 నిముషం వేగించుకోవాలి.

4. తర్వాత ఇందులోనే శుభ్రంగా కడిగి పెట్టుకొన్న బియ్యం, సరిపడా నీళ్ళు పోయాలి. దీనితో పాటే గరం మసాలా, నిమ్మరసం వేసి మొత్తం మిశ్రమం మిక్స్ చేసి, అన్నం వండుకోవాలి.

5. ఇప్పుడు ముందుగా ఫ్రై చేసి పెట్టుకొన్న పనీర్ ముక్కలను వేసి మొత్తం మిశ్రమం కలగలుపుకోవాలి. అంతే మేతీ పనీర్ రైస్ రెడీ, వేడి వేడిగా సర్వ్ చేయాలి.

6. మీకు నచ్చిన రైతాతో సర్వ్ చేస్తే చాలా టేస్టీగా ఉంటుంది.

దాబేలీ ఎలా తయారుచెయ్యాలో చూద్దాము…ఇండియన్ బర్గర్…

dsc06868

కావాల్సిన పదార్ధాలు:

స్టఫ్ఫింగ్ కోసం:

దాబేలీ మసాలా-1 1/2 టేబుల్స్పూన్

స్వీట్ చట్నీ-2 టేబుల్ స్పూన్లు

నూనె-1 టేబుల్ స్పూను

ఉడికించి చిదిమిన బంగాళ దుంపలు-1 1/4 కప్పు

సన్నగా తరిగిన కొత్తిమీర-2 తేబుల్ స్పూన్లు

తురిమిన కొబ్బరి-2 టేబుల్ స్పూన్లు

ఉప్పు-రుచికి తగినంత

దానిమ్మ గింజలు-2 టేబుల్ స్పూన్లు

ఇతర పదార్ధాలు:

దాబేలీ పావ్-4 స్లైసులు

మసాలా పల్లీలు-4 టీ స్పూన్లు

వెల్లుల్లి చట్నీ-4 టీ స్పూన్లు

సన్నగా తరిగిన ఉల్లి పాయలు-4 టీ స్పూన్లు

స్వీట్ చట్నీ-2 టేబుల్ స్పూన్లు

సేవ్(కారప్పూస)-4 టీ స్పూన్లు

వెన్న-2 టేబుల్ స్పూన్లు

తయారీ విధానం:

1. ఒక గిన్నెలో స్వీట్ చట్నీ, దాబేలీ మసాలా వేసి బాగా కలపాలి. కాస్త గట్టిగా అనిప్స్తే ఈ మిశ్రమానికి కాసిని నీళ్ళు చేర్చి పల్చగా చెయ్యాలి.

2.ఇప్పుడొక కడాయి స్టవ్ మీద పెట్టి నూనె వేసి వేడీ చేసి పైన కలిపిన మిశ్రమాన్ని వేసి వెంటనే బంగాళ దుంపలు, సరిపడా ఉప్పు వేసి తగినన్ని నీళ్ళు పోసి బాగా ఉడకనివ్వాలి.

3.దాబేలీ మసాలా తయారయ్యాకా ఒక ప్లేటులోకి తీసుకుని దాని మీద దానిమ్మ గింజలు, తురిమిన కొబ్బరి, కొత్తిమీర వేసి అలంకరించండి.

4.ఇపుడు దాబేలి పావ్‌ని తీసుకుని దానిని సగానికి కట్ చెయ్యండి. రెండు స్లైసులనీ పూర్తిగా విడదీయకూడదు. సూట్కేస్ ఎలా తెరుచుకుంటుందో అలా ఉండాలన్నమాట.

5.ఇప్పుడొక స్లైస్ మీద వెల్లుల్లి చట్నీ, స్వీట్ చట్నీ రాసి దాని మీద దాబేలీ మసాలా వెయ్యాలి. ఇప్పుడు రెండో స్లైస్ మీద కూడా వెల్లుల్లి, స్వీట్ చట్నీస్ రాయాలి. ఇప్పుడు దాబేలీ మసాలా ఉంచిన స్లైస్ మీద మసాలా పల్లీలు,సేవ్ వేసి రెండో స్లైస్ దీని మీద పెట్టాలి.

6.ఇప్పుడు స్టవ్ మీద పెనం వేడీ చేసి దాని మీద వెన్న వేసి పైన తయారు చేసుకున్న దాబేలీ బ్రెడ్డుని రెండు వైపులా ఎర్రగా కాల్చాలి.

7. అంతే మీ దాబేలీ రెడీ. వేడి వేడిగా దాబేలీని వడ్డించండి.